東寶小館 (已搬遷) 新店位置

至少差不多一年要去一次的東寶。一直覺得好好味的，最近去(當然係有人訂左位先唔洗等)，依故係人山人海。不過，點解會咁架？出事喇!1：墨魚意粉：食到成個口黑炆炆好好玩!! 但係碟面無味的，得D生粉汁加墨汁，究竟係食的定玩的？2：胡椒湯：係呀! 咪淨係得胡椒囉，我根本飲唔出係XX胡椒湯定胡椒XX湯，咪淨係胡椒湯囉，其他味？唔知窩!3：沙律骨：又話好好味？係咁E炸完D骨JIT D一條條沙律醬係面。係唔係希望越大失望就。。。叫左幾個菜都唔掂!出餐慢到咩咁。~_~以前的東寶去了那裡？男朋友話覺得東寶菜色會花心思，但味道就。。。希望多D QUALITY CONTROL啦!下年黎希望會變返食得過啦!

今次我要推介係東寶新出品一.蕃茄蟹二.芋頭蟹這二個新菜色可以分二層次蕃茄蟹清淡得健康美味,而芋頭蟹雖然有少許飽,但係非常好食到令人有難以啟齒感覺好滿足,希望各位網友有興趣試下啦

又話出名乜,又話出名乜,要風沙雞,無風沙雞,要黃金蝦,供黃金蝦,出名菜乜唔係有大量貨架咩,其它菜式都係一般味道,d人係咪太麻木跟風,d人就來東寶煮"米田共"都話又香又好味又有口感......,仲有呀! 遲來d熟客就有風沙雞,有黃金蝦,呢d咩道理,如果係咁就唔好做生客生意啦,離x譜!. 地方又嘈,d人又無禮貌,無服務可言. 總之一句" 零分".

十一月先來一個東寶大局, 唔夠半年, 再來一個.今次的主角係姊妹P同姊妹T, 既然芝士蛋糕係姊妹T的酷愛, 就來這裡慶祝.出席的一共有13人, 7S2A3T1B, 分配嚴重不平均, 所以都唔敢叫太多. 來東寶, 冬天同夏天都幾大分別, 菜色大有不同.今次的記錄係13人食了16樣菜色, 比17人食了19樣菜色更進一步, 而且係差不多全部盡清. 真係不要小看一眾姊妹.先比一比兩次的分別, 田氏白肉, 吊桶春炒蛋, 炒聖子, 墨魚汁麵等等都無再叫了, 讓大家有點新鮮感, 不知大家滿意嗎?首先上場的當然係戰鬥碗, 想不到姊妹V係女中豪傑, 飲落一點不輸蝕.例湯$60: 9分, 是晚的無錢買味精的例湯係粉葛鯪魚湯, 一大煲, 13個人都夠飲, 我仲飲多碗. 個湯煲得好清甜, 又真係無味精的痕跡. 飲啖湯清一清, 不錯的開始.太白醉鴿$68: 9分, 吃了兩件, 太白酒味剛好, 吃落口係有種太白香流係口腔內. 鴿肉本身相當嫩滑, 唔係平時吃醉雞那種鞋肉. 很好的頭盤.炸雙卜$55: 7分, 點都要下酒菜, 今次的豆卜炸得乾身了點, 雖然都幾香口, 但係太乾的豆卜口感差了點點.麵醬油麥菜$38: 8

去過東寶好多次，食過好幾間街市大排檔，始終都係東寶最好！黃金蝦—每次去食都好滿意，咸蛋黃夠多，每一隻蝦都恰到好處！墨汁尤魚—其實就唔係好特別既，特別既地方係食緊既時候，個咀會黑哂，大家可以互相笑下，影下相咁！沙拉骨—好味道，送飯食一流荷葉飯—D汁好好味，亦有荷葉香，每次都要外買一盒俾Mommy Daddy炸榴槤同炸芝士，本人就鍾意食芝士多D，炸榴槤好似無乜榴槤味咁芝士蛋糕—要預訂，都幾好味嫁！芝士味濃！佢地都好厲害，街市大排檔有芝士蛋糕食！

