本場

營業中

休息中

平日晚上黎到本場食燒肉。餐廳幾大，和風裝修令我覺得真係日本，職員貼心安排坐卡位，十分有私人空間，感覺這裏兩人或多人聚餐都合適。而且飲品任飲，很不錯。食物方面，我們是叫牛小排那個放題餐牛肉質素不錯，牛味濃，脂肪比適中，燒起上來很香，入口即溶。沾一沾個月見汁更加好味，encore咗好多次個人最喜歡牛小排，封門柳和牛板腱原來我們餐還有海鮮可以叫。有帶子，魷魚，蠔，青口，多春魚等等。餐廳安排用錫紙盒仔上，可以直接在鐵板上燒，很方便。海鮮質素都十分好，新鮮乾淨。 小食其實也有很多，但真的已經很飽。我吃了以下幾款都很喜歡男爵薯餅，超crispy, 新鮮炸起，十分有誠意。明太子蕃茄，中和一下吃太多牛，好清新味付八爪魚，傳統日本味漬小吃，份量十足。 最後還有燒菠蘿，榴槤糯米糍，movenpick雪糕等等。總結餐廳環境食物質素都頗高，值得下次再來！

呢間係朋友介紹黎食，覺得係高質日式燒肉，燒肉有幾個選擇，我哋就揀咗個中間位，有三百幾蚊。極上牛小排海鮮放題。望隔籬枱嘅分別，就係四百幾嗰個會多啲海鮮同埋在靚啲嘅牛食，但係都覺得三百幾嗰啲牛肉非常之高質得好滿意，加上唔食海鮮，所以覺得呢個係性價比高的選擇，食落有牛香滲出來，燒到焦香再加佢哋啲特選醬料，配埋就勁好食！主要都係食牛多，但是咗個雞腎同埋豬腩肉都唔錯，小食都有勁多款，味道都唔錯，有得加生菜同埋泡菜，我撈咗個韓式豬腩肉生菜包感覺清新啲，又係另一種滋味！

旺角有不少燒肉店，今次慶祝飯聚，特登簡一間從未食過、環境又闊落舒服既燒肉店！上網睇完一輪就簡左「本場」啦！店舖以木系作主題，店舖相當大，座位寬敞、一家大細，一堆朋友黎都好岩！今次叫左$378 極上牛小排海鮮放題，有139款食物可選，餐牌選擇都相當多！醬料亦非常多花款，包括牛油、蘿蔔蓉醬油、鮮雞蛋、月見沾蛋汁、麻油蔥粒、溶岩芝士、溫泉玉子及蒜片！我推薦月見沾蛋汁，與牛肉非常夾，牛完全沾上蛋汁，味道一流！作為牛精的我，緊係不停食牛啦！我推介：牛頸脊、牛小排、牛板腱、封門柳！肉質實在肥美、切割完整！♥️ 牛頸脊肉質有彈性，油花很多漂亮，很濃郁肉味♥️牛小排牛小排薄切，輕輕燒一下即食得！肉質肥美軟冧！♥️一口牛一口牛正方型，鮮嫩有咬口，肉汁好Juicy♥️牛板腱肉質軟腍而不煙韌；♥️封門柳肉質軟冧、柔軟而多肉汁，鮮味濃郁；♥️牛油蠔及牛油帶子鮮味濃而肥美大隻，配上牛油，味道一流！♥️墨魚片薄切易燒，燒得脆脆爽口、配上月見汁一流！♥️牛油本菇本菇份量超多，菇味濃厚，多牛油提昇了本道菜的味道♥️甜品芝士蛋糕、椰汁西米糕、日式麻糟、Movenpick雪糕，甜品款式好多，味道都有一定水準，唔會過甜！

「本場」我話事？其實唔關事！  只是最近同朋友出了旺角行街街，疫情下甚少跨區活動的我，難得來到相對熱鬧的旺角，當然要找間店子食好西，友人帶我來到位於瓊華中心16樓的《本場》吃日本和牛燒肉。 這裡以木系傢俱作主調，搭配灰黑色，加上窗前的小木屋設計，格局蠻不錯！ 食物方面，有數款放題套餐選擇，而我們揀選的是人氣 NO.1 的「極上牛小排海鮮放題」，已有139品選擇，相當不錯喔！   下單不久，店員即揣來一盤牛肉拼盤，當中包括：極品牛小排、封門柳、牛頸脊，還有一口和牛粒，各款牛肉都是原味的，牛肉味香濃，無論色澤與紋理都不錯。原味燒肉，吃時蘸一點醬汁，感覺別有風味。正當友人燒得起勁之際，我便透過 App 自行揀選其他心水食物。原來這裡大部分的肉類，均可揀選原味及已調味的，有辣醬汁、味噌汁及燒肉汁；另外，牛油、胡麻醬、溶岩芝士、蒜片等調味料，亦可自行點選，迎合不同食客口味，真不錯！錯手點選了一客鮮蝦柚子沙律，原來是泰式口味，對我來說，辣度真的有點高，雖然賣相頗為吸引，上層舖了數隻大蝦，可惜最終也只能留給友人獨自享用！還是清新的和風醋蕃茄較適合我，酸酸甜甜的，加上蕃茄新鮮爽口，食落清爽開胃，是很好

