星海．譽宴 (鱷魚恤中心)

營業中

休息中

中菜一向是我最愛，當然也喜歡飲茶今天剛好到觀塘辦公，中午立即約朋友去飲茶。食物：4.3/5怕只叫點心不夠飽，點了二人套餐，結果食物多到要打包▪️燒味拼盤包括燒腩仔(半肥瘦、外皮香脆)、叉燒(蜜糖味較重)及海蜇。▪️霸王花粟米紅蘿蔔湯真材實料老火湯一煲有足足6碗，清甜滋潤，而且飲完不會口渴証明沒有味精！我們一碗接一碗，未到主菜已飽了六成▪️點心拼盤竟然有我最愛的粗糧糕已大加分！另外三款都是普遍港人最愛點心：蝦餃、燒賣及粉果！全部都新鮮蒸好又大件！▪️杭州香醋一口骨酸酸甜甜極開胃雖名為一口骨，但每件都很大要分幾口才吃完外皮炸得香脆，但不會硬，內裡肉質亦不會太乾。▪️乾隆石鍋炒飯其實吃完前面幾款已超級飽但石鍋炒飯一上桌，陣陣香氣又吸引著我炒飯粒粒分明、軟硬適中還有元貝粒、菜粒等，一鍋有4-5碗，最後決定打包▪️桂花糕配椰汁糕慶幸我有另一個胃專門吃甜品兩款糕都甜度適中、值得一讚。超級滿足及豐盛的午餐！

話說早前跟老公食過晚市，佢覺得好回味。但疫情未止，要出外食晚市真係唔容易，所以今次轉食午市。而在限聚令生效底下，枱與枱之間的距離係明顯加闊咗，而且大枱都無哂。職員立即奉上一大盤滾水讓我們為餐具消毒。飲茶當然少不了點心，所以我們來個點心拼盤。有蝦餃、燒賣、潮州粉果和糕點，款款熱呼呼的，食落十分彈口。老公喜愛食燒味，燒味拼盤 必定是要 encore 吧~半肥瘦的叉燒，很有光澤，食落完全唔 heavy。腩仔同樣是半肥瘦，肥瘦分明，外皮脆卜卜的。海蜇有少少辣之餘又帶爽口。原鍋上的老火湯，湯水火喉十足，而且好多湯渣，舊舊咬落好腍，飲完成身暖笠笠。杭州香醋一口骨 帶點脆口，味道是酸味味的，越食越開胃，用來拌 乾隆石鍋炒飯 一齊食真的非常搭配。最後，享用過美味的糕點真係又飽又滿足~

屋企人齊齊放假話想飲茶，咁就上左黎呢度！可能最近疫情好左，食肆都多返人流，個日都等左陣先有位~~因為大家都肚餓，所以點心小菜同主食都有嗌左d，價錢都適中，唔會太貴：）去得酒家飲茶，點都要食下點心既~~所以我就剔左個點心拼盤，貪佢一份有齊幾款點心，可以share食多d唔同口味！！蝦餃外皮q彈蝦夠爽，唔錯唔錯~~呢個燕麥糕既質感好煙韌，仲好香燕麥味添♥大帝中意飲啖湯，所以叫部長落左個老火湯！個湯都好足料，湯渣都食得xppp呢碟甜醋一口骨味道酸甜，肉質鬆化，愈食愈開胃~~我地驚唔夠飽，所以叫左個石鍋海鮮炒飯！！估唔到份量超多，加加埋埋有成5-6碗架~~因為用石鍋盛載，所以個飯食到最尾都熱辣辣，正！！！最後女皇仲叫左碟又靚又好味既彩虹椰汁糕添啊✔✔✔

