木玥巷

營業中

休息中

呢間新開幾個月既木玥巷真心推介由佢試業開始就已經幫襯佢地個紅燒牛肉麵簡直係驚為天人湯頭香濃而且帶甜味材料份量充足半肉半筋、牛展、牛肚三樣同時兼備入口軟淋溶化而且麵條口感紮實夠彈牙屬佳品👍🏻真心仲好食過台灣個d出名既牛肉麵😌老實說⋯原先沒有點鹽酥雞扒既意思但隔離枱點了兩份鹽酥雞扒個陣香味真係隔住左厚厚既partition都招架唔住果然不負所望鹽酥雞扒大大塊夠厚身外層炸得酥脆內層雞肉juicy不得不提係店家既秘製醬汁柚子醋加蜜糖🍯食得出真係蜜糖唔係cheap cheap既人做糖膠鹽酥雞沾醬後味道更有層次酸酸甜甜油膩感瞬間被中和.蟹肉意粉或者明太子意粉食得多但蟹肉明太子炒新竹米粉真係未食過😅見係店鋪推介就姑且一 試果然冇介紹錯👍🏻👍🏻👍🏻新竹米粉既口感乾身軟淋混和蟹膏蟹肉後口感像極一梳梳既蟹肉🤤🤤蟹痴大呼過癮🤗🤗🤗.另外半價叫左杯玫瑰可可鮮奶🌹朱古力奶真係有玫瑰花味架😍成件事好浪漫🥰🥰🥰.真心想推薦俾一眾屯門牛🐂

疫情關係...好耐都無試過台灣既味道。 最近原來屯門開左間新式台灣菜餐廳~~- 紅燒牛肉面(Hk$92): 賣相特別在佢個鋸齒形既豆卜👍 好少台式牛肉面有依個配料 另外除左牛肉外佢仲有牛肚牛筋 幾足料🙊- 安格斯滷肉飯:有驚喜! 香濃既牛肉味,不同於用五花腩肉整既滷肉飯, 冇咁漏- 戰斧鹽穌雞(HK$78): 大過同行朋友塊面...配上柚子醋, 入口即時冇咁漏- 炸花枝丸(HK$38): 大大粒, 有d 椒鹽係面頭, 真係好有夜市既味道!!飲品方面, 同朋友分別飲左冬瓜茶同蘋果茶~ 冬瓜茶: 唔會好甜,淡淡地 唔錯!蘋果茶: 真材實料!原塊封乾左既蘋果沖出黎既, 淡淡蘋果香 都唔錯!! 環境: 木系裝修, 大概二十個位置 坐得都舒服既服務: 有禮貌,親切! 總括, 可以encore 試埋其他菜式!

虹橋食店林立，今晚呢就黎到木玥巷我哋嗌左個木紋招牌紅燒牛肉麵牛肉麵的掛湯嘅能力好高入面有牛展，牛筋，牛肚，口感非常豐富全部都炆得好冧，而且好入味！感覺到佢個湯汁有非常濃厚嘅牛肉味，值得一試！另外叫咗蒲燒原條燒鰻魚，我哋叫個套餐只係加$28呢就配左安格斯滷肉飯同埋有甜品！鰻魚非常香，而且呢醬汁非常之濃郁！滷肉配上珍珠米，幾好食！最值得一讚嘅就係佢嘅水果茶啦佢有黃金水果茶同埋招牌水果茶，招牌水果茶主要以葡萄柚做基底，而黃金水果茶就係用菠蘿汁去做基底！大大杯而且唔會有得揀少甜！正！

屯門紅橋開左間好Chill嘅台式餐廳，環境及氣氛都好正，佈置都看得出花過不少心思，所以整體感覺都好舒適，很不錯門口大大塊牌寫住7:30前離座即享8折，所以就決定試試佢，雖然我6:30經已到達，但坐位基本上已滿80%，可見人氣不少🌠木玥招牌紅燒牛肉麵 $92🌠招牌牛肉麵個湯底幾正，味道濃郁，餸包括牛展、牛肚、牛筋及炸豆卜串，然後再放上少許辣椒絲炸豆卜串雖然經過油炸，但食落口沒有乾乾的質感，仍能保持豆卜的彈性，再吸收少許湯底，味道佳牛展牛肚都炆得好冧，軟軟滑滑，滷水滷得夠入味👍🏻麵底軟硬適中，配合牛肉湯正😋🌌戰斧鹽酥雞排 + 安格斯滷肉飯 $78🌌鹽酥雞排真係名符其實戰斧咁大塊，絕對大過塊面，炸得香脆而且咸咸香香，再配個柚子蜜糖汁，另一種風味主角除左戰斧之外，原來仲係個滷肉飯到，安格斯滷肉飯真係落重本，估唔到滷肉可以整到咁香濃好味，個醬汁又正😋無得輸🌅炸蝦卷 $42🌅小食就叫左炸蝦卷，外皮好似紙咁薄，非常脆口，口感好好🎆木玥黃金水果茶 $42 + 木玥招牌水果茶 $42🎆兩杯水果茶都有雪梨、西柚、菠蘿的果肉，飲落好清新，清清甜甜，而且非常大杯，色香味俱全😆總括而言，餐廳雖然唔係位於鬧市區，

