本場

營業中

休息中

呢排好想食日式燒肉放題 上網睇咗幾間都係覺得呢間比較吸引🙈 一來地點好方便 二來肉類質素好似都幾好 一於嚟試吓佢🥳我哋嗌咗極上牛小排海鮮放題🍤 見到餐牌寫總共有139樣野任食 淨係見到都好開心呀 仲可以加$48有啤酒任飲 不過朋友飲得多酒 所以冇嗌到啊 如果大家係酒筲箕不妨試吓😛肉類首先未落單前已經上咗極上牛小排 封門柳 牛頸脊同埋網燒一口牛🐮 牛小排質素真係好高呀 半肥瘦好易入口 牛頸脊牛肉味好香濃 其他牛肉類嘅食物都好高質素 不過我就最鍾意牛小排啦😺豬肉方面我就比較鍾意豬大腸同埋豬頸肉 豬大腸外層燒到好脆 好似炸大腸咁😻 仲有豚肉腸 本來以為蜜糖同埋芝士豚係喺腸仔入面 但係蜜糖 芝士同腸仔分開又幾好喎😙 鍾意濃味or 淡味亦都得海鮮方面有香草牛油帶子 牛油廣島蠔肉 香草牛油蝦仁 樣樣都好食🤤小食唐揚雞軟骨 炸芝士年糕 男爵薯餅 蟹籽沙律 我就最推介炸芝士年糕啦 仲返嗌咗幾次添🥗甜品芝士蛋糕 榴槤麻糬 西米椰汁糕 日式麻糬 泡芺 鍾意食榴槤嘅朋友一定要食榴槤麻糬🙈 入面嘅榴槤餡料好creamyMovenpick雪糕店員最後會問要咩雪糕🍦有朱古力 士多啤梨同雲呢拿揀😗 我當然會揀朱古力

好耐冇食燒肉啦，之前經過見到三百幾蚊有好多唔同部位嘅牛肉任食，睇人哋ig啲牛好似幾唔錯，我都同屋企人去試吓☺️牛嘅種類好多，有高質嘅牛小排、牛頸脊、封門柳等等，每種都想試，而餐廳會先俾6款牛肉你試吓，睇吓鍾意邊款再叫。牛小排當然好嫩滑好味，牛頸脊都非常唔錯，而且有得揀唔同嘅口味，我就揀咗原味，因為款式太多，最後都冇機會試一口牛同埋肩脊肉🤣除咗牛，仲有好多款豬肉同雞肉，種類真係好多，不過我哋個胃有限，都冇試。但有食幾款海鮮，帶子同扇貝都好大粒，加入牛油燒，唔錯。而呢度最正係可以叫好多醬汁，檸檬、溫泉蛋、芝士。。。多到數唔晒，而我就點咗月見汁，撈埋啲燒肉食一流👍🏻小食同蔬菜都好選擇呀，根本冇可能試得晒，沙律我哋就揀咗泰式嘅柚子蝦沙律，辣辣哋好開胃，一定要試。仲有泡菜同生菜，包住啲燒肉食一流。另外炸物都有幾款，我就最鍾意芝士年糕😍最後甜品都有幾款選擇，芝士蛋糕、西米椰汁糕、泡芙等。另外每人仲會有一杯movenpick雪糕，非常滿足☺️

今日難得有開心事，所以一於黎食放題慶祝下先！今次黎到mk瓊華中心嘅本場燒肉。鋪頭裝修以啡色為主調，感覺非常舒服，座位都好寬佢有4個set揀，分別由278至428不等！今次揀左$378嘅極上牛小排海鮮放題！依個set非常之多野揀，由肉類到蔬菜、熱食到冷盤／小食、甜品到飲品有139樣野比你揀！一入左座會先上六格頭盤試一試，咁樣非常好，起碼知道邊類好食就可以叫多d🤩個set主打牛小排，就緊係瘋狂食佢牛小排啦，真係值得推介，牛小排肉質鮮嫰，油脂分佈得好，燒嘅時候所散出黎嘅油香，簡直不得了，完全食唔停口😋😋另外，都非常推薦食牛頸脊、牛舌、牛板腱同牛肋條，樣樣都夠晒牛味，正呀！由於我怕會太油食唔得多，所以叫左檸檬，d牛點左檸檬汁後，油膩感大減之餘，仲有檸檬嘅清新，食落勁正！🤩🤩當然海鮮都唔錯，值得推介佢個牛油帶子、廣島蠔、青口同蝦仁等等，全部食落都好好味😋另外，仲叫左d炸雞、炸芝士年糕同雞軟骨！全部都炸得外脆內嫰，值得一讚！當然唔少得有秋葵同菠蘿，正呀！菠蘿仲非常之甜，搞到我最後瘋狂加單😂今餐肥仔了😎整體黎講，餐廳食物水準高，而且環境舒服，好岩三五知己一齊吹水食飯

