東記上海麵

營業中

休息中

每次旅行後返黎一定要約friend子聚聚，但同時去完旅行荷包必定大出血，係呢d拮据嘅情況下但又想試下好野，就揀左馳名大埔熟食中心裡面嘅東記上海麵+炸豬扒❤️❤️我食的是炸菜肉絲上海粗麵拼炸豬扒，友人食的是墨魚丸上海幼麵拼炸雞翼，兩人食就可以一次過滿足哂兩個願望☺️☺️既試到大大炸豬扒，又可以試到香香炸雞翼。豬扒大大份，炸得酥脆，炸漿薄身，食落肉質鬆軟，唔會痴牙，肉身又厚又腍，好味而雞翼就食落唔太特別，雖然食落滑嫩，但無豬扒咁香口，可能醃料問題。但上海粗麵真心唔太得，已經發漲，太爛身，加埋炸菜肉絲都無咩味，湯底淡到無咩味🙈🙈🙈好就有兩條菜心，green下健康下......😂偷食左粒墨魚丸，食落彈牙，但無咩墨魚香味，而幼麵無偷食，就唔知啦🙊雙拼1：炸豬扒拼炸菜肉絲上海粗麵（左）雙拼2 ：炸雞翼拼墨魚丸上海幼麵（右)共：$64

今日中午去左大埔墟街市東記上海麵度食個非常出名既大大件脆豬扒加竹筍肉絲粗麵先竹筍肉絲分量非常多，竹筍煮得好入味好爽口咬落去時重有好多汁流出，豬肉絲就 普普通通，不過食落去都好有口感唔會淋支支有肉味， 粗麵份量好似少咗啲， 蛋煮得剛剛好唔會太淋， 連埋竹筍肉絲一齊食非常好食，主角留返最後先食，大大件脆炸豬扒分量十足，每一塊都係厚切豬扒同炸得好均勻， 愛面脾炸到好香脆， 但入面有唔會太乾還有啲肉汁， 一啖豬扒一啖粗麵 豬排嘅香脆同肉汁令到D麵 生色不少， 不過呢度最失色就係冇飲品提供， 要喺隔離左右我快過你飲

週日下午茶時間去到，要等位。菜牌簡單，沒太多選擇，人人也是為了炸豬扒和雞翼而來，但吃麵可以豬扒或雞翼，拼牛腩/炸醬/菜肉雲吞等, 會豐富一點。炸豬扒和雞翼都是即炸，要等十五分鐘才有得食。隔離鋪的城仔記就在這空檔裡sell飲品，遂點了紅豆冰，15元一杯，奶味足, 豆味夠, 但豆不夠林。豬扒和雞翼跟麵分開上，賣相不錯，豬扒份量算大，雞中翼則有四隻，菜肉雲吞也有四隻。可是一試上海麵，湯底無味，麵一咬即爛，雲吞更爛得像豆腐渣，餡料只是一咬即散的碎肉和碎菜混合物, 毫無彈性, 只能說很難食。豬扒咬落乾硬鞋口沒肉汁，醃得夠咸但沒肉味, 唯炸得頗香口。雞翼相對算好，皮脆肉嫩, 合格。

每次去親大埔熟食市場，每次都話要試下其他檔口，但每次都會走左去東記，每次去東記都想試下其他食物，但最後每次都一定只會叫豬扒麵。😂😂佢份豬扒超大份，即叫即炸，厚肉又夠juice，醃到入哂味味道又唔會太咸，唔會炸過火會韌，不過食完咁大碟炸豬扒，記得飲番杯涼茶清清熱氣呀。😆如果好肚餓可加個淨雲吞，24蚊有12粒咁多，包你一定飽。雲吞皮夠哂薄，菜同肉各半，一粒一口，個湯底飲完又唔會口乾。*提提你，呢到好爆好多人架，每次起碼都要等30分鐘以上，所以唔好等到好肚餓先去。😜

豬扒粗麵第一次到大埔墟街市覓食, 羊群心理下, 見到東記多客人➡️那就去東記啦約30分鐘後, 豬扒粗麵來了, 黃金色炸豬扒, 炸漿很薄, 完全不會抗拒, 同時肉質鬆軟, 的確好味但粗麵可能一早已準備好, 麵已發漲...

