有骨氣火煱專門店 (已結業)

11/17日脕晚一行3i人, 6:40pm到, 上2樓.waiter 提我地8:40 要交檯, 真係咁旺!點了:木爪魚湯底- 木爪好甜. 煲完仲好硬,好o趙.水晶叉燒包- 變種叉燒包,魚旦般大小, cute.吱吱魚蓉面- 彈牙有口感. very good有骨氣肥牛($120) 好貴, 份量OK.魚肉餃- OK 普通冇特別.帶子- 新鮮, 好味.貴妃蚌- 1秋2lung, 1pat野,滾起時好多好多泡!好核突!食左一個鐘多d,waiter 見我地d野齊晒就話要埋單, 我地話洗咪咁快趕我地走呀! anyway 服務態度good, 個個都笑笑口.DBS credit card 找數有85折,仲可以叫火鍋點心套餐.compass card 9折.9折左total $587.

一向都唔鐘意出街打邊爐, 因為覺得同在家打無咩分別...但今次之後都有d改觀~首先要大讚的是食材, 又新奇又新鮮, 口味人人唔同, 我講幾樣值得推介的吧!水晶叉燒包- size好似粒魚蛋咁, 水晶皮包住叉燒, 絕對推介!好似粒魚蛋咁, 水晶皮包住叉燒, 絕對推介!牛坑腩粒- 牛味香到爆, 又夠腍身, 好過食肥牛~手唧墨魚面- 好玩, 味道唔錯~溫室皇帝菜- 夠特別, 但怕香芹一類的朋友不宜!豬骨煲湯底的豬骨- 夠膠, 又香口~Overall來講, 食物的質素就是夠新鮮, Service方面, 阿姐就有d串咀, 男侍應就ok, 埋單的時候都有主動講下咩credit card有折, 我地用中銀9折, 4個人食左$624~

成日聽人講呢家野，但今日第一次去。覺得真係不錯，普通打邊爐料ｏｋ，個特色水晶奶皇飽同蝦芝心丸就真係一試難忘，唧唧墨魚麵亦見不俗。至於雪花肥牛就略嫌真係太肥，但這可能只是個人口味而已。醉雞湯底足料且好有中藥材味，但留意去到後黎隻雞的油出曬黎，令到成鍋野充斥著肥油，感覺蠻怪的！由於我地預算錯誤，叫得太多，所以每人消費差不多２００，但我們都覺得感覺良好，一定會再去。

最近已冇做$88 任食了! 可能就黎冬天啦, 不過任食都唔係好架, 因佢地只會將錢計入野飲度, 如一JAR 橙汁要$100 , 茶都要$10

04/09/2005 19:00今日同女友去行街，行到五、六點已經又"支力"又肚餓，開始諗下去邊度食晚飯。咁o岩見到好大個有骨氣o既廣告牌，女友又話想打邊爐，咁就o岩o勒，而家中銀咭做緊優惠，$88就可惠顧任食點火鍋再加送免費豬骨鍋，點都要一試啦～六點九左右去到，唔駛等位，不過要八點半埋單，冇問題o丫！呢間有骨氣分店有兩層，不過唔算好大，坐得都幾舒服，因為雖然圍圍都打邊爐，但個冷氣開到好勁下，唔會食到周身汗。食物方面普通火鍋料全部都有，較特別o既有鮮鯇魚皮同牛滑，而首創o既叉燒包、水晶包、灌湯餃等亦係任點o既。我地點了的食物不下十多種，好難得o既係全部都非常新鮮，不論係蔬菜或者肉類。當中最好食係牛滑、新鮮肥牛、魚雲同貢丸。另特色o既叉燒包同薯蓉包都好好食。湯底的豬骨鍋份量十足，侍應的服務十分有禮貌，收碟換碟自動自覺，落單後到上菜的時間很短，不過有少量漏單情況出現。埋單$230，整體來說十分滿意，抵食！

