星海．譽宴 (鱷魚恤中心)

營業中

休息中

好耐冇同媽咪食飯，今晚做個孝順女同佢去鱷魚恤中心，呢度出名中菜多，但媽咪唯獨鍾情譽宴 • 星海，今晚就帶佢食餐好嘅!秋風起，梗係要飲啲湯水補一補，揀咗黑蒜螺頭燉雞湯，每人一盅，湯料非常之多，呷一口，強勁嘅黑蒜味加上螺頭嘅鮮味同燉雞嘅甜味一齊湧入口，香甜又濃郁，媽咪即刻豎起手指公！先叫一個燒味拼盤，叉燒帶著少少脂肪，入口油香十足又唔韌，切雞脾肉又嫩又滑，點上姜蓉最襯；煙鴨胸香味十足，拼盤中間配上酸醋黑木耳，夠晒開胃。媽咪最鍾意食鮑魚，當然要叫返個鮑魚玉環盅俾佢試吓！鮑魚放喺冬瓜環上，配上草菇伴碟，望落成個菜式更有層次，而鮑魚食落帶點溏心，少少煙靭，非常美味！另外點左份西施蛋白蝦球，伴有翠綠嘅蘆筍同紅蘿蔔絲，咸咸地嘅蛋白食落幾特別，蝦球夠大隻又爽彈。呢度嘅福建炒飯真係用料十足，炒飯底夠乾身又夠香，幾乎每啖都會食到蝦肉、瑤柱絲、冬菇、肉丁等等，絕不欺場！最估唔到係連普通嘅陳皮紅豆沙都做得出色，陳皮味香，煲到起晒沙又唔會太甜，好味！不枉我放工即時趕過嚟呢度食飯！

位於鱷魚恤大廈呢間「譽宴·星海」飲茶就試得多，今日同朋友嚟試吓佢嘅晚宴，嘩！原來晚上來環境比較昏暗，天花嘅燈更閃更亮！真係好似入咗個星海，好浪漫啊💕！我同朋友試佢嘅全包晚宴，$468/每位全包，雖然屬於中上價錢，但係真材實料，物超所值！📍燒味拼盤燒味拼盤有白切雞髀、叉燒、豬腩仔與及芝麻雲耳，二人的份量算是非常之足夠，白切雞髀肉質軟滑而且有雞味，叉燒及豬腩仔肥瘦均勻，入口溶化， 十分惹味。📍黑蒜螺頭燉雞湯呢個湯非常之足料，滋潤補身，燉湯味道濃郁鮮甜，我忍唔住食晒湯入面嘅材料，有螺頭、雞腳、與及黑蒜！我係第一次飲黑蒜嘅燉湯，黑蒜有很多功效，能預防癌症、預防三高、抗衰老及增強免疫力，黑蒜不單止有益，而且佢嘅甜味能帶起成碗湯嘅鮮味！真係無得彈！📍玉環鮑魚盅呢個鮑魚算係有睇頭，用刀叉慢慢品嚐確實滋味，鮑魚煮得入味而且肉質軟滑有口感，相信烹調方面下了不少功夫！加上節瓜及草菇伴碟！真係食到我舔舔脷！📍西施蛋白蝦球首先個蝦球十分大粒，非常爽口彈牙而且美味，而西施蛋白蒸得非常之軟滑，加上上面嘅獻汁，配合得好好食！📍福建炒飯呢個福建炒飯真是值得一讚，首先飯上面鋪上滿滿的海鮮與及雞粒，粒粒帶子同蝦粒都非常大

