東寶小館 (已搬遷) 新店位置

第一次參加openrice飯聚,有點兒戰競,亦有點兒興奮。7時到達,問侍應哥哥留枱'麵包',他說'麵包?無呀!'只好致電麵包超人。原來是留姓鄭的。再告訴侍應,他陰陰笑地說"啊!是鄭麵包!"真不知是好氣定好笑。頭盤是主持人買的德成號蛋卷,十分鬆脆,椰香及蛋味十足,真是多謝了!首道菜是泠盤田氏白玉。脂肪與肉分佈均匀,精瑩剔透，咬下去亦十分爽口,伴汁醒胃,不錯。再來炒雞軟骨。驟看以為是炒油炸鬼,原來軟骨只是被油炸鬼埋没了。炒過的油炸鬼很脆口,雞軟骨則很有口感,送酒真的不錯。可惜我不太喝酒,未能拿着碗豪飲。麵醬唐生菜比較多油,但醬料甜甜的,炒菜一流。炸豬手非小女子所好,無試,末能評價。炸雙卜是豆卜加蝦肉,點甜酸醬十分惹味。醉蝦肉內出沁出淡淡酒氣,但肉質一般。黃金蝦充滿咸蛋香,炸得香脆可口。風沙雞皮脆肉嫩,但我還一直誤以為是炸子雞呢!鴨汁荷葉飯份量十足,有淡淡荷葉香氣,飯比較軟身及濕,個人覺得味道不錯。內有冬菇粒、馬蹄粒,令香味更上一層樓。豉油王炒麵,炒得十分乾身,正如揾食所講'碟底連一點油也没有!'豉油味濃而不俗,正是色香味俱全。最後的炸榴槤捧場客多,只有一半人試。新鮮炸起,綠色的皮內包着半融

不知不覺間，我做聯絡人和發起人也有好幾次了，而昨晚也是其中之一。我們總共叫了11個菜，但好像有些食家還感到唔多飽，看來真係唔可以看少他們。首先上的菜係1. 田氏白肉，味道清新，好有咬口，再加上醬汁，就更加好味。作為餐前開胃菜實在唔錯。2. 炒雞軟骨，帶有一點點的辣味，令食欲大開，而內裡的油炸鬼又炸得好脆，送酒一流。也是一個唔錯的菜。3. 南乳炸豬手，這個就有點失望了，炸得太過火和太干身，唔多討好。4. 炸雙卜，一個很出色的菜，外皮的豆卜炸得好脆，內裡的釀蝦和釀豬肉味道也不錯，值得推介。5. 風沙雞，和在嫦記食的好唔同，這裡比較像炸子雞多點。雖然外皮炸得好脆，但可惜完全沒有雞味，令總體失分很多。6. 醉蝦，帶有淡淡的酒味，外皮炸得好脆，可惜味道只是一般吧了。7. 黃金蝦，用鹹蛋黃炒，味香又好味，而兩種蝦比較，我就比較喜歡黃金蝦多一點。8. 麵醬唐生菜，唐生菜很爽口，麵豉醬的味道也不錯，食了這麼多油炸食物，再食回這個比較清的菜，也是一個不錯的選擇。9. 荷葉飯，雖然帶有荷葉香味，可惜太濕，而味道又唔見得特別好，只是好一般吧了。10. 豉油王炒麵，因為溜單，等了很久才到。炒麵炒得好香口，又彈

食物十分好食, 例如羊腩煲,墨汁煮墨魚,荷葉飯,例湯, 樣樣都好.當日見到果個相信係老闆(對水鞋有粒星果位)既人同一個客人因為訂位問題有D爭拗,個老闆一D都唔肯讓步,話遲左唔俾就唔俾,我心諗"駛唔駛咁串(有原則)呀?",但後尾佢見我地食唔晒D荷葉飯話"唔好夾硬食呀,好辛苦架,駛唔駛包起佢呀?"當堂加返D禮貌分.個心warm返...個熟食中心超過一半都係佢既,好似成條街咁,全部坐晒人.抵你串(有立場)既!

成年冇黎,六個人叫左:無味精例湯(西洋菜生魚),芝士西蘭花,花膠上湯浸黃芽白,墨汁煮墨魚,炸豬手,風沙雞半隻,鴨汁荷葉飯,豉油皇炒麵,炸榴槤,啤酒兩支.例湯:唔落鹽已經好得,真係阿媽都話正.芝士西蘭花:配上既多士好好味,搶晒鏡.花膠上湯浸黃芽白:湯清甜得好厲害,大家懷疑有冇味精,不過又好似真係冇.墨汁煮墨魚:好玩囉,見個個食到變烏嘴狗.炸豬手:用來蘸既南乳醬似乎係調教過,唔鹹亦好味,送酒一流.風沙雞:招牌菜唔駛多講.鴨汁荷葉飯:唔太多汁,唔漏,望落唔多,食極都有.豉油皇炒麵麵好幼,又炒得好正,唔油.炸榴槤:極品呀呢個,連有人行過都話"點解有榴槤味既".奉送薑味涼粉,真係未試過有薑味既涼粉,又幾好.最後荷葉飯食唔晒,要打包.呢度D阿哥阿姐粗聲粗氣,但服務一流.埋單$680,大排檔黎講唔係平,不過咁既食物質素黎講就係抵.

