星海．譽宴 (鱷魚恤中心)

營業中

休息中

星期六午餐同媽媽黎食譽宴，疫情下全場滿座，真係難得一見，呢度上黎前，同埋入餐廳前都需要量體溫。更有用電子爐煲滾嘅滾水用黎消毒餐具，非常周到。今日我地食嘅有以下：燒味拼盤，包括叉燒、腩仔、海蜇，除海蜇比較鹹之外，都非常唔錯，叉燒係半肥瘦，肉質嫩滑，腩仔又啱啱好，唔鹹。黑蒜螺頭燉雞湯，黑蒜係抗炎良物，呢碗湯有一大粒黑蒜，真係不得了！玉環鮑魚盅，鮑魚唔算大隻，不過賣相十足！西施蛋白蝦球，蝦超大隻，爽口彈牙，蛋白則有芡汁，略帶鹹味，蒸蛋蒸得剛好又唔散。乾隆石鍋炒飯，勁大碗，我地食完咁多嘢，都食唔曬了。有乾瑤柱、帶子等等，因為係石頭鍋飯，都落左適量油。紅豆沙，粒粒紅豆，味道唔會爆甜，係最佳中式飯後甜品。食完呢餐，外面已經大排長龍等下午茶入座！

譽宴星海係一間連鎖酒樓，係觀塘銅鑼灣尖沙咀等地方都有分店。其中最特別既地方就係佢精緻既點心同埋有氣派既星海裝修，係令人回味既星海飲茶經驗。✨ 翡翠明蝦餃 ($40)(⭐⭐⭐⭐/5🌟)何謂精緻點心，呢一份翡翠明蝦餃一定可以解釋到，蝦餃皮同平時既唔同，係晶瑩剔透既翠綠色，上面灑上金箔裝飾，外觀非常精緻。蝦肉亦都冇令我失望，食落好彈牙。-✨ 酸薑糖心皮蛋 ($48) (⭐⭐⭐⭐/5🌟)每件皮蛋下面都有兩三片酸薑，而皮蛋係用左糖心既方式去製成。食落外層有酸薑既酸味，內層糖心皮蛋既甜味，感覺酸酸甜甜，幾特別~- ✨ 蟹粉小籠包 ($60)(⭐⭐⭐⭐/5🌟)呢一個係絕對唔小既蟹粉小籠包，咁大件既蟹粉小籠包相信香港唔會有好多地方可以食到。一打開個小籠包就感受到濃濃既蟹黃香味，d汁爆哂出黎，好滿足- ✨ 豉汁蒸鳳爪 ($32) (⭐⭐⭐⭐/5🌟)-豉汁蒸鳳爪同酒樓一般既鳳爪分別不大，個汁調得恰到好處，幾惹味，用黎送飯簡直一流~

特別的節日， 今年選擇中菜。 喺疫情之下大家都減少咗外出晚飯， 但是白色情人節， 一定要搵地方慶祝。 選擇了去觀塘晚飯， 之後可以去靚靚海濱公園散步和吹海風。觀塘 譽宴✨星海， 華麗嘅裝修 閃爍的水晶燈， 餐枱之間嘅距離非常寬闊。 為了食客安心， 喺大廳放了一列燒滾的熱水， 供應畀食客清潔碗碟。👍👍👍 非常貼心嘅安排😍燒味拼盤(蜜汁叉燒、 爽滑海蜇、 脆皮燒腩仔)叉燒肥瘦適中, 鬆軟入味。 海蜇非常爽口彈牙， 淡淡嘅麻油 及香醋味。 燒腩仔外皮鬆脆， 肥瘦分明。黑蒜螺頭燉雞湯🐥🐚驟眼睇以為黑色嘅湯，會有苦澀嘅藥材味。非常驚喜😍 湯頭清甜順喉😍😍 用料十足。 獨有嘅黑蒜味道 ，令人一試愛上。玉環鮑魚盅😍鮑魚鮮甜爽滑， 感受就到師傅炆煮鮑魚嘅功力 。底層係節瓜脯， 經過蒸煮嘅節瓜都不會太淋。西施蛋白蝦球🦐🥚如畫般秀麗的擺盆， 嫩滑如豆腐花的蛋白， 配上薄薄的琉璃芡汁， 滋味無窮。 加上彈牙爽口的明蝦🦐和翠綠蘆筍， 顏色配襯突出， 色香味俱全。乾隆石鍋炒飯🍲熱呼呼的石鍋， 盛著爽口不油膩的炒飯 ， 加上瑤柱 和貝柱， 十分鮮味 ， 好味到停唔到口。😋😋陳皮紅豆沙❤完美嘅晚餐，當然要配搭美味甜