依排多左出觀塘覓食🤣今次帶媽媽去觀塘既譽宴·星海薈飲午茶🥰環境好靚，天花仲有好似一片星海花海咁，好夢幻🤩依度仲好旺場添，全場爆滿咁滯😆咁多人幫襯緊係有原因la，全因除左環境靚，食物亦都正ar😋小明為食餐單:錦繡福建炒飯🍛 $138好多料，有蝦仁、雞肉、冬菇、青瓜粒、帶子粒🤩所有材料燴埋一齊🤤加上個飯底炒得好香口，濕濕地勁開胃😆不過份量勁多，係4個人份量，我地兩個人食到飽到傻🤣明爐豐料老火湯🫕 $108足料煲既靚湯，用豬骨、粟米、紅蘿蔔、酸菜煲到出曬味非常濃郁，湯可以分到6碗😆飲落好好味，好香濃純天然靚湯🤤杭州香醋一口骨🥘 $88香脆既醋骨酸酸地，最啱餸飯食🥰外皮香脆，入面肉質好實好入味🤤點心拼盤🍱 $55有蝦餃、燒賣、粉果、燕麥糕各兩件，最喜歡既係第一次食既燕麥糕，咬落好煙韌，唔會太甜，又有香香燕麥味😋脆皮冰燒腩肉🍲 $48燒得好靚既燒腩仔，脆卜卜既外皮沾上醬料，正😆遠年陳皮紅豆沙🥣 $17.8/位食完野最後黎個甜品，紅豆沙，非常完美既一餐😍紅豆沙好綿好細滑😋

今日lunch 去咗譽宴食茶！一去到門口有個接待比飛我！跟著坐低等位！門口啲裝修都幾靚！點心拼盤蝦餃、燒賣、潮州粉果、仲有舊白糖糕。蝦餃好味呀皮薄蝦肉彈牙😋、白糖糕好耐無食啦！細個放學成日買來食！🤤紅燒乳鴿新鮮炸起好好味！沙拉蝦球沙拉骨就食得多啦！呢個沙拉蝦球第一次食！勁大隻蝦配埋啲菠蘿又幾夾！家常燒豆腐原來🐽🐽好鐘意食燒豆腐，佢話煮得好入味！黃金海皇炒飯呢個黃金炒飯，食落有咸蛋黃味，啲飯仲炒到一粒粒，仲有好多海鮮料。正呀！桂花紅豆糕紅豆夾咗係中間，食落有啲驚喜！

今晚一家三口👩‍👩‍👦第一去譽宴食晚餐，叫咗豐料老火湯， 用左新鮮豬🐷排骨，爆黃花，玉米煲，肉質好嫩又鮮甜，份量好足夠，🥣湯好濃，我仔飲左四碗，無味精；另一個叫咗燒味拼盤，拼盤有油雞🐔肉質好滑，小朋友鐘意，燒🔥肉層皮好脆，唔會太喊，鹵水鴨肉味道好正；另外就脆皮吐嚕肉，外層好簿脆撲撲，又好大塊，好抵食；叫左一份我鐘意食的涼瓜肉鬆煎蛋🍳角，涼瓜入口唔會感到會苦，味道好適合我；主食系叫咗黃金海皇炒飯，飯一粒粒好重的蛋香味，份量可以食四五個，最後有甜品第一次食到甘正甘滑的紅豆沙，入口系超級滑，好想知系點煮，食完返尋味！

呢日來到觀塘嘅譽宴·星海，非常哋好彩可以坐到室外座位，咁啱昨日有人舉辦了婚禮，可以沾D喜氣。陣陣清風吹來同朋友享用了一個開心的午餐。首先係點心拼盤和燒味拼盤，咁就有齊蝦餃，燒賣，潮州粉果和雜糧糕食喇，而燒味拼盤的海蜇鮮甜爽口，叉燒肥瘦相間，腩仔的皮就燒到脆卜卜。『脆皮咕噜肉』，『欖菜肉鬆四季豆』都係朋友點嘅，話零舍好味，食極唔厭喎，當然唔係叫你日日食，餐餐食吖，如果日日食，山珍海味都冇味啦，你話係唔係？？咕嚕肉食得多，但脆皮就好似第一次食，趁熱食好好味，但始終冇可能一次過食哂，凍番D食都keep到脆皮，犀利。‌『乾隆石鍋炒飯』就係我點，事關D朋友係『無飯不歡』一族，咁呢個粒粒分明，又健康唔多油的炒飯就啱哂啦，又有唔少瑶柱粒同種蔬菜粒混埋一齊，不太乾下太濕的口感啱啱好。

