星海．譽宴 (鱷魚恤中心)

營業中

休息中

一向鐘意食點心架我不過屋企人鐘意飲奶茶咖啡多呢日我忍唔住決定同朋友兩個一齊自己嘆茶觀塘實在太方便一程巴士到而且黎緊係附近返工😂探定路下次再黎過食呢間酒樓比我想像中大又華麗食物質素都好好出菜算快💁🏻‍♀️💁🏻‍♀️要左炒飯一籠點心拼盤脆皮燒乳鴿（好香好掛住）出面好多都唔燒🥲一人一隻都唔夠喉沙拉蝦球啖啖肉好開胃燒豆腐比較清淡返我地太餓食左好多野好飽好滿足！#點心點心你愛點心？#食點心預埋我

今日帶媽媽黎飲茶 呢度裝修得好靚，見到有新人喺度擺酒結婚嘅布置。靚過普通酒樓好多！茶我哋叫咗水仙🥰 鍾意淡小小既茶，清新啲！我哋第一樣叫咗一個點心拼盤因為咩都有嘛！例如蝦餃，燒賣同潮州粉果等等。樣樣都好好食好滿意❤️佢上菜速度都好快，第二樣我哋食咗一個燒味拼盤裏面有叉燒海蜇同埋燒腩仔。跟住我一直都有讚嘅係佢有一個小菜叫脆皮咕嚕肉呢一個咕嚕肉係比平時出街食嘅咕嚕肉好食嘅可能佢真係比較脆同埋好入味，菠蘿酸酸甜甜好開胃。跟住我媽媽好鍾意食四季豆所以仲叫咗一個四季豆嚟食。另外我覺得全場最好食嘅就係乾隆石鍋飯！一嚟佢用石鍋炒個飯好有飯香。二來我都唔知佢用咩調味，但就係知道好好食🤣🤣🤣最後甜品叫咗一個紅豆沙👍 媽媽話食得好開心覺得呢度都好值得一試👏

中午同同學柴娃娃去飲茶☺️限聚關係人數有限，唯有就幾個一張台啦。。。。。。由同學發辦，我地坐住等食⭐<<點心拼盤>>有齊蝦餃，燒賣、粉果同糙米糕😚附合晒各人口味🤤又唔駛話食咁多⭐再叫一煲<<足料老火湯>>潤一潤喉滋潤一下⭐<<脆皮燒腩仔>>😛燒到脆卜卜的皮係最好食的⭐<<杭州香醋一口骨>>甜甜酸酸的幾開胃⭐<<福建炒飯>>超大碟🤤食到好飽，上堂時實好眼訓仲有紅豆沙做甜品😎......真係超滿足

提早同老豆慶祝父親節, 唔洗正日同人逼，俾咗幾間餐廳同酒樓佢揀, 最後揀咗［譽宴]，地點夠方便, 同有胡椒蟹食, 網上見個個都推介呢度食胡椒蟹。胡椒蟹用鐵板上菜, 嚟到仲出晒煙熱辣辣, 啖啖肉, 仲好新鮮!唔怪得咁多人推介，仲一人俾咗一對即用即棄手套, 方便食脆皮燒乳鴿，一人半隻, 好入味黑蒜螺頭燉雞湯好足料, 啖湯好清甜, 一啖接一啖, 唔覺唔覺成碗都飲晒杭州香醋一口骨排骨炸得好脆, 醬汁酸酸甜甜好開胃黑椒金薯牛仔粒牛仔粒份量都好多, 仲好大粒. 薯仔仲吸收晒黑椒汁, 好惹味乾隆石鍋炒飯估唔到可以做到飯底有小小飯焦, 飯仲粒粒分明, 有口感最後仲一人一碗紅豆沙，食到要捧住個肚走😋

呢棟野成棟都係食肆，今日同爸媽黎呢到dinner。🦀白胡椒蟹擺喺鐵板上面，係你面前倒啲胡椒汁上去，出哂煙咁😂，好有獲氣！蟹夠大，夠鮮，足一斤！胡椒味好重，好有🇸🇬星加坡風味，食咗當去咗😌！黑蒜螺頭燉雞湯滋陰補腎👍玉環鮑魚盅幾特別，釀乾瑤柱就食得多，釀鮑魚真係第一次見😜，有成隻匙大隻😲。西施蛋白蝦球清淡不油膩，蝦球好大粒，爽口彈牙！福建炒飯飽到食唔落..食左半碗就打包😆甜品用紅豆沙做結尾，正！

