本場

營業中

休息中

今日晚餐，阿妹推介左呢間位於旺角瓊華中心16樓既”本場”食烤肉。第一次黎呢度食，給我第一感覺係似好舒服，內裡裝修井井有條，乾淨舒適。韓式烤肉就食得多，日本風格既今次就試試啦。 食物主打牛肉：封門牛柳，頂級肩脊肉，金錢展，頂級牛小排。呢d必食，而且味道鮮美入味。另外，還有不少海鮮小品選擇，有鮮蝦仁，生蠔，帶子，好新鮮好好食。我地仲叫左多春魚、鯖魚，估唔到都新鮮，完全唔會腥。野食既選擇都好多，仲有章魚小丸子tim~最後仲送上兩盒movenpick雪糕，真係非常滿足好味道，下次要留肚食多d🤭🤭

最近去左旺角本場食燒肉 環境係木系裝飾 sofa位光猛坐得舒服👍🏻我選左極上牛小排海鮮放題($378)牛既質素唔錯 唔會話鞋口又無牛味款式都唔少 牛既🐂我推薦封門柳 : 多汁柔軟牛小排 : 牛味最濃 食得最多🫶🏻壺漬牛肋條 : 最有咬口另外強烈推薦 豚五花🐖👍🏻💯💯夠晒油脂 只要點蒜片包生菜食就唔會油膩 食落岩岩好 ❤️❤️仲有海鮮蝦,蠔,多春魚等等牛油帶子勁大隻 記得要叫👅除左肉食海鮮仲有一大堆小食角,好似枝豆,八爪魚,雞軟骨個D比較特別既仲有榴槤糯米糍👀最後仲有包一杯雪糕🍧🍧

好耐冇出過黎食好西，今晚就上網是但揀左呢間燒肉放題爽一爽。入到黎門面非常整齊企理，座位都非常舒適寬敞。我地揀既係「極上牛小排海鮮放題」，平日係＄３７８加一。用QR code落單好方便。預設既牛拼盤，值得一讚既係有名牌，通常放題都係頹廢地一堆肉送上黎，呢間D肉擺盤都好細心。牛小排同牛頸脊可以話係今日既MVP，睇得出唔係hea住比D超市級既低質肉你，配上已經燒紅左既網，放上去廿秒反一反，加少少pepper & salt，已經非常好味，值得一叫再叫。值得推薦既仲有呢個月見汁，同牛肉既配搭一流。呢個墨魚我地都encore左兩次，好新鮮又易燒。蔬菜方面賣相都好靚，睇落好乾淨。最後仲有一人一盒movenpick雪糕，作為完美既句號。我最欣賞既係呢間燒肉店所有野都好整潔，D野好新淨。另外店員都好有禮貌，野食都黎得好快，係一間唔錯既餐廳。

為食貓好耐都無去食燒肉啦但其實我係非常之咁鍾意食♥️於是前幾日就約咗個好耐無見嘅朋友去咗瓊華中心「本場」食日式燒肉💋環境本場嘅裝修係以木做主題，比人一種好舒適嘅感覺而且餐廳重非常寬敞，有唔少卡座，一d都唔逼，私隱度好夠高👍🏾為食貓食完之後，都唔會有陣燒肉🥓味食物為食貓同朋友叫咗$378嘅極上牛小排海鮮放題🤤雖然佢嘅食物種類唔算太多，但勝在樣樣嘢都幾高質，同埋服務相當唔錯店員一開始就比咗一盤牛頸脊、封門柳、極品牛小排嘅燒肉比我哋♥️每個部位都有唔同嘅口感，非常好食為食貓就覺得個封門柳最特別，因為佢睇落好似好韌，但食落其實幾林😍除咗一般嘅牛、豬肉之外，餐廳重有海鮮、炸物提供🍤而比較特別嘅係佢有埋牛油、芝士、生雞蛋比我哋燒同點，呢樣唔係間間餐廳都有😽真係好貼心呀👅食完正餐，梗係要叫埋甜品啦😋大家一定要叫榴連糯米糍同埋movenpick雪糕🍦呀總括嚟講，「本場」真係好適合想靜靜哋坐低傾計同食嘢嘅朋友嚟呀🥰

