朝

營業中

休息中

Chicken bone cartilage 🦴 鹽燒雞軟骨 $28Niigata 醬燒雞頸肉 🍢 $40Stuffed portobello mushroom 醬燒大啡菇 🍄 $38鹽燒雞軟骨淨係用鹽已經吊起到雞軟骨嘅鮮味，食落脆脆地好有咬口👍🏻，而雞頸肉好特別第一次食啊，口感似比較雞髀咁好滑，燒出嚟好濃味，至於大啡菇係我嘅最愛，味道唔會太鹹恰當好處，而且燒完出嚟仲保留到菇本身嘅水份，好juicy 😍Homemade rice ball 醬燒自家製飯團 🍘 $40飯團雖然味道相對比較鹹，但係日本米嘅質地煙煙銀銀幾唔錯，包埋脆卜卜嘅紫菜一齊食永遠都係最佳組合Fried vegetables 🥬炒野菜 🍆🧅 $68個炒雜菜真係有好多種菜喺入面啊，誠意好夠😻，好似有特別嘅紫色椰菜、鮮甜娃娃菜、洋蔥、蘑菇等，真係豐富又健康！Tamagoyaki with cheese 邪惡玉子燒 🍳🧀$98呢個係餐廳嘅熱賣食物之一，一定要試吓😋，甜甜地嘅玉子燒充滿蛋香，熱辣辣又好滑，加埋流心可以拉絲嘅濃郁芝士夾喺入面超級邪惡😈，好有罪惡咁但又好滿足Nara soba noodles 🌸奈良凍蕎麥麵 🍜$5

大家會唔會有個習慣，食飯一定會叫酒？我自己就本身特別呢個習慣，但係遇上適合嘅食物/環境就會叫番杯🥃配合一下☺️🥢食物🥢1️⃣薄牛豆腐壽喜燒：唔好體少鍋細細，但入邊材料都幾豐富喎😮除左主角牛肉，仲有娃娃菜，紫椰菜，豆腐，冬菇，腐皮✨雞蛋也是偏橙那款，加上牛肉一齊食特別正～2️⃣朝玉子燒：蛋味偏甜，口感好滑，食到好香濃嘅蛋香味👍🏻3️⃣豬軟骨濃湯拉麵：湯底飲到好有豬骨味，最好又唔會太油，豬軟骨口感好淋～4️⃣清酒煮蜆：蜆好鮮甜，仲食到有少少清酒味道～食完啲蜆仲忍唔住飲多幾啖清酒蜆湯😋必點❗️5️⃣燒北海道帶子豚肉卷：個醬汁好好味，豚肉薄切包住大大粒既帶子好吸引😍但乾了一點～如果燒嘅時間少多一些就更好了～🥃飲品1️⃣手工（悅）：叫咗一杯Gin淺嘗，第一啖是少少濃的酒味，第二啖好香青檸味，之後口腔有少少甜味～都啱女生飲💕2️⃣菠蘿乳酸：顏色好靚呀⋯上紫下白😍味道好清新，菠蘿味都好突出👍🏻💥環境💥門口有種神秘嘅感覺，行到入去用黑色嘅主題特別型格，牆上貼咗好多日本地方嘅名稱～營造到好似去左日本居酒屋咁👍🏻💥服務💥店員好有耐性介紹啲酒，同埋都好好禮貌～笑容又好親切!

居酒屋環境有格調, 坐得幾舒服, 坐低嘅時候, 有店員行過嚟同我哋推介一下啲食物同酒類飲品~ 🍹 柚子味Cider - 入口有清新柚子味, 甜甜的, 又清爽! 𓌉◯𓇋餐廳推介菜式 - 朝玉子燒 蛋香濃郁, 質感鬆軟又嫩滑𓌉◯𓇋岩鹽燒頂級牛板腱分量比較精緻~ 肉質嫩滑多汁, 岩燒風味十足! 𓌉◯𓇋西京雪魚燒 - 即叫即燒, 燒出誘人嘅焦香味道! 外層燒至焦香, 魚皮燒成焦糖色, 香口又惹味! 肉質嫩滑, 西京漬醬汁有微甜嘅味道。𓌉◯𓇋牛油燒甜粟米 - 粟米粒爽甜, 有牛油香氣~ 𓌉◯𓇋奈良冷蕎麥麵 - 吃時沾上蕎麥麵專用冷醬汁, 有清涼嘅感覺~ 𓌉◯𓇋味燒脆雞皮 - 燒得夠香脆!