觀塘區返工既我 成日都同同事去鱷魚恤搵食 平時下午飲茶就飲得多 晚餐真係比較少幫襯 今晚難得同事無飯食 就兩條友走去酒樓食下晚飯😜 .擇左間「譽宴.星海」，平時飲茶時間呢間好爆 估唔到晚市都幾多人幫襯 酒樓黎講算幾靚同有裝修(可能主打做wedding) 食物方面都係個d酒樓小炒 .▪️脆皮燒乳鴿 香脆乳鴿外脆內算嫰 夠juicy 唔會太乾身 鹵汁夠入味 .▪️黑蒜螺頭燉雞湯黑蒜味超重👍🏻燉湯黎講好足料 有雞肉 螺頭 黑蒜 雞腳 好補又健康 .▪️杭州香醋一口骨排骨用一字排 首先炸過之後再淋香醋汁上面 炸粉夠脆 加完汁都唔會淋 份量幾足💪🏻.▪️黑椒金薯牛仔粒除左薯仔同牛仔粒 仲有洋蔥杏鮑菇襯埋 黑椒味濃 牛仔粒都唔少 唯獨係太油(可能因為牛既油脂太勁) .▪️乾隆石鍋炒飯今晚既重點 炒飯有蝦 魷魚 瑤柱 帶子 生菜 口感豐富 呢個有點多😅4-5個人黎share會較好 欣賞佢石鍋上碟 可以keep著一直熱 .晚飯有糖水送 今晚就得紅豆沙擇 送既糖水不過不失 起碼唔會得個甜 紅豆都煲得算淋身😜

用家個人感受，不是打手！9️⃣0️⃣位置，近地鐵，易揾。9️⃣0️⃣裝修，乾淨，坐得舒服。8️⃣0️⃣招呼，下午茶時段14:00開始，等左10分鐘可入坐，員工都算有禮貌，落單上菜都快及準。6️⃣0️⃣正正常常無驚喜，點心拼盤$55，牛肉$13.8，紅豆沙$10.8，蟹粉小籠包$28x2，春風得意腸$39.8，甜心鼠24.8，燒腩仔$58得10粒_又乾又硬，鹹水角$13.8，腐皮卷$30.8，棉花雞24.8，茶$7x2。7️⃣0️⃣CP值，2個人，下午茶時段，加一後$376，每人$188，可以有更好選擇，尖沙咀有啲靚酒樓或酒店中菜做緊點心放題，，有灌湯餃有帶子，都係埋單每人$200，所以應該唔會再去。

是日約咗朋友食晚飯，由於唔想諗食咩，所以拜託友人選擇。結果佢隨便揀，晚市兩個人竟然黎咗呢度…由於人少，叫小菜的話好似唔叫得多，同一樣嘢又要食好多，結果叫到好似叫LUNCH咁，要咗福建炒飯同埋翡翠苗。由於疫情關係，晚市唔算好多人，所以嘢食都上得快。先上翡翠苗，望落唔差，食茖都唔想太腍，不過有時有渣，要多D時間食，幾襟食。福建炒飯比想像中好，其實菜單上佢仲有兩個字係前面，但我唔記得了。真係相當好味，好味在於佢好多料，帶子、肉、菇、蘿蔔、翠玉瓜等等一大堆…真係食極唔厭。雖然主要食飯都係吹水，但都分咗心去講下條炒飯，值得一試。

