松屋日本料理 (已結業)

松屋是我吃日式放題的不二選，以論論質，串燒有水準不在話下(牛脷、雞軟骨、羊扒、雞腎……樣樣都不俗，連帶刺身的款式也愈來愈多，新鮮度亦不俗；至於炸物，水準是甚麼飄忽，一時好脆、一時又成舊粉，吃過幾次後，只堅持叫蕃茄薯餅和天婦羅。特別推介芝麻雪糕，真的好香芝麻味，而且無限次任添，每位只是$142，說著說著，我又蠢蠢欲去了。

今日第2次去食lunch, 見佢都幾底食, $20-25有飯或拉麵, 不過真係令人失望, 將价就貨得好緊要, 完全係冇食量既人都可以食唔飽囉....而味道係一般, 我寧願佢地可以收貴d既价錢黎做d有質素既食物! 另外, 有塊面肥肥地既waiter既服務態度係唔得囉, 用冇表情, 極細聲問人食咩...做得服務性行業, pro d呀唔該..

早兩個禮拜同友人去吃任食, 雖然有預先訂位,但去到竟然安排我坐燒烤廚房門口, 仲話其他比較遠離廚房的枱都有人坐, 冇得轉, 最後只係轉坐隔離枱, 好過做直接做抽油煙機. 如果係咁, 早知我唔洗訂位啦, 反正冇訂位的情侶反而可以兩個人加紮花坐張六人枱.講番食物, 芝麻雞翼最出色, 入味又香口. 串燒雞軟骨, 番薯, 大腸都好好味, 但冬菇就燶都上枱, 羊扒就好un.自己唔食生野, 所以唔知刺身係咪ok.任飲最好都係罐裝汽水友哥認得我地係熟客, 就醒張自制六折咭俾我地, 張咭其實係舖頭張咭片然後佢自己畫隻龜上去,不過我地埋單時,我地show俾個女職員睇, 佢個樣好無奈, 要問番友哥先俾個六折我地.

今天和男友去吃晚飯,因為有buffet club的coupon有一位人頭免費.所以收了正價238一位另加一我唔知佢有冇做其他折扣.我打電話去問時.佢話折190.4.(即係八折)野食唔算好多選擇,但都夠.而且可以食得好飽有串燒,有熟食,有壽司,手卷和刺身服務好好,個個都很有禮貌和友善食物上也很快,也會留意你面的空碟..幫你處理只是最後埋單時,佢話我地冇俾張coupon佢有點激氣因為係我地一入門口時,位女侍應已經收佢自己不知放到那裡去了,雖然最後佢照計免一位人頭但還是叫我如果找回便交給她(好似我特地收埋咁)(呢度比較激氣,如果唔係整晚的感覺都很好)只是唔算有些咩貴野食.收呢個價算貴d但亦不失為和朋友談天的好地方環境都ok.只是人也多.但也坐得舒服就是了

其實松屋我食過好多次﹐中環﹐尖沙嘴中心同呢間都食過。前排約家姐食飯﹐家姐揀左黎呢度。睇張紙﹐D野食少選擇過以前好多。魚生OK新鮮﹐串燒都唔錯﹐但係可能燒唔切﹐後尾成籃拎出黎再排。串燒有D真係用爐燒﹐有D就係用火槍﹐D味係唔同D。野食黎唔齊﹐成日都要再叫。最後叫左魷魚sashimi但係話賣晒。走時又見到仲有。甘即係點呢﹖有D失望。

上次食過學校隔離的松屋魚生飯, 覺得唔錯, 今日又再食過一個餐, 有麵豉湯, 有蟹子沙律, 有佈滿魚生的魚生飯, 魚生夠新鮮. 唔錯唔錯, 加埋一, 成為$85.8 可惜我要趕住返學, 如果唔係我會試下佢個自助餐, hm, 下次啦!

之前係尖沙咀舊鋪食過好多次,覺得舊鋪的環境,食物,服務非常好,但今次去新鋪試下,發覺食物d質素差左,d女侍應d服務態度勁差,上碟時係好大力放左桌上,有好幾次因為咁樣上碟,差d打瀉桌上的飲品,d女侍應果樣係擺明唔願做咁,求其呼遺我地就算,我非常唔滿意d女侍應服務

