有骨氣火煱專門店 (已結業)

本人曾經去過尖沙咀有骨氣好幾次.......最令我深刻的是有一次朋友生日十多個人上左二樓,一入門口已經有三位侍應叫喊"歡迎光臨"有點親切感,之後坐底左一張角位枱......跟住侍應就行埋來落單........我地叫左個冬陰功同雲吞雞!!好好味......當食到飽飽地時我地開始留意服務態度.......場裡面一共有4個待應......一位阿姐.....三位後生侍應,其中一位後生侍應服務態度一絕,又玩得又好好笑口!令到我地成班都過左個好愉快ga生日.....最後他還親手將cake分好派給我們........走個時仲同佢合照,還記得他們叫耀東,耀南^^最近我又有朋友生日,又再到有骨氣打邊爐啦.......叫左個豬骨試下......唔錯但今次d服務態度認真差.....個女侍應成日唔記得我地叫個d野......落菜個陣又唔叫菜名.....令到我們唔知咩菜......又冇笑容!唉~~唔同左lu

因有外地朋友來港遊玩，便帶他吃較有趣的食物－點心火鍋，說實我自己也未嚐過。看見什麼叉燒包、奶皇包、小籠包都可下湯，感覺新奇，而最有特色的是咕嚕肉餃，想出這點子不難，但真的有膽量做才值得佩服。然而新奇歸新奇，其實又不是太好吃。為了不讓餡料流出來，大部份的包點也用了硬度較高的水晶皮，感覺像吃膠擦一樣，另外生肥牛又不大新鮮，整體算較好吃的只有墨魚麵，口感十足。至於晚飯只限兩小時，我覺得合理，其實只要不是「慢世魔王」，而且叫餸時見好就收，時間是相當充裕的，只是待應為求達到準時兩小時離開，便顯得有點過度緊張。不過整體服務不錯，可以體諒。

與朋友聚餐，其中一人提議這裡。也好，我也想知道：為什麼有骨氣會成為內地旅客最愛品牌之一。　始終是新店，環境與清潔度都比一般酒樓好一點。火鍋湯底點了豬骨湯，裡面真的很有多豬骨的，試了齋飲湯也很甜。我們有七個人，都試了不少食物，感覺太多數都相當不錯。當中最值得推介的，絕對是有骨氣肥牛，有近乎完美的脂肪比例與口感，令我回想起在日本吃的神戶牛。必食!!另外，個人認為普遍的水餃味道也很好~ 這裡還有甘薯水晶包與芝心蝦丸也很有特色，味道都不差的，當然最美味的特色點心是奶黃水晶包，絕對比蒸的水晶飽更有吃頭!　吃吃喝喝，又過了很愉快的兩小時。DBS信用片有85折，折後每人$140，比任食火鍋貴但有水準得多，還是很食得過~

我早前有吃過有骨氣的滙豐優惠，一行五人，三男兩女，吃了兩個滙豐$160，加了一個新的米鴨冬瓜鍋、鳯爪餃、咕嚕肉餃及蔬菜一客，埋單六百幾，唔貴喎！我自己打邊爐就次次都選有骨氣，平啲咪食稻香，又真係唔覺有骨氣啲水準差咗咁多喎。講真，一年前都無咁多人話佢唔得，人紅自然多對手ge。不過，問心，有骨氣係咪好，食見人見志，不過對比起小肥羊、小肥牛，甚至譚魚頭同東來順，佢又真係得喎。除了有骨氣同稻香，其他的我只係去過一次，有骨氣消費都無小肥羊譚魚頭同東來順的貴（其他的要成三百蚊架，到底知唔知嘢叫貴？）覺得成日食得貴可以同我一樣選稻香啦，不過佢係平影響你的口味和品味，定係什麼就每個人需求不同了！

