村爺爺龍蝦湯.泡飯.燉湯專家

營業中

休息中

做完野6點左，經過油麻地揾野食，見到平時排晒隊既村爺爺泡飯唔洗排隊就有得食，就2 話不說入去揾個位坐低睇野食，據說車仔麵都幾好，不過今次揀了泡飯嚟食！餐廳環境是一般茶餐廳格局，簡單裝修！建議最好早d嚟，我走既時間已經開始要排隊！餐廳選擇眾多，其實除了泡飯外，您都可以order隔嚟既車仔麵，總有一款啱您食既！ 我今次就叫左個 海鮮龍蝦湯泡飯！ 跟據佢既描述係用龍蝦淆製而成，雖然我唔係龍蝦愛好者，不過都想試下係唔係真係咁堅料！如果您喜歡食龍蝦，佢仲有個有半隻龍蝦既泡飯可以選擇，$98嗰個！話都無咁快d野食已經嚟到！嚟到嗰下真係嚇我一跳，$68有無咁足料？！第一件事要做，就梗係要試下佢d湯係唔係真係咁正！結果係估您唔到咁鮮甜！真係有龍蝦既味道！我飲左成4,5湯匙先開始記得佢有個飯要擺落去撈！諗起d飯索晒d湯汁既情境就真係口水都流埋出嚟！除左叫湯飯外，仲叫左個雙拼小食，有炸魚腐同墨魚手指食到最後由於d湯太好飲我成碗清晒！您睇下唔計其他食材，食剩既殼就知佢有幾真材實料！埋單一百蚊左右，估唔到呢個價錢都有咁好質素既泡飯，真係推介大家嚟試下！

帶班Friend來試新嘢，順便來打打卡佔據好評榜的「👴🏼村爺爺龍蝦湯泡飯🍲」。因為紅日條街多佐好多人，我哋四條Q自覺排隊乖乖等位，順便霖下食咩好門面餐牌介紹拍張舖面情況👇等佐20min左右就輪到我哋餐牌👇我做佐功課來㗎，所以我點佐個口碑好、好評高#極上海鮮龍蝦湯泡飯#品嚐一下 未上菜品前期待佐一下，實物來到賣相還不錯試佐下啖湯 濃濃的海鮮味 算比較豐富㗎喇優「扇貝 青口 魷魚 蜆肉 還有一個龍蝦頭！」嬲「🍚飯未煮熟 生米來㗎」我地四個囡仔 都比較細食 所以就叫佐兩個飯倆倆一齊share～👇「鮮雞鮑片雜菌龍蝦湯泡飯」嗰菜名改得夠曬長，但係只食到係雞湯飯囉 而且試佐我個皇牌極上之後 對比呢個飯 簡直係難食 我就唔推薦大家試囉加佐$7配個響鈴or炸魚皮 然後送杯熱飲☕️我係超級鐘意食炸魚皮 但呢個炸魚皮係我食過所有炸魚皮中最難食的炸魚皮 比個嬲嬲無論泡飯食還是就咁食 超級超級腥‼️失望到極致～講真今次滿意度不高 唯一高分之處龍蝦湯不錯 埋單赱人～#Terry Yip2017.12

今日去食，叫左個湯飯等左30分鐘都未到!!!果時場上係好多吉位，非繁忙時間...最令人嬲嘅係隔離枱遲過我十幾分鐘叫，反而快過我上菜咁冇工作效率，唔會係單疊單，令我張單沉晒底吧！唔會再有下次 哼

