村爺爺龍蝦湯.泡飯.燉湯專家

營業中

休息中

最近想食清清地，和朋友經過這裡，見它主打泡飯，覺得應該幾岩食，於是決定試下。✨黑豚肉龍蝦湯泡飯：龍蝦湯濃郁，有龍蝦的鮮甜味，配飯很好，很濃郁的湯飯。黑豚肉爽口脆身，有新鮮的豚肉味道。配菜還有金針菇和雜菇，感覺清清地很不錯。✨絲瓜花膠豬肝湯：這個湯很清甜，有絲瓜的清新，豬肝的香，還有花膠，感覺滋補。飲下去有濃郁的薑味，所以一點也不腥。我喜歡薑味所以覺得這湯還不錯的。這裡都有不少人排隊，如果想晚飯時間準時入席，就要早點來了。

之前已經食過村爺爺既車仔麵，個個龍蝦湯真係十分回味！呢排涼左d，又見到d教練會做完gym食呢間，就決定黎試下🤣🤣🤣星期日下午2點黎到，要等15分鐘就有得入座🤣當然要叫龍蝦湯飯，今次叫既係半隻龍蝦海鮮魚腩雞肉湯飯。等左陣就好快上菜，呢度都幾貼心，食龍蝦除左有個鉗之外，仲會俾濕紙巾😍個龍蝦超鮮甜，又夠彈牙，真心掂。另外魚腩都有成3-4舊，骨肉分離，又嫩滑，正！海鮮有青口，蜆肉等等，幾鮮甜😍雞肉就一般，冇咩特別。將飯加入去個湯到食，真係超正，吸哂d湯🤤同飲哂成個湯都唔會口渴😆另外叫多左份南乳炸雞翼，雞翼超大隻又juicy，南乳味重唔會死咸🤣🤤$28有5隻，係高CP值既小食🤤

聞名不如一試，今天來到油麻地的村爺爺泡飯，雖然排了很長的隊子，但在排隊時店員會先幫我們下單，讓我們一坐底便有得吃。餐單有很多選擇，價錢又很平民價。牆上貼上同很多明星的合照。我點了限量供應的殿。海鮮龍蝦泡飯 ($98)，賣相非常誇張。材料豐富，有半隻龍蝦，、青口，蜆肉、青口、帶子，十分美味。龍蝦肉彈牙鮮甜，真的很掋食。而湯底鮮甜帶濃郁的海鮮味，伴白飯變泡飯吃，確是一流。加了熱飲熱菜蜜 (+$5)，寒冷的冬天來吃感覺幸福。

凍冰冰就最啱食泡飯，所以諗起成日都好多人排隊嘅村爺爺。今日係週未，亦都唔例外，排咗15至20分鍾先入到去。Menu 好多嘢揀，價錢大眾化。好彩排隊時已經有人同我落 Order ，所以坐咗無耐已經有得食。花膠螺片雞煲翅 ($68), 加十蚊轉套餐，套餐有小白菜和飲品，十分掋食。份量十足，差唔多原有隻雞係度，仲有備手套俾你撕開嚟食，好貼心。雞肉鮮甜嫩滑，湯底都充滿濃郁嘅鮮雞味，果然正！仲有白菜同飲品，呢個價錢非常 perfect！

終於食到久仰大名既村爺爺了平時唔多去油麻地 今日經過諗都唔洗諗就同朋友決定食了.8點去 等左15分鐘左右就入得了入面嘅位唔算太多等嘅時候為咗節省時間店員表示已經可以下單了！好方便.我試咗呢個top 3 嘅花膠鮮雞魚頭湯加10蚊就有飯 油菜同飲品了諗都唔洗諗就加咗 埋單係98蚊成半隻雞喺度㗎 雞湯超濃超好飲 好有雞味 加上魚頭 唔會腥仲有花膠㖭 好補 花膠煮到好淋身成個湯都好正店家仲有膠手套俾客人方便食雞好似kfc咁 好細心雞好滑 食得出成個湯都好真材實料！讚！.雖然油菜只係跟餐 絕不馬虎 又大碟熱檸水也很好味！

今晚同好友去左油麻地食好西佢帶左我去食呢間村爺爺佢話食過好多次 龍蝦湯尤其正.我地平日7點半左右去到排10-15分鐘左右入得我點左個殿 海鮮龍蝦湯泡飯飯同海鮮湯係分開上架咁就唔會好快個飯會淋曬食幾多落幾多個湯超多海鮮 除左半隻龍蝦仲有好多青口 魷魚 大蜆青口都有2款 有大有細 好新鮮個湯非常濃郁仲有蟹拑可以拆埋啲肉食 都好易拆.雖然個飯要98蚊 但好耐無食過咁高質既湯飯仲有唔少菜係湯入面岩曬我 好夠營養既一餐！.雖然好爆場 個服務都好好 值得一讚！