辛苦工作了一個星期，終於捱到Happy Friday啦 ，為咗慰勞自己，今餐食好（豪）啲，同家姐去了裝修華麗，又近地鐵站嘅譽宴·星海觀塘店，門面幾高檔，室內有大型水晶燈飾，瑰麗奪目，仲有一個露天花園，作為婚宴場景都幾靚。$468套餐（每位），包茶芥，免+1服務費，包括燒味拼盤、燉湯、鮑魚盅、蛋白蝦球、炒飯和糖水，超豐富。燒味拼盤包括叉燒、腩仔和海蜇，叉燒醃得好夠味，蜜汁甜甜哋，很好食，燒腩仔皮都算脆，海蜇幾爽口。黑蒜螺頭燉雞湯，抗疫時後食黑蒜最適合不過，可增強免疫力，加埋螺頭燉雞，滋補又養生，湯味道很濃，黑蒜沒有大蒜的濃烈氣味，比較容易接受，我一向不吃大蒜，都不抗拒這味道。玉環鮑魚盅，鮑魚咬開，慢慢細嚼，散發著鮑魚香味，餘香令人回味。西施蛋白蝦球，賣相很精緻，蝦球爽口彈牙，蛋白滑溜十分好食。乾隆石鍋炒飯，用石鍋盛載，炒飯更加熱騰騰，帶子、瓜粒，加上蔥粒，炒得很有鑊氣，而且不油不乾 ，香氣撲鼻，食落很惹味。紅豆沙糖水，有微微的陳皮香味，水準不錯。環境、衛生、服務和食物質素都很好，而且價錢比預計中更抵食，不妨試試。

最近好耐無去過樓酒食飯，今晚轉場過黎食中菜。一入到黎先量體溫，仲有煲熱水消毒碗碟都幾安心。呢度環境唔錯，個天花仲好靚，起度擺酒都諗得過。✨黑蒜螺頭燉雞湯：個湯好香黑蒜同雞味，感覺好滋補，煲完湯既黑蒜原來就咁食都幾易入口同埋好食。螺頭夠腍，入邊仲有雞腳，豬肉好足料。✨燒味拼盤：蜜汁叉燒夠肥美，燒腩仔皮脆肉嫩，如果肥番少少更加好，仲有我最鍾意既爽彈海蜇。✨玉環鮑魚蛊： 個節瓜好juicy索晒鮑汁既味道， 呢個鮑魚味道好香同埋幾有咬口，不過又唔會係韌果種👍✨西施蛋白蝦球：蛋白好滑，蝦肉好爽彈，蘆筍同菇都索晒芡汁既味道，簡單又美味。✨乾隆石鍋炒飯：個飯食落煙煙韌韌夠乾身，入面仲有好多瑤柱絲，所以都幾香口。配料有好彈口嘅帶子粒，雞蛋同埋菜頭，食到尾仲有脆脆既飯焦添，真係幾好食。✨最後食埋個紅豆沙真係好飽，個紅豆沙我覺得可以杰番d 同減甜一點，不過陳皮味幾香既。整體食物同服務環境我覺得都唔錯，下次可以再同屋企人黎食。

