村爺爺龍蝦湯.泡飯.燉湯專家

營業中

休息中

聽聞很好已想試試，但每次都排長龍，沒有機會吃，今次重來終於有機會了。有7-8人排隊，但我2位即時可入座餐牌上有很多選擇，當然叫了鎮店之寶-真。龍蝦可選擇泡飯或者米線、麵等。湯底鮮味，海鮮亦很多，性價比高。另外叫了姖松茸花膠魚頭湯，這個並不是預期好，估計不是全部魚湯，可能用了雞湯底，怪怪的🤨南乳炸雞翼都算合格。另外叫了一個油麥菜，可惜上枱是發現很少，又聽到員工叫賣完了，估計最後一碟不夠，但收費$18，所以叫了老闆來看一下，他送上菜心一碟，真是窩心總括來說，未試過可以一試，以這個價錢，真的低吃，還有很多泡飯或湯麵可供選擇

可能係7點前到，等幾個人就入得。小店係會坐得比較逼，都無辦法，好彩上菜快！嗌左：極上海鮮龍蝦泡飯（$68）同花膠螺頭雞煲餐（$78）。落單時姐姐有心提醒下，極上海鮮嗰個係無龍蝦係入面既😂但就咁擺個龍蝦頭、都覺得好fancy😂😂😂無論係龍蝦湯定雞湯都超級鮮！勁多海鮮，青口、蜆、帶子、魷魚，去晒d殼就倒個飯落去自製泡飯😂（因為都未試過嗌泡飯但個飯分開上LOL）另一邊廂，雞湯都好正，加10蚊有菜、飯、野飲，超抵食！7點幾食完走就好多人排隊了

美好的一餐往往取決於誰與你在一起，當他令你幸福，每一餐也是甜蜜的前幾晚與親愛的享受了一家伏店，大家笑笑過後，帶著幸福的餘韻，尋覓一個甜蜜但要俱備滋味的地方老公最愛海鮮，我便找到了這家以海鮮泡飯著名的餐廳，希望長期飢餓的老公可以得到溫飽這餐廳價錢公道，選擇也多元化，在酒樓一隻波士頓龍蝦也叫價上百，看這泡飯的足料程度絕對對得起價錢嚐一口湯，海鮮味濃，而且非常鮮甜，而且一點腥味也沒有，讓我們一口一口飲過不停，龍蝦有糕而且啖啖肉，帶子也夠淋，而且我本常不太喜歡的青口嚐過後也覺得不錯將極鮮味的海鮮湯混飯來吃，與他一口又一口真是享受另外這加一個黑毛豬撈油麵，撈的是沙爹醬，醬汁有點串燒配的那種，所以非常白甜，黑毛豬的份量也非常大方，豬肉片嫩滑而且不是淡而無味，簡單的撈麵都唔會hea你來到一家用心小店實在令幸福的一晚錦上添花，希望這店能用期經營下去就好了但老公看來還未吃飽的樣子，我也要努力讓他每天滿足的吃飽

舖頭細細，但等位都唔算耐排住隊睇menu+落單入到坐底一陣就上菜！（快👍兩個人叫左一個湯飯>>豬求其（豬雜）+龍蝦一個撈油麵>>及第上菜先知原來及第撈麵較係豬雜😂本身想點唔同款，試多danyway,2款都好食既個麵份量好足，一上菜都嚇一嚇，佢唔只個盤望落大，個量都真係好夠飽開頭睇落個醬得一pat仔仲驚撈完唔夠味，但係加左少少湯撈開左，我食到最後一啖都夠味，份量岩岩好面飯個方面，冇睇清楚，原來e個唔係龍蝦湯底，係試豬雜煲出黎個d.不過都夠味既，唯有下次再試番龍蝦湯不過不得不讚係個半隻龍蝦一反轉真係好多膏，都鮮甜👍最後仲叫左份南乳雞翼$28/4隻（冇影相已經食哂）香脆，入味！推介不過個人認為如果另外再比個南乳汁沾下，就食落冇咁油🤤

朋友話要食好西就嚟咗呢間，好耐之前已經有朋友介紹呢間食店，但一直都冇時間嚟呢頭試，今次lunch特登搭車嚟食選擇都幾多，除咗泡飯之外，重有鹵水，咖哩等等可以選擇，但嚟到呢到冇理由唔試佢嘅泡飯，叫咗一個花膠螺片雞煲翅同一個極上海鮮龍蝦湯泡飯雖然呢個飯冇龍蝦，但入面有青口，帶子，八瓜魚同蜆，份量重唔少，令到個湯嘅味好濃郁同好鮮甜，一啖飯配一啖湯咁食令每一啖都有龍蝦湯嘅味道🤤🤤花膠螺片雞煲翅亦都好大份，有半隻雞喺入面，除咗雞重有螺片同埋花膠，美顏首選，啱晒女士。但食落就麻煩少少，要用手套食先方便。兩個咁足料嘅午餐加埋都只係150，真係超值👍🏼👍🏼

