有骨氣火煱專門店 (已結業)

昨晚訂左位同老公慶祝生日, 兩個人叫左好多野食, 食到好飽. 包括有: 雪花肥牛(過得去,同屋企打便爐買的差不多)象拔蚌仔(有六隻左右, 幾大隻又鮮甜)手唧牛肉面(好正,份量頗多)招牌四寶丸(都好大粒下,而且好彈牙)灌湯餃(裡面有少少魚翅,但個人不太喜歡吃)唐蒿菜($28一碟菜好似貴左D)流沙麻蓉包(6完個皮會變透明的,但係似湯丸多D,甜品用咸湯6, 感覺好怪,攪到要食晒其他野先開始6呢樣野)豬骨煲(幾好味,不過豬骨唔係筒骨,無得吮,比較失色)食緊同食完好耐都好thirsty,落左勁多味精.但係酒水太貴了,惟有忍住唔好飲咁多,只係叫左兩罐汽水. 由於生日有壽包送,本來打完便爐已經飽到上心口,仲送來兩個大過拳頭的壽包,真係飽到喊.但係壽包絕不欺場,裡面有一整個咸蛋黃仲漏油添, 白連容亦好味.侍應招呼殷勤有禮,非常值得讚.用左CITIBANK 八五折之後,都要近四百蚊埋單,可能兩個人吧,多D人可能無咁貴.

1月7日某日這網內的兩位大美眉,提及想試試這裡的火鍋,我也想試很久,因此也不理最初只有四人,也促成這個小局.因此店只做晚市,故此我們要在六時許才能致電到此,由三位加至六位,但拿位子的時候也有點混亂,一時是沒你的名字,一時是說閣下沒有訂位,雖然擾攘一陣子也得門而入,但此點相信也要改善一點吧!說回食物,叫了招牌豬骨湯底,奶白色的湯底,味道淡淡的,豬骨和粟米也佔了整個鍋子的三份一,初時見侍者拿著兩大瓶像豆漿的物體做「香港小姐」,原來那是湯底,都幾好喎,加既係湯底而唔係清水,豬骨雖然膠質既部份多過肉,但都幾好食,粟米都尚算甜味,但超甜又談不上.火鍋料方面,我們點了十款(都係睇番大食「嘉」個食評,先知原來叫左咁多咋^^)蟹粉小籠包:用包包黎做火鍋,都真係睇一次聽,驟眼望個皮同我地食開既,好似無咩分別喎,滾左一陣,夾隻黎食,一口咬,嘩,好彩唔係好大啖咁咬,否則對面既兄台真係聽洗面都得喇,佢既汁多到曉噴既,勁呀!同埋都真係幾好食,除左多汁之外,都幾鮮甜,雖然十二個大洋好似好貴,不過咁既質素都叫物有所值!水晶叉燒包:呢個包細細隻,淥好了之後晶瑩剔透,餡料一如吃開的叉燒包,是甜甜的,都幾得意,不過淥製過

唔知係唔係我地起初訂三位﹐後來改六位的關係﹐比我地的臺竟然係兩張小圓臺併埋的臺﹐非常難坐﹐尤其係坐響中間果個﹐真差﹗都算喇﹐臺與臺之間係冇位行的﹐坐低左之後﹐想去洗手間﹐要唔該隔離臺的小姐起身比我過﹐差﹗成個場係冇人serve 你的﹐淨係有人擺底左個湯底﹐同埋叫左野囉上來之外﹐無論叫佢入單、叫啤酒、漏左單跟番﹐都係冇人理你溉﹐差﹐差﹐差﹗唯一好的係湯底正﹐豬骨湯底好鮮甜﹐四寶丸新鮮﹐水晶叉燒包陷料佳又鮮味﹐炸魚皮都唔錯﹐手楂魚肉幾有趣﹐不過味道麻麻﹐而手楂牛肉就更失色。叫的數量不算很多﹐可能因為我地女仔較多﹐埋單幾平丫﹗

第二次到這裏吃東西，鍾意湯底夠多，唔似一般酒樓只有清湯、鴛鴦、同沙嗲。食物同招呼不錯，這裏出名的火鍋點心OK，魚麵同四洲果隻係唔同，香滑啲，無咁麵粉，不過當然都貴一點。是次到來有一枱人大吵大鬥話這裏沒有中菜吃，我覺得這裏是叫火鍋專門店，沒中菜吃都沒甚麼關係，加上有骨氣應該是火鍋比較出名，明明是難為這裏的侍應就覺得不對了！

