東記上海麵

營業中

休息中

洪記收工、欽記無開，咁試試東記既麵啦。上次試左豬扒雞翼外賣，見到經常排長龍，今次都唔例外，阿姐話坐低要等半個鐘先有得食呀！炸豬扒，炸得好靚喎 ﹗金黃香噴噴，即叫即炸熱騰騰，炸粉鬆軟散發出酥香，豬扒入味香甜，豬味香濃，質地有嚼勁而帶肉汁，高水準。炸雞中翼，普普通通，無咩特別。炸得略為乾硬，唔難食既，味道居然跟豬扒一模一樣喎 ﹗可接受。炸醬麵麵走蔥，完全誤會晒囉，我心諗既炸醬麵係潮州橙色嗰款，依隻係上海？炸醬點解有芹菜既？股草青味太利害，我完全食唔到呢，唯有全數過比朋友仔處理掉。幼麵係較腍同嚥韌既麵，有少少似平記竹昇麵口感，咁奇炸雞中翼、炸豬扒、炸醬麵走蔥、辣椒油，最好食係豬扒，其他麻麻。

炸豬扒，即叫即炸，熱辣辣又香噴噴呀 ﹗勁多人排隊。東記豬扒好好味喎，鬆化軟墊，多汁又香口，醃得夠入味。世記太乾太硬，而且太多炸粉喇！第一次試，朋友仔無介試錯喎。炸雞中翼，依個味道就比夠大路穩陣，唔會話難食既。都炸得香口，略乾左少少，味道還可以，但感到有點濁。豬扒雞翼雙併多謝 HKD65，似乎有點貴啊。

4點幾黎到, 其他舖頭都準備落場休息 而呢間就人頭湧湧炸豬扒粗麵 $28酥炸豬扒, 都有6大舊面頭有d粉絲, 代替左平時吉烈炸物嘅麵包糠豬扒半肥瘦, 唔會煮到乾哂咁, 好好食粗麵好似烏冬, 但就淋左啲, 口感唔係太好特制辣椒油好有feel XD 問店員有d咩材料係裏面, 佢無答到好確實(商業機密, haha, 不過入面有好多蒜蓉同豆豉, 好香! 唔知仲有咩呢;)

今日和男朋友去了大埔，再次光顧「東記」。上一次來這裏吃豬扒麵已經是約一至兩年前的事了，那次因為看了雜誌報導所以去到大埔尋找美食~ 之後曾經再來，不過，好像曾有兩次來到這裏店子都沒有開，今天再來一趟，幸好店子開了~! 再吃這裏的炸豬扒，覺得好像第一次吃時較好吃，因為今次吃的豬扒不是十分腍，不過，即使沒之前那麼好吃，質素也算不錯，豬扒部份位置也是腍身的，而且，雖然不算十分香口，但尚算夠味，如果5粒星星是滿分，這裏的豬扒個人認為已接近4粒星。另外，價錢方面，實在很合理，只是$28便有一碗豬扒麵 (下圖)，而且，是有兩塊豬扒呢!!! 在快餐店或一般食肆相信較難以這個價錢吃到呢!其實，今次我們還試了這裏的雞翼，個人認為也是不錯，豬扒拼雞翼麵也是$28 (下圖)，有兩隻雞翼和1.5塊豬扒，也算很「抵」~ 說實在，個人認為今天的雞翼比豬扒更香口好吃~! 還想一提的是，欣賞店員將炸豬扒和雞翼與湯麵分開上，那樣炸物便不會變腍。這個粗麵個人認為過腍，不過，不緊要啦，畢竟這裏出名的是豬扒，不是麵~炸豬扒~~豬扒拼雞翼~最後，如有興趣來這裏吃豬扒麵的話，先要不介意要等位、坐得不太舒適、點了食物之後也是要等好一

豬扒粗面- 面質：淋得快變面碎，難食。- 湯頭：無味。- 豬扒：遲遲不上抬的豬扒當然是新鮮炸起的，肉質不錯，但淡而無味，炸粉卻薄而脆。面先上枱後，豬扒卻良久不見蹤影，向阿姨詢問，卻受極惡劣臭臉招呼，待豬扒到了，面更淋更難食。總結：無下次。

經常老遠黎大埔街市, 就因為要黎掃凍肉, 邊間就唔開名啦, 順路係街市搵食, 見上網食評講到咁誇張咁好食, 就決定一試, 一d都唔平~~去到大約12點幾, 人頭湧湧, 周圍都係人, 自己搵位, 坐低就會有人過黎問你食乜, 當然點左名菜, 豬扒麵, 等左10分鐘左右, 就有啦, 豬扒望落唔錯, d麵就唉左一聲, 少得可憐, 冇記錯係$28一碗, 呢度黎講算貴。不過豬扒咬落都幾鬆, 有2塊, d麵就又少又難食, 最經典係個所謂湯底, 根本同冇湯底冇分別, 屋企整都好食過佢, 所以坐低食左半個鐘, 就見唔少人係黎淨買豬扒外賣走, 果然係熟客, 都知麵唔得, 叫做試過, 唔會再食了~~~

朋友介紹識食要黎食炸豬扒同雞翼! 做完嘢路過即管黎試試個招牌，叫左碗豬扒雞翼幼麵($28)。炸豬扒係厚切，拎上黎應該大過我塊面! 食落有汁，唔會炸到乾哂又無味，雞翼就有2隻，正常炸雞翼。總之一個字: 抵! 食肉獸岩哂! 我相對覺得加返條菜好啲!不過鋪頭無賣飲品，食完炸物口渴的話，就幫襯旁邊餐廳。不過佢地兩間鋪頭的人會同一時間行過黎問你飲咪同食咪，如果無為意會以為同一間餐廳添！