疫情期間去酒樓食，其實都令人安心的，因為每木台之間的距離好大。今次同客人來官塘譽宴，兩個人坐了在台前的2人枱，真係好好的安排。午餐時間都唔少食客，不過空間足夠，所以空氣流通而且坐得舒服。午市套餐$318/位全包，見都幾多野食，就費時傷腦筋了~先來一個點心拼盤，都幾精緻，而且都有四個款式。熱騰騰都好好食，特別蝦餃做得唔錯，皮薄蝦好爽。之後來個燒味拼盤，好似西餐咁分了兩份，有燒腩仔、海哲及叉燒，我最愛燒腩仔，個皮好脆。而且唔太肥，好食。再來一個豐料老火湯，哇有花旗參味呢，另外有大雪耳，好滑而且湯又唔油，午餐有個湯飲，即刻升格左好多。杭州香醋一口骨，酸酸的好好送飯，排骨香脆可口，而且味道好開胃，配上乾隆石鍋炒飯，令人好滿足呢~呢個就是乾隆石鍋炒飯，好大鍋~而且都好多料，炒得好干身，飯好爽口，而且元貝又多又甜，高質的炒飯~!實在太大份，為免浪費我地打包了~~~甜點有椰汁糕，輕輕的剛好中和了之前食的炒飯。捧住肚子，呢到好坐食物質素都高，是午餐宴客好地方。

之前吃過銅鑼灣的譽宴，很是喜歡他們的食物。這次來到觀塘這家，感覺裝潢沒那麼堂皇但有室外空間很舒適呢！我們點了套餐，食物都分開上的，比較衛生！點心拼盤點心拼盤適合兩位，有時分開叫三件四件試不了太多。燕麥糕、蝦餃、潮州粉果及蟹籽燒賣皇各兩件。第一次吃燕麥糕原來有點煙韌，微甜。另外幾款都夠足料，不錯。 燒味拼盤海蜇微辣，爽脆，好開胃！腩仔皮夠脆，肉質夠嫩夠厚身。叉燒蜜糖味香，夠腍身。豐料老火湯一份例牌湯份量也不少，大概有七碗。猴頭菇及雪耳滋潤，較清淡，不錯。杭州香醋一口骨一口骨夠脆，香醋入味酸酸的，很香口，又不會太多骨，不錯！乾隆石鍋炒飯炒飯夠粒粒分明，味道不錯，還有很多貝柱。放在石鍋內真的吃到最後也是暖暖的呢！椰汁糕最後再來椰汁糕，上面的啫喱夠彈牙，甜甜的，完美！

今日同屋企人嚟觀塘飲茶，疫症嚴峻，依然排山倒海咁多人等位。輪後時間好短，好快可以入坐了。場地環境好舒適，仲有戶外小花園，絕對是擺酒好地方。今個午餐好豐富，「點心拼盤」有齊蝦餃．燒賣．粉果．白糖糕。「燒味拼盤」都好正，叉燒勁多汁．燒腩仔外皮脆卜卜，仲有海蜇👍🏻「豐料老火湯」呢盅湯真係好正，勁足料，好耐無飲過咁正嘅老火湯😋「杭州香醋一口骨」呢味小炒真係好醒胃，酸酸甜甜，脆卜卜，即炸熱辣辣。「乾隆石鍋炒飯」大大窩，足夠4人份量。炒到一粒粒好乾身，又唔會油，仲有原粒帶子，好好味😋最後仲有壓軸甜品「桂花紅豆糕」「椰汁糕」賣相好精緻，又唔會太甜，每道菜都好滿意😍譽宴旗下分店，食物果然有質數。下次要再嚟試埋晚飯小菜。

要同一位尊敬的長輩午膳當然要 選質素好的茶樓，譽宴·星海，觀塘開源道79號鱷魚恤中心2樓。我們點左燒味拼盤有叉燒、燒腩仔、海蜇，叉燒肉質軟腍，蜜味香甜，燒腩仔的皮極鬆脆，五花腩肥瘦勻均，超正。點心拼盤有蝦餃，晶瑩通透的外皮，蝦肉爽口彈牙。真好吃。潮州粉果、燒賣，材料豐富脹卜卜，真不錯，白色鬆糕，不太甜米味很香很可口。猴頭菇🐒雪耳紅蘿蔔🥕豬骨老火湯，味道 清香清甜，一入口就知無味精夠火候。杭州香醋一口骨，排骨用薄炸粉漿，非常香脆可口。乾隆石鍋炒飯，用石鍋熱烘烘盛著上抬，米飯粒粒分明，真爽口，有鮮帶子、瑤柱絲、翠肉瓜粒，極香口美味。桂花糕很清香，中層夾紅豆蓉，色彩繽紛的椰汁糕，真是完美組合。這餐我們都很滿意，下次會回頭再吃。