2005 年1 月10 日星期一"有骨氣" 夜晚約左幾個舊朋友食飯~聚下舊大家提議打邊爐~先頭見"有骨氣"好似唔錯,又未試過,平時同男朋友去又唔捨得食咁貴...所以就提議去試下!book左7點成日聽人講話好好食...可能期望太高啦...食落又唔係真係好標青o者...(可能我飽啦)個木瓜魚湯底真係幾好味o既~好甜~我超鍾意飲!所以飲左好多...剩飲都飽晒!d 蟹粉小籠包同灌湯小籠包都ok~不過真係貴左d!仲有d牛肉同羊肉片,都唔錯~牛肉剩係叫左本地肥牛,味道都ok~羊肉片我地都覺得好好味~唔羶,好腍~出面試過食d羊肉片好酥,所以我唔鍾意食,但係有骨氣果d就一d都唔酥~魚茸麵就麻麻地哪...好玩但冇咩特別!有d似鯪魚肉~招牌四寶丸都唔係好招牌之ma......我覺得上次去酒樓d墨魚丸仲好食!d菜就把鬼囉......有榨o既...認真麻麻個奶黃水晶包個皮好薄...細細粒好易食~不過我略嫌d奶黃唔夠味!飲品真係好貴囉...我地都堅決唔叫野飲!但係d侍應真係可以一杯水都唔俾我地個woo!為免佢地sell野飲...所以都冇問佢地水今餐好似叫得太多野食...我地食左好多...但都食剩好多...埋單

媽咪生日個日去咗 有骨氣打邊爐,啲 食物唔錯,但最開心係毎個人都有壽包送(不過要提早一日訂)!!有成個拳頭咁大,個蛋黃都好大個,好靚,媽咪不知幾開心,絕對唔欺場架.下次有老人家去都要再訂!!不過唔知啲中菜好唔好食呢??

一行8人食dinner, 無乜叫貴野食, 賣單140 一位o即魚面同d雲吞, 水餃都唔錯肥牛差dd. 個湯底最好,環境唔錯, 附近有人食煙都唔係好覺煙味

豬骨煲同魚湯鍋個湯真係好好味，乾咗 會加湯，打了兩個幾鐘湯底都香噴噴！

前日同左其他食友試下有骨氣個日叫既野唔多大部份都係普通野.可過有幾樣幾好既水晶叉燒飽同蟹粉小籠飽.估唔到佢地都可以囉黎打邊爐.個水晶飽皮薄通透,小籠飽蟹粉多又多汁~正另一樣係全場比較多人叫同好玩既.就係手唧魚茸同牛肉麵..用d 力咁唧d一條條既麵出黎.真係幾得意.我地人人都有輪住玩..不過千祈唔好唧得開心得濟.唔記得要唧小小停一停.如果唔係出黎既麵就一堆野咁嫁啦最後不得不提下.就係個度d湯底真係有幾多下..有羅宋牛尾,冬蔭公,木魚.冬瓜盅湯底...個冬瓜真係幾大下.仲可以食埋..仲有就係我地叫既.豬骨湯底,,d骨好淋同入味,仲有個湯一定要一早試,好清甜.仲有佢好好咁比多碟白胡椒比埋你(雖然要收錢).落埋d湯度,簡直係畫龍點睛飲品,大支啤酒$20~$32,都差唔多.不過要成$100既西瓜汁..就真係搶錢咁..大致呢餐都唔錯..估唔到都係$120一個..用左citibank 有85折. 不過唔好既係..佢上野好慢.我已經遲左半個鐘黎.佢d野都可以未到齊,有d 仲要漏單.同埋佢d 醬油錢係人頭計$15一個,下次再黎要試下冬瓜盅先得有機會再去

見呢間野幾吸引,於是突然相約食家去呢到打邊爐...我地叫左個豬骨湯底,入面已經有好多骨同粟米,之後我地叫左...1.芋絲(冇咩特別)2.唐生菜(冇咩特別)3.雞脾菇(一般啦!)4.炸魚皮(我冇食到)5.蟹粉小籠包(好好味,d汁流哂出黎!)6.手o即魚茸面(推介,好口超好,好爽)7.手o即牛肉面(同上)8.水晶x燒包(呢個先最特別,從來冇諗到有點心拎去打邊爐!)9.招牌4寶丸(都係好正,好爽!)10.本地肥牛(唔錯,有牛味!)其實整體係幾好味架,真係幾特別,點心都可以拎去拾,但就真係貴左少少,好似個jar西瓜汁,竟然$100一jar,太貴喇!而且,上野上得好慢,而且d單都有少少亂,要有少少改善喇!仲有,實在迫得好緊要,一坐低,都唔駛想行出去!

大除夕三個人去打邊爐，訂左六點幾，去到已經有唔少人食緊，坐低冇耐就越黎越多人。間舖都幾多情侶幫襯，大多數人都係食招牌豬骨煲，個伙計唔駛睇你張落單紙已經問你係咪食豬骨煲!我地三個人總叫左十碟料︰四寶丸(Ok啦)、羊肉(好大碟)、兩碟菜、灌湯餃(幾好食又特別)、雞脾菇、靈芝菇、魚腐(好難咬，唔正)、魚茸麵(可以自己唧但係唔夠魚味)。個湯底真係好多豬骨，而且d粟米超甜(^o^) 伙計會不斷為你加豬骨湯，但係如果唔叫茶/飲品就會好口渴，不過d茶就好貴(好似12/位)。因為除夕，所以只准食兩個鐘，不過夠鐘個陣個伙計都會問下你仲要唔野，服務態度都ok。平時都好少出街打邊爐，今次就每人食左$180，真係幾貴，但係總括黎講都好食，下次天氣凍都可能會再去!