對居酒屋有種情意結 覺得就係收左工同朋友舒服地食野飲酒傾計既地方🍻今次黎到呢間係想試好耐 入面環境雖然細但就好多好日式既細節～今次試左幾款串燒 最難忘係特別啲既雞肉丸同豚肉芝士竹輪卷 調味正同燒得啱啱好( ˊଳˋ_)其他主食同小食一樣出食 牛扒燒得啱啱好慢煮雞扒皮脆肉嫩 壽喜燒相對有啲普通但都唔錯(๑˃̵ᴗ˂̵)و 仲有好欣賞員工好友善 會介紹下清酒 唔太識評論酒不過呢款唔會好辛口 會再encore呢間呀 份量可能唔算大份夾抵食但絕對推薦 可以一解思鄉 (講緊🇯🇵啦梗係) 之情 🎏

呢排少左去發掘新餐廳，朋友話太子有間新開既居酒屋想試，呢日七點左右walk-in 都有位，我地就餓鬼上身咁拿拿聲叫左一堆熱食🤤🍢串燒點左翠玉瓜、秋葵、豬腩片同肥牛金菇卷，翠玉瓜有牛油香又多汁，醬燒秋葵調味不錯，而肉類相對遜色，金菇卷有啲太大舊，較難咬開🍢朝玉子燒呢個招牌菜果然有啲特色，店員有提我地要趁熱食，蛋味夠香但不太甜，口感軟嫩，我同朋友都覺得有啲似蒸蛋既口感😂🍢薄牛豆腐壽喜燒天氣開始轉涼，食個熱辣辣既壽喜燒就啱哂😋份量頗大，牛肉比得幾大方，蔬菜都好入味，豆腐都夠哂滑，如果有烏冬就仲正啦😎🍢炒野菜因為想食多啲蔬菜，叫左呢個炒野菜，買相繽紛，用牛油炒過味道好香同惹味😋成個配搭正中我口味•整體食物質素中上，種類選擇幾多而服務方面值得一讚，員工好詳細咁介紹左menu，仲不時行埋黎問有咩需要😍十分貼心

我每次行去太子站時必經此居酒屋，所以有日放假我睡到自然醒，肚餓又係時候食晚餐，就係openrice app訂枱，發現7點前埋單可享85折，價錢OK喎！朝邪惡玉子燒(нк$88)．玉子燒邪惡在哪？就係中間夾咗一些可拉絲的芝士，真係蛋香芝濃😋燒宮崎蜜糖手羽(нк$38)．好味的蜜糖燒雞翼，多脆內嫩炸廣島蠔 (нк$58)．麵包碎炸得脆口，算不太油膩．廣島蠔肉汁豐富，正呀自家製醬燒安格斯牛肉串(нк$58)．牛肉用醬燒，一咬多汁，調味得很好燒金菠蘿 (нк$32)．呢個一定係飯後甜品，真係入口超甜多汁，雖然只得兩片

#日式eatcovery #太子eatcovery💡型格居酒屋🏮呢間位於太子日式居酒屋💛門面簡潔，好日式feel，而且有大量唔同款式嘅酒比客人選擇，店員會細心介紹每隻酒號特點，啱曬同朋友慢慢chill。🍽薄牛豆腐壽喜燒 好足料，入面材料好豐富，有薄牛肉，娃娃菜，豆腐，冬菇，金菇，雖然無跟到飯或麵，但食落都幾夠飽。另外，入面仲有隻橙黃色嘅日本蛋，輕輕一撩，已經流曬啲汁，甜甜地，不過湯底咸左小小！🍽邪惡玉子燒🥚🍳名副其實嘅邪惡 ，因為每一舊玉子拉開都可以見到絲絲嘅芝士流出黎，做到好長嘅拉絲。而且蛋味夠香，層次感十足，絕對係必點☺️😍🍽燒北海道帶子豚肉卷雖然得2舊，得係就十分足料，好大舊，豚肉包左超大粒帶子，燒得岩岩好，好鮮甜。加埋自家製嘅醬汁落去，正😍🍽唐揚炸雞呢個真心正，上到枱仲係熱辣辣，外皮炸得鬆脆，但入面雞肉仍然保留到好juicy，再加埋個加入七味粉嘅沙律醬，變得更惹味😋🍽稻庭冷烏冬雖然份量唔算好多，但烏冬就好彈牙，沾埋冷凍醬，食落好清爽。🍽蜜桃乳酸顏值超級高，酸酸甜甜，而家蜜糖味夠曬濃郁👍🏻🍽Orion Beer🍻食得日本野，點可以唔飲酒，沖繩Orion 的啤酒相信大家有去沖繩都一定