仲記得之前夜晚嚟食晚飯，幾個人嚟食，感覺都算唔錯。餐廳非常衛生，拎住一大盆熱水俾我哋，就係為咗俾我哋用熱水去洗乾淨啲碗筷。之後我哋叫咗黑蒜螺頭燉雞湯，平時飲燉湯，都係飲開紅蘿蔔或者淮山煲杞子之類型嘅湯，黑蒜頭燉湯都係第一次，自己平時雖然都鍾意食黑蒜頭，但係用咗佢嚟燉湯之後，感覺味道冇咁強烈，反而飲落幾舒服，飲完之後個人都好精神。個湯甜甜的，裏面亦都有排骨，感覺不錯。之後嚟嘅就係一碟乳鴿，乳鴿外皮燒得香脆，加埋淮鹽一齊食，肉味就更加突出。再之後就係杭州香醋一口骨，酸酸甜甜的醬，配上炸得非常香脆的骨，如果配埋白飯一齊食的話，就更加開胃。再之後就係黑椒牛柳，黑椒牛柳炒得非常香，大火爆炒之後，牛肉的肉質依然好鮮嫩，再配上非常香的黑椒汁，攞嚟送飯的話非常一流。之後我哋亦都叫咗一個乾隆石鍋炒飯，平時去餐廳食飯，炒飯都好快凍，就變咗唔夠鑊氣，但呢個石頭鍋飯長期都保持住炒飯處於一個非常熱的狀態，而且佢嘅用了亦都好足夠，有蝦米、蛋白、蔬菜、同埋其他肉類，感覺成個鍋飯都好豐富。最後甜品我哋亦都叫咗個椰汁糕食，甜甜的，不錯。

今日突然間好想食中式美食，又唔想去啲屋村酒樓食，於是就去咗觀塘鱷魚恤中心2樓嘅譽宴・星海食晚飯。譽宴・星海環境舒適，侍應嘅服務周到。蔥花海蜇首先食個屬於冷盤嘅風味小食蔥花海蜇。份量算係合適，海蜇夠哂味，而且又夠涼爽。足三両紅燒煲仔翅即場用gas爐煮熱，跟住將牙菜放入煲仔翅，再加入紅醋，美咪嘅足三両紅燒煲仔翅就完成喇。足三両嘅翅，有成兩大塊，每塊都有成隻手掌咁大。依個紅燒煲仔翅，食、色、相都可以話係滿分，仲環做緊震撼價$168就食到，真係物超所值。桂花蟹肉炒粉絲依個係其中一道我好中意食嘅中菜菜式。桂花炒粉絲，通常都會係蟹肉、或者瑤柱，而我就比較中意蟹肉，所以見到餐牌有，好多時都會點嚟食。杭州香醋一口骨香醋一口骨同糖醋排骨相似但唔一樣，啡啡黑黑、酸酸甜甜、醋味濃。一口骨外表炸到香脆，內裡肉嫩Juice，好味到停唔到口。金銀蒜蒸勝瓜勝瓜以角切形式，再加入生蒜蓉同炸蒜蓉一齊蒸熟。非常之香嘅蒜蓉味。乾隆皇石鍋炒飯乾隆皇石鍋炒飯有鮑魚汁、帶子粒、櫻花蝦、瑤柱碎同埋火腿茸。賣相稍為普通，是實上係一個內有乾坤，個非常之足料嘅石鍋炒飯。飯料炒到粒粒分明，每一口飯都有鮑汁嘅鮮味。炒飯炒起後再放入石鍋，一嚟

