晴空日本料理

營業中

休息中

晴空日本料理 (尖沙咀)尖沙咀金巴利街8號地下1號舖原來尖沙咀開了一間挺有品味的日本餐廳，那簡潔的裝潢，一般日本餐廳會用的茶木色家具，還有一張長長的吧枱，十分雅致。豪華海之寶石丼$120來一本餐廳通常我也是吃魚生，原因很簡單，魚生做得好吃的日本餐廳，水準一定高。號寶石丼，名字很特別，其實不是真寶石啦當然，是海鮮丼。為什麼叫寶石丼呢？一上枱的時候閃閃發亮，要被切成粒狀，感覺就像是寶石粒一樣。海膽和三文魚子，非常大粒！由於寶石一般！把食材混合，然後大口放入口中，感受奢侈的味道。寶石丼的吃法是首先把芥末和醬油混合在碟子上，然後把混合的醬油倒入丼飯內，滿口都是清爽的海鮮，非常彈牙！把飯撈勻的時候海膽沾滿要飯粒，橙黃橙黃的顏色非常吸引。開張期內還送吞拿魚刺身！

這間新開張餐廳以高質食材、精緻手工、大眾化價錢提供多款日式料理。燒三文魚沙律粟米天婦羅薄切鰈魚刺身招福·6貫炙燒壽司盛盒 三文魚、帆立貝、大拖羅、銀鱈魚、右口魚邊、鰻魚炸豆腐魚餅生燒鰻魚新開業每人贈送炙燒Toro

尋日約埋好友一齊去食新嘢，估唔到韓國街竟然有日本料理餐廳。廚師好細心，整咗炙燒刺身丼，這個餐$140，前菜有沙律，蒸蛋，蒸蛋好香蛋味，裡面仲有海鮮粒。唔喜歡食生魚嘅我，我都可以品嚐炙燒魚，魚肉質好滑，餐廳座得好舒適。新張期間，贈送炙燒Toro壽司🍣，午市餐牌有好多選擇，一版熟食，一版壽司刺身定食，午市價錢大衆化，晚餐中上價錢，感覺到用嘅喺上等材料，高質食物，食慣好野嘅朋友，刺身壽司好新鮮，價錢同食材勝價比高，雖然我唔食魚生，下次想試吓和牛丼，隔離枱有人食，賣相好吸引，見到餐廳仲有梳化位可以坐到8人，下次帶埋小朋友嚟就可以坐得舒服一點了。

前幾日見到呢一間位於韓國街嘅日本餐廳新開張，見到佢嘅裝修好靚，餐廳嘅裝修好有心思，好多舊白雲做裝飾，配合埋佢哋餐廳名 晴空，想俾人開心愉快嘅感覺，食呢餐飯都食得開心舒服啲😆餐牌上嘅選擇都幾多，除咗有壽司刺身之外，亦有得選擇廚師發板，價錢都係$1000左右，我下次有機會嚟都試吓先😋我同朋友兩個人就點左八種刺身盛合，每款刺身都至少有二人份量，刺身切得好厚身，擺盤100分🎈睇得出好用心思，而且仲配上幾片好脆嘅紫菜，可以夾住海膽同青瓜絲嚟食😆首先講吓佢嘅拖羅，睇相都見到佢比嘅位好靚，完全無筋，而且啲脂肪比例靚到好似雪花肥牛嗰種🤩食落口有入口即溶嘅感覺。而佢嘅海膽非常鮮甜，無乜鹼水味，不過建議要配埋啲紫菜一齊食，如果就咁食嘅話會好快滯咖😆而佢亦都有好少見到食到嘅水母刺身，食落口幾彈牙，好有咬口，呢個價錢食到呢啲比較罕有嘅刺身，好似幾抵食喎以佢嘅牡丹蝦都有成兩隻咁多，上面有啲魚子醬，味道都幾夾，牡丹蝦嘅鮮甜味出晒嚟😋最後因為餐廳新開張，仲每人送多咗一件炙燒拖羅，上面有啲洋蔥絲，成個口感同味道都昇華哂🤩佢嘅壽司飯飯粒軟硬適中，個醋都調得啱啱好而佢最後亦都送上甜品，係佢哋自家製嘅蕨餅，個人好中意嘅黃豆