雪菜豬扒幼麵 (幼麵係生麵, 都重鹼水味, 尚可接受, 不過無煮到過腍已經好過粗麵好多, 豬扒今次呢塊無肥膏, 大大塊食落少少脆無炸到好乾, 肉又醃得夠入味, 而且感覺上仲好似無雞翼咁熱氣); 雞翼粗麵 (上海粗炒咁上下粗既上海麵, 不過過腍, 一定無下次, 雞翼薄薄一層脆漿, 香脆, 雞翼仲係嫩滑); 剩菜肉雲吞 (一碗有成十一二隻, 大細岩岩好, 皮唔厚幾好, 好似係椰菜為主, 味道無特別, 勝在夠多);  辣椒油唔算好辣但係夠晒香

6/5/2014 Tue身在大埔，男友問想食咩，我立即想起大埔熟食中心嘅豬扒麵今次係第2次食，第1次食剛好係一年前。早有心理準備會多人兼難揾位，但好在3點去到都唔太多人，好快有位坐。下雨天關係吧?$28 自選雙拼!我食墨丸拼炸豬扒粗麵，男友食菜肉雲吞拼炸豬扒米缐 炸豬扒熱辣辣，夠香酥，肉質挺軟身，份量足，好味!菜肉雲吞不過不失~墨丸有怪味~飲品$13 紅豆冰購自鄰鋪，味道唔錯!  

$28今日行完山，4：30PM到大埔。原本打算去世紀（聽聞呢間系正店，而且比較好食），不過佢地收左，就去左東記（聽聞因為反面，親戚開嘅），去到個阿姐就即刻問「你食咩？」同話今日無雞翼。又係先有麵，再有豬扒。豬扒有蒜蓉香味，不過D外皮好硬同比較乾，之後有點喼汁

大埔朋友帶我食佢覺得係全香港最好味嘅豬扒麵 真係無介紹錯，下次去開大埔都會再食，平靚正架！朋友食豬扒麵，我食雞翼麵。兩個都炸得好香，好脆口，而且係金黃色，所以應該唔係千年油。份量好多，全部大大件架， 雞翼有成5隻，豬扒都有成5-6塊。雞翼同豬扒都應該係有醃過，就算炸起都好有味道。我同朋友都覺雞翼係偏鹹，豬扒就無咁重味。上海麵就普通，湯就係清湯，可以自己加醬。整體黎講，$27 一個麵，有5件豬扒/雞翼已經平到笑，仲要咁好味嘅都唔知邊度搵！

是日返大埔娘家跟爸媽食冬至晚飯,我提早出門到街市食久違嘅豬扒麵.三點左右到達,麵檔已差不多收工,所以好容易搵到吉位,心裏記掛住美味嘅竹筍,於是叫竹筍豬扒粗麵,但竹筍已經沽清,只好改為豬扒粗麵(價錢忘記了).豬扒依舊沾滿薄薄脆漿,炸得金黃香脆,唔會油淋淋,豬扒有豬味及惹味蒜香,唔似坊間製作嘅鬆肉粉/梳打粉豬扒,正!麵條湯底一如以往,食後唔會口渴.以今時今日標準去評價此店豬扒麵,或有人會認為不外如是.但對於响大埔長大嘅我,童年物質生活貧乏,星期日能夠跟媽媽去舊街市吃豬扒麵,再到富善街買餸菜,已經係一大樂事.就算我已經搬離大埔多年,依然記得陪我成長嘅竹筍豬扒,所以東記依舊係我心中最愛嘅豬扒麵!P.S.是次叫咗"張煥記"熱奶茶,夠濃滑,讚!

星期六的下午約二時，熟食中心人頭湧湧，雖然地方好大，但要找幾個座位也不容易，幸好有妹妹和弟婦先到，坐下就決定吃那一間的出品，由於這裡可以任意落單，一行四人選擇不同店舖的食物都沒有問題，CEO就選擇東記上海麵出品，而我就另有他選。炸豬扒幼麵 $28炸豬扒幼麵是連骨炸豬扒，份量是不只一塊，對於食肉獸必定滿足，豬扒脆漿薄而胋，吃起來無咁熱氣，肉質鬆化入味，感覺不太油膩。清湯麵底連菜心，麵條軟腍，欠缺口感，始乎賣點在豬扒身上，以$28的價格是抵吃又飽足。

今早十點鍾來到，試吓炸豬扒雪菜肉絲，幼麯。份量好足，豬扒大大件剪成四五片，可能未夠早，只是微暖。近骨頭嘅肉較鬆化，另一邊就稍乾，肉汁肉味一般。雪菜肉絲一大堆，味道也可口。幼麵似旦麵但又粗小小，襯住個唔夠熱嘅類似雲吞麵湯底，完全唔知為何叫東記上海趣

昨日下午到大埔墟食lunch，食東記嘅豬扒，雞翅麵。我一行4人，專登早D去食lunch，怕無位。東記位於大埔墟街市熟食中心，環境同衛生一般。我點咗豬扒雞翅上海面，雞翅同豬扒炸得好脆，而脆醬比較薄，非常好味。個上海粗麵底就一般，比較林，唔彈牙，湯底無味。加上一杯熱奶茶，全單$45。