次次夜晚經過見到都係排晒長龍，完全冇意欲等，難得星期一放假，一於晏晝去搏一搏。點知去到好彩冇人排隊，兩個人即刻坐低。見到個menu，即刻選擇困難症發作，樣樣都好吸引。最後揀咗 真。魚腩海鮮鮮雞龍蝦湯 同 花膠螺片雞煲翅 ；上到枱，半隻龍蝦半隻雞，勁足料！！最緊要價錢大眾化，個湯就算飲完都冇話要飲好多水，證明冇咩味精絕對係要去多幾次試其他嘢真。魚腩海鮮鮮雞龍蝦湯，勁多蜆，仲分別有兩三件魚腩同雞，雞都算滑，但係魚腩唔知係咪俾啲湯浸住，"鞋"咗啲。話到明係"真"龍蝦湯，梗係有龍蝦，唔單止有膏，啲龍蝦肉仲要係彈牙。飲啖湯，好濃，好重海鮮味，最後飲晒！！花膠螺片雞煲翅，個湯相對清淡，但係都有雞味；雞肉唔老仲夠滑，係連雞胸都唔"鞋"；花膠細細哋，但係都有成六、七舊，夠晒足料。最後又係飲晒！！

成日見人去村爺爺到食龍蝦湯飯，但自己真係第一次去食🤤🤤去果時都係晚飯時間所以都要排隊，鋪頭唔算好大但都比想像中等得快。Order野食到上菜都算ok👍🏻👍🏻唔算太快又唔會等好耐。個龍蝦湯飯雖然睇落去個顏色麻麻地，但食落好有鮮味👅👅睇得出有比心機放落個湯到，但個人食得比較重口味，所以可能會有人覺得偏鹹。份量都幾足，有好多唔同嘅配料，大食嘅人食哂飲埋湯都會夠飽。個人覺得性格比都算高，咁嘅價錢就食到龍蝦湯算好唔錯👍🏻👍🏻👍🏻值得一試🙌🏻

之前朋友帶我食過一次，真係一試難忘。所以今次帶另一個朋友黎食「村爺爺」，位於油麻地。今日晚餐時候去到，門口已經好多人排緊隊。甘為左好野食，排一陣隊都好樂意。時不宜遲，今次我又係叫番上次個兩個餐：花膠螺片雞煲翅套餐+殿•海鮮龍蝦湯泡飯。首先，個花膠螺片雞煲翅，必食👍推薦👍我見個個都點尼個。因為真係湯頭清甜，足料，絕無花假。有半隻雞，花膠，同螺片。真係好好味😍一食就愛上。另外，殿•海鮮龍蝦湯，湯頭十分鮮甜可口，好濃郁既龍蝦味。飲完再飲👍👍仲有配料真係好足料。半隻龍蝦，湯入面仲有蜆，元貝，青口，魷魚等等海鮮。唔怪得佢既湯頭甘鮮甜，佢真係落足本。價錢仲要係平民價。真係抵要排隊黎食呀！尼間店可用三個字講完：平靚正😀

村爺爺次次都必定大排長龍，今次太掛住佢個湯飯，於是又來排隊啦必食GE極上龍蝦湯海鮮泡飯，每樣材料都好新鮮，由其是D蜆同埋魷魚，個湯底飲得出非常足料，熬得夠哂入味。最緊要係有成半隻龍蝦，非常令人感動，仲要有膏架！！！！！之前無試過佢D小食，今次都幾有驚喜，炸蝦拼吉列蠔，不錯，個炸漿夠薄，亦都唔會好油膩。仲有生灼墨魚圈，夠厚身，最緊要都係新鮮，好爽口墨魚手指同魚腐，兩樣好唔同GE感覺，墨魚手指好彈牙，魚腐就腍身D仲有墨丸魚片油麵，用蠔油撈，夠惹味樣樣GE水準都不錯，不枉我山長水遠過黎食呀

平時夜晚經過呢間餐廳都會見到佢好多人排隊，今次同朋友星期六大概1點左右去到，竟然唔駛排隊就可入座，非常開心！餐牌上都幾多款式可以揀，最後我地兩個揀左唔同既泡飯試下！真。魚腩海鮮鮮雞龍蝦湯泡飯，份量都很多，有半隻龍蝦，有魚有雞，材料十足！湯底係濃濃既龍蝦湯，非常好味，而且材料亦很新鮮！花膠螺片雞煲翅，加$10轉了做套餐，一黎到見到有半隻雞，仲要唔細隻，已經覺得物超所值！$68可以食到雞、花膠、螺片同埋翅，真係好正！湯底很清甜，食材好新鮮！而且仲有飯、油菜同飲品，飽到傻！總括黎講雖然餐廳座位較窄，需要同其他人搭枱，但可以用咁平既價錢食到咁足料既泡飯，下次一定要再黎試下其他唔同湯既泡飯，相信都會好好食的！