裝修同其他分店一樣够靚，呢度仲有室外用餐區，可惜去時人多，已full，雖然坐唔到室外坐室内，但可見到啲熱帶魚在牆上游走都好治愈啊。宜家晚餐好多停市，咁見呢度有老火湯，午市當晚市食。嗌咗個霸王花粟米蘿蔔煲猪骨湯，擺明係潤肺湯水，好啱疫症時期飲，飲多幾碗都唔怕。燒味拼盤内有叉燒4片，肥瘦適中品質高，而燒腩肉4粒，好似東坡肉，細細粒好的式，吃落没有罪惡感，淺嘗即止，加埋少許海蜇，吃得開心。點心拼盤有雜糧糕，潮州粉菓，燒賣，蝦餃，满足哂我哋的需要，唔需要散嗌咁麻煩。杭州香醋一口骨，香脆鬆化易入口乾隆石鍋炒飯，飯就炒到粒粒分明不油腻，仲有好多带子，瑶柱絲，蔬菜粒，飽肚得來又健康。

有時去酒樓食中餐lunch唔一定每次都係食點心,其實lunch time都可以好慢活咁食一餐.今日襯住有多少少空閑時間就約左朋友黎食個lunch,咁多時間當然係想傾耐少少,所以我同朋友揀左份2人餐慢慢enjoy邊食邊傾.先上係是日老火湯青紅蘿蔔粟米湯,唔會燥熱又清甜,係咁濕又悶熱既天氣飲啱晒.燒味拼盤有必食孖寶叉燒同燒腩仔再加涼拌海蜇.雖然係瘦叉燒但入口香而且肉質軟腍,叉燒醬好香甜.燒腩仔個皮超級脆,咬落脆卜卜,中間夾雜肥肉,三重口感好香口.點心拼盤有4款點心,蝦餃皮薄內餡蝦肉彈牙而且內有筍粒令蝦餡鮮味更出.潮州粉果內餡好足料十分滿足.當中有款穀麥糕入口好似鬆糕同白糖糕之間既口感,帶微微白糖既清甜同微Q軟口感.杭州香醋一口骨炸得夠薄脆既排骨上加上香醋汁,一夾起排骨,杰身香醋汁伴住排骨拉起帶點拔絲感,香醋汁唔會過醋有陣醇香既醋甘味.乾隆石鍋炒飯原石鍋上枱,上枱時熱辣辣,石鍋夠晒熱超保温.就算隔左陣夾起炒飯仲冒緊煙.飯粒分明入口爽身而不糊,加上帶子粒,瑤柱粒同翠肉瓜粒夠晒惹味,拌拌下炒飯發現內裏仲隱藏住金不換令成鍋飯更完美.最後鍋底下既飯焦先係最精彩,有陣焦香同脆卜卜.桂花紅豆糕中間爽住紅