而家去公眾地方如銀行、食肆，好多都需要量體溫，感覺唔錯嘅，好似安全啲，雖然明知作用不大，但好過唔做。眼見街上很多餐廳食肆關門大吉，唔係執笠就係停業，感覺有點心酸！😔今日相約舊同事飯聚，排隊搭𨋢時和進入酒樓前都要量體溫。係呢個市道，佢地座無虛席之餘仲要等位，真係截然兩個世界！😳難得聚舊兼慶祝佢升職，梗係要食豪啲啲！😁😁先來個燒味拼盤，包括叉燒、燒腩仔、海蜇，全部食物都係位上，食得安心自在，公筷🥢都唔使用！黑蒜螺頭燉雞湯~又黑蒜、又螺頭，聽落都知道矜貴啦！湯有黑蒜嘅香味，不過飲落就完全冇蒜頭味，黑蒜🧄口感柔軟，火喉十足，好味得來唔食蒜頭嘅都接受到！🤤🤤玉環鮑魚盅~鮑味十足😊夠淋之餘又不失有咬口。鮑汁滲落節瓜到，同樣好味。西施蛋白蝦球~下面係蒸蛋白，上面放咗大蝦球、蘆筍、菇片，再加上獻汁。這道菜式很精美，可以在家複製宴客都好大方得體🙊乾隆石鍋炒飯~炒得夠爽身，粒粒分明，有啲翠玉瓜粒、粟米粒和小元貝，份量都好大。甜品係陳皮紅豆沙~紅豆同陳皮真係絕配，又香又足料，超多紅豆 好棉啊！

在疫情之下都要返工見客， 見客的地方就選擇我們經常到的觀塘譽宴 • 星海， 因為老闆 對這裏印像很好， 喜歡酒樓環境舒適， 食物質素好，店員服務周到。 今次仲比我發現這裏的防疫措施做得好足， 首先排隊搭電梯上鱷魚卹中心的時候已經有體溫檢測， 到酒樓門口再做多一次體溫檢測， 感覺安全很多。 坐低不久店員就為我們送上一盤消毒專用水， 令到客人更加安心在這裏用膳。 今次因為見客所以都是點商務套餐 （燒味拼盤（叉燒，燒腩仔，海蜇），花膠元貝燉螺頭，西蘭花炒帶子蝦仁，西施龍躉球，乾隆石鍋炒飯和精選甜品。 ），大約價錢$468一位， 已包括茶芥和加一。 ❇️燒味拼盤 🤩～蜜汁叉燒肥瘦適中，燒腩仔外皮脆脆的， 海蜇惹味爽口。✳️😋 ❇️花膠元貝燉螺頭😍～ 足料靚湯， 材料有 肥厚的花膠，瘦肉，雞肉，螺頭，元貝，紅棗和杞子， 滋陰補健有益健康。 ✳️ ❇️西蘭花炒帶子蝦仁～ 爽甜的蝦仁和鮮味的帶子鮮甜，正。 ✳️ ❇️西施龍躉球～ 肉嫩鮮味的龍躉，還有燉蛋白非常滑。✳️😋 ❇️乾隆石鍋炒飯🍚～ 香噴噴的石鍋炒飯， 鍋底還有脆卜卜的飯焦，超好吃的。 ✳️ ❇️精選甜品～ 陳皮紅豆沙甜度適中， 令今餐畫上一個完美的句號。✳️ 其

今日放工同媽咪去觀塘行街街，順便同佢去咗食呢間中菜，因為媽咪對中菜情有獨鍾！我就冇乜所謂，所以就陪佢食佢鍾意食嘅中菜啦！🔥花膠元貝燉螺頭呢個燉湯落足料，有原舊花膠、原粒元貝、幾舊螺頭、雞件、瘦肉等去燉！啲湯飲落好清甜，啲燉湯料更加令人食完仲想食！🔥燒味拼盤呢個燒味拼盤有燒肉、海蜇、叉燒！燒肉係燒腩仔嘅部位，香脆可口，海蜇係冷盤前菜食最啱，叉燒同平時食嘅蜜汁叉燒有啲唔同，個味道反而似叉燒包入面嘅叉燒！🔥西蘭花炒帶子蝦仁呢味西蘭花炒帶子蝦仁食落清清地，有兩粒帶子同兩粒大蝦，感覺都幾多料！仲有少少感覺似去飲喜宴嘅時候食嗰啲嘢！不過呢間酒樓都有做開婚宴所以都唔係咁出奇！🔥西施龍躉球面頭嗰舊冇骨嘅龍躉好嫰滑，蒸得岩岩好！龍躉底下嗰啲係蒸蛋白個人認為個蛋白蒸得啱啱好，係十分嫰滑，配埋龍躉一齊食，非常之夾！🔥乾隆石鍋炒飯最後店員遞上每人一個石鍋炒飯，份量都幾多一個人係食唔晒！而且炒飯係落足料有乾瑤柱再加新鮮元貝，而且炒得好入味！🔥紅豆沙

