村爺爺龍蝦湯.泡飯.燉湯專家

營業中

休息中

💖 鮮雞蜆肉龍蝦湯泡飯 // $58💖 椰子螺頭花膠雞煲 // $68.真材實料 😍 呃 又唔系#家的味道，因為屋企煲湯應該唔會有鮑魚海參花膠蟲草花龍蝦 😂 但親民少少既，例如木瓜魚腩湯等等都有既~龍蝦味超濃郁，雞湯超鮮甜。每個湯都會跟碗白飯，都可以轉其他麵。另外6點前仲送熱飲，不過我覺得個湯底咁正，都唔需要另外叫野飲啦😋- - - - - - ‎- - - - - - - -✔ 性價比高✖ Cash only- - - - - - - - ‎- - - - - - - -

今日試咗呢間日日都排長龍嘅村爺爺喇鍾意飲雞湯嘅我，當然係會揀佢哋嘅花膠雞湯啦🍲雞湯佢哋都分好多款，我就揀咗Menu上邊最貴嗰個鮑魚干貝花膠雞煲翅💰💰，其實都只係$128😂😂真係好足料啊，有半隻雞🐔，三四舊花膠，四五粒干貝，兩三舊翅，仲有一隻鮑魚，咁嘅價錢真係勁足料👍🏻👍🏻👍🏻雞湯飲落有膠質，飲晒花膠嘅精華🤤🤤，雞味亦好濃，連埋干貝，煲湯有甜味😋😋咁嘅價錢，咁嘅質素，回頭率真係好高呀👍🏻👍🏻👍🏻難怪成日都咁多人排隊啦

早排有朋友介紹話見到有間鋪頭成日都有人排隊於是今日早收工就過去 因為時間還早關係不用等太多，本身高沖住花膠螺頭雞煲和龍蝦湯飯過來，加$10仲可以轉套餐有油菜白飯同嘢飲計埋都係$78好抵仲要個龍蝦海鮮湯飯，半隻龍蝦上，配上飯入去好有西式嘅感仲可以選擇配墨魚餅炸到好香脆分開上可以當做小食 半隻雞上濃郁嘅雞湯配上螺頭一個鑊上不停咁樣熱住，唔會太油膩因為想食麵嘅關係揀咗上海麵係會分開上可以一啖湯一啖肉一啖面，只係飲個湯都正啦！仲要有半隻雞上，雞肉好滑唔會因爲煲湯既關係肉質太老。仲有手套，可以慢慢折肉。另外叫咗吉列炸蠔好肥美又想脆32元另外仲有南乳雞翼拼薯角，又開始味道唔係太濃但係越食啲肉就有啲南乳味32元真係性價比高每人$100到就食咁好西

點了一份花膠螺頭雞煲翅湯，68元一份，加10元還有一杯大大杯架凍嘢飲和一份油菜，一碗好多㗎白飯，花膠螺頭雞煲翅湯好足料，有半隻雞，雞都好滑，湯好鮮甜，飲完沒有口渴感覺，餐廳好細心，個餐有埋刀义手套跟餐上，方便食雞時用，油菜大碟好味，奶茶不過不失，其實個餐真係好豐富又足料又多份量，食到好飽肚，食唔晒潻，真係扺食，下次再回來幫襯食過的。

之前試過weekend黎，有超過50人排隊，我即刻走左🤪今次終於試下平日黎，大概6點零7點鐘，門口都已經有10幾個人排緊隊啦😂，排左5分鐘度，店員已經比定餐牌我地睇👍🏻，再過多5分鐘佢已經幫我地落單了👍🏻👍🏻，前後我地等左15分鐘度就入得啦~ 😏不過可能我地得👭2個人，所以比較容易安排入座既~ 因為我地前面有d 一組四人的客人要等比較耐先入到~ 🥢極上海鮮龍蝦湯泡飯朋友睇openrice多人推薦而叫的~ 配了一碗白飯~完成食唔哂，基本上食哂個鍋已經飽啦~😂但佢都食左半碗飯~好送飯~😋我試左幾啖佢個湯，仲甜過我個碗🥰，可能因為落左海鮮🤔個龍蝦頭就無咩食既，有少少膏囉但朋友話見到佢唔係咁開胃🤭 我就揀左🥢自選生滾湯泡飯系列，要左:🥢龍蝦湯底 + 鮮雞件 鮮冬菇 娃娃菜 響鈴 轉烏冬加$30配龍蝦半隻🥰湯非常之咁濃！但我感覺佢不是生滾，我expect佢個湯會清d~雖然而家咁都好味雞件係有醃左先的~我不太喜歡👑👑🎩冬菇炆到好淋，好正！龍蝦啖啖肉，不過鮮味還好我呢碗OK LA~下次應該會叫朋友個碗~現場比較多人叫雞湯的，佢地有提供手套，半隻咁手撕黎食，下次都會想試下~😋😋😋