今晚去旺角行下，行完一行四人就搵野食...朋友突然話不如試下村爺爺。好啦！一於去試下！去到差唔多8:45pm，等左一陣就有位啦！見牆上貼滿剪報，介紹呢度既龍蝦湯泡飯，睇黎係必試菜式，就叫黎試試！- 極上海鮮龍蝦湯泡飯：湯底應該係用蝦殼、貝類海鮮等煲出黎既，鮮味濃郁，反而冇咩龍蝦味。湯入面有好多蜆仔肉，兩隻青口，一舊墨魚仔，幾隻墨魚圈同一隻帶子。將另上既白飯倒入湯入面，夾埋一齊食，係幾鮮幾好味既！- 炸魚皮：加$7可以有一碗仔魚皮，大既有兩三舊...其餘都係碎既細細舊。放落湯度食，係幾似打邊爐，幾好食既。- 上湯菜心：冇特別- 黑毛豬片拼墨魚圈 & 墨魚手指拼魚腐：分量比預期中少，又唔係咁好食！下次可以唔叫！同行朋友叫左個「和牛油滷水牛筋牛肋條飯」，牛筋分量比牛肋條多，味道亦好普通，下次可以唔叫。湯飯食完冇好口渴下次再黎食，都只係會叫「龍蝦湯」泡飯！

ㄧ早叫左個D2加6蚊火腿炒蛋多士!連個咁基本又易熟嘅早餐都唔入得口!根本就無心!D豬骨湯唔熱攪D五香肉丁汁仲未溶!個碗就夠大!D料就無成意!以後唔再黎!唔係難食!係唔食得!!!!!!

最初見到呢個花膠雞湯($68)，以為是一件件雞件。原來它是完整的半隻雞！這湯加$10的話，包熱飲和莱。雞湯比較鹹， 如果撈飯或配粉麵的話會比較合適。 雞算新鮮。味道不錯，肉也滑。 只是半隻雞。。。食的時候比較論盡 期間不少人點 鮮龍蝦海鮮泡飯，都睇得吓。不知味道如何？有機會試下先！

今日去咗朗豪坊附近一帶行街，行到晚飯時間，就見到呢一間餐廳好多人係度排梗隊，好奇又八卦既我梗係上前打探下究竟有乜咁巴閉，間餐廳叫 [ 村爺爺龍蝦湯.泡飯.燉湯專家 ]，睇到有海鮮我就二話不説去排埋一份。 😍 😍終於入到去，佢有好多泡飯俾你選擇，難得排左咁耐隊就梗係食佢嘅王牌菜啦。殿 . 海鮮龍蝦湯泡飯，之後再叫左花膠響螺雞煲翅。海鮮龍蝦湯泡飯上菜時，飯同餸係分開上的。 除咗龍蝦外重有好多配菜，有菜、青口、元貝、蜆肉、墨魚仔。👍🏻 未食之前，先試一試個湯底先，因為老闆推介龍蝦湯底是用左 22 個鐘整成的。試左之後湯底真係好鮮甜，而且每樣食材都好新鮮。花膠響螺雞煲翅 : 湯味很濃郁，而且雞肉也十分嫩滑。

👁‍🗨 極上海鮮龍蝦湯泡飯 💲68呢個湯底有好香嘅龍蝦味， 不過咁既價錢就梗係得個龍蝦頭冇龍蝦肉😂碗飯大兜到呢，初初我好肚餓，但係最尾都食唔晒，簡簡單單既龍蝦湯泡飯已經好好味😳啲海鮮好足料，有扇貝、青口、蜆肉、魷魚圈同埋墨魚仔，食完一大堆海鮮仲有好清淡嘅生菜，海鮮係唔夠鮮味，但都係果句，咁既價錢有海鮮食仲想點🤤再額外加$7仲會有響鈴或者炸魚皮同埋熱飲，我加左個響鈴，食食下先醒起佢漏左單無比到我，一兜響鈴有兩條，夾上黎唔夠脆身，但係浸落湯後都係淋身架啦😛🔛 整體評分（7/10）

