影片
港鐵佐敦站 B1 出口, 港鐵油麻地站 C 出口
繼續閱讀
電話號碼
27101901
68060664 (WhatsApp)
開飯介紹
餐廳設有七個美食專區，提供多款國際美饌，各種冰鎮海鮮採購自世界各地，新鮮且選擇多樣；亦設有即叫即燒海鮮、即席切肉等。自助餐設有午餐及晚餐時段。
繼續閱讀
營業時間
今日營業
06:30 - 21:30
星期一至日
06:30 - 21:30
公眾假期
06:30 - 21:30
公眾假期前夕
06:30 - 21:30
以上資料只供參考, 請與餐廳確認詳情
有關獎賞計劃
相關文章
逸東酒店 「The Astor 普慶餐廳」嘅自助餐，一直十分人氣，而且book位長期爆滿，非常喜歡呢度地方夠大，不同美食區分得好清晰，而且環境富有香港情懷，真係食嘢之餘影相打卡一流，今日就等我慢慢品嚐👍👍每位客人都會奉送「芝士焗龍蝦尾」和「巨型牡丹蝦」，真係回本之選，龍蝦味原來用新鮮貨，怪不得焗出嚟咁彈牙，牡丹蝦蝦頭爆曬膏超正👍每晚仲有即劏油甘魚表演，超級肥美一定要拎返份！📍多個美食專區📍✨刺身壽司｜吞拿魚、三文魚、劍魚、帶子刺身，多款壽司✨海鮮、凍肉、沙律｜即開生蠔、蟹腳、小龍蝦、翡翠螺、大蜆、麵包蟹、青口等，多款高質火腿、芝士和沙律✨燒味｜必食逸東燒味，叉燒、豉油雞、燒肉、燒鵝，仲有即包片皮鴨✨烤肉｜燒西冷、蜜汁火腿和燒豬腩配合各種醬汁，必食高質之選✨天婦羅、串燒｜全部即炸即燒熱辣辣，天婦羅炸蝦、魚和南瓜我食咗好多round，仲有燒雞翼、雞軟骨、翠玉瓜、三文魚等等，配上六種不同口味嘅鹽，真係好有心思👍✨素食｜特別為素食者而設，有10多款不同選擇✨泰式美食、蟹粥｜超驚喜泰式串燒和即炸蝦片米通，其中雞全翼超美味，新鮮蟹粥加上不同配料，都係必食之選✨蒸海鮮、港式雲吞麵｜蒸海蝦和鮮鮑魚配合香蔥和豉油，中式美味✨甜品｜食炸西班牙油炸鬼、邪惡朱古力棉花糖意大利三文治、新鮮水果杯、超多口味雪糕、多餘天上繁星嘅蛋糕，必須留有第二個胃✨自助飲品、鬼佬涼茶｜最鍾意可以用個戰鬥碗自己斟啤酒好有feel，另外果汁、汽水和即磨咖啡無限量供應🏃♂️🏃♂️真心推介自助餐必食之選，記得訂位同埋佢嗰日一定要留肚😂😂
繼續閱讀
再訪普慶，無左蒸龍蝦放題🥲🥲🥲，蟹腳唔新鮮好乾🥲，唔怪之得係咁出promotion又買一送一又一折，但仲係好多人去食。係得火腿夠多先吸引，其他熟食還可以。刺身就三文魚呑拿魚帶子，天婦羅係幾好夠多元化🥹。甜品都一般，吸引唔到我，係有個雪糕蛋捲稍為特別少少🥹。M字頭雪糕都10種算多既。7點有片皮鴨排隊攞，飲品吧就隨便拎，有紅酒白酒汽水果汁咖啡奶茶。7點半就即場解剖油甘魚表演，都引起好多觀眾。點解會差左咁多，希望入翻靚貨做翻好個brand🥹🥹
繼續閱讀