見咁多評語話好食, 一早就想試下GA LA, 見今次有8 8 蚊任食, 梗係BOOK 位試下啦~ 星期一個日同四個FD 去食~雖然係平日, 但都超多人.....豬骨煲都OK 啦, 不過無想像中咁多料...都唔算濃!! 至於火鍋料方面, 有大家盛讚既灌湯餃, 又燒飽, 奶皇飽,金薯飽, 都係滿意之品~ ~仲有其他例排野, 牛肉, 菜類(超多), 菇類(超多), 手打丸(魚雞豬), 其他魚類~ 但最不滿既係,唧唧魚/牛面要另收錢, 連小龍飽都要另收, 之前淨係話海鮮要另計, 我都覺得合理, 但有咩理由連理D 點心都要收錢.....我覺得唔合理.....連羊肉都要收, 有無搞錯!! 話就話任食, 但只係俾幾樣點心應酬下你, 唔係全部都有得食.....TOO BAD!!!環境方面比較迫, 如果你好彩有CAR位咪正LO!!!有個大電視, 不過無聲~ ~總結係一分錢一分貨~ ~

尋日, 去左有骨氣同同事打邊爐。好彩一早知道要用中銀信用咭付款, 如果唔係真係中晒招!(因為唔用既係冇任食...個侍應仲話係--->冇得食喎...)$88 任食, 但呢$88 只係指其中一d食物,如果想揀d海鮮類既,價錢另計。仲有...首先坐低每位都要收$12 係茶位(你就算patpat唔掂張櫈都計架喇), 另外如果你叫d侍應俾茶你, 哈,恭喜晒, 因為就算問佢地要杯茶, 每位都要再另加$12...飲品方面:汽水$12 一罐, 鮮搾果汁$100一jar, 啤酒$15一支(反而仲抵...) 咁係咪冇野飲?唔係~ 你要佢地俾水你囉,水係唔駛錢的, 但係佢地會俾滾水你.....辣到你條脷噴火...睇你叫唔叫汽水丫拿~時間上: 晚上分兩節: 6:30-8:30, 8:30-10:30 , 勸大家唔好揀6:30, 因為一到8點佢地會好似趕狗咁趕法,又話last call又叫你埋左張單先...至於食物, 任食推介我個人認為幾好既食物: 灌湯餃, 水晶叉燒包(好得意,竟然係用黎打邊爐的), 水晶豆沙包, 肥牛, 牛肉滑(好似食生竹牛肉...), 蝦漿醬丸子(粒丸入面真係蝦醬咁味),d菜好新鮮

佢的八十八蚊任食的確係筍，可惜沒有飲品，喳西瓜汁要成一百蚊，話就話係溫室西瓜，不過我成班都無飲，好命囉～呢度都尚算舒適，而且任食計就算交足工課囉；會推介比朋友去試．．．不過．．．．．邊個話佢會收現金八十八架？我去到話食中銀八十八，點知佢伙計話要用中銀至得，點知一行十人除壽星無人有中銀。果日係我個Freind生日，我又冇中銀，整到反而我個生日朋友要付錢，再由我們幾個夾返錢比佢．．．．夠晒樣衰！

昨晚一行4個女仔到這間分店吃火鍋,水準好好...個人加朋友們也覺得得抵吃,新鮮, 好有質素!冷氣好夠.服務很好.唯一不太好是坐的位迫左少少.豬骨煲--好鮮甜,好好味!蕃茄--係肉茄正!白鱔片--新鮮! 小龍包,叉燒飽,水晶飽都好2有特色,好味道!! 另外雞子也可以任食(很少在任食火鍋中選擇的)---不過,無叫,所以不知道質素!埋單連飲品共513 元, 沒有意料之外的收費,好清楚,真的是一個好選擇!

個日兩個人去到, 一口氣點了好多食物, 大部份質素都幾好同新鮮, 和稻香差不多, 當然都額外點了牛肉麵, 蟹粉小籠包! 整體都很好味, 用中銀信用卡送的豬骨湯底都十分鮮甜!唯獨以下的麻麻地:手打牛肉滑, 怪怪的, 似山竹牛肉但又有渣!蟹粉小籠包麻麻, 無鮮味, 差過以前, 可能不是季節!整體來講抵食過以前, d 叉燒包同奶黃包仍然有得叫, 呢樣就幾好!始終飲品太貴, 茶$12 位, 西爪汁$100渣, 無飲到, 同埋夏天太熱, 但應該都會係promote 未完前去多次的!