之前Walk in要等到九點幾先有位所以今次提早book定入到去啲座位安排都算正常 坐落唔算太逼夾叫咗個蝦多士、壽喜燒、邪惡玉子燒同埋一啲串燒😋蝦多士口感脆身，識落有濃濃嘅蝦味🦐壽喜燒個牛肉好好味，啖啖油脂，配烏冬一流玉子燒有拉絲嘅效果，口感偏軟串燒表現就不過不失

上星期放工諗住同朋友去居酒屋chill chill餐廳好闊落 樓底好高 感覺幾舒服背景大量Mirror嘅歌 仲有其他好正嘅廣東歌～氛圍輕鬆愉快1️⃣ 白松露沙律諗住都係前菜無咩期望 但呢個居然好香！2️⃣炸吉列生蠔 值得Encore 隻隻蠔都好厚肉薄粉 多汁 脆卜卜 熱辣辣 3️⃣邪惡玉子燒啲蛋好甜🙈蛋汁溢出 芝士味濃厚 拉芝效果輕輕一拉就出晒嚟4️⃣宮崎豚肉流心芝士竹輪卷豬肉燒到微脆狀態 又不至於乾身 入面包住獅子狗5️⃣日本醬酒螢光魷魚🦑比一般魷魚修長 好爽 咬落即刻爆漿 6️⃣甲羅燒滿滿的蟹膏 成個蟹殼有手掌✋🏻咁大 好惹味 好多蟹肉 唔駛自己拆 完全無骨 佢加埋一隻鵪鶉蛋撈落啲蟹肉到令成件事好Smooth好Creamy

今次嚟咗太子嘅一間居酒屋，居酒屋當然是要有美酒和好的下酒菜！佢哋呢度有好多唔同嘅清酒選擇，雖然冇熱嘅選擇，今次就叫咗萬坊純米吟釀「合鴨農法無農藥米」，酒精度 : 16%，精米步合 : 55%，我覺得女仔飲都唔錯，而入口！邪惡玉子燒，個個都話試，又真係幾好食，我覺得芝士可以再多啲，配甜甜嘅玉子係唔錯鹽燒雞軟骨，下酒一流，脆卜卜！蒲燒三文魚腩，本身都好怕三文魚會老， 但因為佢呢個位置係偏肥，所以好滑！調味唔錯，唔會好重口味！

位於太子嘅朝·居酒屋，日式風格好chill，啱哂同朋友嚟hea吓飲返杯🍶而且服務員親切又熱心介紹menu同酒類，加分 💯▫️朝玉子燒 $68推介⭐️蛋味濃郁入口滑溜到不得了👅甜甜地不錯，下次一於試埋邪惡版加埋🧀▫️醬燒日本飯團 $38唔好睇佢外表普普通通，飯團混合紫菜飯素等，再掃上醬酒油燒香，幾惹味👍🏻▫️唐揚炸雞 $78最怕食到炸粉厚過主角，呢度唔單止炸粉薄薄件外，包裏住嘅雞件仲keep到嫩滑juicy🤤▫️醬燒雞尾 $58▫️味燒脆雞皮 $38▫️醬燒雞肉丸 $58送酒一流嘅串燒，必點呀‼️燒到香口嘅雞皮，燒嘅過程逼出油份，雞尾亦唔係度度都有🙌🏼▫️岩鹽燒頂級牛板腱 $168即叫即燒，用岩鹽燒更能帶出原汁原味😋熟成程度亦掌握得好好，外脆內軟嘅質感，正呀🙌🏼食住串燒飲喺sake簡直係絕配‼️酒量淺嘅朋友叫支細，啱啱好又夠氣氛🙌🏼

萬聖節🎃book咗太子呢間居酒屋撐枱腳，一入去就見到店員打扮成魷魚遊戲角色，仲拎住支玩具槍同食客互動😂 非常搞野😂😂😂 裝飾都好有氣氛🙌🏻朝玉子燒 ($78)必試！甜甜地，食落口感非常鬆軟綿密，夠濕潤，火喉啱啱好👍🏻 睇得出師父好比心機整，蛋味濃d會更好。甲羅燒 ($138)職員介紹，係當日限量供應。第一次食甲羅燒🥺 擺盤非常精緻，忍唔住影左10幾張相打卡🦀 將蛋黃同蟹膏蟹肉撈匀，食落咸香鮮味，用黎點玉子燒食都好正！牛舌 ($78)都係限量供應所以嗌左，燒得好香好好味，但份量偏少😿炒野菜 ($68)蒜香味好惹味，比較特別係佢用咗紫椰菜黎炒🤔醬燒雞肉 ($40)食落有驚喜！雞肉非常juicy彈牙，醬汁錦上添花！蒲燒鰻魚 ($78)鰻魚份量大，抵食，醬汁濃郁偏咸，好適合送酒～ASA ($108)店員推介嘅cocktail，與餐廳同名，係老細特調，青瓜味為主調，帶點柚子味，成個感覺好清新，唔覺唔覺就飲曬成杯😂Cube Libre ($88)味道好似檸樂加酒，酒味無咁濃，比ASA易入口🍹