木玥巷位於井財街7號，佢呢個位置唔太多食肆，但我去到既時候已經有唔少人排隊，可見受歡迎程度。餐廳唔算大，但佢位置算寬躺，唔會坐得迫，佢嘅裝修有啲似台灣嘅文青風，加上佢店內喺度播台灣嘅歌曲，有一刻會覺得自己去咗台灣。暗然銷魂安格斯滷肉飯：佢會跟一個前菜沙律仔，沙律菜加上柚子醋，酸酸地幾好食。流心蛋加上肉燥，配上珍珠米簡直一流。佢嘅肉燥帶有一點醬汁，夠晒食晒成碗飯。但佢嘅牛筋就略嫌唔夠腍，唯一嘅美中不足之處，其餘都好滿意。鹽酥雞：食得出係新鮮炸出嚟，雞粒嘅大小適中，雞肉亦夠滑，外皮炸得脆而唔油膩。配上有子醋食，味道再多一分層次。招牌水果茶：佢做得比人好嘅係唔會太甜，所以茶味更加突出，如果加上熱情果就更加好啦。

試食左算係新開張既新木玥巷, 食台灣野。外部同內部裝修都唔錯, 幾有氣氛。Menu 上既名都改得好有心機, 野飲方面, 都有D 特色飲品, 同出面唔同。今日試左木玥巷招牌紅燒牛肉麵, 黯然銷魂安格斯滷肉飯, 宜蘭三星蔥餡餅, 雪菊蘋果茶同木槿水果茶. Total $310到。個牛肉麵好食喎, 好食過好多好多連鎖台灣食店。滷肉飯都好味, 但你問我同食豬有咩分別, 係覺得係較為juicy, 但滷水汁既味好似最主要, 所以味道, 感覺用牛/ 豬都無分別。三星蔥餡餅即叫即炸, 好味! 入面係蔥同肉, 細細件, 如果等佢凍左可以一啖一件, 但個人鐘意趁熱食!店舖細細, 但都有男, 女廁各一個, 出面有獨立洗手位, 啱哂依家疫情前要先洗手。總括而言, 呢間店唔錯! 可以再encore。

好味到要等位🥇到8:30，門口依然好多人等候當然要叫佢嘅招牌菜招牌紅燒牛肉麵 $92🍜我唔鍾意食麵嘅我都覺得佢好好食，所以鍾意食麵嘅你點可以錯過！酥炸排骨配肉燥飯🍚 $52好香脆，而且佢個汁好特別，係柚子味，一啖裏面有肉燥有飯有排骨🤤台灣雙色腸 $46好鍾意食台灣腸，係原味同埋墨魚味墨魚咪喺香港好似冇得買、嗰陣時去台灣一定要買返香港玫瑰可可鮮奶 +$19賣相唔錯，名又改得幾好👍黃金水果茶 🍹+$21一出嚟咁大杯有少少嚇親，唔會話好甜，好夠菠蘿味，原來咁大杯都可以飲得晒舖頭細細，但我覺得店員好細心好體貼🥰🥰#hkfoodie #hkblogger #hklifestyle #taiwan #noodles #beef #rice #yummy #chicken

屯門井財街竟然有間隱世小店👉🏻簡約日式裝修，濃厚台式風味，只有<木玥巷>先至做到👍🏻木玥黃金水果茶(凍)👉🏻入口清香，味道酸酸哋帶少少甜味😽杯邊有一大片新鮮菠蘿肉入面有一粒粒果肉，分別有西柚、梨、百香果等！仲有想像唔到有咁大杯水果茶個杯超過我一隻手指嘅長度玫瑰蜜桃果茶（熱）👉🏻暖笠笠嘅果茶，玫瑰味芳香撲鼻，入口後清甜濃香茶味，令人再三回味😍汁煮豬軟骨配安格斯滷肉飯👉🏻豬軟骨炆得非常入味口感軟硬適中，食落豬軟骨又唔會覺得油膩😋而安格斯滷肉飯味道香口，配上粒粒珍珠米，口感非常軟腍木玥招牌紅燒牛肉麵👉🏻牛肉麵最重要係個湯頭🍜夠唔夠清？味道夠唔夠濃？木玥巷嘅牛肉麵就會做到清而濃嘅味道，飲落完全無油膩嘅感覺，入口順滑😋牛肉軟腍而彈牙，牛根有𡁻口，牛肚入哂味！碗內有一大塊豆卜，豆卜索哂湯𥚃面嘅精華，而且食落仲有豆香味😋加上紅白蘿蔔，色彩同營養變得好豐富！麵條爽滑，十足似喺台灣食到嘅口感💯💯💯💯💯蛋黃炸芋球👉🏻炸到金黃色，咬入口完全無油膩感！芋泥加上少少蛋黃餡，鹹甜味道適中，食落非常夾！我一個人都可以食哂三舊😂P.S木玥巷唔單止味道濃，入面人情味都好濃！點解咁講？原先我哋坐喺二人枱，

