東京築地拉麵 (已結業)

拉麵雖然因為主要配菜以豬肉為主，令我大部分時間都不敢食，就算現在全香港很多地方都是日式拉麵店林立，我還是每次在拉麵店門前擦身而過，過門而不入。還來知道旺角雅蘭中心地庫有間拉麵店「東京築地拉麵」，有炸雞肉的拉麵食，忽然在內心引起一陣騷動，想試試這個跟炸雞拉麵的味道。去到「東京築地拉麵」，發現下午茶沒有拉麵，只有烏冬提供。不過看在炸雞的份上，最後還是點了日皇炸雞跟烏冬的下午茶套餐。點菜之後，我開始想為餐牌和餐廳影張照片，留為記念。問題在於，我拍完這罐汽水後，拍照就不幸到此為止。因為之後想在座位上影張廚房的照片，被那不知道是店長，還是經理的四眼肥仔強行阻止，還幾乎想強行删除手機上的相片，我被迫删掉一張相片。之後，我連想為自己那碗烏冬留張照片，也受盡監視和壓力，自此我對這餐廳留下很惡劣的印象。本來那個下午茶的日皇炸雞烏冬，炸雞炸得很香脆很熱辣辣，烏冬口感還算可以，但是被那個四眼肥仔這樣羞辱後，我對這間餐廳的印象已經大打折扣，以後也不用奢望我會再光顧「東京築地拉麵」。一、定、不、會！！！！！！！！！！！

一直都聽講旺角有一間東京築地拉麵，位於朗豪坊附近既佢原來係係地下一樓，有點隱世的感覺。沿著樓梯落下，可以一路欣賞店內的日本風建築。我們大約3點左右去到，既非午餐亦未到晚餐時間，所以店內人流不多。打開Menu本想叫豚骨特製拉麵，誰知店員有點黑面的跟我們說四款最有名氣的拉麵都沒有了。所以我們只好叫了後面的拉麵來吃，我們叫了築地叉燒拉麵($65)和特上大盛拉麵($78)。兩碗的外貌沒有太大的分別，就不開兩張放上來了。而味道方面，兩碗的湯底差不多，我所叫的築地叉燒拉麵所選的拉麵肥瘦分別，但是沒有太濃的味道。麵條比較軟身，個人來說比較喜歡硬身。而湯底方面，我覺得可以再濃一點，但整體來說這個價錢這個味道真的不錯👍🏻另外我們還叫了廣島吉列炸蠔($34/4隻)，味道出乎意料之外的好，而且十分juicy！好值得再吃！雖然店員的態度麻麻，而且不知道為什麼我們的餐送得比較慢(其他比我們晚下單的幾桌都先收到餐)，但這間東京築地食堂的定價還是比市面上的拉麵店更便宜，而且味道也不差，值得一試。

上星期去MK到SHOPPING個時SHOP到中段 緊係要醫下個肚 然後繼續作戰啦!之後我同朋友就去左係朗豪坊附近既雅蘭中心地庫到食野!其實依家大家都知道 MK愈黎愈少真係好好味既野食 而且仲要SET到個價好貴不過前幾日又有驚喜WO我地因為想食D飽肚D既野 所以我地就去左呢間東京築地到食拉麵同飯赤神濃厚豚骨湯叉燒拉麵 (HKD68)繼純情豬後正正子既係呢個赤神濃厚豚骨湯底，就咁都聞都聞到陣辣味🙈 最正係拉麵同叉燒都吸晒d湯底☺ 雖然比起個d正宗日本既拉麵仲有段距離，但呢個價錢算係咁😌另外我就叫左個 築地牛飯 ($46)呢個我都覺得唔錯見返個MENU 牛肉飯裡面個汁係自家袐制既所以食落去 牛肉味超重 D汁加飯就咁撈埋一齊已經好好味!

之前去東京還沒有機會去築地, 不過好似就來搬了, 哈哈, 不要緊啦, 在香港都可以食好多美味的日本菜. 同相公過旺角買完野經過雅蘭山東街果邊, 見到這間東京築地而且有位, 所以入來吃拉~ 幸好我們入來是還有位, 因為都好爆多人的說. 來個沙律小吃, 這個仙境沙律 (HKD38) , 沙律如其名, 賣相非常特別之餘, 口感也好有層次, 脆卜卜的炸麵條配上不同的生果蔬菜, 再與千島沙律醬一起攪拌來吃, 非常特別好味. 泡菜餃子雞翼 (HKD 35), 雞翼再釀入泡菜雞肉等, 帶辣的餃子雞翼啖啖肉. 這個黃金焗帆立貝皇 (HKD43) , 果然是皇啊, 成隻手咁大的Size, 表面完全是被芝士包蓋的帆立貝, 裏面的原粒帆立貝再加上大量的蒜, 啖啖肉之餘都非常香口味濃. 好, 我就叫了個赤神濃厚豚骨湯叉燒拉麵 (HKD68) 話明是赤神, 當然是帶辣, 豚骨湯味道非常濃之餘喝湯時也沒有口渴感. 而且叉燒厚度適中, 唯一我會覺得要扣點分的是這個拉麵有點油, 不過整體鹹濃度不錯 而相公就叫了個特上大盛拉麵 (HKD78) 有兩塊大大塊的叉燒 (但又有點似腩肉的質感, 脂肪度適中

