村爺爺龍蝦湯.泡飯.燉湯專家

營業中

休息中

第一次食村爺爺，星期日食要排隊，原來都要排長龍好誇張😮龍蝦湯真係有半隻龍蝦仲要好巨型下，當然唔少得啲蜆肉青口帶子，仲有塊滑滑嘅花膠添，不過最重點都係個湯，夠哂鮮甜✨而雞煲翅就同之前個龍蝦湯完全兩種風格，十足老火燉湯咁嘅feel，個人就比較鐘意呢個多啲，個味重啲適合做泡飯啲，而餸料除咗大大隻雞同花膠之餘仲有鮑魚添✨另外仲叫咗兩款小食，目標嘅灼墨魚夠哂彈牙而南乳雞翼就雖然炸得夠香口但好似冇乜南乳味咁😌

上次經過油麻地食過 “村爺爺龍蝦湯泡飯” 一直都念念不忘想再食, 今日喺旺角行街街唔知食咩好之際，突然諗起, 都要專登搭車去食真心覺得佢真材實料，價錢絕對超值，所以排隊是常識吧！但店主都好細心，為咗節省大家嘅時間， 排隊期間會畀個餐牌畀你， 可以睇定食咩，會預先幫你落埋單，咁你坐低咗之後，唔使等好耐就有得食㗎喇！我覺得非常之好，唔使排完很長龍之後仲要等很耐先有得食…… 絕對啱曬要快嘅香港人之前試過食花膠雞煲翅，所以今次試下另一美食 “龍蝦湯泡飯”先今次點咗 "魚腩海鮮鮮雞龍蝦泡飯" 因為我又鍾意食海鮮又鍾意食雞, 仲要係有半隻龍蝦, 價錢都只不過係$98坐底後好快就有得食，首先梗係要試下個湯底先啦，因為有龍蝦又有海鮮仲有雞， 所以個湯底非常之鮮甜！ 原先諗住, 又魚腩又雞, 仲有龍蝦, 啲海鮮應該會較少, 但真係好滿足， 因為海鮮絕對唔少，有花甲啦、 青口啦、魷魚啦！ 仲要有菜再加埋個白飯，講真份量真係超多，食唔曬！另外我加左杯凍檸茶，好飲之餘仲要超大杯，咁好生意都無收加一，絕對係有良心嘅食肆提提大家白飯可以轉上海拉麵、公仔麵、出前一丁、甚至係烏冬！ 下次我會試食烏冬，因為加埋個湯底應

近期天氣比較乾燥，濕度又低，搞到皮膚乾淨淨！嘆番個滋陰養顏潤膚的湯補補佢先！村爺爺屬於街坊飯堂，價廉物美，選擇多！幾廿蚊就可以嘆到花膠螺片鷄煲翅、花膠湯、大隻龍蝦泡飯。今次 order 左 「 椰子螺頭花膠鷄煲 」$68 只要另加 $10 就可以轉套餐，套餐包括白飯 、油菜、冷/熱飲品。平時一般茶記涷餐飲都要加$3啦，依家$10 就有咁多野，個人覺得呢個套餐非常抵！湯料非常豐富，有半隻鷄，椰子片、花膠、螺片。湯底濃郁清甜，椰香味濃，入口不感油膩，調味剛好，渴完整煲也不會口渴，最好趁熱飲。鷄肉嫩滑，點埋少少醬汁更惹味。花膠軟腍有彈性，螺片鮮香，夠厚又彈牙。餐廳重比埋手套方便客人用手食，抵讃！幾廿蚊就嘆到，又豐富又好味