今日同男朋友黎到屯門行藍地水塘，首先要食個lunch先，食完明白點解會甘多人排隊啦。星期日都有午市套餐，我地揀左黯然銷魂安格斯滷肉飯同紅燒牛肉麵，再加炸花枝丸。黯然銷魂安格斯滷肉飯有一隻流心既煎蛋，加上滷肉既油脂同飯撈埋食，真係黯然銷魂，好食。紅燒牛肉麵湯底清甜唔油膩，紅白蘿蔔同牛肉都好腍，係一碗出色既牛肉麵。炸花枝丸大大粒，即炸熱辣辣。雪菊蘋果茶甜甜地，唔錯。玫瑰可可鮮奶好好飲，玫瑰同朱古力原來甘夾，多左陣玫瑰既清香又唔會過甜，口感順滑。

今日去咗屯門一間台日小店「木玥巷Wooderful」食Lunch，為了避開繁忙時間，下午2點後才去到餐廳，但都要排隊，等了15-20分鐘才安排入座；原本想食「戰芹鹽酥雞扒」，但原來晚上先有，最後叫咗午市套餐 (配送前菜、飲品)A1. 主食1️⃣ 紅燒牛肉麵 $622️⃣ 蒲燒鰻魚飯 $76A2. 飲品3️⃣ 木玥招牌水果茶 $28 (套餐價)4️⃣ 熱檸水 $0B. 小食3️⃣ 宜蘭三星蔥餡餅 $36整體來講：屯門區來説，以這個價錢，都算唔錯，唔怪之得都有不少客戶等位價格💰：$202 ($62 + $76 + $28 + 36)味道😋：OK

因為疫情關喺多咗食住家飯，但兩小開始有微言，煮來煮去無乜新意，於事今晚就罷工出街食算了原本唸住嚟紅橋食日本嘢點知發現變咗呢間台式餐廳，兩小話無所謂一於試新嘢鹽酥雞鹽酥雞炸得金黃酥脆，雞肉嫩滑富肉汁，配埋柚子醋汁非常惹味蟹肉明太子炒新竹米粉新竹米粉幼細如絲，炒得爽彈有口感，加埋明太子及鮮甜蟹肉和爽脆菜絲，口感豐富戰斧鹽酥雞扒每一塊雞扒都是由大雞脾拆骨裁剪而成，粉漿薄而且貼，炸完之後金黃香脆，雞脾肉嫩滑爆汁，蘸點埋柚子醋食可減低油膩感木玥招牌紅燒牛肉麵牛肉麵有牛腩、牛肋條、牛腱，肉質軟腍，肉味濃郁，而且件件厚切，所以軟筋位帶膠質，入口帶點黏感又無渣；湯底唔算太濃，但清甜有肉味，加埋附上的炸蒜及酸菜增添口感；而麵條屬幼身可掛湯，口感煙韌彈牙宜蘭三星蔥餡餅餡餅皮薄餡多，配搭三星蔥香甜多汁無嗆辣味，而且蔥香味濃木玥黃金水果茶/木玥招牌水果茶/桂花烏龍茶水果茶的所有生果都是新鮮即切，口感酸甜清爽，茶底就用了清香的茉莉花，入口順滑無澀味；桂花烏龍茶，聞落香氣清幽，入口甘潤，茶味悠長