🚩普慶餐廳〰️〰️〰️〰️〰️〰️〰️〰️〰️〰️〰️〰️〰️講到香港最出名嘅自助餐｜普慶一定榜上有名設有七個美食專區｜主打一個款式多 咩都有估唔到入面嘅裝修係偏港式｜有好多霓虹燈牌可以邊食邊打卡🧡當日入咗每位仲會送龍蝦尾同埋牡丹蝦相當有誠意 ໒꒰ྀི•ू⁼̴̶̤̀༥⁼̴̶̤́•ू ꒱ྀི১大家關心嘅海鮮部份有齊生蠔、松葉蟹蟹腳、麵包蟹、小龍蝦、蜆刺身方面當日都有四款｜而且好新鮮仲有即席處理油甘魚嘅環節俾大家睇 (๑´∀︎｀๑)熟食方面有港式燒味部｜有限量嘅片皮鴨肉扒區試咗肉眼同埋燒豬腩｜兩款都有驚喜前者肉質軟腍有牛味｜後者肥瘦適中表皮脆身連甜品都有一整個區域最有驚喜嘅竟然可以食到西班牙油炸鬼其他蛋糕都切得細細件 試晒都唔會太飽果然係做到榜上有名嘅自助餐‼️整體體驗相當唔錯🧡
繼續閱讀
逸東酒店 普慶餐廳自助晚餐 買一送一 究竟有冇伏⁉️今次母親節🌺整煩惱去邊度同屋企人食飯之際，見到某平台做緊買1️⃣送1️⃣優惠🈹🤩就決定試吓佢！入到酒店後往下兩層就會到達自助餐區域🍽️，自助餐範圍好大，同其他自助餐餐廳比較的話都算多食物選擇。😜但係座位就冇其他酒店自助餐廳咁舒適，主要走港式懷舊風格😗五月起Menu更新💖每位會另外有限定主菜，而當日我食到嘅係炙燒拖羅刺身🍣香烤龍蝦尾🦞龍蝦尾🦞絕對係成餐飯最好食嘅一味！又有鮮味同彈性😍👍🏻凍海鮮💖有生蠔任食🦪但係食左4隻有一隻壞左😥仲有 小龍蝦🦞麵包蟹🦀長腳蟹🦀翡翠螺🐚青口🐚蜆🐚值得一讚嘅係麵包蟹好多膏👍🏻😆其他凍海鮮質素正常🤔日式區💖🍣刺身大概有4-5款，7:30會有師傅即場切割油甘魚🐟當日試咗赤蝦 油甘魚 同埋吞拿魚🤓除咗赤蝦🦐之外，其他兩樣都放題質素以下😥特別係吞拿魚肉質非常鬆散🥵🥵另外仲有🍢串燒區同 🍤天婦羅炸物區，質素正正常常啦🤔熟食區💖有齊晒中西亞洲嘅美食，本來好期待佢哋嘅燒味部😆因為佢寫到明係逸東軒嘅精選燒味😮但食落覺得普通同埋refill速度都好慢🥲另外限量拎嘅片皮鴨🦆食落肉質都乾😕🥩肉眼牛扒都可以一試的！其他熟食嘅表現都係中下水平，真心都有啲失望🥹甜品區💖可以話係整體表現比較好嘅部份🤭有12種MÖVENPICK雪糕🍧嘅口味選擇😋另外西班牙油條 都推薦一試的！😚其他甜品發揮正常🍮飲品區💖有多種免費特色飲品🍹選擇，仲有紅白餐酒🥂🍷同埋少爺啤🍻選擇小結語❤️🔥如果想搵一個地方家庭🧑🧑🧒🧒/朋友 👭🏻👬🏻聚會，特別係有👵🏻👴🏻老人家同👶🏻小朋友的話都推薦嚟嘅👍🏻可以揀返自己鍾意食嘅食物，而且用餐時間都有3小時🫶🏻。但係都希望餐廳可以改善一下refill速度、廚師們嘅態度🥲相信會吸引到更多回頭客🤔📍逸東酒店 普慶餐廳🕐18:30-21:30💰$455/位($910買一送一)評分時間🤩 (5分滿分)食物: 🌟🌟環境:🌟🌟🌟服務:🌟🌟性價比:🌟🌟🌟
繼續閱讀