🐳之前嚟過旺角瓊華中心16樓嘅一間泰國餐廳，見到隔離原來有燒肉放題，決定要嚟試一試。所以今次就同朋友嚟食一個燒肉午餐放題。而今次食得豪少少，揀咗139品嘅極上牛小排海鮮放題，每人💰378。🐳其實真係食唔到139種食品，但係呢個套餐就有好多選擇，適合鍾意食海鮮和鍾意食牛的人。🐳大家可以留意一下，如果點一份食物，不是一件或一片的，有時一份食品份量都幾多㗎，所以建議先揀一份，唔夠先再嗌。我和朋友就最喜歡食牛舌，燒完之後好香好爽口，另外牛小排都非常好吃，再點上醬汁， Yummy！🐳通常兩小時任食，但結束前半小時已經要last order啦，所以大家記得把握時間叫嘢食啊！呢度嘅蒜蓉牛油蔬菜都值得推介，放在一個錫紙盤內，慢慢燒熟，又新鮮又清甜！🐳最後一定唔少得就係叫甜品了，每樣甜品都小小的，一口就能吃掉，所以可以每樣甜品叫一個，試吓唔同款嘛！

餐廳裝修得幾靚，有日本居酒屋感覺，最值得一讚係個抽風做得幾好，燒肉都唔算好大浸味一嚟個侍應就黎左一大碟肉，有埋名都幾好，有極品牛小扒，牛頸脊同埋封門柳仲有牛柳粒我自己就鍾意食牛肩脊同埋牛肉粒都唔錯！最特別係呢間醬油好多款，又見將由蘿蔔醬醬油同埋溫泉玉子俾你溝燒肉食，令到味道又再昇華，好食！我仲揀咗牛油燒蘆筍同帶子，都足料好食！連啲小食都有心機，即炸熱辣辣，芝士年糕同雞翼骨都好食，可惜嗰日冇晒檸檬🍋啊！仲要講最後仲會送一人一個嘅movipick雪糕，圓滿終結

又再到訪新店，這家燒肉店門面超企理，試著吃吃看他們的牛小排放題，$378 一位的質素如何？裝潢很富日式風格，木造桌椅坐得舒適，鳥居式的四人枱坐得舒服服務周到，用QR code點的菜很快上台頭盤：牛之拼盤最高質的是牛舌，七分熟爽口彈牙牛小排肉汁極豐，juicy至極牛頸脊油花適中， 帶點口感牛味又濃牛肋肉超肥美，十分熟反而最多肉汁牛板腱口感爽而彈，被譽為最平民的牛排他們的雞翼也不易烤焦，入口Juicy而且有雞味另外五花豬腩肉爆重油花，只要細煮慢烤， 要好吃實在不難雞腎及雞肝是今晚的意外驚喜，分量超多而且爽口，雞肝煮得久也具相當的肝醬香，10分出色的雞內臟蠔肉雖然細隻，但加上牛油慢慢煮，也是相當入味，鮮味濃郁熟食中的炸雞跟小丸子意外地好吃！肉汁比想像中豐富，一咬即爆汁，比一般主力買熟食的放題更佳！第二輪的牛肉完全沒有退步或漏單，有我最愛的封門柳，果然肉質軟稔牛味又濃，是我打邊爐必備的牛品！最後的甜品有榴連麻糬，這個真的要讚，榴連肉又甜又無筋超級好吃😋最後的Movenpick 雪糕竟然有芒果味雪芭！果肉超多，Movenpick從不令人失望，而雪芭對乳糖不耐的小編來說更是福音！