譽宴星海的好處系可以一人一碟，唔駛大家食埋對方的口水~~是日同HONEY去左觀塘的譽宴星海食晚飯，套餐真的二話不說先來的有燒味拼盤：有叉燒、燒腩仔及海蜇款款都唔錯，燒腩仔真的好脆口，花膠元貝燉螺頭花膠元貝燉螺頭真的好足料，有齊曬花膠元貝，同埋雞件，豬肉，真的好清好好飲清新都有西蘭花帶子炒蝦仁，蝦仁真的好大隻，彈牙爽口，西施龍躉球西施龍躉球真的好正，龍躉球下系蒸旦白，蒸旦白真的好滑好好食~~乾隆石鍋炒飯乾隆石鍋炒飯有帶子粒，加上少少瑤柱，菜粒，飯粒分明，入底仲食到有飯蕉~~真的好滿足，甜品系紅豆莎，真的好香濃!!

呢晚同媽咪落觀塘撐枱腳，媽咪想食中餐，我之前同朋友食過譽宴覺得好好食！呢晚就帶埋媽咪試試。最近大家都好努力抗疫，呢到暫時係我食過為抗疫做得最好準備嘅食肆。入門前量度體溫呢啲基本嘢當然有做，而且安排座位細心，每枱客隔一張枱，好有空間，另外仲煲定一大盤滾水俾我哋消毒餐具，真係好貼心，令人食得好安心。🌪招牌白胡椒蟹呢個白胡椒蟹真係好正！一上菜已經聞到好香！好有鑊氣！隻蟹大大隻，好多肉，特別係隻蟹鉗食落啖啖肉，仲有肉汁，而且佢哋嘅白胡椒香氣十足，好惹味！下次絕對要再返嚟食過！🌪燒味拼盤(叉燒/腩仔/海蜇)叉燒肉味香濃，好juicy😋腩仔外皮超鬆脆；而且腩肉肥瘦比例適中，油脂甘香又會唔會膩；海蜇爽脆彈牙，少少辣好開胃。🌪花膠元貝燉螺頭燉湯味道濃郁，非常足料，每啖都係精華所在！湯底清，冇咩油份。花膠元貝夠腍夠入味！有埋螺頭，唔怪得啖湯寧舍清甜！🌪西蘭花炒帶子蝦仁賣相擺盤都唔錯，帶子蝦仁鮮味十足！帶子嫩滑，蝦仁彈牙！西蘭花爽脆夠味。🌪西施龍躉球龍躉蒸蛋白，睇到都覺得好有骨膠原。龍躉肉質結實，口感嫩滑，而龍躉下嘅蒸蛋白，吸收哂龍躉嘅鮮味同肉汁，滑溜之餘好有鮮味。🌪乾隆石鍋炒飯炒飯炒得乾身香口，配埋熱辣

平時去譽宴係公開場合晚宴多，原來朋友聚會都唔錯啊，因為質素高，地點又方便。花膠元貝燉螺頭湯🥣 十分濃郁，肉味好出，花膠同螺頭都剛好火候，既不會爛也不會硬。仲有乾瑤柱、雞、豬、紅棗、杞子，足料濃湯。❤️西施龍躉球🐟龍躉肉鮮味結實，底下蛋白似賽螃蟹，配上香菇同露荀，口感豐富！ 西蘭花炒帶子蝦仁🍤最愛海鮮，帶子超滑！而且新鮮清甜，大大隻。蝦🦐就彈牙，水準偏上。配菜燈籠椒，草菇、西蘭花🥦，色彩鮮豔，賣相吸引。乾隆石鍋炒飯每人一大石鍋碗，仲係常滿！份量俾滿分💯！ 我第一次食帶子蝦仁炒飯係可以有成十幾廿粒帶子同蝦！ 😳😳😳 勁👏🏻 爆趣仲有條生菜🥬舖底，防燶底同吸油👍🏻👍🏻 高招！