當日在觀塘辦完事後，不知道有什麼好地方晚飯，便在OpenRice搜尋，發現了這家譽宴，見大部份食評不錯，便去試試。我們點了幾道菜，包括：海蜇、茄子魚煲、黃金蝦球、籠仔海皇飯、蝦醬鮮魷通菜、薑䓤蠔和燒鵝，最後還有紅豆沙送。海蜇：沒有特別，但比想像中遜色，因為不是海蜇頭。茄子魚煲：超水準、好食，茄子較油但可以接受，整味道不錯。黃金蝦球：超水準、好食，金沙足夠，香濃不太膩，一件不夠，可吃兩三件。籠仔海皇飯：中上之作，蝦醬惹味，海皇用料十足，符合價錢比例。蝦醬鮮魷通菜：蝦醬味不夠，但鮮魷嫰不太老。薑䓤蠔：超水準、好食，蠔夠大隻兼爽口，燒鵝：沒有特別，正常。紅豆沙：不太甜，中上之作。整體滿意，雖然價錢屬中上，但算物有所值，會再光顧。

呢間位於觀塘嘅譽宴酒家之前食過好滿意😌，都有一排無黎，今日就同朋友黎食多次啦🥳。。點心拼盤因為決定唔到叫邊款點心所以都係叫左個拼盤😂，有蝦餃、粉粿、燒賣、白糖糕😗。今次特別想讚下白糖糕，香港都比較少酒樓有做🤩，而且幾有特色🔥。。燒味拼盤呢度嘅燒味都唔錯😜，所以我地每人叫左一份燒味拼盤😋，燒腩仔塊皮夠脆亦都好肥美😛，而且叉燒仲要係我最愛嘅半肥瘦叉燒❤️。。脆皮咕嚕肉呢度嘅咕嚕肉水準好高😍，炸過之後再炒口感更加正👍，配上酸甜嘅醬汁好惹味😆。。欖菜肉鬆四季豆食左咁多肉梗係要d蔬菜🥬，四季豆配上肉鬆更加香💕。。乾隆石鍋炒飯呢個炒飯香氣鍋氣十足😝，而且飯本身好乾身🤪，用石鍋裝除左保溫之外，仲好有我鍾意嘅飯焦味🤤。。甜品：紅豆沙❤️

今日去了觀塘同母親大人食晚飯！我訂左觀塘"譽宴"母親大人比較喜歡食中菜，而"譽宴"出品都是水準不錯！我們點了鐵板黑椒炒蟹脆皮燒乳鴿黑蒜螺頭燉雞湯杭州香醋一口骨黑椒金薯牛仔粒乾隆石鍋炒飯送糖水～紅豆沙鐵板黑椒炒蟹嘩！蟹好大隻！肉蟹啖啖肉！黑椒好香好野味！鐵板保溫好好食到尾都是熱的！脆皮燒乳鴿乳鴿脆卜卜！鴿肉好香好嫩！黑蒜螺頭燉雞湯黑蒜如果直接食會有點臭，但燉了湯後味道香濃！好好味！👍🏻👍🏻👍🏻👍🏻杭州香醋一口骨好好味！脆脆香香！有小小骨！如果沒有骨就再好一點！黑椒金薯牛仔粒牛肉味道香香辣辣！薯仔不多！雞脾菇好多！乾隆石鍋炒飯好香！底有飯焦！脆脆香香！

足三兩煲仔翅家人每次來晚飯必點， 最喜歡熱辣辣湯頭香濃， 配上獨特秘製胡椒粉， 真係畫龍點睛， 魚翅份量每次都係咁足料， 既簡單又矜貴嘅菜式。熱辣辣乳鴿乳鴿皮脆肉嫩， 鹹味啱啱好，唔需要再點醬汁。 趁熱食外皮脆卜卜， 肉質嫩滑又多汁。黑蒜螺頭燉雞湯每次來必點黑蒜湯， 清甜潤喉順滑， 黑蒜 的天然的甜味， 獨特又好味。 螺頭和 豬肉粒的份量也不少。杭州香醋一口骨酸酸甜甜好惹味又醒胃😋😋 排骨炸到卜卜脆， 鬆化口感好好味。 而且有陳皮絲作為點綴， 更顯獨特口味。黑椒金薯牛仔粒黑椒粒香香辣辣， 牛仔粒外皮煎至金黃香脆， 除咗薯仔粒之外仲有百靈菇粒， 口感煙煙靭靭， 兩款配料加埋一齊有雙重口感。最後仲有甜品送添， 馬豆糕😍😍椰汁味香濃質地又滑，馬豆夠淋又不失咬口😋😋