呢排要清假，多咗好多時間喺屋企，屈都屈到悶，呢日即慶同媽咪落觀塘飲茶。APM隔離鱷魚恤大廈有好多飲茶嘅選擇，之前食過譽宴嘅印象比較深刻，好味又抵食，呢日再同媽咪去食。酒樓做足防疫措施，門外先探熱，再用酒精搓手液潔手先入座，枱與枱之間亦好寬闊，有足夠空間👍🏻⭐️點心拼盤熱辣辣上枱嘅點心拼盤😍有蝦餃/燒賣/粉果/鬆糕。蝦餃/粉果皮薄餡靚，外皮好有彈性，蝦餃入面嘅蝦肉鮮味爽口，粉果足料脹卜卜。⭐️燒味拼盤每人一碟燒味拼盤，有蜜汁叉燒/脆皮燒腩仔/爽彈海蜇。叉燒半肥瘦，口感彈牙，肉味香濃，蜜汁香甜開胃；脆皮燒腩仔一好正！真係食過翻尋味！外皮鬆化香脆！燒肉入味，鹹香適中，肉質肥瘦相間，食到油脂甘香，但又唔會肥膩。海蜇少少辣，彈牙爽脆，食落索索聲👍🏻⭐️豐料老火湯老火湯好足料，夠火喉，湯底非常濃郁，鮮甜👍🏻份量仲唔少，有6碗左右。⭐️杭州香醋一口骨一口骨炸得香脆，香醋汁醋味香濃，酸甜味道適中，好開胃👍🏻⭐️乾隆石鍋炒飯石鍋好熱！店員好好，提我地幾次要小心，唔好掂到！炒飯炒得乾身，粒粒分明，好香口，好足料！啖啖都食到元貝，乾瑤柱👍🏻⭐️桂花紅豆糕/椰汁糕甜品甜度適中，味道清甜，質感Q彈👍🏻

🐷🐷🐷🐷🐷▪️午市套餐 ($318/1)因為政府既新政策下，平時去開飲茶果棟building好多酒樓都執左，所以同媽咪試下依間好似好多好評既酒樓😈 一入到去就跟Openrice啲人叫左個午巿套餐。👉🏻 一黎就上左個燒味拼盤先，份量都幾多，叉燒外脆內軟，咸香得宜。燒肉皮脆，比較咸，食落有口感。海蜇就係頭盤既最愛，爽口彈牙，酸甜醒胃🙆🏻‍♀️👉🏻 老火湯真係好足料，好濃味之餘完全無味精味，飲完成個人暖曬。用啲料點豉油食好惹味🥴 👉🏻 點心拼盤嘅種類比我想像中多，咁岩都係我鍾意食嘅嘢😌 蝦餃同粉果皮薄肉滑，燒賣鮮味重。但最鍾意嘅都係佢白色既馬拉糕，彈牙有口感仲重奶香，係個高級版嘅饅頭😛👉🏻 杭州香醋一口骨，超好味！外皮炸得香脆鮮甜，內裏既肉半肥瘦惹味到不得了。👉🏻 乾隆石鍋炒飯，炒得粒粒分明，而且用咗好多瑤柱，鮮味十足！👉🏻 甜品〰️〰️〰️〰️〰️〰️〰️5/5🐷〰️〰️〰️〰️〰️〰️〰️🔸Overall ($636+1)📍 譽宴 • 星海 (觀塘)觀塘觀塘開源道79號鱷魚恤中心2樓

先來燒味拼盤：叉燒夠蜜汁；燒肉肥瘦適中；個皮幾脆，仲有海蜇，海蜇就偏鹹少少，但好爽口。去酒樓當然要食個點心，點心拼盤有燒賣，燒賣豬肉唔會太肥。另外蝦餃嘅蝦都爽口大粒。粉果都OK，另外有個糕點唔會太甜，食落似馬拉糕，但又帶點煙韌韌嘅口感。再嚟個足料老火湯，煲得夠火喉，而且材料都真係好夠 。呢個杭州香醋一口骨我好鍾意食，因為炸得好脆，而且糖醋味好食，排骨少少肥有口感。石鍋炒飯好多小貝柱，而且炒得夠乾身。係石鍋熱辣辣。最後甜品有桂花紅豆糕及椰汁糕，都相當唔錯。