其實呢間村爺爺我已經食過兩次，每次食完之後都有一種幸福既感覺！今日又係突然好想食呢間，就即刻叫男朋友陪我食🥰大概七點左右，我地已經去到村爺爺度，點知都係大排長龍。應該等左二十至三十分鐘左右，就入得去食啦🥳店員其實都好好，佢會預先係外面排隊個個位幫你落左單先，等你可以唔洗等咁耐，基本上一坐底就可以有得食！我都係一如往常般叫左個殿·海鮮龍蝦湯泡飯，而男朋友本身就叫左黑毛豬鮮雞海鮮泡飯，點知店員話黑毛豬已經冇曬了，所以佢就轉左個肥牛鮮雞海鮮泡飯🙆‍♀️我地仲加左個吉列雞扒小食，因為男朋友話想食🤤🎈殿·海鮮龍蝦湯泡飯哈哈呢個實在太好食了！！！先講佢啲海鮮真係好足料，有半隻龍蝦🦞，仲要係啲龍蝦係有膏添！佢仲好貼心咁比左個鉗，等你食龍蝦時會更方便🤗除左入面有半隻龍蝦咁多，仲有扇貝、青口、蜆肉同魷魚🦑。而蜆肉真係有好多，係多到一直食食到最尾都仲係有架🙈再講佢既湯底，龍蝦湯底真係好正，好濃味，用來泡飯真係超好味，好味到完全可以食哂成碗飯，勁飽咁😳真係好欣賞佢個龍蝦湯底，去到最尾食哂都要飲埋佢啲湯，咁先係大滿足！-🎈肥牛鮮雞海鮮泡飯至於呢個係我男朋友叫既，入面既鮮雞係勁滑，佢超欣賞👍🏼而佢個湯底雖然唔係龍

聽朋友介紹過呢間既滋補靚湯, 一直想試呢間好耐, 今日夜晚六點幾難得唔洗排隊!我叫左個花膠姬松茸干貝雞煲翅套餐, 除左有雞湯, 仲配白飯(我轉左米線), 油菜, 同一杯野飲, 都係一百蚊左右, 真係好抵啊~一上枱就聞到好香既雞湯味, 個雞湯仲要好足料! 真係有成半隻雞, 花膠姬松茸干貝同翅都有齊, 飲落口好鮮甜, 雞味都好香好濃, 可見呢個湯真係落足料同心機。餐廳仲會提供即棄膠手套, 方便食客飲完湯可以用手撕開隻雞食, 好貼心。其實淨係個湯同雞既份量已經好大份可以食到好飽, 個米線我根本食晒。不過有D後悔轉左米線, 就算直接將米線撈起放入湯度, 米線本身既水份都會溝淡左個湯, 下次會叫番白飯。走既時候已經見到門口大排長龍, 好彩我黎得早。不過而家就明白點解咁多人慕名而來, 因為D湯真係好足料, 呢個價錢算係好抵!

早前經過看到門前的人龍，今天終於去了一試這間人氣小店村爺爺。餐廳最出名的是龍蝦湯泡飯，三心兩意後最後點了真·螺片鮮雞什菌龍蝦泡飯。盛惠$88有半隻龍蝦，午市還送熱飲，可說是性價比高，非常抵食。如果不想吃飯，也可以轉其他粉麵。先試一口湯，是中式燉湯的感覺，喝得出非常足料，充滿龍蝦和雞的鮮甜味。龍蝦足足半隻，啖啖肉，而且非常多膏。雞肉嫩滑有彈性，抵讚。不過螺片則比較少只有3片。另外美中不足的是菌類處理得未夠好，仍有少量"菌"味。

村爺爺的龍蝦湯泡飯非常足料，海鮮都好新鮮，份量好大。你唔會諗到咁平嘅價錢可以食到半隻龍蝦，最後我連所有的龍蝦湯都飲晒。建議如果要食嘅人要避開繁忙時間，因為繁忙時間會很多人排隊。