村爺爺嘅位置係我平時搭van仔附近 每次經過都見到有好多人排隊 有時仲排到轉彎估唔到呢個價錢 食到高質龍蝦湯 海鮮算新鮮 下午茶仲有飲品送 食完個肚好多水🤣白飯勁大碗 餸又勁多 小鳥胃真係會食唔曬🤦🏽‍♀️雞就比較”鞋”，有啲失望總結都係推介龍蝦湯多啲🤤

天氣有點潮濕，午餐想食一點熱辣辣的解濕悶。公司附近的村爺爺，標榜泡飯是採用龍蝦做湯，咁豪華的泡飯第一次食。上素龍蝦湯泡飯原來湯和飯是自己撈的。湯底鮮甜，龍蝦海鮮甜味突出，最重要食後不覺得口乾。白飯撈入，滲透湯的精華，滋味。話明上素即係齋啦！有生菜，金菇，豆卜和腐竹，清清地ok 喎。跟餐有一杯熱飲送，都算區內抵食之一。

睇到網上好多介紹村爺爺既花膠螺片雞煲翅，都只係賣$68，同埋介紹龍蝦泡飯，有半隻龍蝦都只係$98，價錢唔算貴朋友食過話排長龍，咁岩果日放假，就早少少去，5點幾去到果陣已經排緊隊啦好彩都唔算太多人，等左半個鐘頭左右就入坐我地見到加$10可以轉套餐, 套餐包括左白飯，油菜同冷熱飲品份量唔少架，有半隻雞架！仲有螺片同花膠，好彩個湯唔算好油，個湯好清甜呀，好想再飲多Ｄ呀隻雞都好新鮮，煮完出黎Ｄ肉都仲好滑，餐廳好細心地會提供埋手套比你撕Ｄ雞肉期待左好耐既龍蝦泡飯終於到左，但賣相唔太討好，似將一堆野放哂入碗除左龍蝦之外，仲有帆立貝，青口，蜆肉，魷魚圈<<但全部係都急凍海鮮，個人同朋友都覺得唔太好食個湯既龍蝦味唔係好濃，其實真係飲唔出呢個湯係咩味，海鮮味都唔係好覺龍蝦冇乜肉食，肉質唔太好，可能對呢個龍蝦泡飯既期望太高個人覺得雞煲翅個味道真係好好，一定會再食但係呢個龍蝦泡飯就真係試過就算啦

聽講呢度啲泡飯唔錯幾出名，所以同朋友黎試下。大概7點幾到，鋪頭出面已經有好多人排隊。餐廳內外間店睇落唔算大，但都幾乾淨企理。入面座位都唔算少，所以等既時間唔算長，可以接受既。食物選擇排隊既時候，店員會比餐牌客人。決定好食咩之後，就可以向店員落單，埋位就可以等上菜。反正排緊隊都無咩好做，可以慢慢睇餐牌，又可以慳返啲時間，唔錯。睇餐牌，除左泡飯仲有好多唔同既選擇，煲仔湯都好似唔錯咁。但既然為左泡飯而黎，梗係要食泡飯。墨魚手指魚腐龍蝦湯泡飯 $98(加半隻龍蝦)我同朋友都係揀左泡飯。我既係墨魚手指魚腐龍蝦湯泡飯加半隻龍蝦。碗入面除左龍蝦，仲有花蛤、青口、魷魚、生菜。先試左啖龍蝦湯，湯比較清，但一入口就可以試到濃郁既龍蝦味，唔錯唔錯。然後梗係要食左個龍蝦，雖然只係半隻，但都唔少野，塞到滿我個口，但龍蝦肉略嫌乾左少少。跟住試左墨魚手指，除左墨魚肉，仲見到有青豆係度，食下食下仲食到栗米添。碗飯本身就比較乾身，但浸入湯入面，吸滿湯汁，軟硬就岩岩好啦。殿．海鮮龍蝦湯泡飯 $98朋友試既係殿‧海鮮龍蝦湯泡飯。主打海鮮，所以碗入面既海鮮種類同數量都我多，特別係多左一隻帶子，而其他既其實都一樣，相對上佢果碗