一踏入酒樓，就覺得同一般茶樓好唔同，裝修好靚呀🥰出面仲有個露天庭院，係度行禮實好靚。.今日同媽媽食好啲，叫左個套餐食，每位$318加一，份量超多一定夠飽🤣.燒味拼盤一人一碟有叉燒、燒腩仔同海蜇，燒腩仔個皮好香脆，海蜇爽口開胃！.點心拼盤有蝦餃、燒賣、粉粿同甜甜地既穀物包，全部大大粒好足料😋.豐料老火湯係蘿蔔豬展湯😍好大煲，我地每人飲到3碗😂好足料，真係煲左好耐既味.杭州香醋一口骨呢個不得了😍香脆肉質鮮嫩既排骨包上鹹甜既醬汁，少許油脂香氣充滿了口腔，係最出色的一道菜.乾隆石鍋炒飯炒飯熱辣辣，好多粒帶子，其實呢個時候已經好飽🤣但都忍唔住食左碗.精選甜品甜品是桂花紅豆糕同椰汁糕，好清爽唔甜膩，作為結尾很適當！

之前試過譽宴係石門嘅分店 屋企人都覺得質素唔錯 今次嚟觀塘分店食完順便行下街 呢個時勢去酒樓食飯其實都安全 因為成場得幾枱客 枱與枱之間隔好遠 仲有酒樓好貼心咁坐低左就拎盤滾水嚟比客人洗餐具 食得安心又放心 呢排都係唔好share野食住 所以叫左個套餐 一人一份 首先有個燒味拼盤 有叉燒 燒腩仔 海蜇 舊燒腩仔好脆好好味呀 海蜇我最愛少少辣好惹味 半肥瘦蜜汁叉燒甜甜地好食 每樣都可以試到少少 跟著有抗疫補身黑蒜螺頭燉雞湯 好足料無落味精 飲落有d似出前一丁隻黑蒜油湯底 玉環鮑魚盅 原隻鮑魚 好厚肉 鮑魚汁配埋節瓜好好味西施蛋白蝦球 燉蛋好滑 蝦大大隻新鮮爽口乾隆石鍋炒飯 入面有好多粒帶子 配埋乾瑤柱炒得好乾身 不過爭咁d飯焦 同埋唔夠味 一人一鍋份量好多 最尾食埋個紅豆沙就飽哂啦可能無咩客人啦 所以服務都好周到 會不停有人收碟同加水 寧靜咁係酒樓食餐飯都係一個唔錯嘅享受

呀媽話呢期唔敢周圍去，但就連屋企附近嘅酒樓都暫停營業，無啖好食😫，所以呢日放假我就近近地帶佢去觀塘嘅譽宴食好西。我之前去過The One嗰間飲非常唔錯～。一上到去發現酒樓勁滿人，仲要未到下午茶時段添，好彩店員好快就安排我哋入座，意外地有得坐露天位，個環境勁正😍，喺到擺酒，都可以有個花園仔。呢日我嗌咗個套餐同呀媽食，每人$468全包，的確唔平，但食物質素絕對對得住個價錢😋，無論食材定烹調方式都好出色；而且份量超多，每人每道菜都各有一份。首先嚟嘅係燒味拼盤🐷，包括叉燒4片、腩仔4粒同海蜇小許，一人食啱啱好。燒味個樣好靚，食落都唔錯，但未到好驚艷；叉燒如果肥啲就好。黑蒜螺頭燉雞湯🐔，哇個湯真係黑色㗎，好少見🙈，應該係用上黑蒜嘅關係。我個人認為味道比較濃，不過呀媽覺得好好飲。湯入面好足料，有螺頭有雞。玉環鮑魚盅🥢，節瓜瑤柱甫就食得多，但配鮑魚真係唔係成日有得食。仲要鮑魚係用上乾鮑，即係比新鮮鮑魚更名貴🤤，果然食落個口感同味道係特別唔同，比較流心同入味。西施蛋白蝦球🍤，大蝦球非常彈牙，正呀。蒸蛋白比起蒸蛋口感更厚，夾埋個芡汁食，味道恰到好處，當中仲搭配咗兩款筍絲。乾隆石鍋炒飯🍚，我完全估唔到個飯