松屋日本料理 (已結業)

今晚難得同愛人一齊放假, 想食餐豐富d ge, 原先諗住食buffet, 但由於事前無準備, 所以想食果間已經full 左, 無咩頭緒底下, 就黎左呢度搵料!!由於比較鐘情食日本野, 所以就只搵日本自助餐嘞, 原先諗住搵屋企附近ge, 但睇到d 評價好似油麻地, 愛人又話想行街, 所以就揀尖沙咀區!!第一間搵ge, 就係松屋嘞, 睇到佢個價錢, 百拎蚊可以任飲任食, 的確好吸引, 所以就即刻細閱佢ge 評價嘞!! 見到佢d 評價好壞參半, 但近期ge , 就讚多個彈, 而且我亦深信, 有d 評語好可能係假ge, 例如係d 行家惡意中傷, 又或者可能係其他人要求過, 所以都決定去試一試!由於佢話有時段限制, 所以我地就卜左六點果場, 大約六點三去到, 果時果場都坐左一半, 經理先生安排我地坐張四人枱, (兩張兩人枱拍埋ge 四人枱) 但我地坐落之后發覺張枱唔平, 會搖下搖下, 經理先生一見到, 就即刻叫我地坐過另一邊枱, 原先愛人話唔洗啦, 但經理先生話反正成張枱都比哂我地, 最緊要坐得舒服!! 淨係呢點已經要讚啦, 因為其實佢地都真係幾好生意, 平日之喎, 六點九左右已經開始坐滿客,

同女朋友在聖誕節試過，都幾好，冇網上的朋友講到咁差，雖然三張紙係就係少左的，但的味道都不錯，刺身都新鮮，而服務~我初頭都好擔心服務會好差，但最後又幾好wo,整體我都覺得不錯。亦都無cut單情況，食物亦來齊，唔洗吹。

聖誕節晚上, 一連6 人8:45pm 入座.野食飲品落單後, 好快就送到!最值得一讚的是絕無漏單的情況出現!而且換碟清枱的速度很快!還有, 雪糕有四款, 大家都覺得很好味!=P每人$153　連加一! 百幾元任飲任食, 食物質素已算十分的好了!PS: 某款受歡迎食物如*芝麻雞*可能出現賣哂的情況出現, 所以覺得好食就要快手喇!值得一試!

今曰一共9個人一齊去慶祝聖誕,D洒店自助餐起碼要幾百元一個人又唔是好值,所以打去問松屋幾多錢一位,200元包服務費絕對超值,我覺得D味道都幾好,最印賞D羊扒,串燒,炸物及雪糕,我地個個食到好飽,而我老豆話下次再嚟食炸大腸,無問題,兩個月一次都ok,多唔好,因為怕肥,哈哈!!

今次,是第一次去這裡吃(8:45P.M.入坐)~!!!!服務態度超好!!!最後,我地一大班人走時,他更給我們,他的卡片,而且又幫我們影相~!!!!!野食都好快就到,三文魚都無其他人講得咁差,又夠厚!!!我們都佷吃得好開心~~~有機會,我們應該會再去~~!!!!^^

若在日本食店食串燒，不飽之餘埋單分分鐘嚇親。所以久唔久都會到松屋回味一下任食串燒的槳趣。總括來說，是晚水準有好有壞，最差一定係刺身，吞拿魚三文魚竟然起渣，串燒中規中矩，雞軟骨、牛脷、大蔥豬肉都燒得不錯，但雞翼和牛扒就中下了；今次最有驚喜反而是一向暖暖地的天婦羅和炸物，所有天婦羅上枱時熱辣辣，蘸汁亦是，茄子、南瓜、蕃薯、蝦都好好味，連炸蠔和炸豆腐都甚有水準，total 叫了三round 勁滿足，當然最後還要了4 球芝麻雪糕，為晚餐劃上圓滿句號啦！

