松屋日本料理 (已結業)

是日同朋友慶祝生日… 之前都係openrice 度睇過d食評… 個comment都係話service 唔好… 我地book左臺6點半… 6個人佢比左張car位我地… actually都迫迫地...不過close...講野開心d… 佢將d食物分成3類… 刺身魚生個d一張order 紙… 串燒一張order紙...其他熟食又一張… 刺身方面… 一般放題有既佢都有… 佢d鮑魚都幾好味… 壽司…. 我地叫左個軟殼蟹手卷… D紫菜都好"lum"… overall d 魚生都算新鮮… 至於d串燒… 都幾好喎… 豬頸肉...雞軟骨...雞骨腸… 都ok… 佢都幾多choice...不過我地冇試晒… d燒蝦就好唔ok… 因為d蝦好唔新鮮… 至於其他熟食… 炸蠔...雞翼… 都幾好… 至於飲品方面, 除左可樂之外, 仲有d什麼芒果紅茶, 水蜜桃紅茶… ( 好糖水feel… )_ 最後就係dessert啦．．．　佢有張紙比你order… 可以選幾隻favor… 我以為有特別．．Mix 埋ｄ野．．　原來只係比多個球你．．．　仲有樣得意野．．．個老闆無啦啦走埋推介焗三文魚．．．話好正．．．　我地冇拒絕啦（雖然

(6月25日) 今晚本來一心一意想請位朋友食日本餐,慶祝佢將轉份新工.點知搞到朋友食得唔開心.(一)魚生太細塊,唔新鮮(二)熟食普通,唔夠熱(三)枱與枱之間太密,太迫,無空間.除咗雪糕之外，其他嘢都好難食.唔值呢個價錢.我哀求我朋友食多少少,佢都"令"晒頭.我仲諗住同佢慢慢食,所以book咗"全段",貴D就貴D.點知佢唔鍾意食.我地終於由7:15pm食到9:00pm就走.本來抱好大祈望,點知最後換嚟係一餐"失望嘅昂貴晚餐"

真是非常貼題的時段 ... 歡樂時光今天一行七大一小到此店晚膳，服務員殷勤，食物多味道好，總之OK 唔錯！以今時今日左香港以這樣的價錢食這樣的日本放題來計，算時超值了 ...！一入座首先老細殷勤地招呼及奉上祕製的焗三紋魚 ~ 一字記之曰 ... 正！和隨手烹調的雜菌類也是不錯，及剌身肥美，串燒品種多味道唔錯，飲品亦唔小家都是罐裝的上枱及其雜飲類和啤酒應有盡有，甜品有馬豆糕和雪糕單球或雙球，由其是波蘿味的啖啖有絮波蘿，都係果句 ... 正！但 ... 可能是大家太富足開懷所致，歡樂時光時間又到了，服務員問 last order 時才知差唔多夠鐘了，但這時大家已肚滿腸肥不須再落單了，跟住便埋單鬆人，走時己見座無虛設這証明今天無選擇錯誤了 ... 今餐實在是 ... 富足 ~~ 富足 ~~ 太富足了！

滿懷期待來到，原來如此！失望而回，又不至於。好吃的：各味雪糕不錯。 雞串燒也可以。羊扒真係OK，但好肥呀。需要改進：-收費不清晰，(18:00 - 20:30)原價＄255，6折後$153，加一是原價$255的加一，即$178.8。由坐落到埋單，都沒有解釋過如何收費，作為消費者，梗係要主動問啦。- 三文魚刺身好多筋，唔夠新鮮。（可能各人口味唔同，我吃了幾塊，吃不下了。）每一塊都是三尖八角的，好似係D頭頭尾尾。- 刺身品種少，得7樣。三文魚、吞拿魚、劍魚、馬X貝、X魚、鮑片。 壽司手卷品種也少，去到度，都唔知食咩好。$178/人，雖然在尖咀不算貴，但唔多野食。之前咁多人話好，先去，結果，有失望。其他燒物，品種多，有D可以，但想試食的不多，不吸引。- 唔知放題的出品是否與直接order的出品有不同？

前幾天,和朋友一行五人黎這裡食晚餐,約晚上九點入座,有優惠~每人$135左右首先我們點了魚生,有吞那魚,三文魚,魷魚等,魚生幾大片,也很厚,而味道鮮味,沒有半點血腥,唔新鮮的樣子,於是耐唔耐又叫一些;炸物大約叫左蝦天婦羅,炸蠔,炸海鮮卷(炸蟹蚶),印象中炸得唔差,以蝦天婦羅為例,外脆內軟,也是剛剛好的熟,同時不太油膩.....另外店員介紹了 "野菜海鮮燒餅", OK的燒芝麻雞翼,燒牛舌,金菇牛肉卷,雞軟骨,等料理樣樣都叫少少,味道唔錯.不過冇叫烏冬類....Sushi叫左10件左右,壽司飯鬆左點,一筴就散飲品ok,我叫凍芒果紅茶,都幾大杯;而朋友叫Asahi,果時不用加$8.....甜品有雪糕,我叫左黑芝麻+綠茶,不錯的令我印象深刻的是,有位店員每檯都介紹一客焗三文魚,那客焗三文魚是很好吃的服務方面,店員幾好招呼,不過中途有漏單,但後來陸續補番.....原因係班師傅開會.....?這餐我覺得唔錯,下次會再黎