呢一日黎到旺角 瓊華中心 既本場食燒肉放題我地叫左極上牛小排海鮮放題一黎到食放題當然要瘋狂燒番d靚牛我地呢個餐包左牛小排，封門柳，牛板腱，牛肋條，牛舌等等當中牛小排當然數一數二最靚，牛脂分布平均，一燒時牛脂半溶狀態，入口軟綿綿，牛味既濃。第一口建議可先不沾醬，試原味。第二口可沾呢個月見汁，呢個月見汁可屈機，無限供應，蛋醬沾燒牛小排，超邪惡的好味。 而有心機既朋友則可慢燒牛肋條，一樣啖啖肉 而大家唔好以為只有牛食，呢度海鮮十分不錯有帶子，蠔，蝦仁，青口，多春魚等等餐廳已經處理好放係錫紙碗上加了牛油，好好心機，值得一讚既細心位食物鮮，燒起易熟又香噴噴，我encore左兩次 而且除左燒物，亦有大量即食食物叫我叫左以下呢幾樣都係高質男爵薯餅，外脆內軟，熱辣辣，唔會軟晒淋晒 鮮蝦柚子沙律，非常fresh同足料，食多燒肉都不怕 明太子蕃茄又一fresh小食，食完recharge 再食肉 最後仲有甜品，榴槤糯米慈必吃啦，啖啖榴槤肉

烤肉一向都係我嘅至愛，有睇我之前嘅食評都已經知我係一個牛魔😂😂😂尤其係日本嘅和牛，呢間燒肉之前曾經見過尖沙咀有，已經好想去食，但係成日都book唔到枱，今次見到旺角有就即刻同朋友狗衝去食，係咪因為開咗冇幾耐，所以唔太多人👍🏻👍🏻👍🏻我哋都揀咗極上牛小排海鮮放題$398呢個價錢，其實都已經有好多選擇，坐低咗之後餐廳會送一盤牛拼盤，有極品牛小扒，封門柳，牛頸脊🤤🤤🤤牛拼盤所有牛肉係原味，而需要唔同醬汁味道嘅可以喺餐牌上邊自己叫，有辣醬汁，味噌汁，原味3款選擇，大家都可以試吓唔同嘅味道，不過其實佢哋都有調味料樽裏便嘅辣醬汁，仲有烤肉汁提供😲😲牛肉味道唔錯，好香牛肉味，呢個價錢可以食到呢啲牛都算叫做抵👍🏻👍🏻👍🏻除咗牛肉之外，都仲有雞肉，豬肉等等嘅肉類選擇另外仲有一啲蔬菜類(什菌類)，海鮮類(蠔，魚類)，前菜小食(例如泡菜，中華沙律，枝豆)，同埋熟食(炸物，唔同款式嘅湯烏冬)選擇，菜式都有好多款，唔算少，餐廳會因應人數去分配食物嘅份量，等你可以叫多啲款式之餘又唔會食唔晒而浪費👍🏻👍🏻餐廳會將所有蔬菜類加熱調味放入錫紙盤俾你，你只要將成個錫紙盤仔放上去烤爐上邊燒就可以，非常方便，好貼心😊😊😊環境