Long line waiting even we booked the table but it's worth the wait.特別的點心打邊爐, 糯米飽, 小籠包, 叉燒包, very good !有骨氣肥牛,例牌要$100, no beef taste,真係貴左D. 7 of us $150 each, citibank 有85折.

講真, 真係要讚一讚呢度個湯底, 食完唔會好口喝, 應該無乜味精, 我當晚叫了大家所有提到的王牌, 真係無介紹錯呀, 木瓜魚湯作湯底, 我唔食本瓜架, 但飲落好甜. 小籠包打邊爈, 好過癮好好味, 墨魚丸好彈牙, 我好鍾意食手吱魚麵, 夾埋個魚湯好甜好好味耶~~~~~~諗起都想再食!!水晶叉燒飽都好香丫, 當晚我們沒有叫有骨氣肥牛, 叫了雪花肥牛2 碟大$100/碟, 本來想試本地肥牛, 可惜賣晒.......... 一.一"不過果度環境唔係好好, 因為好迫, 眼見D走火通門口放滿了雜物, 行人通道又窄又少, 講真如果有乜意外, 真係無路可走。我要多謝大家提我唔好叫茶，我地個個叫野飲呀!~!!!!!!!YEAH~~~另外價錢方面, 我覺得豆卜亞竹笙呀果D, 只係二十蚊碟, 我覺得大碟過稻香添, 不算太貴, 但係果度D豉油呀, 每位HK$15.00架, 細細隻字, 無留意既人係睇唔到架, 當晚我們5個人埋單一共果時九百幾蚊, 每人一百九十蚊, 好彩我有些CUPON, 食滿300可用一張扣$50, $900可以用3張, 所以價錢都幾貴, 但一分錢一分貨啦, 好過我食D乜野樓任食$98 加埋

平安夜果晚同班朋友去慶祝，有時段所限只可以兩個鐘，我o地食7時半至9時半。17個人食可以叫三鍋湯底，三鍋都係豬骨湯底，湯底D料有唔少粟米、蘿蔔、豬骨，個湯亦好甜，就算食都要加水，都係加好似豆漿顏色的豬骨湯，唔係只加滾水，而d豬軟骨膠膠o地感覺好食。因為多人關係，點了好多好多野食，好多火鍋配料都唔錯，黑色牛拍葉、魷魚、炸魚皮、菜……。四寶丸-係手打的，新鮮彈牙，尤其係墨魚丸；手唧魚麵-其實係魚肉，唔同的係唧出o黎，幾得意，同魚肉又係另一種口感；紫菜墨魚卷-係紫菜包住d墨魚肉，其實都唔差，d墨魚肉好爽好彈牙，不過個人感覺紫菜係脆先好食，腍左就冇咁好。麻蓉包-以為係酒樓點心個隻，原來係做o黎打邊爐，熟左之後外形似水晶飽，味道又咸又甜，覺得怪怪地；糯米肉丸-外層拈了糯米，內面係肉丸，就算熟了後，個層糯米都係硬硬地，好似唔多熟，唔係咁好食。仲有肥牛，雖然我冇食，不過見叫了兩大碟都清晒，我估都應該唔錯的。因為credit card 有85折，埋單都係每人$110好抵食，仲平過之後我們去唱k的價錢。不過可能我o地冇叫茶，因為茶錢都要12蚊一位，叫啤酒汽水仲抵。

25號晚10點幾去有骨氣打邊爐,一行四人叫左個木瓜魚湯湯底,好正~好甜!跟住都係叫左D招牌貨啦,奶皇水晶包,叉燒包,蟹粉小籠包,話哂都係招牌野,梗好味啦~不過,我哋叫左個'有骨氣肥牛'例牌都要$100,以為會好正,一上枱時D牛肉非常靚,有哂雪花,點知一夾起,細塊到丫....太約得2至3吋長,都算喇,唉...一入口就覺得不外如是,肉味都冇話特別濃,真係唔夠喉,就嬲嬲哋叫左個最普通嘅肥牛,大-$80,仲好食過個'有骨氣肥牛'....把鬼~到差唔多食完,我同個fd都想食西米焗布甸(寫明要等15mins),咪order囉,點知個態度勁差嘅waiter(好黑,年約40)一聽就話"要等好耐架喎",咁我哋一早都知要等,咪話ok囉,跟住佢又重覆一次"要等好耐架喎",仲話"要等5個字喎",咁想食我哋梗唔怕等啦....5mins後,另一個waiter話"唔好意思,啱啱廚房話賣哂..."但我覺得係有人唔想整囉,賣哂嘅話應該一早知囉....好喇~埋單喇,多謝$935...嘩~之前四個人去食,食到飽飽都係$800,呢次食得仲少野,仲要貴D...D野係好食,但真係貴左D.PS.2樓左隻邊面向電視第2張枱上面個冷氣