呢間高質燒肉店早幾個月先新開張，7點幾嚟到已經見到人山人海😜😜真係好熱鬧☺️雖然已經坐滿哂人，但係呢到嘅通風位做到非常好🙌🏻食完都唔會有成陣油煙味㗎🥰🥰食物方面，呢到有4款放題可以簡選👍🏻👍🏻最平278已經可以食到92品啦😝😝但只加多100蚊就可以食到高質嘅極上牛小排🤤🤤仲有成139款食物咁多😽😽所以最終我地就簡左《極上牛小排海鮮放題》👅👅餐廳係搽用QR code自助形式落單，唔同種類嘅牛類、主食、炸物、海鮮、醬汁、甜品，飲品都可以係網頁上點選，全部都有圖片參考😜真係超級貼心又方便呀☺️☺️落單冇耐，食物就隨即送上，店員一嚟就送上頭盤😚店員又快手又好好服務👍🏻完全唔會出現漏單嘅問題，真係每人食到好舒服🥰🥰頭盤分別有極品牛小排、牛頸脊、牛舌☺️☺️肉上面仲擺放左小字條等大家知道係咩部分，覺得好食可以再encore👅👅我最鐘意就係牛小排😌😌完全係今日啲MVP😚我地refill左勁多次😽😽油脂分布都好平均之餘，入口有仲軟綿綿嘅口感😝😝真係有種入口即化嘅感覺🌸仲有好濃郁啲肉味，真係好惹味😜 海鮮仲有青口、廣島蠔肉同埋牛油帶子🥺🥺真係樣樣都好飽美，食到啖啖肉🦪🤩🤩🤩我地食到最後都不忘叫埋甜品黎食🍮有芝士蛋

上次黎食泰國野 見佢旗下都有燒肉 就係正隔離所以都計劃咗會黎食😆我兩個都係好鍾意燒肉既人🥩店舖係屬於日式燒肉放題 會有分唔同既套餐級別我地揀咗個中位既級別 望過餐牌啲野都好正路好足夠👍🏼餐廳比較闊落 食起野上黎都舒服😌仲有木屋雅座😂呢度既抽風系統都算幾好 未去到個身會好大陣味🫢➷🔹 極上牛小排海鮮放題今次我地呢個餐其實都夠食😋要求再高啲可以上一級食澳洲和牛都得🐂一開頭店舖先會送上牛四品俾大家每樣都試啲牛頸脊 極品牛小排 封門柳 牛肋條‼️見到佢盤牛 望到佢既色澤都幾鮮艷🤩鮮紅中間留有油花每款牛都各有特色 肉味最突出既會係牛肋條亦係4款入面最肥美既一種😂食得多都會腬🫢牛小排既油脂分佈都頗平均 牛味唔係非常特出不過就有種牛既肉香味停留住🤤口感都比較嫩口牛頸脊既肉味就比牛小排再高少少🤏🏼口感會比較有咬口😋所以食邊一種都係因人而異 到最後我地都係判牛小排獲勝😆除咗牛類 其實肉類都有唔少選擇 有啲肉類仲會有味道選擇如果食牛 我會建議大家揀原味 輕輕自己落少少鹽去調味🧂海鮮就唔係話好誇張個啲 以簡單海鮮為主🦐例如有蝦仁 蠔肉🦪帶子等等😋正常既發揮喇野菜方面都提供好多既瓜菜🌽咁就可以解一解膩咁享受燒肉

今日約了我的好朋友食這間好出名嘅燒肉放題，疫情後我哋都係第一次食燒肉，期待了好久❤️環境好舒服，地方乾淨，以日式設計、木裝簡單裝飾配上日式圖畫感覺好好，配上輕快音樂；下午茶時段唔多客人，所以安排了坐在雅座，我哋傾訴及享受美食更開心更暢快我哋選了牛小排海鮮放題，先送來精選6個部位的牛肉顏色一睇就知新鮮，牛舌好爽口、牛小排果然是極品，好諗好香牛味、牛頸脊更正，口感一流；一口牛粒都好香好好食、牛仔骨大大片燒完熱辣辣配上燒汁或辣醬有唔同的感覺除了枱上醬汁，更可點QR code的配料醬汁，有雞蛋、蒜片、芥末、胡麻醬等，我哋都配了一些，令燒物更香更特出味道牛肉更可選不同醃料，有原味、燒汁、辣汁放題除了牛、豬、雞、海鮮（蠔、帶子、青口、墨魚片、多春魚等），也有蔬菜、瓜類、菇類等等我哋推介多春魚、帶子、南瓜、菠蘿、冬菇、露筍更有不同小食、前菜、沙律（炸物：唐揚炸雞、炸雞軟骨、男爵薯餅、吉列蝦等等）炸物即點即炸，熱辣辣香口無比，外脆內軟食到咁飽，可惜食唔到甜品（甜品有西米椰汁糕、榴鏈糯米糍、芝士蛋糕；每人更有一杯Movenpick ice cream)服務員態度好好，有禮貌又友善，我哋食到好飽好滿足