在Book位的時候，受到不禮貌的對待，明明是松屋職員的錯，但卻要推卸是我的問題，所以我對松屋的第一印象已經很差，詢問有關時段的收費，得到的答案卻絕不清晰...我和男友book了兩位於8.45p.m.-11.00p.m.時段，地點很偏僻，找了很久才找到，8.20p.m.到達，很好的被安排了入座二人，不用第候至8.45p.m.，和男友快快的點了食物，很快的便送上，但到了半段的時候開始出現了漏單的情況，點了多次吞拿魚刺身和羊扒，卻沒有送上...食物的種類不算多，但每樣食物都尚算新鮮，味道也算不錯！由於胃的容量有限，所以這一次沒有吃壽司~二人合共吃了以下的食物：刺身：三文魚、吞拿魚、魷魚(吃第二輪的事候，魷魚變得很腥臭...)、鮑片手卷：軟殼蟹牛油果手卷(如果軟殼蟹是熱的，味道該會更好！)、鰻魚手卷串燒：雞軟骨、雞棒、豬頸肉、七味燒雞(難吃)、羊扒炸物：炸蠔、天婦羅蝦、蕃蘿、芝麻雞翼、海鮮卷、豬大腸其他：麵豉湯、牛肉烏冬、叉燒拉麵甜品：抹茶(好味)、紅豆(好味)、菠蘿、芝麻飲品：芒界紅茶、蘋果綠茶、凍柑桔蜂蜜、熱柑桔蜂蜜(所以飲品的味道很淡)、百事可樂、啤酒(難飲！)環境：我們座位對上的冷氣

睇見呢間日本料理有咁多食評終於都有機會試下喇~~今晚我地一行4個人因為朋友有vip card 所以有得平入到去一坐低就有服務員問要唔要飲品仲問要唔要食住d魚生先~~~又問我地知唔知道呢間料理最好的食物係咩仲話要記得試佢地的焗三文魚如果要食好野就記得搵佢呢d咁的服務態度今時今日黎講真係冇得彈而全晚最欣賞的係"露筍豬肉卷"和"羊扒"~~那個服務員仲介紹左我地食"白汁焗貝"~~佢話呢d焗貝係由佢地五星級的廚師整~~有酒店級的水準果然係唔同d喎~~~kaka~~百幾蚊一餐的日本放題算係ok喇!!!不過有部份的食物大咸同味道太濃...對於唔食得太咸的我就有點不適合lu....呢方面就要有待改善!!飲品都有好多種類就我地揀~~雪糕...味道好特別....好好味~~

以前都去過2次,覺得都ok架~不過今次同2個知己去食,就覺得係最滿意的一次!!!!!!!!!以後一定要介紹多d同事,親朋好友黎食~因為真係超級超級正呀^^一入門口,d侍應就好有禮物咁招呼。一坐低,個老闆就走黎介紹佢地既新菜式,跟住拎左個用錫紙焗既三文魚比我地食,佢果然無介紹錯呀~真係好美味呀@,@仲送左d抄什菇比我地,令我個視菇如命既朋友流晒口水潻......呢個什菇抄得好香口呀!!!!!!!仲想再要既時候已經無晒喇~真可惜~唯有食其他野啦...因為呢度都仲有好多好野選擇既。例如老闆推介既燒烤四寶~牛利,羊鞍,雞翼,雞軟骨,都好好味~而炸物有炸蠔,天婦羅蝦,芝麻雞翼等等...而我最鍾忒就係三文魚刺生同雪糕喇~雪糕有芝麻,紅豆,綠茶,菠蘿,我每隻咪都有食呀真係值得一讚!!!!最後同朋友要抱住個肚走呀~哈哈^^

闊別了一陣子的松屋，昨晚在滂沱大雨下鑽了入去。熱情的友哥一見我們便問為甚麼咁耐都不來，又叫我哋快啲去試吓銅鑼灣店，因為裝修得好靚喎。坐下後，先要了兩罐 asahi，然後就點了三文魚、吞拿魚、劍魚刺身，三文魚和吞拿壽司，刺身今次切得特厚，而且有筋，吞拿魚啲肉質有點霉，不是太好。跟著便主攻串燒，離不開牛脷、雞軟骨、雞腎、冬菇、粟米等，千祈唔好叫銀杏，每次點都總有一兩粒是苦苦地。串燒依然燒得出色，只是牛脷落得太多黑椒。跟著，友哥拿來了一份蒜茸炒什菌，蒜茸味超香濃，不錯。是晚我們還點了天婦羅、炸蠔等，味道不過不失。最後當然是極之美味的芝麻雪糕，男友還試了菠蘿味，後者淡淡菠蘿肉，好清好香。

