東寶小館 (已搬遷) 新店位置

外國朋友係外國返黎.五個人7:30pm 係北角一聚.有一個朋友遲的先到所以叫左兩支啤酒炸雙卜炸雞軟骨/馬蹄之後等齊人再叫醉蝦+黃金蝦風沙雞半隻雲耳什菜煲三個白飯醉蝦好正...炸得剛好但非常有酒味黃金蝦略唔夠乾...可以再好味的風沙雞我覺得仲好味過嫦記皮夠脆肉滑夠熱雲耳什菜煲ok炸雙卜同雞軟骨係送酒佳品但我鍾意食炸馬蹄脆得黎又爽又甜侍應哥哥不如一的食評說服務態度差反而頗有禮貎叫左風沙雞同雙蝦都可以HOLD住唔上先.又經常幫我地倒骨頭唯一嫌太嘈...好多佬大聲講根本好難傾計埋單$555有蝦幾抵食.

服務態度超差, 再好食都假.

由於不想影響他人的食評,亦因為只想品評箇中三數菜式而已!南乳炸豬手:香口,皮脆肉滑,南乳汁唔太咸,正醉蝦:好入味,濃郁的酒香充斥蝦身,送酒無得頂豉油王炒麵:水準極高而罕見, 麵身極幼但唔斷,豉油恰到好處,唔會太咸,又帶小小香口,食完碟底竟然無油,師傅對火候控制極好(因為唔夠大火,D麵會黐鑊,用油多又唔健康)麵身好乾,單純食呢味做LUNCH都已經好正.其他菜有D真係唔得,好似芝士西蘭花,D西蘭花好老,芝士又無味,根本唔想食.荷葉飯又好似濕漉漉,食得好'滯'.

食友又再聚，今次是有份參與的最多人出席的一次，有廿六人，分兩張大圓檯，可幸呢度的菜牌對我來說已是駕輕就熟，如不是要叫廿幾個菜都幾費神的。東寶仍然墟埳，幾個熟口熟面的侍應亦走來走去，應接不暇，有很多朋友都說呢度服務非常差，但坦白講，幫襯了多次酊現時為止，我完全唔覺。叫的都是比較大路又穩陣的菜色，送酒菜有七味，計有麻辣仙掌、田氏白肉、炸雙卜、炸榴槤、椒鹽雞腎、炒雞軟骨及南乳炸豬手。最受歡迎的應該是炸豬手，大大隻豬手好肉，炸得皮脆肉嫩，兩邊都係一上就清晒，我都要手快至搶番一舊來吃。個人而言則最喜歡麻辣仙掌同炸榴槤，前者幾辣，加入生洋蔥、芝麻及生蒜，味道夠勁，送酒一流；炸榴槤是另一推介，榴槤在炸皮內已完全溶解，味香濃，好吃榴槤的一定要試，當然不吃的聞到就怕怕！主菜方面，沒有狗仔鴨，所以只得風沙雞。雞仍然是皮脆肉嫩，比上環鳳城又勝一籌。不過雞好像是小了一點，以前份量是更大的，是另一推介菜色；醉蝦及黃金蝦各有所好，就一樣一碟。水準都可以維持，個人計喜歡醉蝦多一點；不叫湯，叫了個冬蔭公浸大蜆。大大隻的蜆是配角，反而冬蔭公才是主角，又鮮又辣，材料豐富，所以也乾了兩碗；因有Olivian、雪怡、lazy

淨係試左一個新菜，花鵰煮白肺。酒味重左，但係唔差。日"mug"魚春><~~，叫番荷業飯，"mug"魚麵，田氏白肉等等。無走到樣。ps：露比都係skinhead 型，依家髮型有知希特勒

D CAKE係老闆娘每天做，不是每次去都食到。每次去都要等位，大家去之前要訂位。老闆之前介紹過一個蓮蓬脯仔肉粉絲煲勁好食。當你想試新野，可以問o下佢地（侍應）有咩推介。佢地Ｄ推介都好好，成日轉款。

呢間野我都去過幾次, 次次都唔係叫海鮮而係叫十幾個小菜(因為次次去襯都十幾人同埋會劈酒). 我覺得佢d小菜都做得比其他大排檔出色好多, 我自己最鍾意食佢個八蛋白~ 仲有其他小菜例如沙拉骨, 冬陰公豬大腸同埋風沙雞都要一試! 想叫野送酒o既可以試下炸雞腎, 炸茄子(個醬超正!!)同埋炸墨魚咀都好正

星期日晚黎...無book位...果真要等差唔多9個字...但係侍應都算係甘啦..甘忙都比幾個位我地坐住等一個5口..叫左荷葉飯($7x),xo醬炒黃膳($6x),炒7彩豬肚($6x),,蒜蒸帶子(7隻$98),炒蜆,芝士西蘭花...本來想叫炸子雞..但已經買哂啦!!7點ja!!西蘭花好食呀..仲有2片包tim..而黃膳幾滑幾入味...炒豬肚棘棘地..好野味!仲有d蘿蔔絲等等..最鐘意呢個!荷葉飯好多呀...鐘意入面d冬姑lo!仲有蕃薯糖水..啤酒汽水..埋單6百左右..ok la!

o係5月22日, 我同朋友共7人去東寶食飯, 結果7個人都有事!! 有幾個就頭痛到爆, 有幾個就發燒發足幾日, 每日閒閒地都痾十次八次, 我自己就痾左8日先好番!! 已通知食環署, 唔知佢地查成點~~

菜色新奇, 好食!!

好多好多人幫襯, 就知佢幾掂, 雖地方係差左D ! 不過鴨汁糯米飯好正, 又平, 抵死!

本人認為越華會好食過東寶小館, 火候都係越華會掂d, 不過東寶勝在款式多和新鮮, 炸芝士雲吞真係幾正, 中間夾o左粒青瓜唔駛咁漏, 正!!風沙雞ok 啦, 南瓜汁帶子勝瓜浦幾清, 夠新鮮!! 墨汁墨魚我d 朋友個個都食到lam lam : P, 當然唔少得黃金蝦, 避風塘炒蟹, 不過冇我想像中咁正喎..Service 方面都冇想像中咁串喎, 係個老闆串d o者, d 伙記都幾搭膊頭丫, 最殷勤都係d 啤酒小姐, 係咁幫人斟酒, 係咁問你開唔開多支, 個個飲到成肚水呀!!! 用碗飲當然好快斟晒啦, 一支啤酒斟到四碗既.....叫了十個菜, 每人百幾蚊, 都制得過丫!! 不過都係越華會就腳d!!

墨汁麵是有益的，並不是高膽固醇食物，反而幫助分解高膽固醇！

久不久去食一次都ok的, 當佢大牌檔的服務, 大餐廳的收費埋條氣順law。主要d食物ok,咁埋單就會舒服d law。下次去的時候問自己, 去邊間大牌檔可以食到d咁正。又去邊間大餐廳可以體會到咁地道的服務態度同環境? 俾呢筆錢又可以食好, 又可以有show睇, 你話幾抵呢?

"LITTLE EARTH"都講得冇錯, 0係呢種大排檔食, 都唔會期望佢有好好既service囉, 但問題唔在於佢同唔同你say hello, 而係佢班伙記果種咁串串貫既態度. 或者唔係每個食家都"領教"過, 所以會覺得佢地0的service冇問題囉.