食放題好開心，食日式放題更開心喔！呢晚同friend子到左旺角【本場】食極上牛小排海鮮放題，有近140款食品可以任飲任食，包括多款牛肉、海鮮、雞肉和豬肉、各式冷盤小食、精美甜品和飲品等，好豐富呀！因為早到所以有幸坐到卡位，可以有更高私隱度高～手機落單後，好快就上菜喇，而且都好準確，冇咩錯漏～呢度牛嘅款式有很多，啱晒一眾牛魔王啦！我就最喜歡佢嘅牛小排，油脂分佈均勻，肉質香嫩又夠肉味，入口juicy, 加入月見汁沾蛋一齊食特別香滑呀～牛頸脊又係好香滑，只需快快燒吓就食得～ 仲有頂級肩脊肉、牛胸腹、金錢展、網燒一口牛、封門柳、牛舌和牛板腱等，每樣點啲嚟慢慢試～豬肉都有好多選擇，豬肩肉肉質結實，豬五花肥瘦分明，仲有日本白豚梅肉、汁燒豬大腸、豬頸肉、豚肉腸、泡菜豚角燒等～我地好喜歡食雞肉臟，見到有博多雞肝和雞腎，我地決定大入「入貨」，味道真係特別香濃，還可點雞亦、雞腿肉等～海鮮方面，有香草牛油帶子、香草牛油蝦仁、牛油廣島蠔肉、半殼青口、多春魚和墨魚片等～ 大愛廣島蠔和多春魚，前者好滑，蠔咪香濃，後者魚春卜卜脆好好味！由於已經飽左8成，所以只係輕輕點左少少冷盤、沙律、秋葵和小食，但飯、烏冬和麵個肚

.📍牛頸脊、牛小排及封門柳就咁睇佢地d油花已經好吸引牛頸脊肥瘦比例平均食落牛味濃郁牛小排肉質食落軟淋因為係簿切的關係大家燒個時記住要控制好燒的時間.📍網燒一口牛就算燒到外層熟曬內面仲保留到肉質的嫩滑而且肥瘦比例適中做到入口即溶的效果🤩絕對係燒肉方面的mvp🤪.📍牛油廣島蠔、香草牛油帶子及蝦仁三樣海鮮入面，B先生較偏好牛油蝦仁蝦仁肉質彈牙，食得出好新鮮同埋可能佢調味得牛油的關係所以偏向食到蝦肉的原味蠔肉係比較粉個種質地，size較細牛油帶子食落幾彈牙，size亦唔細如果配料可以比人揀落蒜蓉就仲好啦🙈.📍墨魚片要控制得好個火喉燒得太耐就會變到比較實食落帶啖啖的墨魚味.📍唐揚炸雞、雞軟骨及吉列蝦炸物係新鮮炸出黎唔會好平時食放題d炸野都係擺到凍曬炸雞食落肉質幾嫩滑，幾juicy雞軟骨食落硬度岩岩好，唔會過硬！同埋佢的炸粉係比較簿個種，食落唔會成口粉以放題黎講絕對有驚喜.

今日黎到瓊華中心既本場食燒肉放題，最鍾意喺位到都已經可以自動落單唔使出去拎嘢😂🙌我懶～呢度真係啱晒鍾意食肉嘅人，餐廳總共有四個燒肉放題套餐，我哋食嘅係極上牛小排海鮮放題，七點前埋單或者九點後入座都有七八折優惠落單之後好快就上枱，雖然擺埋一齊唔知邊款打邊款，但我最鍾意食係薄燒牛肉，啲醬料都好夠入味。食咗好多肉所以叫咗兩碗飯🥰我同肥仔好搞笑㗎食燒肉一定要叫飯食，之後每款食物都有叫，特別要提芝士雞腿肉腸，腸皮燒到脆卜卜再點落芝士醬👍其實個技巧係將條腸擺喺爐邊慢慢去燒熱佢😋海鮮叫咗香草牛油帶子同蝦，炸物叫咗炸芝士雞軟骨薯餅，小食有芝麻醬豆腐八爪魚枝豆。差啲唔記得講加$48有Asahi同1664 blanc生啤任飲🍻最後係甜品時間，榴槤糯米糍椰汁糕泡芙芝士蛋糕厥餅，我最鍾意食厥餅，最後直接叫多5舊食😆埋單時仲有雪糕食