食物水準大家食過就真係冇野講.老實講,每間食店都有自家性格.東寶老細伙計態度之衰肯定全港有排位.但我正正好喜愛他們位位立體,真係當你朋友一樣,絕不虛假.記憶我約去過十多次,有多次飲免費酒記錄,老細成日陪酒兼請飲,埋單零頭次次唔計,食物食過唔係我心目中感覺都會幫我cancel.總括來說,東寶係一間好麻粒既食店,真係冷暖自知.

地利之便，趁唔駛等既時候就幫襯咗兩次。第一次咩遭遇唔記得咯，第二次約兩週前。一睇餐牌已知哩間嘢老細十分寸，係都要寫咩「本店繼續唔賣乾炒牛河」等字句，我心諗好好地答人唔得既咩，好心個老細學下鄭尚宮，令人客開開心心咁幫襯啦，攪到啲客幫襯你好似向你乞咁。講番食物，我同老公當日嗌咗個幾刁鑽既木耳浸豬肺、炒蟶子、蒸白蟮。碟頭份量充足，但個豬肺加咗酒，除咗酒味又冇其他味道，食到我老公縐晒眉頭，我就因好耐未食過豬肺所以問伙計要碟鼓油先食得晒。白蟮蒸完後勁多油，又唔係特別好味道，記得前幾年喺美心食過既梅子醬蒸白蟮仲好味。至於炒蟶子... 嘩！從來未食過咁好味既，不但半粒砂都冇，而且肉質飽滿，肉味鮮甜。正！不過~~~要成八十大元.. 唉！

東寶已經係一間好出名既食店，水準有番咁上下﹗而其中一道菜(響meun已經無左)，一定要試試﹗exactly既名就唔係好記得，好似係花鵰杞子蒸烏雞加糯米飯底(問伙計實知既)﹗le道菜有酒香有中藥味道，而糯米飯吸哂d精華﹗真係要一試﹗順帶一提: le度d伙計態度麻麻，而且成日都好多日﹗

其實係好耐之前既事lu(我諗都兩年有多喇),不過個時唔係openrice 飯友,無得呻!不過可能依家唔係咁架啦.但係個次之後,我都無去過lu,因為到今時今日都仲好鬼激氣.我本身都食慣大排檔,環境接受到,至於佢地既食物水準我亦唔質疑.服務方面我就更加唔會有期望啦,有時寸寸地我地都接受到.所以我以前都去過5-6次架啦,但係鬧人就.....話說我都知佢多人,我亦知佢規矩,訂位留(木台)10分鐘.有晚阿哥個friend幫我地一家人(十幾人)訂左6:45pm.我都知衰架啦,我坐架車6:50pm至到街市樓下,我咪跑上樓羅位先囉.上到去可能6:55pm,個時好多人等位架啦,我咪想迫埋個柜位到囉,迫極都迫唔到,眼見佢留俾我地張(木台)已經夠鐘,驚佢俾左人,咁我咪叫我男友繼續迫我就行埋張(木台)度,諗住其他d阿哥仔(伙計)會問下我係唔係羅位啦.點知等等下兩邊都無人理,咁我咪坐係度等囉.點知一坐落去行就有個四眼哥仔好惡咁:”喂,你做咩呀!”我(嚇一嚇):”……訂左6:45pm姓x架,16位.”四眼哥仔:”依家幾點呀!”我:”6:50pm……,我知我遲左兩個字…….”(我見既然張檯都仲留左係度,咁即係唔會唔