兩女行完朗豪坊，處於攰、餓狀態，見到這店，即入座！食物既種類都多，有刺身、壽司、拉麵、串燒、炸雞等... 日皇炸雞 $58大大件，炸得脆口，雞肉不「鞋」亦不油膩，可與附上的泡菜辣醬及芝麻醬一齊食！ 特上大盛拉麵  $78 麵條彈牙，見到湯面有一層薄油脂膜，一睇就知這湯底好濃郁，先喝一口湯，味道醇和。叉燒肥瘦均勻， 味道偏淡，幸好有濃湯搭夠 流心蛋說是自家製，外熟內生，非常好味! 三文魚刺身： 有五塊新鮮刺身，新鮮、厚切的, 相比其他熱食, 三文魚刺身好似普通了一點！

特上原味豬骨拉麵$85 已經第三次來，味道依然岀色我和好友👧👧均愛拉麵，因此帶他一試上錯的拉麵，我們吃了三口才發現，為何黑蒜油拉麵是白色？😳問完服務員後發覺上錯，原本朋友想吃這個擺了，不過服務員還是幫我們給多一個新的拉麵😂豬骨拉麵味道濃烈，豚香濃稠，喝一口也喝得岀需多時煮製，值得一試😝

雖然香港越開越多拉麵店，但好多價錢都唔平，想食得平民d,東京築地都係一個好選擇，拉麵平均都係六七十蚊一碗，小食都係四至五十。但一分錢一分貨，我嗌左個黑豚拉麵，可能我鐘諗濃味既關係，所以覺得湯底唔夠濃，但其實整體黎講都唔差既，糖心蛋同其他配菜都好食，係湯底可以濃多少少就好啦。

chicken對拉麵情有獨鍾，但香港既拉麵店價錢通常偏貴，所以唔係想食就食到，迎排終於有啲時間出黎慶祝節日，順便當食餐好。呢間東京築地已經開左四間分店，差唔多有少少步向連鎖式既感覺，旺角依間係地下鋪，落2層樓梯就到步。環境欠缺左日本既拉麵店特色，雖然有特登裝飾一下，但整體感覺比較時尚感，冇左果種日本和風特色既味道。MENU都有別於出面既拉麵店，有圖有字，連鎖式比人既感覺就係唔同。泡菜餃子雞翼，開頭以為泡菜要自己加上去一齊食，因為旁邊放左泡菜，但咬左一啖先知，原來入面都係用泡菜做餡，酸酸辣辣既味道，令雞翼冇咁HEAVY 焗芝士青口，焗得乾左少少，芝士更出既話會更好，仍有少少海腥味。仙境沙律，見到MENU個賣相已經比佢吸引左，估唔多份量都幾大同多！上層係好脆身既炸薯絲（？）再淋左個胡麻汁，下底仲有個沙律菜，成碗野食左好耐，比較適合2-3人食。築地牛丼，面頭落左芝麻同蔥花，聞落去好香，應該用左牛腩既部份黎整，牛既口感有少少＂鞋＂身，但調味醬汁做得幾好，咸中帶回香，令牛丼加左唔少分。以飯黎講，依款算比較平同抵食，份量唔係大大碗但已經夠晒飽肚。綠魅拉麵，chicken話想試新野，所以嗌左個充滿綠

跟友人們在旺角血拼完，想找個地方醫肚歇腳...就到了雅蘭地庫的東京築地拉麵去。除了主打的拉麵，食物款式也很多！平日吃的拉麵大多是豚骨湯底，翻翻menu看到一個蠻特別的綠色拉麵！綠魅拉麵的湯底以菠菜汁和魚湯熬製，感覺清新又健康，不會油膩飽滯~吃完還有quota可以叫小食！豚肉比較瘦，油脂不多。但鮮嫩爽口，肉汁鮮甜~~拉麵整體不錯，很清新...相信熱量遠比傳統的豚骨拉麵低。(不過我有少少掛住豚骨拉麵的肥叉燒呢^^;)綠色田園飲品是青綠的蔬菜汁特飲~配上色彩鮮艷的水果，賣相夠吸引。不過冰多了一點，雖然讓蔬菜味變淡，但不會像青汁般草味濃濃的，相當清甜。以飲管攪勻才喝呢~黃金焗青口不算好大粒，但芝味香濃~~芝士夠鹹香，還拉出絲來~鮮甜青口相當juicy~有點唔夠喉呢！再來日皇炸雞，外層香脆口感好，而且不會很厚粉，有驚喜。友人覺得偏鹹炸雞，可能我剛吃的拉麵比較清淡，感覺味道ok，不用點醬汁已經很好吃！燒免治雞肉棒味道不算特別，啖啖雞肉內有雞軟骨的脆脆口感，味道有點濃呢~點了太多小食，吃得飽飽的...忘了留quota給甜品...好想試試豆腐布丁，唯有下次再來吧！

