木玥巷

營業中

休息中

係虹橋搵台式餐廳食，見到木玥巷名列前茅，誤打誤撞終於去到。去到時，見到呢個畫面以為新年假期未開……再轉個彎望到正門就知大件事，原來呢間係當區人氣店鋪。幾經辛苦下，終於獲安排入座。裝修、間隔都好「試正」，完全估唔到虹橋會出現呢類高級餐廳，尤其是seat位好好坐，適合同朋友傾計。睇過餐牌，感覺都幾多選擇，雞、豬、牛，甚至係鰻魚都有得食。等開飯個陣，望到餐桌後嘅鐘好有現代感。由落單到上碟，過程都好快，唔使等得太耐。蒲燒鰻魚飯 $78跟餐有個醒胃前菜，材料有青瓜、紫椰菜、西柚，再有啲麻油、黑椒衝擊味蕾tim。照燒鰻魚好juicy ，傳出好香嘅鰻魚味😋未放入口已經流晒口水，鰻魚汁好惹味，配上珍珠米 胃口大增。木玥招牌便當 $74待應哥哥未上菜已經芬芳馥郁，呢個飯一上台已經好吸睛，第一眼就見到一隻超巨型雞脾，再加埋d滷水，撈飯簡直一流。另外配菜有肉鬆、鵪鶉蛋、泡菜及青瓜......酸酸甜甜，食到停唔到口。台灣雙色腸 $46雖然食落差唔多味，但實際上係分為原味同墨魚味。台灣腸切得厚度適中，方便食客用餐。值得一讚係佢呢款醬，味道好特別，有啲甜甜哋，又有啲微辣，仲食得出有陣柚子味，試過就上癮。木玥黃金水

無得去旅行，又掛住台灣，唯有食吓台灣菜頂吓癮先，近日喺屯門井財街附近發現一間隱世嘅台式餐廳，主廚少傑原來曾經喺嘉麟樓做咗15年，辭職前已經做到二鑊位置，主廚做慣五星級酒店，餐廳選材都有番咁上下水準，例如用到美國安格斯牛肉嚟做一個台灣牛肉麵、歐洲鰻魚嚟做鰻魚飯等。餐廳裝潢以木系為主調，播住台灣歌，燈光柔和，有偌大窗戶透入陽光，座位闊落舒適。台灣雙色腸，雙色腸上枱十分吸引，橙色嗰隻係經典嘅台灣腸，味道同喺台灣食到嘅一模一樣；黑色嗰隻係墨魚汁台灣腸，除咗有墨魚嘅香味之外，裏頭真係有一粒粒嘅墨魚喺條腸入面，認真真材實料。黑糖蘋果西打豬軟骨飯，豬軟骨味道酸甜得嚟好有層次， 木玥巷嘅軟骨唔似得坊間一般餐廳咁炆得咁腍，我反而鍾意佢呢度嘅新穎口感，好似食緊雞軟骨咁卜卜脆，旁邊嘅小菜小碟有青瓜紫洋葱同埋椰菜絲，酸酸地都幾開胃。白桃桂花烏龍清茶， 見餐廳嘅餐牌上面寫住無糖同埋推介即刻忍唔住嗌咗一堆嚟試下， 烏龍茶茶味極龍， 趁住香濃嘅桂花尾同埋淡淡嘅白桃味， 果然唔使落糖都有夠好飲。離開嘅時候門口已經有好多人等緊位，想食好西嘅朋友就要早啲到喇。

近來朋友介紹虹橋呢一間台式餐廳實在太有人氣啦，於是今日就過嚟試吓佢嘅午餐，依舊都幾多人等吓嘅，不過佢嘅午餐性價比非常之高，而且味道不錯，所以就過嚟呢一度等吓都冇所謂嘅等咗大概15分鐘，喺呢一度嘅環境好舒服，玻璃窗都幾大下，陽光非常之充足，而且座位舒適，午餐嘅時候都幾舒服下㗎 ！我哋兩個就點左兩個午餐，一個係蒲燒鰻魚飯，令一個係招牌便當，由於佢嘅台式飲品都幾有名，所以我哋就各自叫咗一杯包括係玫瑰可可鮮奶，同埋黃金水果茶！首先我試咗佢嘅小食先，我就點左個蛋黃炸芋球，賣相非常之好，裏面都係有滿滿既芋頭，中間夾住一粒蛋黃，味道還算可以，因為芋頭內有比較多粉漿，識落唔係好似平時食開嘅台灣芋蓉咁，加上蛋黃比較乾身，食落冇蛋黃嘅香味同埋流心嘅感覺！可能真係要下功夫改善一下啦！之後就講吓佢嘅主菜啦，首先係招牌便當，佢個滷水雞翼非常之入味，不過可能都煮得幾耐下，啲肉質就林咗少少，另外配上三粒嘅鵪鶉蛋，我覺得就冇可能會比較高膽固醇啊！呢一個亦都可以再微調一下，再配上香香的肉碎同埋韓式泡菜，識落都己有日台風味！加上佢係以珍珠米配上甜豉油，都幾有台灣火車便當！如果佢係用返傳統嘅便當盒就更加好啦！之後就係蒲燒鰻