一人一鍋勁足料泡飯 足半隻雞 足半隻龍蝦 一百有找【村爺爺】‼️‼️.發現新大陸，抵食又足料湯飯！一人一鍋吾洗爭，全部啖啖肉。次次行過都爆場又要排隊係有解嘅🧐上菜快，仲好貼心比曬濕紙巾同手套，等你可以安心動手食～價錢都吾貴，100有找！爺爺限量必食推介🤩.殿•海鮮龍蝦湯泡飯 ($98)招牌主打，無理由吾試。限量發售，只限堂食！真係足足半隻大龍蝦😍😍龍蝦爽口彈牙，全部都係肉，肉質煙韌好新鮮！蝦籽仲舖滿成個蝦身咁制，有少少蝦膏好滋味😍除咗龍蝦仲有青口同大大粒嘅蜆肉，湯底清甜到脾，好食！姫松茸螺頭煲雞($88)每日限量發售，只限堂食架咋！入面足料有半隻雞架，無斬件直接半隻上😋雞肉真心嫩滑，吸收曬湯嘅味之後好入味好香，雞肉亦吾算肥吾會油膩。湯底亦都吾油，好清甜，要嚟配飯變成湯飯一齊食好惹味開胃。加$10轉套餐，會有埋油菜、白飯同飲品，多數都會加配。份量都好多，好飽。

-誇張耶😱😱超級大碗海鮮～還有半隻龍蝦🤯$100🤚🏻不過要排隊～很能滿足想吃海鮮的人👦🏻但是剛上枱的泡飯亦不算熱，越吃越冷冰冰，真有點失望😔而且我⋯又是敏感吃不完了總括而言就是很足料很多海鮮很豐富，性價比很高，但是海鮮質素其實就一般🙈♥小提示 Tips：排隊時間較長，請早點來喔🙈

又到Happy Friday,梗係要對自己好D啦,每次經過油麻地都好想試下個龍蝦湯飯,見到仲做緊特價,$98就食到半只龍蝦,真係超抵食.等位時職員都好好,提供餐牌睇,真係好多野都好吸引,等左大約10分鐘就入到.今次試殿.海鮮龍蝦湯泡飯先,加多杯凍奶茶好快就有得食,效率好高,一上枱,我忍唔住”哇”左一聲,隻龍蝦大到碗都裝唔曬,又有好多青口,蜆肉,一大只扇貝,魷魚圈,菜,白飯,份量好誇張,1個大男人都食得超飽.先試下啖湯,好鮮甜,係龍蝦湯來,大量海鮮,混合龍蝦膏,真係好味到飛起.我再將D飯加落湯度,飯吸收左龍蝦湯,Good.青口同蜆肉又多,又新鮮,完全無沙,仲有巨型扇貝.最後梗係主角龍蝦啦,好貼心,提供埋手套,蝦身和蝦鉗都好多肉,肉質好爽口,鮮甜,超級正.另外有彩蛋,對面有客人叫左川芎白芷魚頭湯,係咁瘋狂話好食,令我下次好想試.

次次行過都大排長龍既村爺爺，今日終於試到。7點去到大約等左10mins就入坐入座前會為你落單，所以一坐低無耐就有得食，非常有效率餐牌選擇好多，樣樣都好想試，今日點了佢餐牌推介Top 1既真盛·村爺爺龍蝦湯泡飯（$128）一大碗湯，白飯另上，用料好豐富，有半隻龍蝦大大隻仲要有膏，肉質爽口，仲備有夾同濕紙巾比你食龍蝦用，好貼心另外仲有花膠、峴肉、帶子、尤魚、青口等等既配料。咁足料當然湯底好有鮮味，我仲追加響耐浸湯食！今次好滿足，下次一定要試下其他湯！推介推介

一連兩日試了這間位於油麻地的店， 食物質素 不過不失， 平時經過因為太多人排， 所以並沒有嘗試過。今天可以直入。龍蝦湯飯98元， 有很多海鮮包含在裏面， 如果說超級新鮮也不是。 但是如果這個價錢能 司徒呢啲嘢已經值回票價。總括來說1： 如果你要選擇在繁忙時間，一定是會排隊， 環境也是會十分擠迫， 如果是追求環境舒適的你，喜歡坐番幾粒仲 high tea的你不建議來。2：試了魚腩（加三元），豬潤，肥牛（加三元）湯飯,共61元。非常不值， 份量非常少， 完全不飽。3： 椰子響螺頭花膠雞煲， 套餐價共68元。 這個份量才會飽也是我心水選擇。

