有骨氣火煱專門店 (已結業)

2005 年1 月10 日星期一"有骨氣" 夜晚約左幾個舊朋友食飯~聚下舊大家提議打邊爐~先頭見"有骨氣"好似唔錯,又未試過,平時同男朋友去又唔捨得食咁貴...所以就提議去試下!book左7點成日聽人講話好好食...可能期望太高啦...食落又唔係真係好標青o者...(可能我飽啦)個木瓜魚湯底真係幾好味o既~好甜~我超鍾意飲!所以飲左好多...剩飲都飽晒!d 蟹粉小籠包同灌湯小籠包都ok~不過真係貴左d!仲有d牛肉同羊肉片,都唔錯~牛肉剩係叫左本地肥牛,味道都ok~羊肉片我地都覺得好好味~唔羶,好腍~出面試過食d羊肉片好酥,所以我唔鍾意食,但係有骨氣果d就一d都唔酥~魚茸麵就麻麻地哪...好玩但冇咩特別!有d似鯪魚肉~招牌四寶丸都唔係好招牌之ma......我覺得上次去酒樓d墨魚丸仲好食!d菜就把鬼囉......有榨o既...認真麻麻個奶黃水晶包個皮好薄...細細粒好易食~不過我略嫌d奶黃唔夠味!飲品真係好貴囉...我地都堅決唔叫野飲!但係d侍應真係可以一杯水都唔俾我地個woo!為免佢地sell野飲...所以都冇問佢地水今餐好似叫得太多野食...我地食左好多...但都食剩好多...埋單