環境好舒適師傅好傾又友善刺身幾新鮮，冇雪味拖羅真係好正，入口即溶配菜亦都好開胃菜式嘅配搭幾有新意熟食方面都唔錯安格斯牛食得出好有質素總括而言刺身壽司極力推介熟食都好正，不過只係合乎期望下次經過附近一定再食舖頭內外環境一流好適合影相打卡食嘢期間坐得好舒服師傅親切友善，仲好好傾同其他日式料理舖頭比較，刺身壽司真係做得唔錯，最緊要食得出好新鮮，有幾款刺身入口即溶。安格斯牛都食得出質素好高，牛味好重好濃。有個餐係火焰刺身飯，啲飯吸收左刺身油香，啲刺身燒完之後又迫到晒啲魚油出嚟，一個字講晒「正」！唯一唔好就係刺身太肥美，搞到食完有啲膩(都唔知算係好定壞)

介紹下先：飽魚伴肝醬，味道配搭得非常好，濃濃的肝醬配上新鮮飽魚，飽魚新鮮嫩口😋。鯛魚薄切，鯛魚配上酸汁，酸汁提升了魚的鮮味。剌身好新鮮，看似普通的白象拔蚌，原來仲有淡淡柚子香，提升左佢嘅鮮甜味。新鮮即開海膽，嘩，勁驚喜，好鮮，好甜，好滑😋😋，搭上吞拿魚蓉及三文魚籽，鮮味upupup, 原來單點一隻北海道海膽要$180/隻，呢個set仲包每人一隻，好落本啊。拖羅，我最愛食，平時出去叫又貴又未必靚，呢個紫蘇葉拖羅，大片又厚身，入口即溶，搭上紫蘇葉，好fresh❤️煙燻青魚，女朋友最喜歡，所以我比埋佢食，佢話煙燻味剛好，不會搶走魚的鮮味。汁煮喜之次，本人唔鍾意食熟魚，比唔到comment，只知道呢條魚係貴野😂😂金萡燒和牛粒，正正常常，牛有牛味，和牛有和牛味，熟度剛好，微辣帶出了燒和牛香味。壽司6本，有未食過既生北寄貝，感覺好新奇有趣又有拖羅食🤤🤤櫻花蝦拖羅手卷，好驚喜，之前見過朋友影相，覺得個味道都幾特別大蜆清湯，幾清甜，蜆大隻冇沙。綠茶金萡奶凍，嘩，好名貴，同以前係米芝連餐廳食既差唔多，奶味好濃，唔太甜，女朋友狂影相，話個甜品好少女心，要影相呃like總結，性價比好高，下次會再試下lunch

朋友介紹金巴利街開左間日本餐 ，話抵食又好味。因為係附近返工，呢日放lunch就過來試下。見到門口一大個富士山招牌好易認。入到店內好有空間感，同埋乾淨舒服。潔癖嘅我表示滿意。坐低睇下有咩食先。Lunch有成十幾款,生食同熟食都有，揀到我選擇困難症發作咁濟。因為熱愛吞拿魚，所以最後揀左香蔥吞拿魚腩蓉丼少飯。每一啖都充滿吞拿魚既油香又有d蔥味中和下，唔會食到好漏。另外加左兩件炙燒右口魚邊壽司，呢個簡直係人間美味！脆卜卜既紫菜包住燒過既右口魚邊肉，放入口魚油bit晒出黎，一啲都唔腥。超好味呀😋好彩係附近返工，下次會同d同事再試埋其他野！

今天和妹妹難得唔洗ot, 又到每月一次去韓國街買醬料食物, 見到皇悅酒店下面開左間新野, 叫晴空日本料理, 我地膽粗粗6點幾入去食啦,環境幾好,簡約日式裝修, 師傅仲走出來逐一介紹, 原來佢地6月中才開張, 唔怪之得上個月重係圍哂板啦, 我地想試多D野食，又唔知點叫，叫佢幫我地落單, 師傅問我地大約預食幾多錢,我地話$600, 都幾攪笑,我地當自己食廚師發辦料理, 哈哈!當晚有燒鱈魚片(正正常常無乜要求) ⋯，清酒煮蜆(湯幾甜,蜆大粒肉無沙),, 燒三文魚沙律(三文燒得好香), 刺身5款(勁新鮮,食得出係高質材料,最後問左幾錢,$580, 早知要大啦,大盤都係$780咋)。炙燒壽司x8(妹妹要求唔食太多生野，壽司雖然火炙左一下，仍然食得出係新鮮貨，太吸引無影相添）。雞肉餃子(正常) ,甜品有我最鐘意的黑糖蕨餅..... 埋單時候到啦, 竟然$11xx...... 都好合理, 因為食物算係中上, 下個月可以再來,重有好多野想試😍😋