屯門高質黃店💛每次去到都見到好多人支持今次排左大概1個鐘雖然都耐但絕對等待叫左紅燒牛肉麵，鹽酥雞飯，芋泥蛋黃球同招牌水果茶牛肉麵湯底出色 牛肉入口好軟好有味 但麵有少少淋 個人覺得可以有咬口少少鹽酥雞飯份量好足 台灣味👍🏻芋泥球有少少麻薯口感 好味高質黃店 排隊都值😍💛👍🏻

與同事到屯門辦事，碰巧見到一間既有台式又有日式餐廳，蠻特別似的，我們便入內一試。先來兩樣是日式的食品，首道乃燒雞泡魚乾，有嚼勁但不會難咬，配沙律醬很是相襯。第二道是原條浦燒鰻魚，簡直是鰻魚控的天堂！看著一大條肥美的鰻魚，已教人垂涎欲滴，吃下果然甜美無比，滲透在魚肉裏的油份極之香濃，令致肉質格外滑溜。本來浦燒鰻魚落些山椒粉會更香，因此既然有台式椒麻伴麵，我們都沒有配飯。意想不到的是兩者竟是如此相配，一口鰻魚一口爽彈的伴麵，可口之極！我們都很享受這個新鮮的配搭！

之前都睇唔少網評介紹，有好有彈，所以親身黎試。今日試午市套餐紅燒牛肉面加錢轉飲白桃桂花烏龍清茶。先講碗面，之前有網評形容到份量好少，對我黎講又唔算，我都係餓底狀態去食。牛肉大件唔會有渣，好食，仲有3舊。配有麻香小沙律，好味。另上炸蒜同好似係雪菜，記住落哂，即時提升碗面。面身唔知關唔關我到咗等埋飲品毛食，有少少偏淋，湯亦正常，成個面唔係濃系，鐘意食偏清嘅絕對啱，我就係。白桃桂花烏龍茶係無糖，有清清嘅桃香，茶底唔會澀口，飲落舒服。係屯門黎講，呢到算唔錯，會有下次。

紅橋又有台灣野😌今次朋友帶我黎依間超高人氣台灣野食🤩平日2點幾去到都要等位，証明啲野真係好食😂前面雖然要等四五張枱，但其實都只係等咗大概15分鐘。店面都算大，都可以坐到起碼20幾人。午餐有幾個選擇，飯類可以加錢再轉滷肉飯。今次揀咗酥炸排骨飯，加$10轉安格斯滷肉飯。嘢飲揀咗木玥招牌水果茶（ 入邊有西柚同埋百香果）（跟餐另加$28 ）樓面雖然得一個人，但酥炸排骨即叫即炸來講都算整得快。酥炸排骨大大份，而且啖啖肉，再加上啱啱好炸起熱辣辣脆卜卜嘅口感真係好正😌安格斯滷肉飯驟眼睇覺得肉燥唔多，但撈埋飯食啱啱好。肉燥有別於坊間用豬肉整，呢一間係用牛肉整嘅。但其實唔太食得出係用牛肉整🤔，我反而覺得個汁偏甜，撈飯就覺得有少少唔係太夾😕招牌水果茶真係超大杯，而且用咗西柚都唔會話太過酸，即使加$28都幾貴但可以值得一試。👍🏻整體來講呢間野真係幾好食，好想再encore😍🥰