兩個人食每人叫一個一人餐。首先有燒味拼盤：有叉燒、燒腩仔及海蜇，一份細細地，一個人食剛剛好，而且幾精緻。再嚟個靚湯：花膠元貝燉攞頭，個湯熱辣辣非常足料，入邊花膠都唔少，個湯好甜好飲夠火喉!菜類有西蘭花帶子炒蝦仁，帶子都幾大粒，西蘭花夠爽口仲有蝦仁。西施龍躉球夠新鮮，龍躉肉好爽口，食落肉質唔錯，底下仲有蒸蛋白。乾隆石鍋炒飯份量非常多，一人一鍋，味道幾好，喺石鍋裏面夠熱夠香好食。甜品係椰汁糕幾香。不錯！

燒味拼盤(叉燒、燒腩仔、海蜇)叉燒半肥瘦，口感軟腍。燒腩仔外皮香脆，但略嫌瘦左少少。我唔怕肥，最緊要香😆。花膠元貝燉螺頭燉湯味道濃郁鮮甜，超級滋潤，啱哂而家冬天飲🥰。足料到好似阿媽燉嘅靚湯。同埋雖然有落到雞肉，但飲落一啲都唔油膩。西蘭花炒帶子蝦仁蝦仁帶子鮮甜彈牙，西蘭花爽脆鮮甜。通常呢個菜式都有好濃嘅蔥頭油味，雖然見到有蔥白，但味道比較淡，反而唔會掩蓋到食材嘅鮮味。所以係比一般酒樓煮得好食😋。西施龍躉球龍躉肉質厚實彈牙，魚皮充滿骨膠原。但比起龍躉肉，我更鍾意底下嫩滑鮮甜嘅蒸蛋白😆。乾隆石鍋炒飯炒飯以石鍋上枱熱辣辣，炒飯粒粒分明。每一啖都食到瑤柱嘅香味☺️。陳皮紅豆沙陳皮味唔算重，口感綿滑，甜度適中，合格有餘🙂。譽宴• 星海 U-Banquet The Starview觀塘開源道79號鱷魚恤中心2樓

譽宴第一時間就會諗起結婚👩‍❤‍👨擺酒，朋友話不如去試下晚飯🍚2人套餐🤯,所以就去左apm 隔離駱駝漆大廈的譽宴試下😋有冷盤燒腩仔🍖、海蜇🥓同叉燒🥩每樣幾舊，岩晒眼闊肚窄又想試多多款式的我地😙 花膠元貝燉螺頭湯🍲超級甜好正💯💕西蘭花🥦炒帶子蝦仁🍤蝦仁好爽口😋😋西施龍tang球🐟,魚下面係蒸蛋白🥚🥰唔駛怕蛋黃膽固醇高乾隆石鍋炒飯🥘仲有飯焦💕甜品有起沙好紅豆沙😋好滿足

快到新年相約朋友吃飯，選了譽宴星海，點了商務套餐。店鋪坐落鱷魚恤中心2樓，即使中午時段也無需排隊等升降機，爬一層樓梯方便快捷。環境光亮整潔，裝潢較大氣。花膠元貝燉螺十分足料的燉湯，花膠口感煙韌、元貝十分鮮味，即使是用作煲湯的瘦肉也不會煮得過火，湯鮮甜帶咸香。燒味拼盤每人4片叉燒、4塊燒腩仔及海蜇。叉燒肉香而柔嫩、燒腩仔皮脆肉爽，適合一眾喜愛香口食物，但又討厭滿口肥膩感覺的人士；海蜇爽口彈牙，前菜來說確實不錯。西蘭花炒帶子蝦仁此道菜式配搭合適，味道豐富，口感更具層次。帶子鮮甜彈牙，原粒蝦仁亦相當有份量，絕不欺場。西蘭花軟硬度適中，可見廚師火喉控制妥善，這道菜式值得加分。西施龍躉球以蒸滑蛋白墊底，蛋白質感濃厚，口感嫩滑水潤，蛋白香味濃郁。湯羹濃稠味道香甜、咸度適中，再面鋪龍躉球。龍躉球大片厚肉，肉質緊緻，魚味濃郁。乾隆石鍋炒飯熱鍋上桌，小心觸碰鍋邊引致燙傷。炒飯粒粒分明，醬汁均衡入味，入口乾爽不油膩。炒飯最重要是火喉、時間及鑊氣，香口惹味。精選甜品朋友超喜歡的紅豆沙，香甜重紅豆味。整體來說，環境舒服、食物選擇多，附近上班的朋友可以一試。