大伙兒聚會, 選地方的大前提是大件夾抵食, 適逢中銀卡與這店做推廣優惠, 聲稱$88任食. 打電話訂檯時, 服務員主動報料, 講明連小食及加一將會是每位$11x, 飲品另計, 茶錢$12一位, 可以不開茶之類之類, 詳細過新聞報導, 但非常有禮, 值得一讚.到達後發現版被安排坐在一個「偏廳」, 位於隔鄰大廈的二樓, 感覺有點怪, 但環境尚可接受. 頭輪時間為6pm –8:30pm, 8pm last order. 落單後上菜速度頗快, 侍應們很有禮, 我們發覺有張單好像漏了, 經理立即跟進及道歉, 所點的菜亦很快便補送上來.我們十二人有兩個鍋, 是大會指定的豬骨湯. 食物方面, 除了幾款點心如灌湯餃、莧菜餃、蓮蓉包、奶黃包等是必吃外, 其他火鍋料也頗新鮮, 不覺得因任食而將貨就價. 不過海鮮類則不包括在任點菜單之內.埋單連飲品共一千五百多元, 沒有意料之外的收費, 是任食火鍋一個不錯的選擇.

上個星期朋友生日去試下佢的邊爐，試完唔會再去。門口係好靚，好似以前中國的城門咁，但係入面就同茶餐廳一樣。今次要上到去三樓，伙計要我地行後樓梯，原來佢自己的樓梯只可去到二樓。坐低食野，唔係掛，用的爐同大排檔的無分別。咁大間舖頭，用手提爐，真搞笑。叫野食喇，餐牌的野真係好普通，毫無新意。真係越食越唔開心，食物完全唔新鮮，毫無味道，我地食左以下的食物：肥牛- 過得去OK黑柏葉- 咬唔開鵝腸- 唔起粉, 又無味唧唧魚面- 其實得個玩字小龍包- 第一次試, 幾好食白鱔片- 一般魚付- 一般炸魚皮- 就咁食唔錯, 無油益味生菜- 最好食係佢我覺得有骨氣同大排擋無分喇，不過佢有冷氣同有電視睇，連伙計都睇埋一分，無人理我地。

第二次黎,因為覺得呢到都有特色,所以特登約埋朋友再黎;食物方面都係叫個d,墨魚丸,唧唧麵仲係好正,而今次既特色就係叫左壽包,因為有朋友生日,有幾大個?半隻手咁大囉!個蛋黃仲係原粒添,大家都食到呆左!其實價錢偏貴少少, 但其實都值既!

要答升降機上2樓，坐正風口位，d 冷氣開到好大，個爐滾好耐先猛。本來想要六位茶，點知一位茶錢要$12，另汽水$12，支裝飲品$16，我地當然無叫!!豬骨煲---好濃郁既湯，豬骨都好味水晶叉燒包---好特別，好似湯圓，不過好細粒炸芋片---好粉好香其他都係普通四寶丸，生菜...(全部份量都非常少，最平$28起)最後埋單$688，個後生男伙計因為我地無叫飲品而黑面，仲單手飛張單埋黎，擺出一副不耐煩既樣，多謝都無聲走左去

兩個人食晚餐，叫左- 豬骨湯底（唔錯，好味）- 西洋菜餃（8細粒，菜比較少）- 鯪魚球（size ok）- 豆"描" - 生根- 紫菜墨魚卷（幾得意同幾好食，但漉得耐會散晒）- 雪花肥牛（$68係最平的肥牛選擇，質地唔係好好）- 炸魚皮- 芝士腸- 一個可樂，一個樽裝柑吉檸檬合共四百幾蚊，我地叫的東西也不是特別，所以覺得幾貴。個冷氣開到雪房o甘凍，對住風口位，個爐吹到滾唔倒。要伙記搵張錫紙圍住先得。服務態度好好。要上二樓，部升降機細細黑黑，我覺得幾唔舒服。。。