之前同老公經過，見到呢間店平日都有人排，望過個餐牌,覺得幾抵食就一直放係個必試list,今日終於都有時間來啦。位置係油麻地地鐵站一出的轉角位，一分鐘就到。 今晚七點半嚟到，門口已有大約六，七個人排隊 ，本身以為要等好耐， 但估唔到大家都好爽手，唔使15分鐘已入去坐定。望住個menu選擇困難症又嚟，好在老闆專登介紹我哋，推介招牌嘅龍蝦泡飯， 同埋雞湯翅泡飯。招牌龍蝦配烏冬一上嘅時候^嘩^咗一聲, 好大碗。 有半隻龍蝦， 一個大扇貝 ，花甲去殼食到有七八粒， 青口大約有五六隻， 魷魚人3，4舊大大舊。最欣賞係 有一大嚿蔬菜， 唔使另外再嗌碟油菜 。湯頭甜， 老闆話湯頭經十個鐘， 用兩種唔同嘅龍蝦，大蝦及其他海鮮淆製而成。 扁身嘅烏冬可以吸收湯汁， 雖然要另外加十蚊但鍾意食烏冬嘅朋友可以試下。 另外附有鉗， 工具齊全 ，唔使自己咬到牙都崩，好過吉x家嘅龍蝦鍋多多聲.花膠響螺雞煲翅加白飯有大約兩個湯羹份量嘅魚翅, 半隻雞, 一碟油菜。 湯要趁熱飲，超甜， 唔油膩。 佢會另外俾 個碟你放雞，附兩隻手套，可以自己整手撕雞，再問老闆哥哥拎少少辣椒豉油加，正。凍檸茶都大大杯，呢間服務好好又抵食，如果我

同同事喺油麻地見完客已經八點幾，同事介紹附近有一間龍蝦泡飯，於是我同同事就嚟到村爺爺，望見門口貼滿雜誌同明星介紹，本身對明星效應嘅餐廳都唔會抱有太大期望，但係一試之後令我驚喜非常，因為平民價錢可以食到非常新鮮嘅龍蝦同事叫咗個龍蝦泡飯，而我就叫咗一碗豬骨湯底車仔麵，另外叫左個上湯時菜，同同事夾份買多個雞翼拼薯角，首先上枱嘅係上湯油麥菜，份量非常多，同埋上湯味道非常鮮味，配搭菜嚟食真係十個正！！跟住南乳雞翼拼薯角亦都上枱，雞翼一咬落去非常juicy而且非常夠熱，必定係即叫即炸，而薯角都非常香脆，冇咩挑剔之處。 跟住主菜上場喇，我本身就帶咗豬骨湯米粉再加蘿蔔魚腩 鯪魚球，份量真係好多，啲餸完全遮住曬個麵底...試試個湯非常濃郁嘅豬骨味，比起其他車仔麵店鋪真係超晒班..湯底令到蘿蔔非常入味，真係極之好味而同事叫嘅龍蝦泡飯真係全日最大驚喜，半隻龍蝦放喺湯上面，我食緊個面都忍唔住偷食佢一兩啖，湯底比起豬骨湯底更加鮮味，之後更加忍唔住食佢一兩啖龍蝦，＄78食到嘅龍蝦完全食唔到雪藏味，仲有真係非常新鮮嘅鮮味真係非常意想不到..結果兩個大男人都食唔晒四樣嘢買單兩個人＄200都唔使，但係份量同味道真係我食

同事大力推薦之下，去左油麻地試村爺爺。平日放工時間去都唔使等位，太好了。坐底後看menu, 揀左木瓜魚湯+$10set 有菜、米線、飲品，所以係一定會加，另加+$7可以揀響鈴或炸魚皮。上菜速度都好快，不用幾分鐘，整set湯米線就在眼前，先嚐個湯，好鮮甜，木瓜唔會過生過熟，魚肉好滑，加米線落湯食，米線吸收湯汁好鮮味😋美中不足係如果湯下有火繼續保溫就最好啦，因為食食下個湯都快凍。下次要試下龍蝦湯同蟲草花湯😃