我朋友圈當中最多人係6、9、10月生日的，而我的寶貝姨甥仔咁啱9月生日，我作為佢姨姨架要同佢食生日飯慶生啦，之前聽朋友介紹在旺角瓊華中心16樓的「本場」日式燒肉，待應比左果好舒服的卡位我地，而場內之環境佈置都好有日本居酒屋咁，而我地就算左 “極上牛小排海鮮放題”。而當中牛肉的種類都真係幾多呀，有封門柳、牛胸腹、牛肋肉、肩脊肉、金錢展、牛頸脊、牛小排、牛板鍵、牛舌，如果要每個部位都食晒的話真係食唔到其他野，所以我地主力叫左幾款牛肉來燒，牛小排、牛胸腹、封門柳、牛頸脊等，肉味香濃，油花分佈都好平均，唔會好油膩。海鮮種類都幾多，有帶子、蝦、生蠔、多春魚、墨魚等，而小食類都幾多，終有一款啱你口味。而海鮮都好新鮮。最後重有MOVEPICK雪糕做埋尾，今餐真係食得好開心及豐富。

上次食飯時見到隔離嘅 ❥⧽本場 ❥⧽ 幾吸引, 而最近因為食燒肉食上癮, 所以前2 晚又去咗食燒肉放題咯。餐廳環境好寬敞, 卡座位坐得好舒適。𓊈極上牛小排海鮮放題 $𝟛𝟡𝟠 + 𝟙𝟘%𓊉呢個套餐可以食到 139 款燒肉, 小食, 海鮮, 主食同埋甜品等。所有嘢食同嘢飲都係用 qr code 落單, 完全唔使出去拎, 感覺更衛生同方便。➺ 燒肉拼盤坐低就會上一盤燒肉拼盤, 有3 款肉可以食住先, 個人好鐘意牛小排, 燒完都充滿肉汁, 仲好軟腍。➺ 小食章魚小丸子外層脆卜卜, 味道同出面食嘅差唔多, 如果有多d 醬就再好味d! 吉列蝦幾大隻彈牙。炸芝士年糕好軟綿綿呀, 芝士味香濃, 好食! 中華沙律同泡菜份量都好多。➺ 海鮮香草牛油蝦仁好大隻呀, 仲要無殼, 真係好方便食。➺ 野菜見到有牛油金菇即刻落單, bbq 必備, d 金菇吸曬牛油香味, 好食!

好有日本味道嘅裝潢 木系用料嘅座位更令人用餐體驗更舒服🤩4款唔同價位嘅套餐任君選擇 為咗試多啲海鮮所以叫咗最貴嗰個level🤣。。。🦔🌟頂級澳洲和牛海鮮放題🌟 🥩M8和牛牛板腱M8和牛封門柳M7和牛肩胛肉極品牛小柳牛頸脊牛小排 🐙🦞🦐🦑首先大大大推原隻魷魚筒！一圈圈切好哂無煩惱 重點係燒完香味可媲美主題樂園嘅魷魚乾 咬落彈牙又唔會好難咀嚼 小妹就encore多份啦😝北海道帆立貝個殼好大顯得帆立貝細粒🤭幾鮮甜juicy! 有蟹籽點綴更吸引香草牛油帶子都幾大粒 牛油燒會更滑更香牛油廣島蠔肉真係要比食愛蠔者試試 小妹就唔太識欣賞 🐟鰻魚係咪燒得好靚🤤但味道較平時食開嘅有啲出入 反而鯖魚唔腥肉質唔乾 比想像中好食 味醂魚乾一份真係得嗰兩條🤣🍤同frd子大膽地差唔多試哂所有小食🤣炸物水準唔差 唐揚雞軟骨、男爵薯餅、吉烈蝦都脆炸得幾可口 必食嘅芝士年糕脹卜卜好可愛😚正中下懷的外脆內creamy 章魚小丸子細粒咗啲都足料 味付八爪魚仔真係出乎意料的新鮮又好味 品質係平均值以上 🥓點都想點下腸仔😎結果所謂嘅「芝士豚肉腸」原來係咁得意嘅組合 腸仔另上芝士醬 有好用心地嘗試燒前/燒後將兩者融合黎食 但我真