係Friday, 所以朋友一日前6:30pm book 左位.點知去到至話8:30pm要交抬. 如果一早book位時講,我地應該唔會黎食.我出名食野慢, 我地怕未食完就比人趕走,拿拿臨叫....我地叫左木瓜乜魚湯底- 因為我地2個女仔都唔想食太油,就選左呢個.好多木瓜,正!火腿墨魚丸- 一般,8粒仲食剩2粒肥牛(唔記得邊隻)- 肥瘦適中,幾好!叉燒飽- 算好(朋友最鍾意呢樣,黎親都叫)奶皇飽- 好甜冬菇,毛菇- 原來湯底已經有好多菇,是日食菇都食飽!南瓜片- ok西洋菜- ok食食下有人吹埋單,我地就唯有掉晒d野入去滾..出面普通既任食火鍋都比2個半鐘啦!呢度食到趕頭趕命,真係比錢攞難受.原本我同過friend成年幾冇見,想傾耐d都唔得...我地坐樓上,個toilet得一格咁少,搞錯呀....the bill after 15% discount was around $380

如果唔係信用卡推廣，完全無意欲去試（肯定食廣告錢，唔係食物/氣氛錢）。叫o左個promotion set（手唧魚麪、蟹皇小籠飽、椰菜雞肉卷、奶皇飽、叉燒飽、有骨氣肥牛）、雲吞雞湯底同幾碟散叫。Promo set 量少當然預o左，但湯未到料先到就有點兒那個...。漏單、甘（苦）菇、粉絲同腐竹落水即熟+熟完即散、來湯少+加湯逐壺計、伙記記憶力差等等，都足以令我覺得佢唔值咁既身價。唯一可取既係D 肥牛都幾甘口、墨魚滑都真係滑+彈牙。伙記記憶力差+反應慢都算，但又（唯一）記得三番四次「溫馨提示」您記得準時交檯...家庭飯咋噃，又唔見你催左邊o個檯靚女gathering，或者右邊o個檯個政治飯？是次盛惠500 大元，你點睇？

貴得嚟一D都唔值

過年前我地去食飯,估唔到佢地咁過份,黑椒牛丸佢地竟然一開二當兩粒計,然後當我叫小籠包,菜單上明明係四粒一份$35,佢夠膽死俾兩粒我,跟住我問佢唔係四粒咩,伙記就話我幫你check check個order係落咗兩粒定四粒,跟住我地等咗半個鐘,之後佢俾番兩粒我地,我以為佢當我係$35一份,跟住,啲菜竟然得一半份量,當我埋單後,我先發覺,原來佢竟然係計我兩個$28,變相貴咗$21,跟住仲要收每位$12茶錢,注意:只係茶錢!!仲要成日"chur"我地埋單,你地話係咪好過份!!!

真係難明點解會有咁多人去呢間野度食﹗野食非常非常非常之普通﹗但價錢就同好食佢九倍既小肥羊同埋潭魚頭一樣﹗完全同一間普通火窩館冇分別﹐但價錢就貴到離晒大譜﹐所謂最出名既豬骨煲更加不知所謂~如果大家鍾意食豬骨煲﹐極力推介大家去大角咀既骨煲皇﹐同呢間咁既野相比真係有過之而無不及﹗一句講晒﹐如果大家諗住去呢間野度食的話﹐就不如買野返屋企打邊爐好過﹗

第一次去有骨氣當團年飯，就梗係想試下佢D 特別野，冇留意之下叫下叫下張單好恐怖... 如果多幾個人會好D貴就係貴架喇，不過佢D 野都的確好特別，值唔值就見仁見智。佢個點心火鍋concept 幾好，基本上之前都冇諗過連奶皇包小籠包呢D 都可以擺落個煲... 呢兩樣固然要試，其他呢...蟹粉蝦丸同芝心蝦丸都OK，不過呢兩樣我就覺得個餡麻麻地，可能普通鮮蝦丸更好；火腿墨魚丸個fusion 就好好多，亦係廚師推介；北菇鮮雞丸就真係麻麻地喇，試唔過；肥牛有三種：普通雪花肥牛/ 本地肥牛/ 有骨氣肥牛，要左後面最貴o個隻，質素的確好好但好少... 唔係太抵；仲有好多，講唔晒喇...如果要講推介，我會揀火腿墨魚丸/ 竹笙蝦條/ 吉士奶皇包。服務都OK，講黎講去個問題都係貴...