有朋友經常話北角街市既東寶小館好好味、又成日有名星食，今日同另外兩位朋友一齊去左試~ 大概8:30pm到，去到人頭湧湧，企係度既全部都係等位既人，相反其他檔位則得幾張檯既人客；而呢度無籌派，全憑「麥當勞叔叔」記住客人既先後次序~ 你去到記住唔好搵其他人，要搵呢個先得，因為係佢話事客人坐邊張檯...大概9pm終於有位坐底，唔駛同人一齊夾埋一張檯真好！由於朋友們都熱同口喝，於是即刻叫左支啤酒，呢度係用凍既瓦碗黎裝啤酒，幾有風味~ 最攪笑隻碗出面寫住「戰鬥碗」，入面寫住「勝」！叫左朋友推介既凍食瀨尿蝦、醉鴿、雙菇豆腐鮮腐皮、xo醬滑雞枝竹煲同埋沙拉骨。凍食瀨尿蝦無想像中咁好味，d肉質比較散，但係都有鮮味，咁樣凍食都係第一次，算幾特別。至於醉鴿，比想像中好味，好香既酒味，同埋好鍾意個潮州點卥水野既醋，好香~其他野就都幾好，本應想試黃金蝦，點知賣哂~其實佢既野食比出面算幾特別，所以都明白點解咁多人慕名而黎食~ 不過我之前食過天后有間叫「仔仔小廚」，同東寶既風格差唔多，不過個廚做得比東寶好，好可惜「仔仔」已經轉左手，以前既師傅已經無做lu~如果大家鍾意食大排檔野的話，東寶小館可以係一個新鮮既嚐試。

嗰次同我老公兩個人去，點咗招牌菜之一黃金蝦，由於我哋坐嘅位置可以望倒厨房，當我四圍望嘅時候，比我見到有個厨房佬切完蝦(我相信係起蝦殼同埋開邊)嘅時候，用佢自已Ｄ口水吐落個"針版"到然後用刀刮去少蝦殼，真係唔相住佢用自已Ｄ口去清洗個"針版"，雖然我唔肯定佢整嗰Ｄ蝦係咪我食嗰碟，但係我哋都冇晒胃口，當日在場有不少遊客光顧例如日本人及鬼佬都有，如果比Ｄ遊客睇到就肯定對香港嘅飲食業扣分。

上星期四收工後，去左北角渣華道街市的東寶小館食飯！真係聞名不如見面，去到7時15分左右，已經全場爆滿，我同個friend都要係取no，等了15分鐘後先可以有位。一坐低，當然要叫支啤酒啦，20蚊一支雖然唔平，不過雪凍了的“戰鬥碗”好有特色，碗底有一個“勝”字，寓意“飲勝”！當晚3個人一共飲了4大支！甘遠來到，當然要叫一d特色野食啦，叫了風沙雞半隻、墨汁尤魚、XO醬通菜、酥炸鯪魚球、同埋鴨汁荷葉飯，共$400左右，一人百幾蚊，都唔算太貴。墨汁尤魚：最快到的食物，賣相特別，出面唔係間間食到，尤魚新鮮彈牙，墨汁沒有味道，牒底有意粉，整體都幾大牒。XO醬通菜：普通菜式，牒頭都OK，不過幾辣。風沙雞：$90半隻，真係幾貴！不過好好味。皮脆肉滑，有肉汁，平日食的質素可能好DD，但係冇乜雞味，可能唔係用新鮮雞啦！鴨汁荷葉飯：好似係$70，超大牒啦！食到最尾都食唔哂。鴨汁﹖唔係好似甘….不過都幾好味啦，幾多料！酥炸鯪魚球：素質一般，可以不理，不過幾香口，送啤酒都唔錯。

市政大廈的熟食中心其實有很多寶藏，這個大排檔也是其中之一。大排檔的服務好不好就見仁見智，如果食客太認真的話就反而會自討苦吃。食物味道很美味，菜式也很特別。其實現在的大排檔也可以很潮的！價錢有人說貴也有人說平宜，我覺得在乎有多少人一起共吃喝，越多人就越廉宜。個人推介：風沙雞、炸榴槤、黃金蝦。此處有相片：http://www.fotop.net/fanshu/Tung_Bo

尋晚（星期日）同女友及一個老友，一行三人專程黎到東寶食飯，由於人數太少冇得book位，唔想等餐懵既情況底下，唯有早早五點四就去到！去到時班東寶伙計都仲食緊飯，唔想打擾佢地之下，就響出面等左陣見佢地食完飯先入去！今次係第四次黎東寶，叫左以下四樣野：1) 南乳炸豬手（一大籮，炸到脆卜卜，南乳又香，絶配，正！）2) 無味精是日例湯一煲- 青紅蘿蔔煲豬（煲內好多料，D料又煲得好，如果佢真係冇加味精的話，咁煲湯真係好出味，好甜，超正！！！下次絕對會再叫黎飲！）3) 墨魚汁墨魚麵（黑黑的雖然賣相麻麻，但食落又實在係好鮮味，好味！）4) 冬陰公豬粉腸- 小辣（一大碟，好多粉腸，又有芋絲底，小小辣，好野味，如果鍾意冬陰公的人應該會幾鍾意，不過我女友就話太濃味，唔鍾意...）基本上，今次所有食物都保持一貫水準，比一般大排檔好味，亦都比好多所謂的大酒樓好，而我最欣賞既一點係，做到好似東寶咁唔憂做的店，待應們都冇話寸寸貢唔憂做，個個都好有禮貎，又自動自覺換骨碟，加水，抵讚！最後，食左個辣辣地既涼粉！我唔係太識欣賞...