之前係銅鑼灣間【譽宴】飲過，質素好好原來觀塘都有一間，係鱷魚恤幢大廈，仲有好多人飲茶兩個人lunch就去左飲茶，等左一陣位🔶燒味拼盤有蜜汁叉燒、脆皮燒腩仔、海蜇，每一款都好味開胃🔶點心拼盤有蝦餃、燒賣、粉果、白糖糕，熱辣辣出爐好好味，蝦餃&粉果個皮都好通透又煙靱，另外個白糖糕都好軟熟又唔會太甜，出面好少食到👍🏻🔶脆皮咕嚕肉份量都幾多，啲肉無骨，好方便我，而且真係外脆內軟，必食👍🏻🔶欖菜肉鬆四季豆本身對四季豆無咩好感，但呢一道菜令我改變感覺，原來四季豆都可以好好味，佢欖菜肉鬆個味令四季豆好入味，而且肉鬆都多，撈飯一流😋🔶乾隆石鍋炒飯兩人份量都多，可以裝到4小碗，好抵食炒飯入面仲有乾瑤柱、青瓜、雞蛋，炒到粒粒分明😍🔶甜品：紅豆沙紅豆沙同樣好味，紅豆好淋身湯水唔會太稀，可見係老火煲出嚟

之前禮拜嚟呢度同屋企人飲過茶，今日就試埋呢度嘅dinner先！環境好新淨好舒服，高檔設計仲好啱婚宴擺酒，絕對夠grand同high level!豐料老火湯係雪耳木瓜豬骨湯，骨膠原重，養顏又護膚。個湯好足料，好似屋企嘅感覺！燒味拼盤經典之選，最鍾意佢嘅叉燒，半肥瘦啱啱好。而且味道都教得好好，keep fit都唔驚會浪費quota! 脆皮咕嚕肉係經典粵菜之一，真係好脆皮好好食！酸甜汁開胃可口，咕嚕肉彈牙爽口，我忍唔住食咗好多舊❤❤夾埋菠蘿係絕配！涼瓜肉鬆煎蛋角好似苦瓜炒蛋，如果肉鬆可以多啲會更易食得出~黃金海皇炒蛋好好味，絲苗米好細滑，高質炒飯加埋蝦仁干貝好鮮味！最後紅豆沙作結，加咗香草好香，熬得好正，好滿足！

好耐無飲茶，今日想食吓點心，一於去食吓先！🥢春風得意腸近年飲茶必食，外層腸粉軟滑，裡面餡料有咬口，加上鬆脆嘅油炸鬼，食到唔停得口呀🥢金沙炒鮮菌黃金四季豆就食得多，原來咸蛋黃炒翠肉瓜同雜菌都好夾👍🏼👍🏼蛋黃炒到起晒沙，每一啖都食到濃濃咸蛋黃味，私心推介😍🥢蟹籽燒賣王一向都好鍾意食燒賣，呢到嘅燒賣大大粒，食落爽口，又係必食之選！呢間譽宴裝修好新淨，坐得舒服，侍應都好有禮貌；而且地點方便，已經成為我飲茶嘅首選酒樓👍🏼

譽宴 星海觀塘店，成楝大廈都是酒樓呢間裝潢是走高貴典雅風，有氣派，是一間較華麗的酒樓。❤️食了2人套餐，有菜有飯有湯有甜品，好豐富好滿足，食物都好好食，食了好多食物，首先食燒味拼盤(蜜汁叉燒、 爽滑海蜇、 脆皮燒腩仔)，很爽口鬆脆，可以自己食曬1份yeah😆之後飲了黑蒜螺頭燉雞湯，很夠火喉很清甜，很易入口，好滋潤養生。另外，講到其中一樣我很鐘意食的杭州香醋一口骨，酸酸甜甜，好開胃醒神，食唔停。黑椒金薯牛仔粒又係好入味，粒粒都是精華，薯仔配菜吸左d味都好正。至於炒飯不是一般的炒飯，是名為乾隆石鍋炒飯，用石鍋呈上，好香好惹味👍🏻最後配以香甜好味紅豆沙 ，真是滿足的一天。食到好飽，帶左少少飯同牛仔粒比屋企人食，人人都讚好呢。❤地址：觀塘開源道79號鱷魚恤中心2樓 （好近地鐵站）APM B1出口