而家晚市都無得開又要返工搞到無啖好食，屋企樓下果間台灣菜開左咁耐都係食過一次，上次試左牛肉麵都幾好食。由於疫情影響下，公司要求員工在家工作，咁我有機會同我個朋友去試下啲午餐。午餐價錢都唔算貴5x至7x都幾抵食。好多人等位都等左成20分鐘，入到去都有卡位坐。 我試左個鹽酥雞飯，皮脆肉嫩而且仲配左個柚子汁，食落相當開胃。我個朋友就叫左鰻魚飯，夠燒汁而且入味，筷子插入鰻身魚肉即分開，一口吃下去後，魚肉的鮮味在口中溶化，美味無比。仲叫左果小食蝦卷一齊食，有粒粒蝦肉，應該有少少花枝滑係入面，爽綿交集幾有口感，又好鮮味。 跟餐叫左兩杯水果茶，滿滿的生果都幾新鮮應該係即日切既，甜度適中。 台灣菜黎講都幾好食，下次可以再試下其他野。

今日放假，約左好友lunch去左屋企附近位於屯門井財街的木玥巷午餐。門口放左本簿仔，比客人留名等位，去到已有吾少人等甘。餐廳裝修精緻，簡約風格。同友人坐在窗口位，感覺冇咁迫夾，幾舒服我地一人叫左一個set 同埋1份小食連飲品里到的特色木玥招牌水果茶同木玥黃金水果茶，好鬼大杯，水果茶唔會太甜健康有益，超正又抵飲第一次幫襯所以選擇咗廚師推介菜色，紅燒牛肉飯：牛肉味香濃，牛肉煮得好淋，牛肉汁可以撈飯，不錯的選擇同木玥招牌便當🍱有泡菜肉鬆鳥蛋，雞肉嫰滑，不會鞋口，值得推介食埋個小食甜不辣，配上微辣醬汁，好味道2個人食下傾下差不多坐了一個鐘多點，真系非常飽同滿足

諗住平日嚟食晏應該少人啦，估唔到呢間餐廳喺十二點開門，十二點二已經全滿要等位。 今次我哋叫咗一個木玥招牌便當，蒲燒鰻魚飯 ，宜蘭三星蔥餡餅，甜不辣，飲品要咗木玥招牌水果茶，白桃桂花烏龍清茶。 全部都係喺menu上寫住推介嘅。 首先嚟到嘅係招牌水果茶，超級超級大杯! 一拍埋樽消毒搓手液，就知道佢有幾勁。 味道香甜好飲，仲有啲生果喺面可以食，飲品嘅賣相亦都非常討好。 招牌便當，飯上面有一隻好巨型嘅鹵水雞脾，仲有兩粒鳥蛋，嗰飯有少少醬汁撈埋魚鬆一齊食勁好味，鹵水雞髀好入味，而且一啲都唔鞋。 朋友話佢嘅鰻魚飯好好食，份量十足，鰻魚啖啖肉，非常之正。 蔥餡餅， 個餡勁多汁蔥又香，呢個一定要趁熱食! 我哋每人食到兩件好滿足。 甜不辣嘅份量都幾多，切開咗一條條，好惹味嘅小食，點埋個醬汁更加係一絕，食唔停口。 我杯烏龍清茶係冇糖㗎，非常健康， 飲得好清個茶味， 再加上白桃嘅甜味， 其實冇糖已經好好飲。 呢餐非常之滿足，食到捧住個肚，估唔到啲食物份量唔細， 真係飽到去夜晚。 唔怪之得呢間咁多人， 真係值得再嚟食呀。

應該係出名既黃店去到都有好多人排隊可自行寫名再等叫名入座等左20分鐘左右就可以入座午餐都有好多選擇今次叫左鰻魚飯，三星蔥煎包，花枝丸，台灣腸，仲有杯招牌果茶野飲非常大杯 兩個人飲都夠食物份量好足 又好食非常推介花枝丸下次試埋個牛肉麵👍🏻