一上到大埔墟頂層熟食，已經好開心好多店舖，好多選擇，最後因為呢間人最多，羊群心理之下，哈哈…坐低左。因為帶住BB既關係，我選擇豬扒放棄雞翼。個麵係同豬扒分開放，老實講麵冇咩特別可能系我走左配菜既關係。但豬扒就好味到癲喇，外面脆蒜惹味又香囗，肉質好軟好嫰完全吾痴牙連分開比BB都吾冼用剪剪又匙同筷子就搞掂。如果佢咁既肉質整成吉列的話，完全有致身日本食靚豚肉既感覺。

第一站，大埔熟食中心- 超犯規厚切炸豬扒+ 下午茶前就賣光 大埔人氣西多士很多有留意睇過bagel食記的孩子們，也知我很愛在熟食中心中尋食。 因為熟食中心好多時都有好多臥虎藏龍，好容易就會發掘到令人wow 岀聲嘅食物。去嘉道理農場，需要坐 巴士，咁巴士站就係熟食中心前面，食飽先去行山，咁先有力家嘛！說到大埔熟食中心的人氣餐店，一定非東記上海麵莫屬，大大塊金黃酥脆嘅炸豬扒，絕對惹人犯罪！十二點半來到大埔熟食中心，人流應真多，找到了東記上海麵埔的位置，可惜人太多，屬於東記的座位已經一早爆滿。要等位？No! 要失望而回？ No! 要食過呢一間？ Ai! 岩一半啦！ 雖然熟食中心的枱是有被劃分了特定的枱號，坐係人地舖頭嘅枱凳，就一定要幫襯佢地，但係！無話唔可以食其他舖嘅食物！Bagel在東記上海麵隔離的舖位前找了個位置，坐下後點了一樽可樂，這可樂就變成在熟食中心的通行證，可以自由買店以外的食物。先到東記上海麵，店家的招牌有兩款，一款是炸豬扒，另一款是炸雞翼，除此之外，還有不同的餸類，如雪菜肉絲，竹筍肉絲等。 點了一碗炸豬扒竹筍肉絲幼雙拼上海麵$24。 既然單點豬扒和雙拼同價，當然是點雙拼的了。

曾於大埔生活接近20年，但到熟食中心尋食的話，5隻手指數得哂! 記得仍是小學生的我，很怕到熟食中心吃飯的，新大樓 (熟食中心) 仍未建成前，當時的熟食中心正躲在大埔臨時街市旁，要到熟食中心，總要經過那濕漉漉的街市門前，尤其晚上到大排檔吃飯時，也曾見過米奇老鼠於街市穿梭，弄得年紀小的我，有着深深的陰影. 現在就不同了，自2004年新大樓建成，食店搬到現代化的大樓，環境比以前好得多了. 但仍然沒有興致內進尋吃的.但人就是很犯賤的，這次難得回大埔，本想到許記吃醉雞麵，但人身在大埔墟，思前想後，決定到就近的熟食中心吃豬扒麵.時間已經很晏，差不多下午三點，熟食中心人流不多，但是東記卻仍然有不少食客，但我們2人也幸運地可以獨佔一餐桌，不用與別人搭枱.食物款食不算多，都是豬扒/ 雞翼再配搭雪菜/ 炸菜/ 雲吞/墨魚丸之類的上海麵，單/雙拼同樣是$30.豬扒拼菜肉雲吞上海粗麵 ($30)東記馳名炸豬扒，來到怎可不吃. 可惜當日豬扒只是暖暖的，不是即炸，入口溫溫吞吞，而且乾爭爭，沒有肉汁，很是失望.至於菜肉雲吞，雖然外皮已浸稔，但肉餡菜多肉味，富有菜的香味，味道不錯. 上海粗麵比較稔亦斷成一段段，可能是

週末若是要來大埔接仔或是買餸，大埔街市熟食中心永遠是我們食早餐/晏晝飯的不二之選。而且因為太太茹素，而大埔街市內亦只有一間小店有素食的粥粉麵提供，所以我們永遠都會坐在相同的位置。就在這一個位置附近，有一家馳名港九新界的上海麵店，而且幾乎是獨沽一味，因為10個有9個都係叫豬扒麵的，我說的馳名港九新界老字號叫什麼，叫《東記上海麵》。說上海麵，街市內其實有兩家，《世記上海麵》同《東記上海麵》，兩者都同出一系，而《世記》，據說更是嫡傳的字號。不過，由其兄弟掌管的《東記》若要細心比較一下，其實是稍勝《世記》，加上對我來說就腳，所以是次，我只推《東記》。來到《東記》，我獨愛的始終是上海粗麵，偶爾叫過幼麵，給我的是廣式的生麵，感覺完全不配合，所以我每一次來，幾乎都是吃粗身的上海麵。《東記》的麵比較韌身，入口彈牙。湯底普通就夠，因為成個麵的主角並不是他。主角就是上海式的炸豬扒，炸粉只是輕輕的一層，帶骨肉肥美，而且入口亦不會令你吃出一口油。肉香，外層帶點脆，吃到帶點脂肪的部位，更加香口萬分。不過，單是吃豬扒，其實係幾乾下，沾一沾麵湯再食，才惹味。街市的上海豬扒麵，我揀《東記》，原因，除好食外，也是一個我