今日同朋友去咗本場食燒肉放題，我地揀咗$398嘅極上牛小排海鮮放題，呢個價錢已經包咗肉類、海鮮、小食、蔬菜、甜品總共139品。所有套餐加$48都有生啤放題，食燒肉緊係要啤啤佢，但可惜第二日要要返早，我地就無加到。一坐低店員就送咗一盤牛拼盤包括極品牛小排，我地都點咗小食冷盤同埋其他肉類海鮮，肉類有原味同其他調味醬汁。我地基本上所有牛肉都點左一份原味試，原汁原味先試到佢咩料，重複點選之下，個人最鍾意就係牛小排，油花分佈平均，牛香味濃肉夠淋。我突發奇想用塊燒香左嘅豬五花腩包住原條秋葵食，好食得黎又好似扮晒健康啲咁，都幾正。另外仲追加左前菜小食（味付八爪魚、胡麻醬豆腐、海蜇和風沙律、枝豆），蔬菜類（菠蘿、生菜，什菌），熟食（烏冬）同埋甜品（榴槤糯米糍、日式麻糬、椰汁糕）最後餐廳仲送每人一杯movenpick 雪糕，有朱古力，士多啤梨同雲尼拿味揀添。環境坐得好舒服，店員服務好好，上菜速度好快，基本上一係手機落完單，轉頭就送到。食到好飽咁又過左一個夜晚，第二朝繼續返工啦…

🌟本場🌟 主打日式燒肉放題🔥，用QR Code落單，夠方便，出菜速度快捷！👍🏻餐廳空間感高，座位闊落，而且抽氣系統夠強，食得自在！🥰🥩極上牛小排海鮮放題 $378（ 星期一至四）共有139款食品 任飲任食，有牛小排🥩、多款牛肉、🦐海鮮、不同肉類、冷盤、小食、甜品及飲品等！🤩🥩牛小排 脂肪與肉身比例適中，而且脂肪分佈平均，肉味香濃，軟嫩多汁！個人喜歡 燒嘅時候落少少岩鹽及黑胡椒，品嚐原汁原味，正！😍牛小排絕對係要瘋狂Encore嘅item!😆🦐海鮮類 有香草牛油帶子、牛油廣島蠔肉、香草牛油蝦仁、墨魚片、多春魚等！🐷豚肉豚五花肥瘦相間，油香四溢！仲有豬頸肉、豚大腸等！🥗冷盤、小食 及 野菜燒菠蘿 酸甜多汁，仲好解膩！鮮番茄加上明太子醬汁，仲有蟹籽沙律，清新開胃！🍨甜品 最後每人一盒Movenpick，仲可以任食泡芙、芝士蛋糕等甜品！

🐽要搵到平靚正既燒肉放題都唔易嫁!呢間CP值幾高，有唔同set唔同價錢可以簡😎。👅極上牛小排海鮮放題 ($398)簡左呢個中價位，有6款牛部位(牛頸脊、牛小排、牛板腱、牛舌、封門柳同壺漬牛肋條)🥩牛小排有油香幾軟淋，牛板腱同牛頸脊肉味幾香濃而且唔韌👍🏻牛肋條個醬汁好入味幾有肉汁，牛舌就有少少難咬🫢仲有豬同雞，雞肉夠鬆軟，豬肉腸點蜜糖食最夾! 海鮮類有7款但係比較平價既種類，有帶子、廣島蠔、墨魚片同青口等等🦪連埋任食既沙律冷盤、小食、野菜、烏冬同飯、甜品、湯同飲品有139樣🤩用手機點野食，野食上得幾快亦唔會點漏單👍🏻小食食左炸芝士年糕同牛油粟米都唔錯，牛油粟米唔夠味，我地自己再落蜜糖同胡椒粉食正好多😆菇類同牛油蘆筍都係必食!有個位幾好係醬料都有11樣可以點黎調味😛甜品食左泡芙、榴槤麻糬、西米椰汁糕同日式麻糬，榴槤麻糬同日式麻糬一定要encore🤤榴槤蓉好香濃，日式麻糬口感Q彈😋最後食埋Movenpick雪糕好滿足!