阿媽話同阿姨食過呢度海鮮好新鮮好味，請我同老豆黎食海鮮喎，嘩！果然晚飯水準幾唔錯，尤其係海鮮。阿媽話滋補湯水正，叫左黑蒜螺頭燉雞湯，超濃黑蒜味呀！未飲過呢種湯，真係飲完成個人滾起來😂。酒樓食海鮮必叫，登登登登！上湯澳洲龍蝦伊麵！目測不只半斤重，油泡過龍蝦肉質更香更爽口，師傅仲爆好哂d殼，好易食，差不多全部都唔洗自己再鉗開，伊麵底滲入哂龍蝦同上湯所以鮮味十足好好食。阿爸最like呢個杭州香醋一口骨，每一口都有醋香，外層脆脆又甜蜜嘅味道，嫩肉口感，開胃又好味。熱辣辣石鍋上檯乾隆石鍋炒飯，炒兩炒令飯更香更乾身。裡面有帶子、瑤柱、蝦等等，我地專登擺耐d先食，食埋鍋飯帶鮮味嘅飯焦。黑椒金薯牛仔粒除左有金薯仲有菇，全部切細差不多size一粒粒，黑椒味同少少蜜糖味包住薯仔粒同惹味牛仔肉粒，好好餸飯。為食嘅我忍唔住再叫隻脆皮燒乳鴿，香噴噴又惹味，飯後食埋紅豆沙，正！

呢晚屋企人同我嚟到親戚訂座嘅譽宴·星海，場地樓底高，空間大，四人一檯嘅話坐得闊落。我哋一行四人好耐冇去酒樓食飯，於是嗌咗好多樣菜式，滿足大家嘅食慾。.🥢燒味拼盤叉燒同油雞係親戚鍾情嘅菜式，叉燒厚切，味道濃厚，口感爽口，蜜汁多令叉燒好香甜；油雞嫩滑，雞皮唔厚，味道適中。.🥢黑蒜螺頭燉雞湯完粒黑蒜雖然令湯嘅顏色變深，但佢配合螺頭同雞拎去燉，令湯既有蒜香，亦有螺頭嘅鮮甜同雞嘅滑溜口感，係幾好嘅配搭。.🥢玉環鮑魚盅清蒸節瓜，其後放隻吉品鮑魚上去，外觀上好睇之餘，食落味道亦唔錯，鮑魚爽口而且鮮嫩入味，節瓜清甜，平衡菜式嘅味道。.🥢西施蛋白蝦球西施蛋白滑溜，冇氣泡，蝦球大隻，用新鮮大蝦整，口感彈牙，幾啱老人家食。.🥢福建炒飯酒樓經理推薦嘅福建炒飯，炒得乾身，粒粒分明，而且份量十足，係抵食之選。.🥢西澳龍蝦伊麵壓軸嘅係龍蝦伊麵，1.5斤嘅龍蝦令人嘆為觀止，肉質爽滑，味道鮮嫩，係我最鍾意嘅菜式。