今天大约二點半佐佑入門口見四周冇客，心諗中伏但又肚餓，死死地照入，但冇人招呼，甘就自己揾位，已經好肚餓想order食物,但侍應當妳透明，無明火起，於是大叫唔該先有反應烏冬仲要送異物，基於肚餓照食…但好唔掂…未食過甘難食既豚骨湯底…冇味只有油溢味……以後唔使錢都唔食

黑豚拉麵湯底夠香濃，麵條軟硬適中。蔥花和芝麻令整碗拉麵更香。值得一試。除此之外，溏心蛋混合湯一起食，非常好味。叉燒肥瘦均勻，味道雖然偏淡，幸好有濃湯搭夠，拉麵令我吃得津津有味。

Menu外型酷似一本筆記，感覺很青春！內裡既設計亦比一般平實既menu更可愛！而且食物既種類同款式都幾多，有刺身、壽司、拉麵、串燒、沙律、炸雞等等...打開MENU見到外型似太極既黑鬼濃厚豚骨湯叉燒拉麵產生左興趣，到底咩係黑鬼呢?細問店員後，得知原來即係黑蒜油!雖然係黑蒜油，但入口唔會油淋淋，反而有香既蒜味!拉麵麵條粗幼適中，口感彈牙，配料有叉燒、流心蛋、黑木耳、荀、粟米粒...流心蛋說是自家製，由廚師以上等雞蛋加上祕製醬汁而成，果然名不虛傳!雞蛋好香蛋味，而且流心效果非常佳，外熟內生，非常好味!炸雞有芝麻醬同泡菜辣醬，實行一雞兩味，抵食呀!烤雞大大件，咬落香脆，啖啖肉，值得推介!蒜香燒青口一碟四隻，青口SIZE唔會好細，蒜蓉辟左海水既腥味，好食!另外仲ORDER左燒巨虎蝦，虎蝦真係好巨SIZE，絕無欺場!虎蝦肉質實淨，好新鮮，入口爽口彈牙，醮上醬油更惹味!波子汽水夠哂日本feel，好耐都無飲了!~當然唔可以錯過喇!!粉紅色既桃味波子汽水，成功俘虜左我既少女心!!!

同朋友食飯離不開都係旺角，位置方便嘛！上openrice見到宜家餐廳附合要求，就決定去了！餐廳以木色做主調，感覺舒適和諧!黃金豚骨叉燒拉麵，份量適中，拉麵麵條係我最我既質感，麵條煙靱有口感! 豚肉肥瘦相間，入口即溶，肉味濃，令人回味無窮!流心蛋生熟度掌握得剛剛好，成功做出蛋黃流心既效果!湯底亦十分有水準，湯底濃厚，不得不喝光唷!仙果蟹柳卷色彩同餡料一樣咁豐富，蟹柳卷應該係即叫即整，入口紫菜非常脆，蟹柳鮮甜!脹卜卜既泡菜餃子雞翼絕對係必食，雞翼已去骨，內裡饟滿泡菜&豬肉。一口咬下，口感豐富，味道酸酸辣辣，一碟得兩隻真係唔係好夠喉!~日式煎餃子煎得金黃香脆，唔洗點餃子汁已經好惹味了!餃子入面饟滿豬肉碎份量充足，入口juicy，yummy!!芒之戀人既特飲其實係益力多味既芒果汁，味道十分清新!飯後又點少得甜品，可惜甜品得一款豆腐布丁，沒有什麼選擇！豆腐同oreo餅碎相間，非常有創意，味道唔會太甜，健康之選！

I was craving for ramen so my boyfriend took me to this ramen place next to Langham. After looking through the menu I ordered the rice instead of ramen because it was more attractive. My boyfriend got the ramen with roasted pork. The soup had strong pork rib flavour. The ramen was stretchy and the roasted pork was meaty and soft to chew. I ordered the beef rice bowl, I was surprised that the beef wasn't in stripes but in small cubes. Anyway, they were soft to chew and the sauce they used was qui

原本想高高興興食餐飯既...都未食完已經破壞晒了...拉麵又生又硬 個湯油到食完唔洗5分鐘上面就凝結左一層油甘既野...辣湯又唔辣仲好意思話3隻椒...碗野只有紅當當甘虛張聲勢..小食叫左芝麻八爪魚...未解凍仲依附住冰醉碎都仲上菜比我地..變左八爪魚沙冰（赤神叉燒拉麵右上角果碗）..最後當然得個擺字啦只有個青口叫似樣d..但其實都無新鮮青口既口感 香就夠香 但過多既蒜頭遮蓋晒青口味 最後道小食只有好重既蒜頭味 最後 只有去食炸雞..補償番我地受傷既心靈了..