東京築地拉麵 (已結業)

呢間好近旺角站 好方便打開餐牌 見到拉麵$6x一碗 比好多同類餐廳便宜 yogurt/梳打等特飲只係$2x 收加一原來一分錢真係一分貨 食物未到 服務已經極之令人失望...張單寫著6:47pm開單 其實都落咗單近十分鐘先畀我哋 坐到7pm 店員忽然送上兩杯凍茶——唔係應該我哋入坐底就有的嗎？7:07pm第一杯飲品終於送上 7:25pm食物終於到齊麵都算大碗 味道都算okay 唔太鹹 麵軟硬適中 爽口 佐料豐富 不過隻糖心蛋係凍嘅......

某天下午和媽媽在逛街，途中經過這一間拉麵店，我們也逛得累了和餓了，於是便決定駐足在這裏停留，吃拉麵作我們的午餐。店内的環境也頗舒適，桌與桌之間也很寬闊，我們被安排到卡位的位置。沒想到這裏除了拉麵，還有很多款的小吃，有串燒，炸物，沙律，甜品，特飲等等，形式比較像是一般日本餐廳一樣。本來打算散點拉麵和一些小吃，可是看到有set lunch menu,而這個set lunch menu除了有一碗拉麵外，還有前菜和飲品，和自行選擇小食一款。價錢居然和散點拉麵一樣，午市套餐真的很划算呢。我點了一碗綠魅拉麵（$62），小食選了日式煎餃，飲品加$12選了一杯特飲-芒之戀人先上桌的這杯芒之戀人這杯芒之戀人真心是芒果乳酸，喝上去芒果味濃之餘乳酸的味道也相當突出，新鮮甜甜的芒果配上酸酸的乳酸非常開胃，芒果味道一點也不假，很好喝。接著我的set lunch便來了，托盤上載著我的綠魅拉麵，前菜和小食- 餃子。這一碗綠魅拉麵，湯底其實是菠菜湯底，菠菜味道非常天然清新，味道突出，感覺不油膩，而代替平時拉麵上的叉燒卻是豚肉，豚肉沒有叉燒般油膩，而且豬肉味更重，口感也比較爽脆整體整個配搭很健康。餃子皮薄餡靚，内裏餡料

Happy Friday出黎食野兼吹水，近近地去左雅蘭食拉麵，地庫位都幾濶，可惜收唔到電話無得上網，哈哈，咁可以專心食了。枱上有餐具，紙巾，調味料等，摸上手都幾乾淨，無黏糊糊。好鍾意食餃子，所以去到好多拉麵舖都會叫一客，是晚的餃子煎得香口，上枱時熱辣辣的，不過味道就係一般凍肉舖的日式餃子貨式，三十幾蚊一客都幾貴。朋友點左牛油拉麵，等牛油滆左混埋入湯底中，更香更滑，好味呀，朋友飲哂成碗湯自己點左黑鬼，果然係黑漆漆的試一口湯，味道較淡的，無個種豬骨湯濃到黏口嘅感覺，不過正因為係淡，啲湯好易入口，都差唔多飲哂全碗㗎。至愛溏心蛋，無失望，好流心，小小蛋香。圓形叉燒成半肥瘦狀，叉燒很軟腍一夾即散開，味道蠻不錯的，肥膏部份入口即滆拉麵用上黃色麵條，有點像即食麵的感覺，都幾爽口彈牙。六十幾蚊一碗拉麵，都不可能要求係日系正宗的吧？！味道不錯，份量正常，收貨了。

不嬲都知雅蘭中心多野食，但係地庫真係好少黎到。原來地庫都幾多餐廳，小姐今次試東京築地拉麵。一入到餐廳就見到裝修好日式風情，本menu仲有啲日式漫畫，幾得意。作為崇日既港女，梗係要即刻叫杯ASAHI飲下先～黎到東京築地拉麵，一定要食拉麵啦！黃金濃厚豚骨湯叉燒拉麵價錢親民，湯底係濃濃既豚骨湯，麵質軟硬度適中，叉燒肥美～如果有得揀麵既軟硬度就更細心喇泡菜餃子雞翼岩晒小姐啲咁懶既人，啖啖肉，外皮又香脆仲有啲燒物都唔錯

去拉麵館唔食拉麵食飯😂呢個牛丼啲牛肉🐮同平時食開既味道好唔同 佢既牛肉味好濃郁 用左特別既醬汁煮到佢好林 個醬汁唔係沙嗲醬又唔係咖哩汁 係築地既秘製醬料😂再加埋芝麻同蔥😋 我覺得食物味道係唔錯 但間餐廳既樓面衛生有待改善😐 我同啲friends 都一致表示 一唔食一唔聞到酸餿味 好得人驚😖