傅說中的東寶,已經想去左好耐由於男朋友仔住北角.係佢協助之下,我可以試一試,係我邀請下,一行10人朋友仔出發啦!!!!1)田氏白肉比相像中好味,唔太肥.好鍾意有金銀蒜,再加埋個汁辣辣地.跟蒜泥白肉味道相似.2)沙拉骨肉排細細舊好易入口,有肉汁唔會乾哂同韌,有芝麻係面,個人略嫌沙拉汁唔夠香,如果濃DD會更開心^-^3)奶油蝦（加朱仔飽）係等位時聽到人地order..自己都要試.聽個名以為係白色...原來橙色..感覺有d似咖哩..但濃好多..香d...我估就係"奶油".ｄ蝦好新鮮肉好爽，，勁呀!D朱仔飽一流．細細個外脆內軟加ｄ汁..無得頂!!4)風沙雞預定的..$180一只睇下你有幾好食??抱住甘既心態食呢味菜..一上黎．．心諗"都幾大隻喎!!"好食就預左架啦，招牌菜麻...皮好脆香口...驚喜既係雞唔肥而且肉好滑...加上出面好少見既汁．好正!!好好味．．不過$180好似真係貴左少少..不過甘好味．．抵你賺啦..5)墨汁意粉墨魚咀朋友話食完個咀會黑色..見到對面個2個烏咀人．興趣大減不過都試左.味道無特別加上黑"蚊蚊"興趣不大．．可能個人問題．．但朋友話鮮味.5)牛仔骨麵根(正確名唔記得

冰碗飲酒夠風味。但因為多人，很多食物會早售罄，包括風沙雞和荷葉飯等。吃來食物不錯，煲仔類，飯類，小炒類，全都有水準。子下還有位置放袋，十分方便。

兩個人叫了XO醬炒金菇肥牛($60)幾好味唔錯, 梅菜扣肉煲($50) 肉好腍, 但就咸左d, 白飯一碗, 兩支啤酒($46), 埋單$16x, 都唔平另外要提既就係佢地既服務都ok, 之後食完仲有糖水送

前晚同屋企人去食,等位等0左好耐....佢地冇一個system去幫d客攞位,完全靠你搵中張枱去等位,所以有可能遲來先搵到位,到0左好耐都冇位我地等一張2個人食0野0既圓枱,等0左極耐...0個一男一女見有人等,就食到極慢...慢到我開始有微言,佢地就更慢...個伙計見唔對路,即刻叫我地先坐0係大枱食住先,一坐底,0個2個人就走....唔知咩人咩心態...好在個伙計好人,叫我地坐番過去.我地叫0左炸生蠔,20蚊隻,一人一隻,一個墨魚汁吊桶,同菠蘿咕嚕肉,再叫0左支唔知咩0既啤酒同一人一碗粥.菜上得好快,先上炸生蠔,生蠔極大隻,20蚊隻係好抵食,脆醬都炸得好鬆脆,係油0左少少,不過尚可接受.隻蠔實在太新鮮好食,所以唔洗點咩汁都食到好甜0既蠔味~墨魚汁吊桶都好食,食到個個的咀同牙都黑哂~吊桶唔韌,好香蒜頭味,底加0左d麵,一齊食冇咁滯.個咕嚕肉就一般,脆醬唔脆,所以d咕嚕肉冇咁白口鬆脆,不過個汁都算好食.街市檔來說,東寶算好大間,而且上菜快,執枱快,同時亦照顧到客人需要,唔怪得生意滔滔啦~

成日聽人講，昨晚剛剛去過，兩個字「把鬼」。我們點了黃金蝦，狗仔鴨，西洋菜生魚湯。蝦，又油又唔好食；鴨，又老又實，湯，就同茶餐廳無分別。不過我0地點講都無用，因為佢唱起0左個名，任佢幾咁多人，環境幾咁差、服務幾咁衰，0的0野幾咁唔好食，價錢幾咁唔合理，一樣大把人去，佢唔憂做。所以唔會有改善。

前幾日同朋友食飯, 佢話呢度d野好食所以帶我黎, 之前自己都未黎過. 6 點幾去到都要等位, 人多既程度可想而知.我食慣大排檔, 所以接受到佢d 衛生程度同服務態度(雖然侍應哥哥有dd串,不過大排檔係咁ga 啦)唔知係咪我地唔識order 啦, 我自己就覺得d食物都係不外如是, 唔係唔好食, 不過又唔係真係好食得咁緊要lor. 價錢又唔平, 大排檔又要搞到自己懶high咁, 我就寧願去沙田火炭d大排檔好過啦

我同食神大佬都食過幾次，次次都好滿意。而我個食神大佬有以下最特別推介:荷葉花彫蒸竹絲鷄加糯米飯底(必食)、炸榴槤除咗以上之外，其他餸菜都好正，例如黃金蝦、南乳炸豬手、狗仔鴨、墨汁吊桶、豉油王炒麵(唔好以為係學生時代嗰啲水準，佢絕對係食神大佬食過之中最好嘅)、檸檬芝士蛋糕(比較酸但都芝士夠濃、餅底好食，記得要訂)、免費嘅番薯糖水(好夠薑味)。如果你以大牌檔的價錢來比較，東寶就一定比較貴，但係其食物水準，絕對係有好多飯店都達唔到。By the way，最好有8個人去食，因為佢每碟餸都唔細。