第一次同班同事食團年飯+開年飯，點解咁講，因為返夜班的小黃放工時已經到咗年初一，所以又團年又過年囉！同事話去有骨氣，聽過名都夠哂正吧！第一次聽到有骨氣呢個名應該係睇黑社會時知時，只知佢係一家火鍋店。不過後來從朋友口中知到呢間野好出名，出名地貴，不過一年一次，算係咁啦！去到時差唔多三點，大家係咁二叫了幾樣餸菜(因為真係好貴)，叉燒包、小籠包、奶黃包、四寶丸、肥牛少不了。開了兩個湯底，一個係肉骨茶，一個係冬蔭功，肉骨茶稍嫌唔夠藥材味，但冬蔭功就真係好香，而且最正o既係唔太辣，大家都食得到，當然如果你放啲菜落去煮兩煮又另當別論。之前睇網友o既post寫到啲點心點好，今次第一次試，確實與眾不同。水晶叉燒包甜甜地，軟軟地，好似食緊明治橡皮糖咁！而小籠包需要煮耐少少，一啖辣辣地o既冬蔭功湯由o的肉餡內流出來，正到喔！個人覺得肥牛除咗上碟靚，其實質素就很一般，反而魚麵就真係唔錯，推介必試。埋尾再來埋個烏冬，埋單二仟蚊有找，除番每個人都成百六蚊，其實計埋同出便任食差唔多，但就食得幾過癮。當然係間唔中一次就可以啦！

今次是第二次去。與朋友6:20pm到，門口知客告訴只可食到8:30pm。兩個小時都足夠，大家同意。食物質數一般，價錢偏高。但環境及清潔都不錯。唯服務態度就非常差。7:45pm，仕應通知last order，並問可不可先埋單。我們看只是7:45pm，所以不同意。8:10pm，仕應再問可不可先埋單。與朋友覺得好煩，但最後都同意埋單。我們決定一毫子trips都不給。單來，我要求看單，沒有錯，朋友簽名。我向仕應問點解成日要我們埋單，第一次7:45pm，第二次8:10pm。佢答都是方便大家，我答我不覺得方便，而是很煩。問他我什麼渠道可以投訴？他只給我一張入會申請表，表上有意見表。我們並沒有填表。8:25pm，仕應再走過來說，你們還有兩分鐘。我們說我們都知道，並問他你好像在趕客，時間還未到，而且隔壁兩張桌子都沒有人坐。最後，與朋友準時8:30pm離開，發現門口並沒有人等位。以後都不會去這間“有骨氣，有谷氣”

月頭才第一次來十下十下, 但印象甚深~來了一個最基本的豬骨湯底, 5個人點了不少點心, 最好吃的是芝心蝦丸, 蝦肉爽口夠味, 一咬下芝心便流出來, 兩者味道十分配合, 如此討人歡心, 結果最後加碼來多一碟~另外小籠包亦是上佳之選, 不知道外皮是怎樣做的, 但滾熟後要做到皮薄不破, 內裡又多肉汁, 單是這種功力就值得大家去試~其他材料亦十分新鮮~ 下次一定會再來~

噚日同大學同學仔去有骨氣慶祝生日，第一次去打邊爐，係得bor!用DBS信用咭有85折，仲有特價點心火煱，好好味呀~1) 冬瓜盅湯底：好搞笑地個侍應會喺個爐滾咗之後切開個瓜，先分咗每人一碗湯，再開始打邊爐，一邊食一邊可以得冬瓜，唔錯架!好似無咁燥咁...2) 水晶叉燒包：睇咁多食評都力讚，所以都有試吓，味道同口感都好豐富，熟咗之後脹脹的好得意，不過小心唔好整穿佢呀! (其他人表示奶皇包好味d，個人口味唔同啦)3) 冬菇滑雞丸：好特別又好彈牙，唔同貢丸的是佢有雞味，調味好!4)魚皮餃及津菜餃：餃子味道好兼唔會散開哂，值得一讚。服務態度好，但係因為佢限時(2小時)同埋個洗手間唔多得，所以未能盡興，唯有下次去過第二間試吓啦~~

食物乾淨，好好味, 服務好，埋佐單仲可以繼續坐。必吃：1.四寶丸，係手打果種。2.小龍包。