準時六點放工專登行到黎油麻地呢間村爺爺試一下佢地既龍蝦湯估唔到未到食飯時候都已經咁多人排曬隊好彩前面都係等5個人，亦都好快就入座咋見到條隊真係愈來愈長，不期然覺得呢間野幾巴閉下，好多棒場客排隊個陣望住呢間餐牌同個姐姐落單，入到去就可以好快食到野果然有效率其實位置都算多架，仲有入面都有位，不過依然多人到要排隊入去食食龍蝦湯類先係王道吧~~~雖然其他的湯飯都好吸引，唯有下次再黎食過啦~~~大大隻龍蝦啊~~~蝦籽一條直線咁鋪滿個蝦身，有些少的蝦膏好滋味~~~一啖湯麵再撈埋一齊食，啖啖龍蝦味非常完整的龍蝦棒，好新鮮，一點都不痴殼，通埋最入面好有海水味~~~咸咸地~~估唔到除左龍蝦仲有好多大大粒的蜆肉樣子非常飽滿，漲卜卜，非常清甜，呢碗湯佢既功勞都不可埋沒墨魚手指魚腐，好正個皮好似春卷皮，脆脆的，但裡面就是軟彈的魚腐肉魚蛋的脆炸牌好好咬呢粒好似生根的仲讚，一定必食添生根的口感，但中空的內芯竟是魚腐肉，比起食生根那種空間感裡面好札實，同時吸左龍蝦湯的味道，好正除左個龍蝦外，有魷魚圈、蜆、青口湯底看似好清，但非常清甜，我瘋狂地飲個湯都一點都不口渴相信個湯都由呢幾種材料煮成，好甜的海鮮味啊

家姐經常說旺角的村爺爺好多人排隊，又說他的龍蝦賣相好大隻，所以今日我們一於去村爺爺看一看。很好不用等太久就可以入場。因為家姐經常說村爺爺最出名的是龍蝦 ，所以我一於叫一個海鮮龍蝦湯泡飯。68元。果然龍蝦的頭十分之大隻。不過沒有龍蝦肉，可能因為我叫這個餐是沒有龍蝦肉吃吧。如果再叫另一個貴一點的龍蝦湯泡飯餐就有龍蝦肉。整體覺得幾滿意的，海鮮份量正常 。亦有兩條菜附送。白飯和湯的混合，味道幾新鮮可口。不錯不錯。湯有濃郁的龍蝦味，難怪家姐經常說這間餐廳最出名就是龍蝦。不過我看見龍蝦頭這麼大，又再猜想:到底這個龍蝦頭會不會循環再用呢，哈哈。我沒有問到職員。但是我覺得他的龍蝦頭真的10分大，賣相幾吸引，所以只是用手機拍他的龍蝦頭都拍了好多張。飲品叫檸檬水，5元。

湯，都幾有龍蝦味...........今個夜晚，我們三姐妹一起出了旺角吃晚飯。家姐說村爺爺有龍蝦湯泡飯幾好食，叫我們一起去吃。如果我們真的走了去村爺爺吃晚飯。我見到餐牌有泡飯，有煲仔湯翅等等......感覺好像好豐富。最後我叫了48港元的魚片豬膶龍蝦湯泡飯。整個泡飯，我最喜歡的是他的龍蝦湯底。因為我將湯飲下去，真的感覺飲到龍蝦味。至於魚片和豬膶就正常味道。魚片和豬膶的份量都還可以。因為魚片裏面有骨，所以我先將魚片全部吃掉再吃其他的。豬潤都不算老身還可以。我將全部的白飯倒進龍蝦湯裏面，然後攪拌，再用匙羹一口一口的吃，將白飯和湯一起吃。不知道是不是他的龍蝦湯幾好味，所以我覺得就算沒有豬膶和魚片，其實只要一個白飯和龍蝦湯已經可以 ，哈哈。$48，一個泡飯價錢都差不多吧。由於飲品要另外加錢，所以我並沒有叫 。

今日同朋友健身完，咁岩係油麻地附近，所以就去左食村爺爺。之前食過兩三次，都冇寫食評，呢次好想分享下。我地6點45分到，以為唔洗排隊，點知都要排左10分鐘度，所以提議大家早d去。上次8點好似排左一小時先有位。呢次我都係叫左呢個花膠螺頭雞煲翅。因為係即叫即煮，所以會等十幾分鐘先有得食。一上枱，就聞到好香既雞味，有成半隻雞，仲有d花膠同螺頭。 湯好濃，好甜，食唔到味精。佢會比兩隻手套你去撕隻雞黎食，一隻手拎雞，一隻手飲湯食飯。幾正！高度suggest 朋友就叫左殿海鮮龍蝦泡飯，有成半隻龍蝦咁多，質素都不算差，而且仲有青口同元貝係湯入面，湯亦都好濃好甜。值得一試

第一次食龍蝦湯，要左個墨魚手指拼魚腐。湯底好濃好好食，D飯沈落個湯度會好入味，每一啖都食到蝦味。墨魚手指既份量都足夠，咬感就似普通魚蛋，冇乜墨魚味。整體覺得好食！