東記上海麵

營業中

休息中

第一次睇介紹來大埔新街市熟食市場幫襯，叫左最出名嘅豬扒雪菜粗麵，$34大大碗，豬扒恰到好處，整體算好味和抵食，有機會下次會再來，試埋雞翼、雲吞、牛腩等等。Yummy

今日去大埔一日遊! 最重要當然係要食食食!而..聞名已久的豬扒麵係我個TARGET！去到既時候多人而且超混亂，完全唔知佢地有劃位.....唔同餐廳唔同住位..見隔離舖有位，就坐去隔離，就叫左杯凍檸茶，冇得唔叫哈哈哈2個人，都係為左個豬扒麵而黎大大塊, 仲大過我塊面!但味道真係麻麻..而且豬扒超!級!油!男人都食唔晒一試就夠，唔會再食

去開大埔探舊同事，點可以唔探埋我最愛既豬扒麵呢？好彩就到時間，我11:45就去食啦，去到都唔係好多人，大過大埔街市一向都多人，坐得又有啲唔舒服。雙拼$32，唔算好貴，我揀左雙拼，炸豬扒同菜肉雲吞，粗麵，價錢唔算貴，平日旺場時間都差唔多要等15分鐘先有得食，今次5分鐘就到啦！先講配角雲吞，粒數算多啦，d餡包得幾貼，就算咬左一半都唔會鬆散，雲吞皮都薄，應該係自家包的，湯其實無乜味，粗麵就當然無味啦，不過尚算林身。主角炸豬麵，雖然脆皮較厚，個質地有d似手信既牛肉乾紙，當然呢個薄好多啦！豬扒無乜肥膏架，咬開就係肉，厚厚豬肉味香既豬扒！豬扒既肉汁經炸過後仲可以鎖住！質素好高既豬扒呢！食飽飽，人都開始多了，係時間撒退了∼

今日同Mr.J行完仁愛堂慈善行，決定去食大埔熟食中心出名嘅豬扒麵。去到嘅時候超多人兼超混亂，見隔離舖有位，就坐去隔離，唯有叫杯凍檸茶，唔叫的話啲阿姐會俾說話你聽。今次叫咗:豬扒拼雲呑米線因為多人食豬扒麵，所以都等咗大約15分鐘先有野食。塊豬扒炸得唔錯，好大塊，而且已經幫客人剪好，方便食好多。炸粉唔厚，肉質唔會嚡哂或俾鬆肉粉醃到淋哂，肉汁仍在。菜肉雲呑有4粒，皮薄餡就菜多過肉，無咩味精，我幾喜歡的。至於米線就淋咗少少。$32雙拼麵好抵食，不過又未去到入特登去大埔食嘅程度，路經去食就ok啦。

運動完，心血來潮，很想吃本土特色炸物，便來到這間出名的東記。他們的豬排和雞翼很出名，我和朋友便一齊各叫一款。豬排雪菜河選擇河粉，是因河粉比較滑，雪菜是點滴，帶點酸甜味開胃，豬排才是主角，口感外層鬆脆香口，肉質偏軟有朱油流出來。雞翼米線朋友不喜歡太油，所以選擇米線。配菜是菜心味道有點甜味不錯。雞翼表皮比豬排更脆可口，肉質比較滑，是不錯的美食以$35元價錢，品嚐這裡的美食，值得欣賞。平民化的價錢，但要留意衛生比較一般，因為這裡的姐姐，好喜歡一層層疊疊將食物疊再一起，有點不衛生，如你能接受，其實會再來多次試食

呢日去到大埔墟街市熟食中心，就係為咗食東記嘅炸豬扒。買咗份炸豬扒雞翼雙拼，比預期中大份，甚至連外帶盒蓋都閂唔埋，略為點算之下炸雞翼有六隻，炸豬扒就估計有兩塊。豬扒同雞翼炸皮薄，脆身而無滲出多餘油份。豬扒肉質鬆化，調味得宜唔死鹹。雞翼多汁而有蒜香，兩者之中我就更欣賞雞翼多一啲。由於份量太多嘅關係，我同朋友都食唔晒，就決定拎返去同人分享，事後證實就算擺到凍晒啲味道都無話變得太差，甚至仍留有少許脆脆嘅口感。

一坐低被催促落單，口快快就叫咗豬扒米線，最來前發現豬扒雞翼雙拼都係同價$32，最終我得到兩大塊豬扒，飽到我差啲踩唔到單車。食開嘅朋友話今日嘅豬扒比平時鞋。外表不如我在電視節目中看到的鬆脆。舊式港式快餐店的調味。米線滑，但湯底無咩味，加少少辣會好味啲。東記無嘢飲賣，當你碗麵上咗枱，旁邊檔口就會禮貌地過嚟問要唔要嘢飲(熱飲$13)，好街市熟食中心的和階。

大埔墟有熟食市場，我印象中冇咁多間店以前。嘩。。。而家多人到。。😰東記出名炸豬排，嗌得炸豬點都係三十二蚊，雙拼都係三十二雞，緊係雙拼啦。炸豬拼炸醬米線個炸豬排好豬切丫，即炸，好味最正係有排既炸豬係好味好多嫁！！炸醬我就有d出奇，唔係出奇難食，而係同一般炸醬好唔同，好粗粒肉，芹菜，紅椒，我唔好芹菜都覺得好味！！好驚喜，唔好辣既朋友都覺得好味但要知道依d地方係真係污糟同唔好諗住一般街店，係街店都不如既衛生，如果接受唔到，就唔好去啦，講真！！