旺角瓊華商場都有不少餐廳，這次跟朋友選擇了16樓「本場」這間燒肉店，這裡食日式燒肉放題共分為四個價錢。1） 厚切豚肉放題 $2782）上品牛肩胛放題 $3283）極上牛小排海鮮放題 $3784）頂級澳洲和牛海鮮放題 $428+$48 仲可以暢飲啤酒🍻我們選擇了🔥極上牛小排海鮮放題 $378 (人氣No1)可以無限追加封門柳、牛小排等各種部位之牛肉，還有貝類魚類等海鮮共139品。🥩牛肉牛頸脊、牛小排、牛板鍵、封門柳、壺漬牛肋條、頂級肩脊肉、牛胸腹、骨付牛肋肉、網燒一口牛、金錢展🐷豚肉豚肩肉、泡菜豚角燒、芝士豚肉腸、豬頸肉、蜜糖豚肉腸、豚五花、日本白豚梅肉、汁燒豚肉腸🦐🦪🐟海鮮香草牛油帶子、牛油廣島蠔肉、香草牛油蝦仁、墨魚片、多春魚、半殼青口、鹽燒鯖魚🐔雞肉芝士雞腿肉、雞翼、雞腿肉、博多雞肝、博多雞腎🥗冷盤蟹籽沙律、胡麻醬豆腐、海哲和風沙律、鮮蝦柚子沙律、明太子蕃茄、和風醋蕃茄🐙🍤小食唐揚炸雞、章魚小丸子、吉列蝦、男爵薯餅、唐揚雞軟骨、炸芝士年糕、泡菜、麻香野菜、牛油粟米、中華沙律、麻油燒蒜粒、味付八爪魚、明太子櫻花蝦、枝豆🌽野菜生菜、粟米、杏鮑菇、鮮冬菇、牛油金菇、菠蘿、秋葵、京蔥段、牛

趁拍拖紀念日呢個日子，同男朋友去食好野🤤我地嗌左人氣No.1👍🏻極上牛小排海鮮放題，多達過百款野食可以揀😍。餐廳掃QRcode落單，食物種類款式好多，分別有：牛🐮、豚🐖、雞🐔、海產🦪、冷盤、菜、小食、甜品🍦等。一黎當然要試下佢啲肉類先啦，一坐低已經擺低左一盤牛🥩，咩款式都有，之後我地自己都有再落其他牛款式，特別之處係可以揀配有唔同嘅醬料，除左原味，仲有燒肉汁同辛味醬汁。本人最愛就係牛舌、牛小排、肩脊肉、牛頸脊同牛板腱🤤。牛味好濃，特別牛小排油花分佈均勻，肉質鮮嫩多汁。我地仲嘗試叫左生菜蒜片包肉食😋。最好嘅就係可以配搭自己喜好再叫唔同醬料配搭。另外海產都有試香草牛油帶子、牛油廣島蠔肉、香草牛油蝦仁。用錫紙兜仔住，全部一齊燒，幾方便，有好濃郁嘅牛油味😍。除左食肉類，當然要試埋佢啲冷盤、小食啦🤪，我地嗌左好多款🤣。叫左蟹籽沙律、胡麻醬豆腐、海蜇和風沙律、 味付八爪魚、中華沙律、泡菜、唐陽炸雞、章魚小丸子、吉列蝦、唐陽雞軟骨。前菜冷盤同小食都好推介俾大家，特别海蜇和風沙律好開胃，炸物一啲都唔油。冷盤同小食都好高質👍🏻。仲有蔬菜嘅蒜香牛油露筍都好好味，鮮綠脆嫩，有牛油同蒜蓉配搭簡直係一絕👏🏻。飲

上星期五同frd去咗旺角呢間燒肉店Happy Friday😆 佢總共有四種放題套餐，我今次就嗌左第三個tier既套餐，即係極上牛小排海鮮放題🤤🥩 極上牛小排海鮮放題 $398/位呢個係店員推薦嘅人氣No.1套餐，總共可以嗌139種嘢食，連牛頸脊、牛小排都有得叫，加$48 仲可以任飲Asahi 同1664添😌🔸 小食燒肉前我哋點咗唐揚雞軟骨、枝豆、海蜇和風沙律等等嘅小食，值得一提嘅係佢個雞軟骨係即叫即炸，上到嚟仲係熱辣辣，大大粒，炸到恰到好處，配埋沙律醬一齊食，好味😋🔸 肉類男朋友係食肉獸，叫得呢個餐，牛頸脊、牛小排、牛舌、封門柳係必點，而且絕對係回本之選🤤 佢個牛頸脊、牛小排都係較薄身嫩口，牛味較濃，喺火爐上燒一陣就食得！溫提一下，佢分咗三隻唔同口味，包括原味、燒肉汁、辛味醬汁等。我同男友一致認為燒肉汁係最好味嘅🤪🔸 海鮮由於瘋狂食牛，所以叫咗唔係好多海鮮嚟食，只叫咗香草牛油帶子同埋香草牛油蝦仁，兩樣都幾唔錯，蝦夠彈牙，帶子厚肉唔鞋👍🏻 🔸 野菜食多咗肉當然要食下菜，牛油金菇同杏鮑菇都係食親燒肉會叫嘅，反而最特別係呢度有蒜香牛油蘆筍，呢個真係好少見，佢仲要係幼嫩無渣，叫咗兩兜☺️ 燒肉當

