東記上海麵

營業中

休息中

今日同Mr.J行完仁愛堂慈善行，決定去食大埔熟食中心出名嘅豬扒麵。去到嘅時候超多人兼超混亂，見隔離舖有位，就坐去隔離，唯有叫杯凍檸茶，唔叫的話啲阿姐會俾說話你聽。今次叫咗:豬扒拼雲呑米線因為多人食豬扒麵，所以都等咗大約15分鐘先有野食。塊豬扒炸得唔錯，好大塊，而且已經幫客人剪好，方便食好多。炸粉唔厚，肉質唔會嚡哂或俾鬆肉粉醃到淋哂，肉汁仍在。菜肉雲呑有4粒，皮薄餡就菜多過肉，無咩味精，我幾喜歡的。至於米線就淋咗少少。$32雙拼麵好抵食，不過又未去到入特登去大埔食嘅程度，路經去食就ok啦。