因為台灣朋友來港，所以請佢食飯~咁啱雜誌有呢間的廣告，價錢又吸引(仲要有優惠券)，所以來睇睇食評~(月尾前來人數過3人，最好買本忽周，飲食男女有它的廣告，每人平10元or 20元，當然可能其他雜誌都會有廣告or 用期可能會延遲)但我見劣評多過好~我都有點擔心，但在於$$下，都係去試下！首先：迷路(囧)印左地圖都唔知點行，原來係尖東個邊上來仲快=_=")去到門口，因book左8:30第二節，未夠鐘諗住等下啦，點知佢都俾我地開始食~good成晚來講，人客唔多，無爆滿情況出現~不過要為佢平反下囉，d人話佢服務差，但我又唔覺喎~侍應們個個都好好招呼喎~又仲焗三文魚俾我地食~good食物方面：刺身好厚，都幾新鮮，無雪味~壽司方面選擇比較少，無乜特別驚喜(可能可以控制成本)手卷唔錯，我叫左軟殼蟹手卷，紫菜好脆(無叫其他啦，因為本著不能飽肚精神)燒物同炸物方面唔錯，選擇都好多及新鮮，最值得提係每枱都有個竹筒，初頭我唔知係乜~原來係用來放用過的竹簽，一來方便收拾，二來唔會刺親收枱的人~幾細心喎小弟覺得燒蝦幾好味，個殼又咸咸地，幾好味~另外成晚都食毛豆(枝豆)，幾好味~送酒一流甜品有雪糕同布甸，但叫雪糕

今日下午放左學同女朋友行過見到呢間日本野…見佢廿蚊一個午餐…有龍利柳…牛肉包金姑…雞扒飯甘…於是膽粗粗走入去試下啦…叫左個牛肉包金姑飯+ 壽司定食…等左陣…碟飯放係我面前…呆哂…冇聲出…兒童餐黎嫁？！…D飯少到丫媽都唔認得…有5"小"卷牛肉包金姑…懶的骰甘…D汁夠點一卷甘大把啦…個飯又凍又硬…喂大佬…呢個唔係魚生飯呀…我寧願俾貴D要個大份D既…都唔知煮飯果個係唔係同老細有仇…甘樣線佢一獲都有…個待應又恰下恰下甘…拎個飯黎冇匙更…點食丫大佬…食印度菜丫？食到氣結…跟住黎多個壽司定食…有8舊魚生壽司…舊加州卷未夾上黎就係個碟到散左…玩野丫？！想點鼓油…搵黎搵去一個鼓油碟都冇…點食丫？…好似食中餐甘係8舊壽司上面打個鼓油獻丫？…食落口…超唔新鮮…有怪味…重未食完…當女朋友放低對快子同我傾計既時候…個待應問都冇問用音速收起個壽司碟再行左去…女朋友睇睇餐牌…原來重有個面鼓湯送…問完個待應佢走左去…聲都唔聲…呢間野真係盡社會企業既責任丫…正常會出聲既唔請…專請D唔會出聲既…食完哂所有野…飲完杯凍野…個面鼓湯終於黎啦！你都幾搞笑…又係一樣…D碟收哂…又唔俾匙更…最後我地好似去茶樓品茗甘飲個湯…淡到好

11月6日..同男朋友仔2個人都左哩度食...第一次..8點去度...佢地都畀左半價我地(8:45後先有...真係好呀)order野食紙得3張...款就少左d囉~~~但係d野食就幾好味啦....而且出得都幾快呀...冇咩漏單wow....而野飲方面都好好呀...都幾多選擇呀!!!而服務方面都好好呀..個老細仲好好人添呀!!!整左d焗三文魚&魚腩畀我地食...哈哈..好好味家~~~so整體上黎講..真係幾滿意~~~

對於一個香港人嚟講, 呢到100分隔涉, 絕對難搵! Anyway, 食物質素OK, 款式多, 飲品選擇亦多, 我朋友係啤酒痴, 成晚不斷飲啤酒, 咩都抵返晒, 另外, 刺身都算新鮮, 而且價錢抵, 加上呢到唔爆, 雖然佢話只可坐到8:30pm, 但係我哋坐到近10:00pm都無人趕.

