村爺爺龍蝦湯.泡飯.燉湯專家

營業中

休息中

大概6時半到村爺爺已經可以看見人龍在外面排隊入座，因為今天不想吃飯，所以就排隊試試看這家的湯飯。在排隊期間，店員已經先派發餐牌給我們，看完後便能先點菜，入座後就立刻能上菜。等了大概15分鐘就入座，效率不錯👍我們二人點了龍蝦野菌湯飯($88)和花膠螺片魚腩湯米線($78)。龍蝦野菌湯飯相當有驚喜，湯底是濃濃的中式龍蝦湯味，而且龍蝦很多肉，以88元來説，性價比相當高。😆👍相比花膠螺片魚腩米線就比較淡，而且魚腩有少少腥味和很多骨，有少少扣分。但總括而言，這間店也會再嘗試因爲除左湯底真材實料，而且餐牌上其他湯也相當吸引，喜歡湯類的朋友一定要試試！

呢間小店啲嘢食款式真係好多。入到鋪頭見到好多人食緊雞煲，好吸引咁。小編都叫個王牌花膠螺片雞湯翅配上海麵試吓。 好大碗🤩有半隻雞真係有花膠啲雞湯好鮮甜D雞肉冇鞋颯颯，隻雞啲味都幾好食，食完之後個人暖笠笠。好正！加$10轉餐仲有碗飯或麵、冷熱嘢飲同一碟菜！感覺好健康！同行友有人叫咗吉列豬扒拼湯飯，啲吉列豬扒炸到好香脆，好好味咁！個個都爭住要試一件。另有朋友又叫咗個黑豚肉撈麵，賣相同埋味道比較普通。建議大家都係食返佢地d王牌㷛仔湯！

我平時好少走入油麻地食野，我呢鋪真心係為左龍蝦而去架。去左好多人排緊隊，所以有心去既就要早d去排啦，睇來佢地宣傳都做得幾好排緊隊如果差唔多入的時候他會比個餐牌你睇。佢湯飯外原來都有好多其他野食架，好似咖哩飯果d其實都有架。坐定定後叫野食，佢有個每日限定的龍蝦海鮮湯飯set，好好彩我叫到來食呀。呢d當然要手機食看先。霸氣到不得了因為是龍蝦海鮮湯飯，所以個底仲有好多蜆元貝青口等等，全部都是高級食材，個湯亦好清甜，真係100分滿分。不過如果有book的話更早入到就仲開心啦~等我下次book好帶埋媽咪黎食。

每次來開e邊都要食😝😝由其冬天食完䁔粒粒~~~~~一個餐有菜有飯有湯仲有雞同飲品😍😍100蚊有找真係非常扺...最緊要係真係好好食d湯好好飲~~飲得出好足料🥰🥰🥰好多蟲草花 花膠同豬肚雞好香~有成半隻 👍👍👍👍👍👍今次我地仲叫左南乳炸雞翼tim~~不過掛住食無影到雞翼好香脆 ...香濃既南乳味💜💜💜💜💜下次一定再食過🙆‍♀️🙆‍♀️😍😍😍😍😍😍👏🏻👏🏻

今晚同老媽子吃晚餐，當然是選她喜愛的中餐吧，看來看去，還是想試試村爺爺，最近名氣很火熱！我們最後選了花膠螺片雞煲翅、椰子花膠螺片雞煲！加十元就有套餐，抵抵抵！太興奮，連菜都係十元，仲有飲品！感動之作，真係大大件雞，湯甜，材料足，大口花膠！看，真是足料！媽媽表示材料十足，數十元便有得吃，實屬少數！同時佩服老闆村爺爺，實在無花無假！想提一提職員姐姐既服務，真係好好，又友善，仲有幸見到村爺爺，同一班伙記有講有笑，令到職員姐姐對客人一樣有禮，真在難得。食物、味道、服務俱全！下次再來：）

喺openrice收藏左呢間餐廳好耐經常夜晚經過都會見到一條人龍喺出面心諗呢間野開到咁隔涉都咁多人黎排隊食點都要試一試啦呢日早收工差唔多6點已經到左油麻地行到過去竟然冇人龍就一於入去試下啦雖然出面冇人龍但係入到去兩個人都仍然要搭枱我叫左自選系列湯底當然係揀龍蝦湯啦揀兩款餸送一款菜我要左魚片豆腐同埋白菜轉左米線底好快就上菜個龍蝦湯底...同我想像中爭好遠可能我一直幻想嘅龍蝦湯係食西餐果隻lobster bisque佢呢隻色就賣相一般啦⋯⋯不過有得揀豆腐係抵讚嘅好少可出街食米線有豆腐揀不過個魚片就好多骨有d難食呢個價錢普通食個米線真係貴左d要排隊食就更加唔會啦