食爆生蠔🦪、蟹腳🦀、時令海鮮🦐，每晚仲有現場解體原條日本直運油甘魚表演🐟 仲要香港品牌「Gwei-lo 鬼佬」啤酒、紅、白酒任飲！任食生蠔、蟹腳、時令海鮮自助晚餐之前成日比人洗版，食過佢Food court，第一次食佢Buffet，我不嬲對比較平嘅buffet唔會抱有太大期望，點知呢間有驚喜🫣首先每位送牡丹蝦一客（星期一至四)/拖羅一客（星期五至日及假日），同埋主菜一客香烤美國緬因州龍蝦尾，兩者質素都唔錯，係新鮮彈牙。海鮮冷盤區必食回本即開紐西蘭生蠔，以呢個價位嚟講，質素中上，淡味但口感順滑，微微奶油香，我食咗8隻😆！雖然size 有大有細，但無一隻有問題，可以放心食🫶🏻 而是日時令海鮮有松葉蟹蟹腳、麵包蟹、小龍蝦、蜆及青口，都屬正常質素。刺身就有三文魚、吞拿魚、劍魚及帶子。而冷盤唔止平時有嘅自己砌沙律，仲有日式漬物，值得讚賞。食完之後，我覺得熱葷係呢間餐廳嘅重頭戲，縱使因場地大每個區域唔集中擺得較開，但劃分都清晰，好處係拎嘢食好舒服！一啲都唔逼同埋唔洗點排隊（除咗特別環節啱啱開始）。熱葷有海鮮區、東南亞區、燒味部、粉麵部、天婦羅、素食區及西式區。海鮮有不停新鮮蒸嘅陳皮蒸鮮鮑魚、荷葉蒸鮮蝦👍🏻，火喉時間都定好，所以確保到每底出品都一樣。隔離有粉麵區，串燒等等，都係即製，不過質素就一般。西餐區自助餐不能缺少嘅香烤有骨肉眼，又係有驚喜❗️牛味濃之餘，仲帶有肉汁一啲都唔乾，贏好多自助餐（因為烤牛肉真係10間有8間都係又柴又乾又老），必食！仲有香烤豬腩卷、香烤有骨蜜汁火腿都係即切。較有特色嘅匈牙利慢燉玫瑰肉，好軟冧，有啲似食牛腩咁但又無咁肥膩，仲有香焗蕃茄蘿勒石斑等等。燒味區係19:15會搖鈴提大家有得拎片皮鴨，所以一開始會勁長龍，我就避開人龍之後先去拎😆，而佢嘅燒味真係招牌，叉燒半肥瘦，鬆軟唔洗咬咁濟🥹蜜汁甜度剛好，比坊間好多燒味店出色，太多試唔哂，例如清蒸海東星、鮑魚雞絲紅燒豆腐、普慶炒三鮮、豉油皇羅氏蝦等等⋯亦有照顧素食者設有素食區，秋葵、栗子、就蒽、甘荀等等，看似簡單，但全部都有調味過同埋keep到温度之餘蔬菜唔乾唔老。少有嘅即炸天婦羅🍤有天婦羅蝦、天婦羅紫心蕃薯、天婦羅三文魚皮，旁邊就係即燒日式燒物，三文魚頭、雞翼、雞軟骨、粟米等等。甜品絕對有驚喜😍😍😍 有師傅瘋狂即製嘅朱古力棉花糖三文治配焦糖芝士，超邪惡但好好食🤤 Churros都有，都係直咋，但略嫌耍得唔夠多Cinnamon Sugar，有中式糖水、豆腐花、12款Movenpick 雪糕，之後甜品蛋糕仔都有10款左右，Opera cake 、德國芝士餅、熱情果芝士蛋糕，都做得好有誠意好好食，分層精緻，朱古力味濃而不漿口，芝士打得均勻綿密。飲品好有驚喜，因為鬼佬啤酒任飲！平時要$30一支，飲得之人絕對輕易回本🙈，仲有紅白酒啤酒，美中不足係得茶包同埋冇咖啡任飲。
繼續閱讀