好難食，叫了一個拉麵一個牛肉飯同埋一碟荀，每個都鹹得很！不開心的一餐。店裹只有幾個人都可以上菜超慢！大家還是別去了。除非你喜歡吃超級鹹，是會鹹得到腎病的那種！！

今次去到旺角東京築地，果然好有東京的感覺，真係好正👍🏽點了雞翼同炸物兩款小食，雞翼好正，唔會好油好難咀嚼，反而好入味。而炸雞真係好推介，平時炸物都好多炸粉既，但呢度唔會，炸得好脆，又唔會好似炸雞點咁油膩，而且雞肉都好juicy, 唔會好乾咁。呢度環境都好好，好岩同朋友坐係度吹下水，食下野咁，下次一定再泥

午後，獨自於朗豪坊 Lego 專門店，買禮物給小姪，花多眼亂，實在感到頭昏腦脹，選購完畢，極速逃離現場，往外找點吃的，補充一下體力。
看見自己喜愛的拉麵，箭步入店，自然風格的日式裝潢，空間寛敞舒適。坐下來即時點餐，黑鬼濃厚豚骨湯叉燒拉麵，滿意的造型，黑白相間，配料豐富，令人食欲大開，湯碗不大，份量適中。先呷一口豚骨湯，不會過濃，豚肉鮮香混著黑醬油及蔴油，融合出一道誘人的香氣。以肥瘦參半卷製而成的叉燒，入口鬆軟。溏心蛋以醬汁浸泡過，令蛋香多添一份惹味。鬈曲的拉麵，更易沾上湯汁，但口感只屬一般，不過不失。
追加了，日式煎餃子，薄薄外皮煎得金黃香脆，內裡肉汁豐富，非常美味。
餐後，點了翠梅梳打冰，一啖入口，味道清爽酸甜，即時去油解膩。
充電完畢，元氣恢復，又往外繼續閒逛。

✿╮❤╭✿ ✿雜感女生 好味日記✿ ˚*•✰。東京築地拉麵．回味小吃。✰•*˚ ✿✿舌尖上的旺角✿✿ ❤餓底飯聚❤ ❤ 旺角的特點是人多勢眾，無論任何時候 只要食店好吃，就是人龍長長 看著「東京築地拉麵」排隊的人龍，曾有掙扎是否去吃呢？ 結果，還是為了那滋味乖乖的排隊 這裡的拉麵早已聞名，今次點小吃來嘗嘗 就是為了「小食多滋味」的道理 芒果冰冰特飲：香甜乳酸配上真芒果，份外醒神開胃 燒活鲷魚：香噴噴，份量足2人用，外皮香脆，裡肉雪白， 再加點檸汁與日式醬汁，又令人吃得開懷 蒜香燒青口：蒜香味濃，而且有生鮮的蒜味，香中帶辣，味道不錯 墨魚腸：外表黑漆漆，咬入口就是墨魚香氣，彈牙爽口， 墨魚打成腸再加了墨魚粒粒，有咬口，令人停不下來 回味之作：燒牛肉串燒 長長長，非常長，霸氣的賣相，牛肉大大粒 我最想問的是：大蔥啊大蔥，你怎麼這麼好吃？ 純情豬古力卷：好香好入味的金菇豚肉卷， 我又要說，我不太愛吃豬的，無奈此款食品：豬肉嫩口，金菇味佳 又是要回味一下 小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆

今日，同朋友喺旺角搵食，行到雅蘭商場，見到有間叫東京築地拉麵，睇倒築地兩個字，已經夠曬號召力，再睇吓個餐牌，除咗拉麵，原來仲有丼飯同串燒，都幾多嘢揀，決定喺度開餐。因為我哋想食多幾款串燒，所以叫咗一個牛肉丼飯一齊食，唔好睇佢細細碗，其實份量夠曬兩個人，牛肉炆得好淋，好入味，自家製醬汁味道幾醒胃，再加埋大量蔥花，好惹味。串燒，叫咗燒巨虎蝦，隻蝦真係好巨，成隻碟咁大，爽口又彈牙，最好灑番少少海鹽喺面，咁味道就會更加好。蒜香燒帆立貝，又係好大隻，口感唔錯，加埋D蒜香，好鮮味，但係就熟咗少少，有D韌。12吋特長串燒，有牛肉粒同京蔥，因為牛肉粒有少少肥，燒完好香口，又唔韌，好好食，但自己唔係太好京蔥，所以，只係食咗一嚿，就比朋友食曬。燒雞軟骨，入口好香脆，又有口感，食串燒我一定會叫。牛油燒粟米，好抵食，有4件，覺得個肚掙咁D嘢嘅時候，食粟米就最啱，食完就夠曬滿足。跟住叫返杯和歌山紀州梅冰，粒梅好夠味，鹹鹹地，酸酸地，味道醒神又解渴。呢度環境都幾好，仲好有日本 feel ，而且，我哋又提早咗食飯，所以，唔係太多人，可以靜靜哋，坐得舒舒服，慢慢食。