今日幾個人唸住入大埔行下, 咁一入到大埔, 當然係唸住去食下東記o既大豬扒 & 雞亦麵架la, 都預咗等位, 去到時大約下午3點, 等咗大約15-20mins, 都ok, 但叫咗食物, 一等就是30mins, 不是吧, 之後就麵先到, 本人叫咗河粉, 朋友叫了上海麵, 一食....直頭想倒咗佢, 河粉就硬的，朋友話上海麵是林到爛的, 而湯底只清淡如水+蔥咁..再等多大約8-10mins 主角豬扒 & 雞亦終於到了, 雖然味道仍然不錯, 但整体水平下降咗好多, 仲要賣$30一碗, 真失望. 

抵食又好味既豬扒面！豬扒新鮮炸到酥脆香口，三十零蚊仲可以揀多樣送tim!我揀左肉燥，都唔錯！如果淨豬扒面既話會有兩塊豬扒，好味但熱氣到爆。。不過d送好快賣曬，解議可以早d去

天還是下雨，便到熟食市場探奇。走了一圈，看到串燒店，麵店，但這家麵店以往看過好評，便來嚐嚐。豬扒未如心想般美味乾、無甚肉汁、不夠肥美、不鬆、欠新鮮，痴骨部分經已較佳，但還是挺乾，往日資料搜集還對這家麵店期望甚高。。。期望又一次落空雖說茶餐廳用太多鬆肉粉，會令雞牛豬扒變得口感沒差，但也不能任由豬扒乾曾曾、又不鬆化而不處理，本人認為應在鬆肉與美味之間取平衡。雞翼較佳，大隻厚肉但不肥膩，中間不乾，含肉汁。大大隻雞翼，一份四隻之多，其實份量不比豬扒少，豬扒切開都是四件左右，但又乾又沒汁，下次不會再吃。麵條沒特別，粗麵都是軟綿綿，還有點點散。其實可以說是難吃，自稱上海麵店，但粗麵竟比車仔麵店的麵還差。原來對正店子左邊才屬位東記，吾等坐了右邊位置，那是旁邊店子的，便被迫叫飲料。茶走雖茶味濃郁，卻嚐不到煉奶甜品。

以往在學的時候偶爾會來吃雪菜豬扒麵很久沒光顧,,突然想食,,於是前來吃喇~~一別以往的點了墨丸豬扒麵麵還是選了上海粗麵~~粗麵不會煮得太稔,,軟硬度適中湯底依舊是沒什麼味道的~~將豬扒浸一浸~~就會帶點油香味!!第一次點墨丸,,好後悔!!!是超難吃的墨丸...一點墨魚鮮味都沒有是不像墨丸的墨丸!!以後還是點雪菜算吧!!炸豬扒炸得鬆脆,,酥香又帶點肉汁不會炸得太乾!!還是炸豬扒最好吃~~!!

<美中不足的豬扒麵 - 東記上海麵>想試呢間大埔墟街市既豬扒麵好耐，難得放假遠道來一試。點了豬扒麵及雞翼麵，$29份，超大碗，豬扒大塊到要剪開再疊兩層，炸得香脆，醃得入味咬落軟熟，的確極美味；雞翼竟然有五隻咁多，一樣香脆炸得岩岩好，無得彈。我最愛的麵食便是上海粗，人人都話呢度好味對佢期望甚大，點知一試佢既麵淥到腍哂，一點咬口也沒有，一條條好似粉皮咁，可以話係極難食，扣哂分。這兒淨食豬扒雞翼還可，看來也沒有下次。我的飲食FB:smallsmallsmalllin

久聞大埔墟街巿既炸豬扒麵好出名，响殺入街巿血拼之前，就黎呢度先補充能量。一去到就見到門口大排長龍，東記只做麵食，如果你想飲野就要响隔離果檔叫喇！我要左個豬扒米線，嘩！一黎到嚇死我，咁鬼大碟豬扒，但我覺得豬扒有怪味，唔知係咪醃料問題，脆漿問題，定係ｄ肉好唔新鮮，唔新鮮我預左，廿几蚊碗唔寄望有新鮮肉，但如果係好唔新鮮到臭，就真係好大問題喇，我食左一塊就冇食，而米線就淡而無味，沒有湯底可言，唔怪得隔離枱個個都加雪菜或炸菜啦！總括黎講，我覺得係好難食既！