今晚天氣只得10度，固然想食一人前的燉湯，呢間燉湯係真材實料的一餐，歺牌的選擇多不勝數 ，最受歡迎湯底，當然係花膠螺片雞煲翅，其中有好多必食推介同小食的配搭呢 我就點叫了花膠雞煲，雞煲的材料非常足料，花膠大大塊，非常爽口，入味，濃湯而且雞肉軟滑，套餐可以配米線，泡飯等，另外 。 有小食配搭，炸物係我既至愛，雞翼，薯條非常香脆可口，熱辣辣的雞中翼是港人至喜愛的小食。 炸魚手指，天婦羅蝦條更加係無敵，今歺真係非常滿足

星期五工作辛苦了一整天. 又OT到8點. 和朋友相約在油麻地吃飯. 8點多正直是吃飯時間. 基本上每間餐廳也多人. 但又不是太餓. 行到這間村爺爺, 想起之前有在雜誌報導過. 又見門口排了長龍. 和朋友又不是很餓. 結果便一起排隊, 順帶邊排邊談天. 排隊時店員已給我們看餐牌. 花多眼亂. 本來想吃咖哩飯. 但想起這裡最出名是湯, 當然不可以錯過. 於是叫了花膠螺片雞煲翅, 本來擔心沒有飯吃. 侍應提醒加十元便可配飯或米粉和油菜. 最後當然加了. 半隻雞的雞湯. 配上花膠螺片 . 十分完美. 湯很入味, 而雞亦很淡淡肉. 米粉很大碗, 油菜亦很大碟. 吃完要捧著肚走. 他也有供應手套, 方便你吃雞. 也很窩心. 

窮遊香港-一上台比半隻雞我.呢日食湯泡飯叫左⭐️花膠螺片雞煲$68+$10套餐 有飯有菜👍🏻一上台果時 我見左有半隻雞 我呆左（‼️我諗住得幾舊仔.....）👍🏻店員好細心咁話：湯要襯熱飲👍🏻的確d湯係幾濃幾香雞味既 清雞甜味👍🏻送飯 泡飯係幾爽既（但未到新鮮走地雞既果種咁香）👍🏻份量夠1.5-2人食仲有d花膠同螺片花膠小小起膠 螺係偏爽口既 各有幾舊.雞肉肉質方面唔好有期待👍🏻雞脾雞翼都仲滑既👎🏻但雞胸肉好鞋.....佢仲有d小辣醬油比你啦（飲湯啦 雞肉唔係重點）.套餐送左普通清菜一碟 跟蠔油飯如果硬d粒粒分明就完美但依家都好正啦.佢仲有d車仔餸 既下午茶 仲抵下次黎既時候再試.⭐️總結係幾爽既 勁足料 得閒飲下湯 健康下係一個唔錯既選擇準備再食肥仔野.#村爺爺龍蝦湯泡飯地址：油麻地砵蘭街72號地下.⭐️評分：味道：4/5 環境：4/5服務：4/5 衛生：4/5抵食：4.5/5.

夜晚九點鐘，同老婆經過見到要排隊，好奇心睇下餐牌，好似幾吸引，等咗半個鐘頭入去坐低。 老婆叫咗一個花膠雞湯翅，我就一個豬肚蟲草花雞湯。張枱細到擺唔落兩個餐，張櫈細得坐半個屁股(本人中等身材咋)我個豬肚雞湯嚟到已經一浸豬臭味， 湯底完全冇鮮味，又無鷄味， 只有一種混濁嘅甜味。 老婆嘅花膠雞湯翅花膠好腥， 完全擺唔落口。 大家食完個上海麵或者稻庭烏冬已經飽， 一人半隻雞大家都係咁二食咗兩啖， 個肚已經好悶脹，大家都有D吾舒服。見到兩大份雞，唔想浪費，於是想打包。 侍應話，第一佢哋冇提供外賣盒，第二如果要打包，唔係呢個價， 係會貴啲。咁都得？真係有冇搞x錯， 正常堂食貴過外賣是常識吧! 我個理解只有兩個可能:第一，只可以堂食，係要你同佢充撐場面，造成假像，有人排隊。第二，淨低落嚟嘅雞胸，可以再次淆湯!其他食評有師兄話，佢個龍蝦頭，似乎都好似係用完再用!勉強飲埋個湯，食完真係媽媽聲，個肚頂住頂住，又好似冇食過野咁，但係又食唔落其他嘢， 完全浪費咗胃嘅空間，同埋時間。唔該嗰啲話呢間嘢好食嘅打手，唔好再喺度害人不淺!