又係朋友生日會，第一次去咁平民化既大排檔搞。朋友最怕食濃味既野，蒜頭芝士係佢既死敵。一行六個女仔叫左︰1. 風沙雞(好耐之前食好似好味d)2. 陳皮炆鴨+河枌底(d鴨好入味，河粉吸哂d鴨味)3. 芝士雲吞(幾香，但係唔食芝士既朋友話臭!!)4. 麵醬唐生菜(超正)5. 雞軟骨(少少酸，ok)記得第一次去食既時候真係好驚訝大排檔都有咁高水準既小菜，雖然而家好似冇以前咁好食，但係水準都算keep到，連唔食濃味既朋友都話好味。我地成6:30pm去到都等左成45分鐘先有位，睇見隔離幾間小菜拍烏蠅真係慘!

假期前夕當然係人多又旺場. 不過聽講一向都好爆場.Book七點,在場已經八成滿. 叫o左招牌小菜包括黃金蝦,風沙雞,薑葱焗蠔,炒蟶子,荷葉飯,沙拉骨等. 以味道o黎計,的確唔錯,高過一般餐廳大牌檔水準. 尤以黃金蝦,風沙雞同荷葉飯,以香口又有,惹味又有,飽肚夠料又唔膩都有. 但係哩... 價錢就唔係大排檔! 一小碟東風螺要$98. 食物平均都要八九十蚊, 唔知係咪加大o左份量哩? 環境以街市o黎講都算企理. 但係真係好嘈. 百幾蚊一餐,我諗我唔會再o黎.

星期五晚第一次去聞名已久的北角渣華道街市食晚飯, 個街市樓下靜蠅蠅, 上到去別有洞天, 好熱鬧同埋.... 好~ 嘈~ !! 嘈到好似以前去開街邊的大排檔, 幾有風味. 一去到就被"點" 搵高佬攞飛排隊, 但果樹唔只一個高佬, 最後終於搵到戴鑽石耳環果位型仔高佬, 成功攞飛. 等位二十分鐘後, 終於有得坐低. 當晚吃了:蝦羔炒通菜牛X肉: 好惹味, 夠鑊氣! 稍微偏咸了點.薑葱焗蠔: 好味到極, 好大隻的蠔焗到剛剛好, 入口好香, 咬落好滑, 一D都唔奀.黃金蝦: 中蝦剪晒鬚腳頭, 望落好乾淨, 好均勻地痴滿咸旦黃. (走時見到隔籬間食店都有黃金蝦, 但個樣睇落無咁靚)送甜品辣味涼粉: D菜咁好鑊氣, 食番碗涼粉幾舒服, 辣辣地幾得意. 　當晚好旺場, 但都唔會有趕客走的情況, 雖然上菜好慢, 但伙計都耐不耐走泥睇你爭D咩, 幫手追單, 所以都食得安心. 見到隔籬好多枱都係鬼佬, 也有講外省話的食客, 及自攜白酒的三五知己, 街方街里等... 個個都食得好開心. 以後一定會再泥.

由於女朋友去北角附近開工，接完佢放工就係東寶試我地既第一次喇。一去到要去搵「高佬」拎籌，但其實果度都幾多高佬...等左10分鐘就有位，其實張table設計幾好，可以俾你擺袋去下面，加分。叫左三樣野：1.沙拉骨最快黎既一道菜。每件骨都有沙拉，幾有心機...但就好似唔係好夠熱。D肉本身都幾軟，但都冇肉味，應該落左唔少鬆肉粉。份量以兩個人黎講好足夠。2.雞醬雞軟骨同「沙爹王」既雞軟骨好唔同，哩個雞軟骨有埋切粒油炸鬼(炸得好脆)，豐富左成道菜既口感，但相對地令雞軟骨既份量減少...有好有唔好。醬汁很惹味，令人不自覺夾多幾粒...3.XO醬通菜咁岩我地果碟D通菜都幾老...減分。不過不失的一道菜，偏喊。以咁既食物質素、食店環境，價錢偏貴。侍應都算比一般茶餐廳好，甚少在食客食抱怨。另外一讚「高佬」，佢幫我地落單見我地D野食都幾耐未黎後，自己主動入廚房催...唔錯丫！

兩口子去到東寶,風沙雞吃不下,荷葉飯份量過大,豉油王炒麵,多多都受得起.其豉油王炒麵炒得極乾身,麵條幼如天使麵,鑊氣十足,豉油味完全溶化在麵內,滴油不沾.質感爽口彈牙.吃過最好的豉油王炒麵,就是東寶.同桌的墨汁吊筒,炸豬手等等,已經淪為"大茄".如果大家有吃過更好的話,不妨分享一下.