行過見到好多人排隊！原來係一間食龍蝦湯泡飯專門店，望下餐牌，冇睇錯嘛？最平$88都食到龍蝦？即刻排隊試下！環境真係真係好好好長隊，十分受歡迎，想食好野係要花啲時間，好既係排隊時，就到既你會比定餐牌你揀左野食先，入座就唔洗等咁耐，翻枱時間亦快左，唔洗岀面等咁耐，但餐廳座位都真係唔算多，不過排隊安排方面都唔錯。餐牌我就當然一定揀有龍蝦既泡飯！亦係主打龍蝦湯泡飯，如果冇龍蝦既最平其實$42有交易，冇龍蝦但用龍蝦湯既$48都有，而有龍蝦$88就有！真係好平民既價錢。殿．海鮮龍蝦湯泡飯 $98坐低等大約5分鐘就有，上枱真係好有驚喜！因為成碗都係海鮮，半隻龍蝦亦好大隻，完全唔敢相信只係$98，真係好抵！入面有2隻青口、大量蜆/花甲、1隻帶子、半隻龍蝦，真係完完全全真材實料！先試試個湯，好濃郁，龍蝦味好岀，加上呢碗有好多海鮮，整碗鮮味十足，以為咁平海鮮質素會好平庸？錯啦！龍蝦有膏有籽，當然唔會超驚艷果種質素，但一定唔霉，肉質彈牙，帶子亦唔差，而大部份青口、蜆/花甲都洗得乾淨，得一隻我食到有一粒沙，完全冇壞冇腥。飯係另上，你可以倒哂啲飯落湯入面，不過由於實在太滿，都倒唔到成碗飯入去，我就一羹一羹拔入湯

今次係第二次去食第一次叫左龍蝦泡飯 今次就試下花膠螺片雞煲翅🥰🥰🥰個湯好濃用黎做泡飯一流👍👍👍👍啲花膠同螺片都好足料花膠食得出靚料螺片好甜 令到個濃又有多一重味道😍雞都好多 一個人真係食吾晒成半隻雞甘上 雞口感好正 好淋又吾會好肥又吾會冇晒雞味餐廳仲好貼心甘俾埋手套 食起上黎吾會好吾方便自己續塊續塊甘撕開啲雞肉 又另一種風味一撕開 雞肉入面嘅汁 慢慢流出黎 令到個湯更加重味真係食幾多次都吾會厭😋😋😋😋

今日行到接近油麻地碧街，試左呢間村爺爺龍蝦湯。泡飯。燉湯專家。好似好出名，鋪頭門口有唔少名人試過餐廳主要賣泡飯，湯同撈麵。 泡飯價錢40幾蚊起，價錢都幾大眾化。但今日有D熱，所以無叫泡飯反而試左一款黑毛豬撈油麵，除左油麵重有其他麵比客人選擇。叫左5分鐘左右就上菜，員工非常有效率碟撈麵份量十足，黑毛豬配上一個有少少沙嗲feel既汁，好惹味味道調得幾好，如果可以減少少油膩感就更加好因為食到尾比較油，怕肥黑毛豬肉味道算係唔錯同場加映 -龍蝦泡飯，堅大隻龍蝦，重要有膏 下次一定要試試呢款！

涷涷地的天氣，最好吃個暖暖的湯飯！魚湯飯就成日吃，今次要轉下新意，試下龍蝦🦞湯先！跟朋友去左村爺爺！話最出名就係個龍蝦湯！去到門口！咦！係小店喎！以為龍蝦湯係貴野，應該有番咁上下的裝修！估唔到外表咁親民喎！在門口已經有大大張餐牌比大家看！嘩！見到個價錢仲驚喜！只是100元都唔使，已經有半隻龍蝦同龍蝦湯泡飯啦！入面好full！好彩我們1點到去到都仲有位！滿牆都係名人的相同介紹！午餐吃唔到太多！所以我只是選左龍蝦湯飯！配料就係魚脯同鮮牛肉！湯底香濃！但唔會太咸太厚，配湯飯剛剛好🥰簡單的一個熱湯，配新鮮食材，個個都吃到的價錢，就係一個好午餐！

午飯時間隨同事外出用膳，試了一間特色小店「村爺爺龍蝦湯.泡飯.燉湯專家」。餐廳裝潢簡單，與一般茶記分別不大。食品方面，則以麵食、泡飯及燉湯為主。而龍蝦則是貫穿多款主食的主打食材。 首次造訪一間餐廳，當然要試試它的招牌菜。這客「真 • 螺片鮮雞雜菌龍蝦湯泡飯」，以半只龍蝦入饌，作為一碗午餐飯品也算吸引。翻開龍蝦，能清晰望見一線橙紅色的蝦羔，配合結實蝦肉是一份滿足的味道。至於其他配料，螺片雖真，但奈何份量太少。鮮雞雜菌的份量相機合理，食味亦合預期。 作為一碗泡飯，飯粒當然要浸泡在湯汁之中。現在湯與飯分開送上，安排有點怪。最後需要為每口飯添上龍蝦湯自製泡飯才吃。 在「村爺爺龍蝦湯.泡飯.燉湯專家」吃一客龍蝦泡飯不用百元，定價不算貴。想在平凡生活找點新鮮感可以試試。