近排同朋友都好鍾意食燒肉，朋友介紹咗呢間起瓊華中心的《本場》燒肉，因為見到有一個頂級澳洲和牛海鮮放題，有得任食M8和牛都只係$428（星期一至四），覺得好似幾抵就嚟試下啦！套餐共有154品可以用app任點任食，估唔到除咗燒肉，仲有幾多海鮮同熟食可以揀，比起某些大型連鎖燒肉店，仲多種類！一次過點咗4款呢個餐先有的肉，M8和牛牛板腱，M8和牛封門柳，極品牛小排和伊比利亞黑毛豬肋條。2款M8的牛都唔錯，我就幾鍾意和牛牛板腱，係牛隻肩膀入邊最嫩嘅位，油花豐富有dd筋，更有口感！朋友就鍾意和牛封門柳因為較鬆軟，牛肉味比較濃厚！極品牛小排就比較多油花，薄嫩。伊比利亞黑毛豬肋條原來都幾爽口，唔講都唔覺得係豬！呢個餐最正係有得嗌大大隻嘅車海老蝦，燒到2邊橙黃色，勁爽口！原隻魷魚筒都好彈牙！當然唔少得有燒生蠔同北海道帆立貝。味醂魚乾燒完都好好食！試過以上，都覺得值得嗌最貴呢個餐！無限追加項目仲有唔少的小食冷盤，竟然仲有海蜇和風沙律！啱曬食完熱辣辣燒肉嘅我涼一涼。小食我哋試了炸雞，章魚小丸子和炸芝士年糕，三樣質素都幾高，最重要係新鮮熱辣辣炸起！亦都要讚下啲甜品，雖然選擇唔多，但我嗌的芝士蛋糕，榴槤糯米糍和

☘️上個月同阿妹去呢間本場食燒肉放題，upload 咗相但係一直都唔記得寫評價，今日得閒就一於分享吓！☘️呢間餐廳地方都幾大吓，裝修都好日式，感覺去咗日本咁，靠窗一排卡位感覺比較私密度高的，環境亦算衛生，牆上面有幅牛不同部位嘅大圖，顯示不同牛肉名稱同部位，又長知識了😜☘️我同阿妹都係食肉獸，所以專攻肉類，呢度單單是牛肉的種類便有很多選擇，我就最鍾意牛小排同封門柳，我妹話牛舌都好好食，我怕肥所以唔敢食。我覺得這裡肉類的質量也很高，牛小排肥瘦均衡，充滿油香而且味道十分美味，雞腿肉燒完之後皮脆肉嫩，另外我也覺得燒菠蘿還挺好吃的，燒完之後好像更加香甜可口，更開胃😜☘️另外牛油生蠔，帶子都唔錯，最後嚟個自制紫菜包飯，正👍☘️呢度全程都係用QR code 落單，好方便，上菜又快，而且服務員會提前提醒你時間等你可以有時間落last order 😜 ☘️最後點晴之筆當然係每人一杯嘅movenpick 雪糕啦 😋😋😋