就說今天想要大吃大喝高質素的燒肉，在鬧市也中不難找，還好今日是閒日，午巿時到餐廳時仍然可以入座。餐廳主打日本風格，裝修用料都全木系列，而且間格非常寬敞，不能去旅行的日本就來懷念一下日本吧我們選了人氣 No. 1的極上牛小排海鮮放題，店長推薦的等朋友生日時再來試試餐廳用QR code來點餐，選擇非常非常的多，光是牛肉已經很多款式，加上其他的肉類，海鮮，蔬菜，小食，熟食... 等等，真的每款點1次也要捧著肚皮走了。上菜速度非常快，第一盤牛肉來到還有名牌，好吃的可以再多點，不怕亂點錯別的牛肉了。個人非常喜歡封門柳及牛板鍵，點肉時還可選擇原味/調味，我大多選原味，可以吃出牛肉的新鮮度，亦可以配搭桌上的醬汁或鹽巴黑椒等，任意調配自己的愛好。冷小食也好幾款，味道當然水準之上，常常吃日本菜的必不會錯過。還可以點紫菜飯，伴著燒肉來吃真的非常好啊。最後當然不忘甜品，這幾款也淺嚐一下也不錯結賬時，店員還付上 movenpick雪糕，嘩，這個真的有點驚喜，之前不知有呢，真的十二分滿足的一餐。

今日到旺角食燒肉，閒日黃金地段都好full. 好在6：30就到，人不算好多。 餐廳有早鳥時段同貓頭鷹時段有折好正。食完先再減，因為款式勁多，份量都好，隻隻都想食。一入座已有牛肉拼盤，以為得普通肉，原來麥都有d. 最愛係牛舌，牛小排 ，豬肉好正，加上有唔少熟食。熟食好大碗呀，要4-5個人分比較好。一個人食咁大碗應該已經好快飽左。仲有冷氣比較凍。飲品有多款罐裝飲品。全程唔駛自己出位拎。另設多款炸物。 呢間係燒肉放題加日式料理放題餐員係上年紀既人，人手充足，比較細心。甜品有西米糕同movenpick 雪糕。

我地揀左人氣no.1嘅極上牛小排海鮮放題套餐。食物種類有成139樣咁多，絕對滿足到我樣樣都想食嘅心態😻一開始會直接上左一set肉先，賣相唔錯，等爐熱左就可以自己開始燒肉。呢幾款牛既部位都好食，除此之後牛舌同豬頸肉都係我既最愛，瘋狂叫牛小排，牛舌同豬頸肉食🤣額外order左蒜片同生菜，包肉食非常好食之後我地仲有叫左蠔同扇貝，燒菠蘿，金針菇，雞比菇秋葵呢d蔬菜食，食材都好新鮮👍臨尾再食埋甜品同雪糕。甜品有榴槤雪米磁，入面有榴槤肉好正👍仲有抹茶蕨餅同泡芙～仲有movenpick雪糕食～超飽嘅一餐！

🔥120分鐘日式燒肉放題🔥推介指數 ❤️❤️❤️❤️🤍仲未有機會去日本散心，來一場日式和牛燒肉放題平衡身心😮‍💨位於瓊華中心，店舖木系作主調，有梳化位同卡位，感覺舒適～ 4款120分鐘放題以不同肉類及海鮮區分、同樣無限點配冷盤、小食、主食、甜品、飲品等等🥩點選人氣No.1 極上牛小排海鮮放題，有齊牛豬雞同海鮮啦；牛肉有喜歡的封門柳同牛頸脊，醃得入味的壼漬牛肋條配上爽脆生菜平衡味道又有雙重口感❄️冷盤推介酸酸哋的和風醋蕃茄同鹹鹹哋明太子櫻花蝦冷奴🥢小食十多款，章魚小丸子微脆內軟、泡菜配燒肉一齊食仲滋味🥬野菜必點爽脆生菜、仲有菇類、秋葵、南瓜、蕃薯，選擇不少🍚主食有烏冬同飯類，簡單點個本場紫菜飯都唔錯🍨甜品每人都有一個Movenpick，仲有芝士蛋糕、西米椰汁糕、日式麻糬、泡芙等等🧊飲品以罐裝汽水同茶為主，想啤一啤就加少少可以無限飲Asahi/1664生啤～