未食過咁熱既串燒,原來有3個職員企係個幾尺長既爐邊係咁燒係咁燒...除左一般串燒外,重有燒大葱、白菓、大葱黑豚燒等,熱得黎又唔乾,又香又好好好好味O^^.刺身就普通D,勝在夠新鮮,上得快,抵讚既係冇漏單,寫幾多件黎幾多件,證明師傅做野認真冇甩拖.飲品有七款任飲,一定要試下個薑茶,真係好夠薑薑呀!!ORDER紙乾淨企理,唔會好似大久保D紙擦到花碌碌見到就反胃.再讚下佢個TOILET乾淨寛敝,唔似青葉咁迫到轉唔到身,但走廊放左好多雜物,要扣分.網友話喱度似茶餐廳,可能係WAITER著普通T SHIRT開工,改下個LOOK自然好D LA,改用D 比較特式既餐具,一定有分加,我坐長梳化位,幾濶落,入邊散坐多路口位當然冇咁舒服LA,但已經濶過大盛D位好多好多.....WAITER質素好參差,MOK口MOK面,有待改善.今次6週年有COUPON,好抵食!!希望下次再黎,KEEP 到水準,缺點冇哂就好LA ^^

星期一晚，我同一班同學一行十三人去位於尖沙咀Austin Road的松屋食自助餐。一入到去，店員已經好殷勤咁招呼我地，仲幫我地落單，推介正既食物比我地。雖然裝飾唔算係好特別，但真係坐得好舒服。d刺身、雞翼真係一流，未試過食過咁正既雞翼，一定要試。其他食物既質素都係好好，唔係平時食開既餐廳比到既質素。店員又好風趣幽默，唔會比個好cool既感覺比你。食左大約三個鐘頭，十三人對松屋都讚口不絕，值得推介，並非樓下講到咁差。

我覺得所有食物都ok喎有人話好多野都冇刺身, 其實你可以刪掉壽司個字, 佢會齋上刺身比你的, 例如: 甜蝦...有時我覺得你可以出聲問下人, 就唔駛誤會人地冇啦....同埋d侍應服務態度一流, 值得一去再去呀

　　去之前，上左黎睇，但見d 人都俾比較差o既評語，所以都有諗過唔去，但夜晚任食有半價，因為價錢，所以姑且都試試啦…　　帶住「戰戰兢兢」o既心情入到去，早左少少到，所以要等一陣，d 店員都好好招呼，講返情況，卡位客人埋緊單，等一下，可以羅住汽水飲先…　　入到去，個卡位好闊，可以坐到六個人，但我地兩個人咋，所以坐得好舒服，雖然裝潢比較簡單，只係一般o既餐廳咁，但感覺都好乾淨…　　刺身、壽司、其他都好好味，最好味o既係串燒，真係即時用炭火燒出黎架，仲可以聞到炭燒o既味道，唔係好油，好食…不過可能有d就會乾身左d，例如蕃薯咁…炸蠔都好香、好好味，好味到食完忍唔住再叫…　　另外服務真係唔錯，上菜速度ok，收碟快，個侍應見你個樣有d 異樣，都會走過黎招呼，好好禮貌…最後仲有個人比左張六折比我地添…　　總括黎講，食物好味，但種類唔算多，但值得再去食…

雖然店內環境裝修普通，但係d食物質素幾好，尤其係串燒，味道好好。刺身方面d拖羅唔錯。飲品方面都幾多選擇，汽水一罐罐上。職員好有禮貌，夠主動。會再去多次!

有次經過發現岳飛餐廳已經變咗一間日本料理, 所以就去試吓食lunch.佢地個門面都幾日式, 點知走到入去就真係完全唔掂, 正如其中一個食評所指, 仲衰過茶餐廳(依家好多茶餐廳都好講究裝修架), 招呼都ok, 不過食物就唔多掂. 午餐定食最平都要$50, 叫咗燒雞定食同燒鯖魚定食, 雖然好大份, 但唔熱, 味道亦幾差, d雞皮燒燶晒, 連雞肉都有d燶味, 鯖魚顏色死實實, 亦唔好味. 甜品有雪糕, my favour, 一般日本雪糕都好正, 但呢度既綠茶雪糕得個甜字.而家午市有七折, 計起上黎最平的定食係$40, 但係咁既環境同食物質素, 同區黎講好多地方好過佢, 好似Shabu Shabu, 新大壽咁, 我諗我唔會再黎. (當日有好多學生係度食, 因學生餐好似廿零三十蚊, 我諗呢度可能會變成學生飯堂)

一進門就覺得有點茶餐廳feel,有d檯仲係摺檯,完全唔係我想象中既自助餐。而且很多人,座位好近,好逼。飲品有7款任飲,食物都ok!三文魚刺生都幾肥美,串燒係即燒都算熱辣辣。大致上食物唔錯!不過唔似二百幾蚊位既bufflet!是晚請了一位生日朋友,十人每人hk$230。

雖則啲魚生係新鮮...好多時叫乜冇乜... 唔會再去同埋個view 勁似一個好臨時o既飯堂咁..咁o既價錢好似太過求其