一向喺尖沙咀翻工既我， 今日難得多一日假期。但都約咗朋友去尖沙咀食lunch . 因為發現近日開咗間新既日本餐廳。 咁鐘意食日本嘢既我當然要立即衝去試下啦！ 🔺裝㶇店舖唔算太大， 坐位有分bar 枱同4人枱。 坐bar 枱就可以同師傅交流下。 我見有兩枱客都選擇坐bar 枱， 但因為我地3個朋友， 所以坐枱就方便傾偈。 如果得兩個朋友， 下次揀坐巴枱都唔錯。 見倒師傅一路整壽司🍣都有細心同客人講解。 呢個抵俾👍👍👍 晴空用上富士山🗻作主要logo, 所以檣上都見倒富士山。暫時去唔倒旅行唯有嚟晴空幻想下自己去咗🤭🔺性價比高以尖沙咀嚟計， 價錢其實正常差唔多。 Menu 分兩面， 有熟食同魚生/壽司。 選擇都非常之多。 如果唔食生嘢既朋友， 都有熟食嫁！ 仲有9款選擇添！ 我就最鐘意食魚生壽司， 所以我揀咗晴空魚生飯。 一般出去食， 都會以為係一粒粒角切雜錦魚生飯。 原來嚟到係一片片舖滿喺碗到！ 😲🥰🥰🥰 另外前菜仲有沙律🥗麵豉湯。 蒸蛋， 仲有甜品添！不得不提蒸蛋有好多蟹肉絲同菇片。 同一般蒸蛋既料多好多！ 新開張期內仲會每人送一碟炙燒Toro 壽司添！ 所以要快d去喇z 最後甜品係紅

話說同老公拍拖出去食飯，通常揸車都會泊係金巴利街，之後行去厚福街搵下野食，見到新開日本料理，我哋就去試吓啦，仲可以睇住架車，唔怕比人抄牌。因為太肚餓，是旦叫左個燒鯖魚要頂住先，估唔到有煙燻味道，同平時燒鯖魚有所不同。我老公最鐘意食剌身壽司，廚師介紹食新鮮北海道海膽，自己挖啲肉出來勁正，倍感新鮮，入口即溶，色澤偏黃，好大隻，師傅話係當造期，所以特別清甜，中間仲有少少刺身加三文魚子，配搭得好好，賣相又靚。我地仲叫咗個「幸福刺身拼盤」，有8種咁多，今次個海膽結身些，味道濃些，一樣好好味，最特別係有水母，非常脆口，同海蜇口感完全唔同，真係要必試，仲有油甘魚，拖羅，牡丹蝦，白身魚薄切，深海池魚，赤貝，全部都好新鮮！拖羅入口即溶，勁香油甘味，我夾左塊唔知咩葉食，提升左成件事，好清新，雖然$780真係唔平，但我老公食嘢好腌尖，所以好捨得食，好彩佢都滿意，如果唔係反枱都似，魚生新鮮，睇得出用料係高質貨，原來師傅做開銅鑼灣高價omakase, 唔怪之得揀材料咁高端啦。男人無飯落肚，點都唔會飽，因為海膽堅好味，最後我哋叫左個海膽蟹肉炒飯，份量就細左d ,成$150架，炒得剛剛好，乾身得嚟又唔會硬，蟹肉好多

難得今日放假，特登出去韓國街買Kimchi，見到一間新開日本料理 晴空，每次經過,都會食韓國料理, 見到有新野，一個人走左入去食午餐啦。入到去裝修都好企理，樓底好高，師傅出來招呼我，8掛傾下計，佢做左好多年日餐，之前係中環/銅鑼灣做開高端omakase，而家自己出來創業。我平時都鐘意食炸野，就叫左個天婦羅丼飯試下，前菜有個沙律、蒸旦及麵豉湯。個蒸旦好正呀，有蟹肉係上面，蛋入面又有海鮮，岩岩好，好滑。天婦羅炸得乾爽脆身，入口唔會太油，炸粉唔會太厚，剛剛好，yummy！7月尾會再同朋友去試下食omakase，佢有$800及$1000揀，價錢都吸引，師傅做開高端omakase，希望到時有驚喜啦！

經過韓國街，發現一間新嘅日本料理「晴空」呢個名字係韓國街有點突出係咪同「晴空塔」有關既呢？就試一試🥣Lunch menu有好多選擇刺身同Omalase🍣亦都有好多熟食由於今日同小朋友同行，最後決定叫西京燒好多日本餐廳都有西京燒有啲會用比目魚，呢到就用左銀雪魚銀雪魚入口油香，魚肉嫩滑，魚皮燒到脆卜卜，醬汁亦帶甜，非常好送飯Lunch menu仲包括左沙律🥗麵豉湯埋單百幾蚊，係尖沙咀區算係非常合理P.s. 原來餐廳只係開咗幾日，老闆仲好客氣咁送咗灸燒toro😋非常有誠意嘅餐廳！值得encore