2008年5月19日 大約七點九去食，一開始未有人 D 單都尚算可以，之後日多就開始漏單都幾嚴重，後尾全部一齊黎，有無叫都黎 D，投訴當然方程式回答 + 無改善，員工亦唔算好老脾。服務態度一般以下。食物方面，刺身唔太新鮮，雖然厚身但絕對說不上好食，壽司似乎太酸，飯亦非常鬆散，串燒水準會較好，炸物亦是一般以上。飲品雖然任飲，但係只係汽水同金桔蜜等等，任飯啤酒只限 Blue Ice，建議加八蚊換大大罐 Asahi 質素好好多。每位最後一人 155 蚊左右，質素有如旺角級，但在這個地段不算昂貴。

坦白說任食要求不能太高刺身,壽司可以好一些但這家串燒不錯2小時任食上菜速度亦可以接受4種飲料及日本啤洒任飲記得提早叫他們少冰期待他們進步因為想再去食串燒

今日放假出左去同朋友仔行街食飯,朋友仔問我有咩好介紹~~~咁我就諗起呢間餐廳(因為我記得佢好似都幾多人話好食)因為未去過,所以要一路行一路搵~~行左大半個鐘,兜左成個圈先搵到佢>.< 去到喇~~~入到去坐低d哥哥好有禮貌咁話比我地聽點收費,咁之後我地就開始左接近兩個鐘既"黑洞大作戰" 先黎魚生~~又係果d啦三文魚,吞拿魚,立魚(以上係一舊咁上既),鮑魚同馬刀貝(呢個正常d,係一片既)魷魚(呢個勁lor,係一條條咁上既幼到飲管都粗過佢)再黎天婦羅(呢個竟然係凍嫁),串燒果d啦(ok咁啦)正當我地諗住入紙叫野食果陣,有個黑衣人見到我地舉手,就好快咁拎轉頭,當睇我地唔到lor~~結果舉左5分鐘先有人黎~_~""差唔多夠鐘果陣d哥哥問我地有無野叫,咁我地就話d野食未上晒,佢就話幫我地check單,結果最後到我地埋單都唔見有野上黎lor最出奇既係個黑衣人,見我地夠鐘埋單就9秒9一個箭步仆到咁黎lor~~~ 一口一""總括黎講呢間d野又少又唔好食,仲要行到鬼咁遠,早知係咁,我寧願去x板好過la~~~

男朋友生日, 諗住同佢食番餐好~ 上網見e間d食評唔錯, 就試下啦~食9:00pm 自助餐...(第一次去)門口就幾靚, 一入到去...環境比想像中冇咁好, d 野食一般, order 好快送到, 冇溜單但反而比oder既數量更多, 冇接受到特別好既服務...自己比較喜歡慢慢食,傾下喝, 得一個半鐘頭真係好唔夠,之前又冇留意到得咁少時間, 所以覺得食得好趕...唔夠舒適(比較起自己以往去過果d放題)下次都應該會試下其他

和babe剛巧路過，就進去吃個set dinner吧，其實也沒有什麼期望。要了兩個setset one:三文魚刺身- okay雞肉加雞軟骨串燒- 不錯，熱辣辣，雞軟骨很好吃天婦羅烏冬- 烏冬只是噹噹烏冬那種，天婦羅有兩隻蝦(頗細隻)、南瓜兩片，還有一款蔬菜(忘了是什麼)，不算油膩set two:軟殼蟹手卷- 紫菜不夠爽、軟殼蟹很細小燒雞翼拼栗米- babe說不錯咖哩豬扒飯- 豬扒炸過龍了，個汁味道普通甜品- 綠茶雪糕- 不太好，完全沒有綠茶味，而且雪過龍，入面有冰好處是，六十多元有那麼多東西吃，食完真的很飽。服務麻麻地，侍應安排坐位較慢，胡亂將食物放在客人面前，不問誰是誰的，又不主動收碟。

星期三晚因有buffeｔclub　coupoun買一送一先去食，訂位已講明會用coupoun，時得知分兩段時間，6pm-830pm，845pm-11pm，朋友最早都要8點先到，所以book左第二節，佢地話用coupoun要收原價，每位153當日埋單先知原來$153/位已經係買一送一連加一既既價錢，平日（一至四）原價要$255/位連加一，唔用coupoun反而就有折，都係$153位，即係用唔用coupoun都一樣價錢，佢地話用coupoun可以食全段時間6pm-11pm,價錢一樣，但book位時個職員完全冇提過，即時有被騙既感覺．雖然＄１５３位既錢都算合理，但對於用coupoun先會去幫襯既人似乎有ｄ取巧