都幾好味.....價錢合理....就連服務都不錯.....而且都冇咩漏單....都真係幾好....下次又再尼下先~~!!

好慘!!係d野食等左好耐都唔黎, 不過飲品和平熟食就超快, 你想食魚生同串燒都幾難!! 我吹左好多次都係答我切緊, 等左一粒鐘, 要我們在眾人面前向經理投訴, 才有部分魚生供應, 食物水準好一般, 唔新鮮,服務員好唔專業,無服務態度可言,環境好茶記feel,價錢唔平, 唔明白點解仲有人去,俾呢個價錢, 食d咁ge質素ge野, 仲要受氣,唔知為咩!!!十個人去,一人十個妖, 總共一百個妖!! 唔想再有更多受害者~

同同事食6點o個段時間,我地5點10已經去到,個老闆非常好客,係咁同我吹水,重話俾d焗三文魚我地試,係唔另外收錢既,o個碟野都ok唔錯,幾滑. 整體d野食唔係話勁正,我覺得同一般既放題無乜太大分別,價錢都算係貴左d.除左三文魚生外...重有蝦..但無得你畫架,要你自己問老細佢先寫俾你...唔知點解!? 可能貴d掛...我覺得最好食既都係雪糕,咁就死啦...食日本野最好食雪糕.. 呢間野主要係食串燒同魚生,串燒有好多樣野,真係乜都有得燒,但我有兩串多春魚居然無春!! 後尾同事再叫就有春喎!? 真係呢... 呢間野入到去呢...真係有一陣味架,但係坐耐左就唔覺囉. 我覺得漏單問題唔係咁大喎,好多野都齊,就算遲黎都好少會漏,但食物既味道真係要改善少少喇!

突然間好想食日本野，但可惜心頭好尖咀金xfully booked，所以決定試吓呢間去到門口己經覺得麻麻，好似好舊咁...嘢食方面，款就唔係好多，賣相亦普通....味道亦普通魚生唔太新鮮，食咗幾轉後我同女朋友都有d反胃既感覺熟食都唔好食，只係芝麻鳮翼唔錯..但係服務方面好好，D人好有禮貌，有個應該O係經理既人好識同客人social，氹得d客好開心總括嚟講，我寧願俾多少少去食金X，應該唔會再嚟，因為食物質素唔好

今晚第四次食，亦應該係最後一次。前幾次食完都幾滿意，所以人在尖咀想起食任放題，都會諗起呢間。一入舖就被按排近門口四人枱(一行兩人)，一坐落唔對路，有一股強烈o既酸叔味....就好似我唔鍾意食芝士而行到埋去citysuper cheese counter 陣味，頂唔順，轉入裡面既卡位坐一樣聞到。一開始點壽司刺身炸物等等，三文魚壽司+鮑片+唔知咩貝一齊上碟，好失望，估唔到同上次黎食差咁遠, d 貝好多水，連三文魚壽司都搞到濕左。炸生蠔係完全唔熱，好在都未至於難食。炭燒蝦夠熱、好香，個殼燶d都ok。唔知今日個爐係咪有咩問題，燒任何食物都好多炭屎，整黑哂食物但跟本未熟。我點左燒羊架一件，外面黑而裡面鮮紅，咬唔開...食到咁都冇意思再點落去，轉到雪糕....有紅豆綠茶黑芝麻菠蘿四款....四款試哂味道好好(如果雪糕都難食係咪可以執得?)，但唔該唔好搞到個雪糕球溶到滴哂出黎得唔得-__-"埋單二人連加一$29X , 唉, 笨呀~