大埔墟新街市必試既炸豬扒同雞翼，脆皮夠脆又唔厚，又香口，豬扒肉唔會實，雞翼就滑，醃得夠入味，又唔太咸，真係無得挑剔，除左雞翼豬扒，牛腩/筋都好好食，但一定要早去，售完即止，我咁耐幫襯只有機會食過兩次，10點半後一定賣哂，想食9點到就穩陣。

東記係兒時回憶之一細個時經常跟父母黎食今日同爸媽去大埔街市買野順便食埋東記先走東記出名既係炸雞翼/豬扒麵細個食完之後真係念念不忘雖然係邪惡美食 不過有滿滿既本土特色雖然一份豬扒/雞翼麵要$32 不過份量真係超多！一份有五隻雞翼/兩塊大豬扒豬扒醃得入味，炸到好香口，不過就質素唔穩定啦，較厚既豬扒唔夠鬆軟，較薄身既豬扒好正香噴噴又好鬆軟！炸雞翼反而係我既最愛！每一隻既外皮都炸得好脆！雞骨可以輕鬆脫開，肉質嫩滑而且好多汁！

今日同朋友去大埔既鐵路博物館黎到大埔當然要去大埔墟既熟食中心搵好野食素聞呢到既豬扒非常出色我咁為食當然都唔執輸要黎試一試呢到既熟食中心係有冷氣既，所以食既時候都唔會好辛苦一去到就見到好多人排隊買外賣因為大家都一食完就走所以好快就有位但係唔知點解呢到係有一陣怪味，我唔肯定係咪豬既臭味，但朋友就話好似筍個陣味，總之就好臭落單既時間已經知要等兩三個字，因為佢地要一路賣一路炸嗌左碗豬扒粗面同雞翼米線佢先上面同米線，因為豬扒同雞翼都未炸好佢個粗面望落好似黃黃地既烏冬一夾起就斷，食落好似浸左好耐浸到爛晒既烏冬，仲有陣鹼水味，嘜上海面唔係白面即係應該淨係用面粉同水搓架咩？有錯請指正一個餸既面有兩塊豬扒佢腌得幾入味，不過我覺得咸左啲，啲豬扒真係有啲鞋口仲痴牙既添炸雞翼比豬扒好味同豬扒係一樣既，佢就唔會炸到乾晒，雞肉都仲係滑滑的呢到可能因為好好生意，所以都好似唔休做咁一路食一路都聽到其他客人話啲員工態度唔好，亦有客人嬲嬲地冇食到走左我自己就唔會有下一次喇

老媽子放假一天, 無人煮午飯, 老爸就帶住小隊長入大埔搵食!其實大埔墟街市都有好多野食, 不過爸爸都係鍾情食上海麵, 所以就坐低食東記. 有選擇障礙既人去東記食都無有怕, 因為黎黎去去都係得果幾樣野食, 個人認為雙拼抵食D, 爸爸一黎就叫左雞翼拼豬扒上海麵, 我唯有揀雞翼拼雲吞米線. 一上檯, 嘩! 好大塊豬扒同好大隻雞翼! 初時以為佢沾左好多炸粉先炸到甘大件啦, 又唔係喎, 佢既炸粉唔多, 本身塊豬扒/雞翼真係甘大, 好抵食呢! 豬扒同雞翼比較, 我覺得雞翼好味D, 醃得夠味, 豬扒炸得乾左D, D似有點鞋, 同埋唔知係咪塊扒太大塊, 醃唔夠味, 有少少雪味. 至於雲吞同麵底, 一般啦, 唔覺有乜特別~ 不過碗麵大大碗, 仲要搭埋油菜, 份量都幾多, 絕對抵食! 同埋坐熟食中心有樣好處, 我可以叫第二檔既野食/野飲埋黎, 東記無奶茶/咖啡的, 要飲可以叫隔離果檔, 無人話你~ 

因為出大埔實習的關係，終於試到鼎鼎大名嘅東記～Lunchtime多人到好似打緊仗咁😂 而且落柯打嗌嘢食同嗌嘢飲係要搵唔同人架🙈豬扒米線 $32炸豬扒肥瘦均稱，質感腍軟鬆化，食落啖啖肉，而且份量慷慨，食完米線都仲未食完啲豬扒不過稍嫌乾左啲，未算好多汁，而且唔夠熱。外層大致上都帶酥脆，皮夠薄，但亦有啲位炸得硬左，有點美中不足。米線味道不錯，冇水烚味，但質感嚟講煮得淋左少少，稍為遜色。未算好overrated, 經過一試或lunchtime唔知食乜好都可以選擇。但專登來訪就有保留了。下午茶前好過來啦，唔做晚市的🙈

在大埔搵食，還是到街市食最多選擇，今次選擇東記，因為炸豬扒麵最出名，即點即炸需要時間等候，不過也是值得。同一價錢可加榨菜或筍的配菜，豬扒有兩大塊，上檯時已經剪好細塊方便進食。豬扒香脆肉嫩，帶點嚼勁，咬開有肉汁流出，而且不會太油。至於麵方面就太腍身，一般。

之前睇左大埔推介的馳名美食而特登黎食，去到真係人頭湧湧，一開始都搵唔到間店，反而周圍望下d人食咩，見到勁多人食豬排面，就會知道自己係間店附近了好好彩，好快就搵到位，要左一個豬扒雲吞粗面 & 雞翼雪菜粗面，本來對粗面唔太大好感，但之前見文章推介的就係粗面，而呀姐話粗面類似烏冬咁，諗住應該冇死，黎到 賣相又唔錯wo，但味道就..先講豬扒，唔係好熱，冇肉汁，又硬粗面超級難食真係同呀姐講既一樣 好似烏冬，而呢種係浸左勁耐淋哂、完全冇咬口既烏冬反而個雞翼幾好味，起碼夠熱，外皮脆