村爺爺龍蝦湯嘅威力真系好可怕，由開張到而家條龍都冇少過！想試好耐小妹特登搵一日早少少放工，六點鐘準時喺門口排隊嗰陣已經有幾個人喺門口排緊隊大概六點半，小妹終於可以入座，嗰個時候條隊已經排到有十幾廿個人！排隊嗰陣其實已經諗好食乜嘢一入到餐廳就即刻落order。食村爺爺無理由唔試佢個招牌海鮮龍蝦湯泡飯，由於小妹嘅朋友唔係好肚餓，所以就冇事另外一個招牌花膠螺片雞煲翅，點左另外一個雞肉雜菌湯飯< 殿。海鮮龍蝦湯泡飯 $98> (評分：4/5）先講下佢個招牌龍蝦湯泡飯海鮮湯底好濃郁清甜，又好足料喎，材料有幾隻蜆仔、帶子、龍蝦、魷魚、青口等等，仲可以揀配飯、米線或者公仔麵，真係好貼心嘅安排! 整體來講個湯底好正海鮮唔可以話好新鮮但係勝在份量夠大，一個女仔嘅食量來講其實有啲太多，都算係大件夾抵食！<鮮雞肉雜菌泡飯$45> (評分：3/5>呢個雞肉雜菌泡飯相比起海鮮泡飯失色得多啦！湯底冇海鮮泡飯咁鮮甜，材料亦都比起海鮮泡飯單調，得幾片雞肉同一堆雜菌。不過分量搭救，一個男仔嘅食量來講都可以食得非常之飽，下再食返佢另外一個招牌花膠螺片雞煲翅先Overall嚟講穿爺爺

村爺爺除左車仔麵，相信最出名就係佢嘅湯泡飯。好多媒體都報導過村爺爺，因為佢主打貧民價高級食材，例如花膠雞湯都係60幾蚊，而且真材實料，所以引來唔少人排隊食。我就係其中一個啦😂今日食左皇牌推介 花膠螺片雞煲翅$68再加$10 就有飯（可以轉米線、拉麵等）、青菜一碟以及冷熱飲品。超抵！原本以為$68冇乜好嘢，點知個雞湯係真係足足半隻雞，有花膠，同幾片螺肉。啖湯飲落係真材實料，雖然唔係話好濃郁，但花膠同雞都出到味，啖湯幾甜，應該冇落味精，飲完都冇話好口乾。雞肉雖然唔算嫩滑，但都唔會大大舊白色肉好孩口，肉質都算柔軟，店家話係用冰鮮雞唔係雪雞，所以雞有雞味冇雪味，湯都好甜。加米線係我最後悔選擇，因為湯本身味道唔濃，米線本身帶水會稀釋左d 湯味，而為米線唔太掛湯，會唔太夠味，撈飯食就一流啦，好味好多！跟餐個菜份量都ok，係耗油太多，唔小心成pat 醬食落口真係鹹到傻左～跟餐飲品冷熱同價，呢樣好正！點左凍鴦，味道都ok，大大杯抵飲！如果想平平地飲啖靚湯食個飯，村爺爺都真係唔錯！良心餐廳。

好多媒體都報導過村爺爺，因為佢主打平民價高級嘢，而且真材實料，黃秋生都食過，所以引來唔少人排隊😂今日食左皇牌推介之一 殿.海鮮龍蝦湯泡飯 $98，有半隻龍蝦，跟一碗白飯。呢個龍蝦泡飯除左半隻龍蝦，仲有花膠、花甲肉、墨魚仔、青口等等。啖湯真係好甜好有龍蝦味，泡飯食真係好正！重點係d 海鮮好新鮮，完全唔會腥臭或者霖霖爛爛，而係有口感同埋鮮甜。龍蝦肉都算紮實，味道鮮甜，唔會霉霉爛爛。另外點左黑毛豬片拼墨魚圈 $36黑毛豬片肉味濃郁，口感軟滑，有d 似肥牛質感但係鬆軟d，出乎意料幾好味。墨魚圈都彈牙，加上dd 耗油調味，無論浸入湯定就咁食都唔錯。村爺爺都真係算良心餐廳，價格合理食材新鮮，希望生意好都可以keep 到落去！

忍唔住，打幾百字一定要寫食評。完全唔明點解要排隊，同咁多好評。本身我地見好多好評，好有期望。1 本身有張優惠卷冇截止日期送配菜響鈴，點知去到先話而家啲張優惠卷冇得用，仲收埋我張卷。2 食物半溫不熱，冇味。我地兩人各點龍蝦海鮮泡飯和雞泡飯。雞湯飯黎到啲湯係微溫，仲有好多油係面。 而龍蝦海鮮同樣微溫，海鮮好霉好淋，完全冇味，好似煲咗好耐咁。而湯底出奇地鹹，完全冇海鮮味。咁多年黎我睇openrice搵食，都好信個「好味」評價。經過今次，我發現應該係睇「喊喊差評」符號先最能反應餐廳食物水準。

個fd推介好耐，終於食到了～今日經過油麻地專登黎試下，人吾算好多，即刻可以入座。叫佐兩個雞煲，d湯好鮮甜，雞肉好嫩。有飯，有菜，又有野飲，真心好抵食👍🏻有成半隻雞，我地兩個女人仔都食吾晒。老闆服務態度好，好貼心，會關心食客。下次會再黎食😝