Lunch Menu 招牌紅燒牛肉麵 ($62)牛肉口感軟之餘保留嚼口 唔會散開 重點唔痴牙😬出面麵質通常偏硬少少 有d用闊麵 個人不喜因為唔中意咁硬 食舊粉團落肚咁但呢到麵質就幼身 唔會好粉 煮得岩岩好湯底清甜不膩 淡淡牛香味 唔係好濃 好重口味人士未必like紅白蘿蔔又甜又軟身👍🏻有炸蒜 酸菜自己加 增添口感 但唔加都夠做了跟個前菜-雞絲青瓜 幾清新 食落有d鹽水雞feel———木玥招牌便當 (掛住食忘記了價錢🤪）有滷水雞腿 幾入味 雞肉一撕就離骨同埋好大隻喎 食雞腿都飽 配埋珍珠米大食人士實滿足加埋有2粒鹵水蛋 泡菜 肉鬆做配菜 幾特別同樣跟個前菜-雞絲青瓜———甜不辣（$42)熱辣辣上枱 煙煙韌韌 點少少醬 惹味唔中意太厚粉既岩哂但個人較中意食切左先再成舊上粉炸既🤤———招牌水果茶(西柚，百香果) $42 (套餐價$28)好好飲 又大杯 酸甜度岩岩好 茶底係西柚汁 好清新既味 同埋水果係哂面 好方便食😎呢個原價同出面好多都差不多 但呢到既質素👍🏻性價比高呀 暫時係我首選想encore既水果茶講起我又想飲啦～～——-白桃桂花烏龍清茶(無糖) $38 (套餐價$24)健康人士之選

午餐同朋友嚟到「木玥巷」食台灣菜😋黑糖蘋果西打豬軟骨飯🥘豬軟骨呈深啡色就知道炆得好入味，酸酸甜甜，送飯一流，軟骨部分煮到入口即融，仲有成差不多十件，份量驚人！！！木玥招牌便當🍗便當係推介菜式之一，有滷雞髀、鵪鶉蛋、泡菜同埋魚鬆，雞髀大隻到佔據咗半個大碗，朋友話雞肉同雞皮都夠入味，連平時唔太食雞皮嘅佢今次都破例食埋👍鹽酥雞🐔朋友好喜歡依個鹽酥雞，一粒一啖，炸得香脆🤩雪菊蘋果茶☕️白桃桂花烏龍清茶🍹依次lunch非常飽足，唔單止味道好有台灣風味，重點係超抵食，難怪地點唔算特別方便，但係都吸引到好多人嚟食午餐，想食嘅話記得早少少嚟等位～

餐廳：木玥巷地區：屯門地址：屯門井財街7號力生大廈地下4-5號舖日期：18/1/2021時間：11:50人數：2人 眨吓眼已經過左一年冇得去台灣旅行，實在太掛住台灣嘅美食😢於是我哋就搵下有咩台灣餐廳，睇OpenRice見到都幾多好評於是就決定試下呢一間木玥巷🤔，我地一去到已經見到有幾個人等候，好誇張未開門已排隊，亦增加左我哋對呢間餐廳嘅期待😝好彩我哋早10分鐘到達，如果唔係就要等第一輪食完先有得入座🙈我地嗌兩個套餐，由於我哋鍾意食鹽酥雞所以嗌左一個係木玥鹽酥雞飯（$58），另一個係因為見到佢特別推介就試下木玥招牌便當（$74），加上之前喺台灣火車站食過一個便當回味無窮😳希望可以搵返台灣便當嘅感覺😚亦嗌多左一個小食宜蘭三星蔥餡餅4件（＄36），跟餐有優惠價所以再嗌多左兩杯嘢飲，一杯係木玥招牌水果茶（＄28）、另一杯係檸檬蜂蜜（＄22），總共＄218。鹽酥雞香脆酥，香嫩又多汁，超Juice🤤另外配搭左個醬汁酸酸甜甜，更加開胃，而且鹽酥雞既分量非常之多，食完碗飯都未食晒啲鹽酥雞😂真係超誇張😆下次黎食一定會再嗌呢一個鹽酥雞飯😋而木玥招牌便當🍱原來係滷雞腿🍗，超巨大嘅雞腿，滷得非常入味好食，口感

無得去台灣，又想去台灣，搵返碗好食台灣麵食下先。外型好正喎，黑玻璃唔會望到舖內食客。簡單食物牌，幾款招牌食物。12點幾到，2人限聚令免得多人等位，即到即有位，正😁面望返出面好通透開揚，💡光線足夠。裝飾簡潔，卡座寛闊。點左招牌紅燒🐮牛肉麵🍜，湯唔油膩，蔬菜湯底，麵質較軟。煎蛋滷肉飯，隻蛋煎得好鬼靚，又脆濃邊，肉又唔會過咸，幾好味😋最後點多個小食，問店員介紹下，點左韮菜餅，唔油但饀料唔夠飽滿。