東京築地拉麵 (已結業)

Menu外型酷似一本筆記，感覺很青春！內裡既設計亦比一般平實既menu更可愛！而且食物既種類同款式都幾多，有刺身、壽司、拉麵、串燒、沙律、炸雞等等...打開MENU見到外型似太極既黑鬼濃厚豚骨湯叉燒拉麵產生左興趣，到底咩係黑鬼呢?細問店員後，得知原來即係黑蒜油!雖然係黑蒜油，但入口唔會油淋淋，反而有香既蒜味!拉麵麵條粗幼適中，口感彈牙，配料有叉燒、流心蛋、黑木耳、荀、粟米粒...流心蛋說是自家製，由廚師以上等雞蛋加上祕製醬汁而成，果然名不虛傳!雞蛋好香蛋味，而且流心效果非常佳，外熟內生，非常好味!炸雞有芝麻醬同泡菜辣醬，實行一雞兩味，抵食呀!烤雞大大件，咬落香脆，啖啖肉，值得推介!蒜香燒青口一碟四隻，青口SIZE唔會好細，蒜蓉辟左海水既腥味，好食!另外仲ORDER左燒巨虎蝦，虎蝦真係好巨SIZE，絕無欺場!虎蝦肉質實淨，好新鮮，入口爽口彈牙，醮上醬油更惹味!波子汽水夠哂日本feel，好耐都無飲了!~當然唔可以錯過喇!!粉紅色既桃味波子汽水，成功俘虜左我既少女心!!!