今天，趁早拎東西交俾好朋友之後，就join🏸新🌟🌠去睇場戲。 完全冇聽過套新戲，🏸新🌟🌠話同事推薦好睇，在完全唔知咩戲就去 join去睇啦……其實都幾好，在沒有心理準備去做任何事時，是有意外的驚喜，相信妃妃會以這心態去迎接每一天……🐷🐷🐷睇完戲，我地就搵地方食野，好彩我地兩個唔咀刁，什麼都會吃；所以話去食龍蝦湯泡飯，就話去啦…在朗豪坊直行出去到砵蘭街……好多選擇……🏸🌠🌟在迷惘之際，妃妃想話食龍蝦湯泡飯shares, 加小食再加飲品……妃妃想留肚食🍦🍦😍😍🐷又見到加龍蝦半隻，甘就半隻食下先……我地食的時候，正正是食晏高峰期，好多人炸墨魚手指拼海鮮龍蝦湯泡飯（配半隻龍蝦）：第一個動作，係嚐試啖龍蝦湯，好甜好鮮……炸墨魚手指拼海鮮龍蝦湯泡飯（配半隻龍蝦）： 第二個動作就嚐龍蝦，我地覺得幾彈牙，好新鮮……不過🦞可以滑d~炸墨魚手指拼海鮮龍蝦湯泡飯（配半隻龍蝦）: 第三個動作我地將🦞湯伴飯食，跟埋食墨魚手指及海鮮（青口，蜆及墨魚），很滿足了南乳雞翼 ：跟🏸🌟🌠講，妃妃都煮過南乳雞翼，不過咸左d~兩個異口同說👇這南乳雞翼好好食，好味道……凍檸茶 ：最喜歡港式凍檸茶，百飲不厭。 記得腦細第一句會用

之前一直很想試村爺爺、上網看到它的原隻龍蝦海鮮泡飯好像很吸引、聽說經常要排隊很久才能進去。今晚沒有約人、特意早早下班過去一試。幸好七時前到、還有一張二人枱、之後來的人都要排隊。餐牌選擇超多、原來除了龍蝦泡飯、還有很多其他燉湯套餐。姬松茸螺頭煲雞以鐵鍋上、有足足半隻雞、份量十足。先呷一口雞湯、味道鮮美、雞肉亦燉得幾嫩滑、加入了杞子、螺頭、好滋補。這裡還貼心地預備了手套可供食客使用、非常方便。另外加$10轉套餐 有白飯、一碟生菜和飲品、好抵食！

這間自從得到影帝黃秋生品評後便一炮而紅，在午市和晚市時段經常大排長龍的店子，其實真是幾抵食的。雖然連同今次在內，我只曾去過兩次，吃過的東西不多，但兩次給我的感覺都不錯，特別是以這兒食品的價錢，有這樣的份量和質素，我覺得已經是物有所值，甚至有點物超所值了。 雖然這天前來光顧，坐在我附近的顧客吃的大多都是限量發售，只限堂食，有半隻龍蝦做材料的「殿 海鮮龍蝦湯泡飯」（$98），之前曾經在這店試過龍蝦湯泡飯的我就選擇了同樣是黃秋生推介過，同樣是限量發售，只限堂食的「花膠螺片雞煲翅」（$68）。這兒的燉湯只需另加 $10便可轉為套餐，包油菜、白飯和冷熱皆可的飲品，才十元的價錢，便可有飯有菜有飲品，真的十分抵食。我的「花膠螺片雞煲翅」雖然翅不多，只得一梳，螺片也不太多，只得薄薄的數塊，但軟滑的花膠有三數件，沒有雪味的冰鮮雞更足有半隻，而且並不細小，雞肉甚多，滑而不嚡，沾些辣椒豉油吃，都不錯。這湯的湯味雖然不夠濃，味道仍算鮮甜，把白飯倒進去後吃，仍然不錯。 老婆仔點的，則是比我的「花膠螺片雞煲翅」（$68）便宜的「花膠魚頭蟲草花湯」。不太有胃口的她沒轉套餐，只是單點。她的「花膠魚頭蟲草花湯」味