遲咗放工睇完戲，原本一早安排要去隔離排隊食火鍋等唔切喇🙈，好肚餓呀就過咗隔離食。為咗滿足我嘅食慾就係咁叫嘢食。呢度個Menu嗰啲菜名⋯⋯咁就俾佢嗰個乜鬼嘢仙境沙律賣相吸引左就叫咗。天氣熱就想食凍野，就叫咗個青檸冷烏冬。想食啲香口野就叫左泡菜餃子雞翼，見到燒菠蘿好開心又叫埋燒菠蘿。朋友仔叫咗個築地牛丼同埋沖繩黑糖竹蔗冰，我就飲芒之戀人。黑糖竹蔗冰普普通通，芒之戀人芒果味唔濃，似落咗芒果糖漿🙄。個沙律嚟咗我O左嘴，圖片只供參考😑食過屋企附近間秋月居沙律之後，呢個簡直唔入流，炸麵嘅size又細，仲要無料嘅🙄啲生果粒粒細粒到呢又少又冇汁。燒菠蘿就冇問題，燒完焦糖化咗好甜無渣。泡菜餃子雞翼雞翼冇乜肉，辣辣地幾香口。築地牛飯份量好少汁幾好味，好快就被朋友食咗都冇影相🙈。青檸冷烏冬比想像中清新，酸酸地幾開胃。用滔庭烏冬好滑口，不過都係好細碟食完都唔飽。不過價錢真係好平，都只係二百幾蚊。環境就牆上面有啲日本生活嘅的話都幾得意，但係去廁所好麻煩，要兜到隔離鋪頭後門入去。

由於自從係日本返黎香港之後實在係太耐冇食拉麵既原故,今日就同朋友去左食拉麵,因為唔想太貴,所以去左旺角既東京築地拉麵度食。今次我叫左衣個赤神濃湯豚骨拉麵!大家可以睇到佢個賣相真係相當唔錯,個湯底真有豚肉既味,但係真唔係想像中咁濃,不過都OK啦~隻旦就個人覺得唔夠流心,不過7十幾蚊既拉麵,算係差唔多水準嫁啦!

同細佬收工去左食拉麵因為我中意食麵所以就黎呢間啦泡菜烤雞卷$32 有一點辣辣的 而且都食到很大塊雞 味道都是很濃很香的 都包很實很有口感雪印牛油叉燒拉麵 $63 一開始會見到一整塊牛油的 但食下來時牛油味沒想像中重 所以不怕搶了湯底的味 還有很大塊叉燒 又香又滑牛腩都係好香真係一黎就聞好香既牛腩味而且仲好多肉啲飯都係好靚日皇炸雞$53 覺得有一點太油 但是配上醬汁就會變得剛好 而且分量都不少 只是$50多元 有幾大塊了

旺角愈泥愈多食店，呢間雖說是位於雅蘭，但位置其實很容易被忽視，如果唔係揸車經過見到，應該都真係會錯過左。點了辛辣豚肉拉麵，豚肉味道很淋，唔會咀嚼太耐，而拉麵很幼細，軟硬度適中，但若能在辛辣的味道上很辣會更好，因為湯底感覺較甜。另外點了手卷，上面是泡菜，與手卷一口，味道很融合，泡菜的辣與飯團結合，帶出飯團的雞肉，有點酸有點辣，十分正!還有是芒果乳酪，非常醒胃，乳酪是奶，加上芒果的甜，絕對令整杯都十分清新

由於本身想食嘅拉麵店太多人排隊 係Openrice見到呢間好評都多諗住試吓 點知……齋睇裝修都幾精緻嘅 一坐低就聞到陣up味menu霉霉地 感覺都幾污糟 叫左豬骨湯拉麵($65)同什麼黑糖甘蔗冰($22)豬骨拉麵湯底好一般 拉麵好一般 即食麵質素 而匙羹都有陣臭味 黑糖甘蔗冰味道偏淡同埋有蔗渣服務勉強可接受其他野食質素唔知 但食完今次都冇咩興趣再試