已經黎過好幾次，次次排長龍，但都一定堅持去食（雖然真係會等到燥），因為真係好抵好足料，仲要真係好好食。好有心既餐廳。大大力推薦佢地既花膠螺頭雞煲翅，雞食極都食唔完，好多養生料，仲要咁補，岩哂啲女仕們食！

諗唔到旺角有咩平價又清清地嘅嘢食，就行遠少少去左油麻地食呢間。到埗排左十分鐘倒就有位，好彩😌叫左兩個皇牌靚湯，加十蚊做套餐，包飯，菜，飲品。咁抵無理由唔加掛🤭1. 花膠螺片雞煲翅好足料!有半隻雞，同少量花膠螺片。不過湯唔夠味，同埋搵左好耐先搵到啲翅😛因爲睇同花膠好似，仲以為漏左加落個湯到。食落口無一條條翅，七十八蚊唔好期望咁高。有飯有菜有半隻雞，當飲埋個例湯都抵啦😉2. 椰子螺頭花膠雞煲同友人個湯味道差不多，係多左椰子味。如果大家唔想食翅又鍾意椰子味，可以試下，有幾塊椰絲吮下，都唔錯咖🙂另外，我地叫左個南孔雞翼。廿八蚊有四隻。因為漏左單，即叫即炸，所以熱辣辣幾好食😋南孔味同啲雞翼好夾，值得一試。最後我地都食唔哂啲飯，女士們想減肥，剩係飲個湯食埋半隻雞，可能都夠。

之前食過一次覺得好味又抵食，朋友嚟呢頭搵食就帶佢嚟試一試上次冇試到龍蝦一直耿耿於懷，今次再嚟就一定要試殿海鮮龍蝦湯泡飯上枱先發現龍蝦比想像中細，不過30蚊有半邊龍蝦食，呢個size都算ok啦😂 除咗龍蝦外，其他嘢同極上龍蝦湯泡飯冇分別，都係有一隻帶子，幾隻青口，魷魚同埋好多蜆，d蜆真係多到好誇張，鍾意食蜆嘅朋友真係要試一試。龍蝦除咗比想像中細，蝦肉重好老，應該係煮得太耐。相比之下極上龍蝦湯泡飯性價比更高。另外叫咗個新嘢嚟試下，椰子螺頭花膠雞煲。呢個比起龍蝦湯泡飯就相對清淡，椰香味唔重，椰肉好硬，另外有花膠，螺肉同埋半隻雞，最啱女士們

同朋友都鍾意飲湯，所以決定一試。因為好夜先食，唔洗等位。試左花膠雞湯套餐☺️湯底正正常常，同食評相片中顯示一樣有半隻雞，正👍🏼肉都鮮嫩，不過朋友話雞皮好肥，我就無在意照食😛好夠飽可惜既位係個鍋較細、淺，枱又細，所以唯有解決左個半隻雞或者撕開左先慢慢食。不過搞掂隻雞後，飲d湯就已經凍哂🤦🏻‍♀️不過我好肯定上菜時勁熱⋯⋯燙口的🤤試左燙親🙈所以最後飲唔到熱騰騰既雞湯好可惜，亦終於明點解食評有人會話d湯唔熱了。呢個問題都幾大，冬天就到，如果食落咁快凍哂，我諗難d吸引回頭客！雖然價錢又真係平既，但都希望店主諗下方法睇下可以點改善啦！下次有機會想試埋個龍蝦湯先。

俾人呃得太多，今次喺村爺爺食到真係有半隻雞，有大量花膠，仲要$68就食到嘅雞煲翅確實好驚喜，湯底仲要好香雞味，頓時明白點解晚晚呢度都排哂長龍😧！除咗雞煲翅令我好留戀之外，呢度嘅龍蝦湯泡飯都非常足料（講緊就算我淨係叫咗龍蝦湯底，無加原隻龍蝦，湯底都好濃龍蝦味，仲俾我數到入面有超過20粒蜆肉同青口😭😍），真係淡淡食到海鮮㗎🤤！所以真係唔好以為平嘢無好嘢，村爺爺就係一個好例子，抵佢日日都座無虛席。