東歐餐廳

第一次食東歐菜色！好有驚喜！首先叫咗個蛋沙律，雖然樣貌就普通d！但味道幾好喎！佢有少少香草味！之後叫咗個湯，酥皮牛仔肉湯，牛肉好嫩滑，湯好濃郁！但有少少偏鹹！另外又叫芝士焗牛脷，濃濃的芝士加上軟綿綿的牛脷，入面仲有d蘑菇點綴！雖然份量不多，但都好滿足！仲有ribs!哈超好味！肉質勁軟綿，入味！會有少少軟骨！不鹹！仲要著火！另外叫咗兩個好特別的甜點！最喜歡就係pancake 配自家制雪糕！不能形容咁好味！另外個個就睇個人喜好！係好勁薄荷味的甜品！最後，嚟到梗係要叫d東歐特別飲品！叫咗一枝係花味的酒，微微花香淡淡酒味！值得一試！但最特別係枝東歐可樂！飲落去係麥味的黑啤溝有氣可樂！仲意試新野的就叫枝飲下！

記得讀書年代時，經常都來Ivan the kozak，自畢業後就已經漸漸淡忘了這間餐廳，直至早幾個月同事提起，就擇個日來回味一次這裡authentic的東歐菜式。餐廳仍舊有好多選擇，除了一定要吃的芝士牛脷盅，今次試一下之前未食過嘅菜式。烤羊肉串：以為是類似新疆羊肉串燒，原來羊肉是「碎上」，將其壓成長條形烤製，再用鐵板上，咬落肉香四溢、有肉汁、帶點奶味，不錯，如果羊肉再羶一點會更好。袖珍豬肉餃子：細細粒外皮似中式餃子，內𥚃的豬肉餡好鮮味，另淋上酸乳酪和香草，好特別。芝士焗牛脷盅：餐廳的招牌菜，對我來説是一定要Order的菜式！以一個精緻嘅盅仔呈上，單看賣相似是酥皮湯，但揭開上面的烤麵包皮後，一陣芝士香氣就會撲出來，內有塞得滿滿的牛脷，肉質非常之軟稔，而麵包皮帶豐富的牛油香，用來蘸點醬汁一流！

我同朋友向中環見到一間東歐餐廳，覺得幾特別，又未食過東歐菜，所以就決定入去試下啦。餐廳有些侍應係烏克蘭混血兒，餐廳的廚師更是純正烏克蘭人，夠曬地道正宗。我們二人點了一個熱頭盤，一個海鮮熱食，一個牛熱食，二杯飲品。熱頭盤我地叫左海鮮蘑菇卷，這卷有別於一般pancake，它是pancake卷成一個像kebab內藏海鮮蘑菇，外邊炸得香脆可囗，外脆內軟，口感味道出色，一讚！海鮮熱食叫了焙三文魚，這是三文魚厚像串燒般串起來燒，三文魚濕潤不嚡，燒得不俗，味道亦好，一人一大串，份量可供二人分享。另一熱食是酥皮燴牛仔肉，酥皮不像一般的酥化，而像餅乾的質感，脆脆的。打開酥皮蓋，一縷縷熱氣冒出，一塊塊四四方方的小牛柳，肉嫰，一起燴的雜菜甘荀蘑菇洋蔥為小牛柳增添一份甜味，好吃。我叫了杯rose,不過味道像果汁多過酒，好像開了一排禁......整體來說這頓飯不俗，很地道正宗，味道亦好。唯部份待應比較冷淡，好像是像大部分東歐人一樣比較慢熱，價錢在中環來說十分相宜，亦算抵食，可以一試。順帶一提,餐廳已由舊址中環閣麟街遷至中環雲咸街63號巴力大廈一樓。