想試好耐，等左五六個人左右！星期六來講唔算多人。未排到，老闆喺門口已經幫我地落定order! 等左約15分鐘終於可以入坐。環境比較擠迫，不過接受到。入到去，坐底左冇耐野食就送來。今次我地叫左個龍蝦海鮮米線同龍蝦海鮮泡飯。首先，海鮮湯底好濃郁，材料亦好足，但有小量沙。好鐘意佢有卜卜蜆。唯一我吾係咁鐘意嘅係個飯有d d硬，最後我都冇食，不過好彩佢d海鮮好多，一大碗，而且每人有半隻龍蝦，所以冇食飯淨係食送都好飽。最後埋單每人約$130總括來講，係吾錯嘅！

今天難得來到油麻地，見到這間龍蝦湯專門店，決定來試試看！幸好過了最繁忙的時間，我只是等了5分鐘就可以入座！餐牌上有各個龍蝦湯泡飯，令人花多眼亂！他們亦有其他湯底可供選擇，而我當然要點龍蝦湯啦極上海鮮龍蝦湯泡飯賣相十分吸引！雖然沒有真龍蝦吃，但也有這個蝦頭！龍蝦湯十分鮮甜，而且濃郁，用來泡飯一流！值得一提的是他們的海鮮毫不吝嗇，有很多蜆、青口魷魚、扇貝等，全都是帶有新鮮的味道。平時很少會喝畢湯的我把這個喝完！唯一希望可以改善的是湯底可以更熱整體來說，以這個價錢吃這個質素的食物已經是十分超班了！下次可以試試真龍蝦！

村爺爺最出名就係佢既半隻龍蝦既龍蝦湯，抵食夾足料。但之前已經食過好多次，所以今次就試燉湯款，要左花膠螺片雞煲翅，另加$10轉套餐。份量真心多，不過肥妹我係食得哂😆❤️花膠螺片雞煲翅 $68先講湯頭，超鮮甜，油唔算多，真係燉出黎既雞湯😆😆花膠有幾塊，當然唔係超靚花膠但夠哂淋，螺片食落麻麻所以冇點食😂雞有半隻，半身怕會好難咬，意外地嫩滑！轉左套餐有菜，飯，飲品我就冇要飯要左米線，同個湯好夾！如果想食湯飯就應該要叫龍蝦系列呢d濃味小小既湯😆呢個湯一定要趁熱飲左先，凍左會冇甘鮮甜同會夠油膩既感覺。同餐廳亦算貼心，附上刀叉同膠手套🤣❤️南乳炸雞翼 $28有5大隻，CP值爆哂！佢既南乳味超香又唔會咸，雞肉又juicy個皮又脆，值得一食再食！❤️熱檸茶，凍奶茶

一直聽身邊朋友講話村爺爺嘅燉湯好好飲，一定要去，今天下午抽空下午去，因為朋友講過話夜晚好多時都要排隊，下午時間入到去就唔係太多人。
餐牌有好多野揀，對於我呢啲有選擇困難症更加難搞，又想試龍蝦湯，又想試雞湯，最尾都係揀了花膠螺片雞煲翅，因為有花膠，女孩子見到花膠就會心心眼！花膠螺片雞煲翅 $68 ；跟餐加＄10 （配飯、油菜和飲品）
一上枱，有成半隻雞喺到，店員亦都叫我先飲左個湯，凍左唔好飲，飲開滾湯嘅我，終於體驗到呢個湯有幾出色，就咁望個色水，就見到係奶淡黃色，就知足料！飲落雞湯味超濃，水份材料岩岩好，煲出黎唔會太稀，仲有花膠螺嘅鮮味，飲完都冇口乾，證明是由真材實料弄出來，冇味精！花膠煮到好腍身，但食落還有咬口。螺片仲有鮮味！為左方便客人食雞，餐廳仲會俾埋手套撕開嚟食，咁就可以大大啖食，撕開黎食，好貼心！仲有個辣醬油，可以蘸點雞食！因為加＄10蚊轉套餐，套餐有油菜加飲品，我就揀左要烏冬唔要飯，份量多， 烏冬煮出黎唔會太軟腍，保留了口感，如果個烏冬湯都係雞湯就好啦，當然可以拎起放落個雞湯到，就更加入味！之後仲叫了小食墨魚手指魚腐，個墨魚手指好食，好彈牙，外面又炸到脆卜卜

今日老公要返夜更，一個人又不想煮飯，於是決定自己食晚餐。「村爺爺」我已經想試好耐，因為朋友不斷說湯底清甜，今次剛好有機會一試！我一個人點了黑豚肉龍蝦湯泡飯，份量剛好。試一口湯頭，濃郁的龍蝦鮮味，口感濃厚，有點奶滑的口感但比奶稀釋一點，真的令人一喝再喝。黑豚肉大大片，肥瘦適中，很爽口亦很有豚肉的香味。還有一些雜菇作配菜，菇類吸收了龍蝦湯的鮮味，味道很好。幸好我早一點來到，排了一陣隊就有位。我吃完後見到長長的人龍⋯