太子小有風味居酒屋太子呢排愈來愈多穩世小店，近排去左呢間門面低調，入到去好似去咗日本居酒屋既餐廳。螢光魷魚🦑 $60比佢個名吸引左😂原來係細細粒嘅魷魚，經過醃漬後食落口感都好爽口。味道偏咸，幾入味。朝邪惡玉子燒 $98😎賣相好吸引😍望落去隻蛋好滑好juicy咁😍一夾起d芝士已經流晒出嚟，仲有拉絲效果🤩食落甜甜地，不過芝士味就唔係好突出，比個甜味蓋過左。清酒煮蜆 $78蜆肉都肥嘟嘟，湯底鮮甜。醬燒鯖魚 $78外皮好香脆，再加上本身既魚油，食落好香魚味。再配埋佢個醬汁同檸檬汁，好開胃。醬燒頂級牛肉 $58肉質好淋好嫩滑，每粒都充滿牛肉既香味，夾埋個醬燒汁，整體幾惹味。薄牛肉豆腐壽喜燒 $148熱辣辣既壽喜燒，比隻黃甘甘既蛋吸引🤩入面都好足料：牛肉、豆腐，冬菇、娃娃菜、金菇同油揚。個湯好甜，吸晒配料既味道，牛肉都幾嫩口。奈良冷蕎麥麵 $58麵質爽口彈牙，沾上冷麵汁，感覺透心涼。稻庭冷烏冬 $58烏冬彈牙煙韌，有口感。上面灑滿紫菜，充滿日本風味。乳酸梳打 $38點左兩隻味: 巨鋒提子/ 蜜桃顏色相當吸引，兩隻味都清新，亦唔會太甜，同乳酸非常之夾。

近期深水埗大南街開咗好多好Chill 又有文青feel 嘅餐廳和店舖。今日就行到近太子附近搵到一間環境清幽嘅日式居酒屋，於是決定飲下酒，唔飲咖啡。朝邪惡玉子燒呢個玉子燒份真係唔少，而且顏色比較黃，當夾起其中一件，就見到濃密嘅芝士拉絲，一食落口感覺好有蛋味，信用咗價錢比較貴嘅日本雞蛋。對於我依個雞蛋控來講，絕對唔邪惡。清酒煮蜆清酒用嘅份量控制得幾好，有酒味得來但沒有苦澀味，能提升每一隻蜆嘅鮮味，抵讚。醬燒牛肋條牛肋條燒得熟成度剛好，雖不至於入口即溶，但食落沒有渣，而且牛味濃郁。醬燒雞頸肉燒豬頸肉就食得多，但燒雞頸肉真係第一次試，口感十分嫩滑，值得一試。炸吉列池魚炸得很鬆脆，但食落唔油膩，池魚嘅魚油味濃郁，這個必食。豆腐野菜壽喜燒有好多款式嘅素菜，包括紫椰菜，白椰菜、蘿蔔、雜菌、芋絲、蒟蒻片、豆腐和腐皮等等，而且個湯底很濃郁，略帶甜，絕對有食壽喜燒嘅感覺。自家製醬汁燒豆腐望落簡單嘅菜色，但配上嘢味嘅自家製醬汁和蔥粒，味道方面一啲都唔簡單。

🥇好有節日氣氛嘅居酒居🥳.🐡🐡一入門口就比魷魚遊戲入面既蒙面工作人員嚇到彈起🤣🤣笑死🤭入面大部工作人員都係呢個打扮，好有萬聖節氣氛，同黎食野既人既互動都好正😝.既然咁有氣氛我地就叫左自家調配既青瓜味 cocktail 應下節😁 好清新🐡🐡飲完都冇面紅，酒精唔多岩女仔飲❤️.滿心期待黎食蝦多士，原來係期間限定😭冇得叫，就叫左店員推介既朝邪惡玉子燒，蛋香又滑，鹹香芝士加埋甜甜玉子又真係幾夾😋個人口味黎講再加多啲芝士，少啲糖就會再爆分好食啲🤩.燒串燒又叫左至愛燒雞皮唔會燒到好乾，岩岩好😋個豚肉芝士竹輪卷，加埋個醬汁，一啖入面有唔同口感👍🏻其他既野食就正正常，下次會主攻番串燒😛同埋出番蝦多士就好喇😂😂