返工Weekdays食飯都要原區就餐，第一次weekday出去食就食呢間由佢一開業就bookmark嘅餐廳。最想食佢嘅滷肉，滷肉食得多，但牛肉做嘅就少食，仲係用安格斯做。滷肉食落重牛味，帶甜味，撈飯一流。豬軟骨好入味，再加上面頭嘅美乃滋，冇諗過會咁夾。不過慢慢食落有少少油膩，因為豬軟骨本身個汁都幾多油。豬軟骨質素相差幾大，第一舊食落係超級鞋，啲肉係一絲絲。之後大部份都正常，軟軟淋淋，有返軟骨嘅特色。炸排骨好大，有成隻手掌咁大。師妹同姑娘食到後段好飽其中一個建議要點行負數嘅疑似柚子汁解膩。佢地整體評語都好好。大家估下豬軟骨定炸豬排要等耐啲？正常諗緊係炸嘢耐啲，點知我嘅豬軟骨等得最耐，好笑係侍應落單係同我朋友講要講啲而唔係同我講。不過等待係用回報嘅。跟餐附送甜品，係一粒花生醬餡嘅不知名湯圓，下面再加紅豆同埋煉奶。一開始都唔知係乜嘢，兩個朋友都只係知道好甜，下次一定要走煉奶。湯圓外皮係墨色，睇外表真係唔個盧山真面目。師妹有提出可能係咖啡味嘅可能性，都有少少似嘅，因為有少少若苦澀味。

餐廳位置雖然未必很方便但吃過晚餐後卻很值得六點半到還未需要等位而入座後就可以來的人愈來愈多裝潢簡單 以自然的木色為主看起來給人舒適宜人的感覺點餐前就有香脆合桃送上 十分香口餐牌簡潔 文字右至左 甚有味道被 招牌牛肉麵 戰斧鹽酥雞排+鹵肉飯招牌牛肉麵 牛展、牛坑腩、牛筋、牛肚缺一不可 所有的牛又淋又入味感覺新鮮也很健康而戰斧鹽酥雞排+鹵肉飯其名霸氣 一上檯一陣驚喜雞排大得十分像戰斧皮脆肉軟 點上柚子醬 分外開胃另外還叫了一份小食 五目魚餅香濃魚味道 吃下很滑 也煙韌而且份量也不少 值得吃飲品方面 大有創意很多款飲品也很想嘗試最後點了 凍黑糖冬瓜茶不會很甜 黑糖味道剛好不會搶冬瓜的風頭而雪菊蘋果茶是熱飲不但水杯外形吸引雪菊蘋果的味道溢出濃濃香氣消濟也提神

又去食台灣菜啦！餐廳設計清雅，幾似日式餐廳，坐得幾舒服，staff服務態度幾好，感覺環境幾舒服同放鬆，食物質素都唔錯👍🏻📍木玥招牌紅燒牛肉麵 $92招牌嘢一定會試，牛肉軟冧得嚟帶啲韌性，非常入味，麵條彈牙，個湯底偏向清淡，但帶有少少牛肉香，蘿蔔、炸豆卜索哂湯汁，個味道更出，個麵份量適中📍五目魚餅 $42呢個真係好好食，非常香口，再配辣醬，口感更豐富，份量唔算少📍雪菊蘋果茶 $36轉餐就18蚊，飲落係比較清香嘅蘋果茶，食完主菜同小食，飲呢個都幾好，清清地

母親大人最近罷工唔想煮飯唯有出街搵食醒起前排網上見到紅橋開咗間新嘅台灣餐廳近近地決定食佢木玥招牌水果茶啤酒杯咁大嘅招牌水果茶底清爽配搭低卡高纖而且富含維他命同大量抗氧化物嘅葡萄柚健康得嚟又幾清新輕盈木玥黃金水果茶黃金水果茶改用菠蘿汁意外地較西柚水果茶酸夠哂醒胃配埋新鮮水果飲落果味相對茶味突出桂花烏龍茶烏龍茶底甘醇配搭桂花清香烘托茶味芳馥生津止渴同時消膩減滯宜蘭三星蔥餡餅餡餅皮薄香脆而且餡料飽滿咬開仲有少少爆汁幾有驚喜鹽酥雞 鹽酥雞粒金黃酥脆而且肉質滑嫩肉汁豐富強烈建議配埋柚子醋食惹味勁多戰斧鹽酥雞扒戰斧鹽酥雞扒成兩隻手掌咁大舊都唔使八十蚊真係超級抵食好彩漿粉輕薄配埋柚子醋蘸住食酸酸甜甜就算食晒成塊都唔太會覺得油膩木玥招牌紅燒牛肉麵牛肉有齊牛腩牛筋以及牛𦟌牛肚同埋牛板腱五樣嘢每款都勁軟嫩入味湯底用咗大量牛骨以及藥材熬煮肉香鮮濃配埋麵條柔韌以及豆卜索湯好正蟹肉明太子炒新竹米粉 台灣名產新竹米粉出名幼細柔順配埋明太子同蟹肉雜菜拌炒口感乾爽清甜同時仲帶有啲米香好掂