本場- 燒肉海鮮放題夜今日嚟到旺角一間燒肉專門店，主打日式網燒燒肉，形式是120分鐘放題任食，有4款不同級別的放題，厚切豚肉放題、上品牛肩胛放題、極上牛小排海鮮放題和頂級澳洲和牛放海鮮放題。極上牛小排海鮮放題 $398位我們點了第三級別的放題，總共有139款食品提供。牛肉推介牛頸脊同牛小排，輕輕一燒，油花香、肉汁滿滿。豚肉則有惹味的泡菜豚角燒；雞肉有拉絲的芝士雞腿肉。海鮮種類更多，必食牛油帶子和牛油廣島蠔，飽滿鮮味十足。另外還有小食炸物如炸雞、薯餅等，無飯不歡人士亦有溫泉蛋牛肉飯、烏冬等主食。

旺角瓊華16樓嘅本場係日式燒肉放題店，地方頗大而且座位闊落！本場不設自助區，但上菜速度極快，可以瘋狂order再慢慢嘆！用QR Code落單，方便、準確又快捷！仲有個Last order嘅倒數Timer，預好時間嚟個最後衝刺，保證食到飽！極上牛小排海鮮放題 $378（ 星期一至四）主打極上牛小排同埋海鮮嘅放題，全Menu共139款食材/飲品！極上牛小排 - 肥瘦適中，富大理石紋脂肪而且肉質鮮美，好容易燒，仲有多種食法！齋落岩鹽＋黑椒享受原味，已經好正！亦可配搭月見汁當壽喜燒咁食，濃郁美味！又可配泡菜、生蒜、大醬，同生菜包住食，一樣咁滋味！海鮮類 - 帶子肥大肉厚，香草牛油燒再落少少岩鹽，啲鮮味出晒嚟！豚五花 - 本埸嘅豚五花肥瘦相間，一燒油香滿溢，同樣適合多種食法，食極都唔厭！冷盤/小食 - 鮮番茄＋明太子醬汁，爽甜又開胃！漬物類嘅小食有多款選擇！甜品 - 每位奉送瑞士名廠雪糕一盒，而雪米滋/泡芙/芝士蛋糕就係任食嘅！

以前細個瓊華好多學生日式放題 放題依然無變 取而代之嘅係變咗高級日式燒肉放題😋 餐廳安排咗一個非常闊落大卡位 裝修充滿地道日式燒肉店嘅感覺 企理又光猛💡放題方面有幾個等級俾你選擇 我哋揀咗極上牛小排海鮮放題 除咗豚肉雞肉牛肉之外 仲有好多小食🍡炸物🍤甜品🍧 全程自助QR Code落單 淨係食唔願郁嘅懶鬼就啱晒啦 一坐底自動送上極上牛比你試下 好細心等你唔使心大心細 特別推介牛頸脊同封門柳 呢啲比較少地方可以食到嘅部份 真係零舍不同😋油脂分布平均🥩牛味超濃郁😋 牛肉固然係重點 呢度嘅海鮮都好唔錯嫁🐠 🗣️提提大家 呢間有早鳥同夜貓優惠有七八折㗎😲 冇藉口唔encore多次啦😍

一直想食呢間餐廳好耐，呢日特登提早訂左位同男朋友嚟補祝佢生日。餐牌有好多任食放題套餐選擇，我哋懶得諗直接就揀咗人氣No.1嘅極上牛小排海鮮放題，有成139款任食！未開始食先興奮～揀咗餐之後，店員會先上一個雜錦精選拼盤，有牛小排、牛頸脊、封門柳同牛肋條，淨係望到啲花紋都流晒口水。其他嘅配料可以scan QR Code喺電話度落單，值得一讚嘅係呢間餐廳一撳落單好快就有嘢食上嚟，完全唔會嘥時間，店員服務態度亦都好好。開始燒肉啦！牛小排好食就唔洗講，估唔到連牛肋條呢啲咁高難度嘅嘢都好易就燒到好好食，入面係充滿肉汁，輕易燒到外脆內軟，正到癲！超級無敵推薦月見汁！喺其他舖頭未見過，用黎點燒肉食簡直一流！豚肉嗰啲不過不失，但係粒帆立貝超大粒，鮮甜好味，魷魚亦都厚身彈牙～甜品方面推薦大家食榴槤糯米糍，中間個榴槤味超濃，鍾意食榴槤嘅你就唔好錯過啦！每人最後會有一個MovenPick雪糕，為成餐燒肉畫上完美句號。一個字：滿足！總括而言，呢間餐廳嘅性價比都幾高，每種食物嘅質素都偏高，任食放題黎講做到呢個質素都冇其他嘢可以挑剔，心思思嘅朋友不妨黎試吓～