好小寫食評 但真係嬲！超唔值！d肉又乾 肉質素勁差 飲品選擇勁小冷氣又唔夠 200蚊就差唔多 個爐又唔得全晚最好食係d菜！唔信去試下！呢個咁既時勢 仲做d咁劣既燒肉對唔對得住自己良心呀？？一樣野好，上菜快！無人食丫嘛

趁着朋友生日，難得終於可以約到食飯今次揀咗依間位於旺角鬧市嘅燒肉店我book左18:00當時唔算太多人，而且都有好多卡位坐得非常之舒適食物選擇款式固然多，而且時間絕對夠食用QR code落單上菜，速度亦都好快另外服務態度亦很不錯而且亦不斷會換燒板牛肉主打牛小排、牛頸脊、封門柳肉質呈鮮紅色，而且油花紋理清晰肉質纖細軟嫩，入口牛味濃郁。牛舌咬口有彈力，很爽口，任吃真好。牛油蒜蓉蘆筍、本菇都很推薦熄完一輪燒肉之後食返啲雜菜，用牛油炒勁香食極吾停口。有啲日式小食，例如溫泉蛋、章魚小丸子等等味道普遍都唔錯，可以一試甜品當中推介椰汁西米糕是正宗泰國甜品，西米有咬口甜而不膩。亦有人氣movenpick雪糕🍦

呢到有分唔同價錢嘅放題，今次我地嗌既就係$378嘅極上牛小排海鮮放題，野食方面都幾多幾抵食，個人覺得最吸引嘅係除咗燒肉之外，仲有好多熟食呀小食之類，唔洗下下都食到咁膩～🍴網燒一口牛大細剛好，燒到外面少燶，入口啲肉汁衝曬出黎😆🍴極品牛小排油脂分佈幾靚仔，唔會太肥或者太瘦，食落去有種入口即溶既感覺🥹🍴牛頸脊牛味好濃，又淋又滑，叫埋個月見汁點黎食風味🆙🍴封門柳肉質好鬆軟，而且牛味極重🥹，不停encore🍴壺漬牛肋條條條都勁大條，油脂豐富，超級香口又入味，每一啖都大滿足～🍴雞腎食過咁多次燒肉黎講，呢個雞腎既厚薄度岩岩好，非常易燒～入味得黎好爽口🍴蜜糖腸仔勁多蜜糖勁滋味！！！🤭🍴牛油帶子牛油燒完之後極香，而且帶子大大舊，唔霉而且鮮味重，有啲意料之外～🍴牛油金菇上枱第一下反應：「啲金菇係咪唔洗錢」好似成包隊左落去咁多🤣🤣🍴牛油栗米又係必食，牛油落得一啲都唔手軟！🍴本場紫菜飯滿滿嘅紫菜下面居然仲有極多飯素😍而且啲紫菜一啲都唔淋，淨係呢碗飯我都可以食兩碗lols🍴和風醋蕃茄食到咁上下嘅時候嗌呢個有種好清新嘅感覺～酸酸地，而且蕃茄好fresh，食完又可以繼續食肉lols🍴味付八爪魚唔知點解啲八爪魚仔可以

有驚喜日式燒肉😍😍😍好耐無嚟瓊華🤣細個放學最中意過嚟唱K🥳估唔到而家咁多新餐廳！🤭今次嚟到食任食日式燒肉！🤤自問都有啲要求，呢間價位同質素都真係算唔錯👍🏻坐低會比一盤牛肉（牛小排，牛頸脊，封門柳）牛小排充滿油香，配上泡菜滋味十足❤️牛舌非常軟！值得喪叫🤣🤣🤣最好係有提供生雞蛋，點肉一流！🥰雞肝非常入味，慢慢煮，中途加少少燒肉汁真係不得了！豬頸肉在慢火上燒到脆卜卜入口好正！海鮮方面蠔可以多點！加啲芝士上去，好味😍熟食方便有溫泉蛋！叫碗紫菜飯加隻蛋正啊🤤餐廳仲有提供多款烏冬！其中壽喜燒烏冬好好味！食左2碗！甜品竟然有榴連糥米磁！真係my favourite 😍