龍蝦做晚餐原來都可以平食呢油麻地就有一間，鋪仔細細，不大起眼，原來好出名龍蝦泡飯報紙雜誌都有介紹過！但價錢相當實惠殿。海鮮龍蝦泡飯$98，有半隻龍蝦龍蝦肉爽口彈牙還有不少海鮮：魷魚，青口，扇貝，蜆肉。。。啖湯好重海鮮味，龍蝦味濃。八卦問下侍應，啲湯要煲幾耐先有咁甜，原來煲十個鐘以上呢！難怪咁甜啦朋友話吾係好肚餓，叫個例湯飲下！花膠響螺雞煲翅$68誰知有半隻雞翅裙都有很多，啖湯好香濃，雞同翅味都咁濃郁雞肉好嫩滑，吾係煲完湯嗰隻，係用雞湯浸熟嘅，吾係點會咁滑呢又吾使加一，吾怪得七八點就坐滿晒啦，附近的街坊都應該係熟客，見佢地好似好熟絡咁咁嘅價錢，咁嘅食物質素，就算搭車嚟都冇所謂啦仲有好多抵食嘅小食添小儀都有食過

朋友介紹之下黎都村爺爺 店舖鄰近油麻地地鐵站非常方便見到牆上面貼滿明星相同埋雜誌相心諗應該冇黎錯喎 入到去侍應介紹佢哋嘅古法煲仔湯 但呢度咁出名湯飯 第一次來梗係要試吓招牌菜啦 如果唔鍾意食湯飯可以轉米線米粉拉麵河粉右面都得 南乳炸雞翼拼薯角$28 好驚喜呀 冇諗過會有咁大碟非常抵食主菜到啦 賣相好靚 非常驚喜當然要相機食先熱辣辣嘅龍蝦湯甜甜地 湯嘅濃度適中 陣陣 龍蝦鮮味 唔會太多味精 飲晒個湯都唔會話好口渴 平民價錢有咁嘅質素真係超級抵食龍蝦扯出嚟大大舊肉肉質爽口 完全唔會失望***呢個價錢 每人都係＄100左右 食到咁鮮味香濃嘅龍蝦湯飯 真係物超所值一定會再嚟

話說好鍾意食泡飯既我成日都見尼間門口點都有幾個人排緊隊今日終於去試下Lu～地方唔大 但坐得都舒服眼見都幾爆場今次我就無試到佢啲小食 淨係叫咗泡飯同鑊仔湯睇下張Menu～見到個殿、海鮮龍蝦湯泡飯就知必食喇 haha！個湯聽老闆話煮左成廿幾個鐘ga！另外仲叫左個花膠雞翅煲仔湯～呢個龍蝦泡飯啲料我都覺得好足半隻龍蝦直接上 好正啊！個湯底都不負眾望 又真係幾好飲雖然你話龍蝦味係咪超級濃呢？我又覺得唔係但係我覺得幾適中 真係唔錯呢個鑊仔湯我都覺得好好飲 好夠味有勁多雞 花膠都有嘅 價錢又唔貴 所以我都好推介總括而言 如果你係鍾意食湯飯嘅朋友。。。我就覺得你就要黎試吓啦！

村爺爺剛剛經過油麻地，搵到間餐廳叫村爺爺，呢間嘢威囉⋯⋯一條街有成三四間分店村爺爺，又炸雞🍗又車仔麵咁。又心諗，開咗咁多分店，唔好食，執咗九世啦⋯⋯因此，入咗去食下午茶！餐牌，九萬幾種下午茶，又炸雞🍗又豬骨湯麵，又龍蝦湯麵⋯⋯⋯又乜又物！！媽⋯⋯我好亂呀⋯⋯⋯太多選擇，唔識揀呀⋯⋯最後，誤打誤撞⋯⋯叫咗個出前一丁麵餐，跟炒蛋麵包，凍飲，＄35蚊。一試，平常食物，冇特別，真係一般的麵。失望！最後，睇到牆上有介紹，此店出名的是龍蝦湯車仔麵，可能呢款才是主打！下次有機會再試試！