屋企人最鍾意食中菜，係同事推薦下今晚黎試下呢間高級中菜，環境好華麗，坐得好舒服！🌟白胡椒蟹一上枱嘅時候已經覺得非常非常吸引，首先個賣相已經好驚人，因為隻蟹真係好大隻！侍應會幫手淋啲白胡椒汁係鐵板上面，即刻白胡椒嘅香味湧晒出嚟😫勁香！隻蟹好新鮮好多肉，仲有膏，個汁又惹味，我同屋企人都食到停唔到呀🤤🤤跟住我地仲叫左個二人套餐，份量都幾多！🌟燒味拼盤有叉燒、油雞、海蜇，叉燒皮有焦香，肉又鬆化，真係好好食！另外兩款就正常發揮啦🌟脆皮咕嚕肉第一次食用豬頸肉整既咕嚕肉😦咬落果下都覺得好驚喜㗎啦，個口感比起普通豬肉正好多！而且個外皮炸到超脆，好食👍🏻🌟涼瓜肉鬆煎蛋🌟黃金海皇炒飯完全超曬班既炒飯，每一粒米都粒粒分明又夠乾身🤗鹹蛋黃既鹹香同炒飯真係好夾，係我近年食過最好食既炒飯🌟老火湯今日係雪耳豬骨湯，飲得出用左好多料煲左好耐，好滋潤！今餐屋企人食得好開心，個炒飯同白胡椒蟹真係令人回味，會再返黎食🤗

好耐之前去參加朋友婚宴果陣黎過呢間酒樓，覺得裝修幾靚而且食物水準好高👍今晚就做個孝順女帶媽咪黎試下佢最喜歡既魚翅😇我地揀左個全包宴加紅燒煲仔翅😋⭐老火湯超大盅，倒到大約有五六碗酒樓用既碗😂 味道清甜，唔會油膩，感覺好滋潤👍⭐燒味拼盤最中意個豉油雞，口感非常嫰滑😋⭐脆皮咕嚕肉咕嚕肉炸得香脆，肉質係比較有口感既半肥瘦 (不過我自己會中意偏瘦多啲😂)，青紅椒爽口～⭐涼瓜肉鬆煎蛋角蛋香味幾重，涼瓜完全唔覺得苦澀，我自己好怕出街食煎蛋類小菜會好油膩，好彩呢度唔會👍⭐黃金海皇炒飯有鑊氣，飯底粒粒分明，食到濃郁鹹蛋黃香味，唔錯😋⭐紅豆沙甜味適中，陳皮味幾出，多豆，如果起多啲沙仲正😬⭐紅燒煲仔翅超級足料！魚翅口感一絲絲，柔軟得黎帶啲爽彈，配埋鮮味既上湯湯底，出色！👏媽咪整體都好滿意，我地食唔晒仲打包埋聽日做午餐，好滿足😂😂

約咗一個好耐好耐好耐都冇見嘅朋友想搵一個舒服嘅地方食一餐豐富嘅中菜朋友話想試吓佢公司附近嘅呢一間酒樓係位於鱷魚恤中心2樓叫做譽宴星海餐廳以黑色裝修為主感覺好高尚豪華而且樓底又夠高枱同枱之間亦都有足夠嘅距離未到6:30就已經唔少嘅人坐咗喺度去到我埋單走嘅時候已經坐爆曬一坐低店員就會攞一啲熱水俾我哋清潔碗碟除咗各式各樣嘅單點菜式仲有唔同嘅圍菜同埋小食揀不過今日呢我哋就散叫咗啲嘢食首先嚟嘅係紅燒脆皮乳鴿乳鴿都好大隻而且外皮非常之香脆肉質好滑又夠Juicy之後我哋一人一碗嘅黑蒜螺頭燉雞湯呢個雞湯非常之足料打開入邊有大粒黑蒜以外仲有唔少嘅豬肉同埋雞肉一打開個碗蓋就覺得香氣撲鼻而且飲落去唔油膩有別於其他餐廳嘅燉湯再嚟嘅係黑椒薯仔牛柳粒非常之惹味啊牛肉唔會好un,而且薯仔好林再嚟有個石鍋炒飯同埋香醋一口骨一口骨我感覺非常之驚喜酸酸甜甜配上新鮮炸起嘅排骨感覺好match如果石鍋炒飯係因為熱辣辣 咁樣配上有少少飯焦再加上又小嘅海鮮粒例如帶子同埋哈所以食落去都幾正最後我哋仲加左個濃湯花膠燉雞超級超級超級足料！花膠絕對唔會孤寒有一隻手掌咁大舊😍而且湯底非常之香濃令我飲完一碗再想繼續追住黎飲

諗定母親節去邊到食飯未👩‍👦👩‍👧午市$238/person1. 點心拼盤一籠滿足晒四個願望 有齊蝦餃燒賣粉果同燕麥糕 當中蝦餃有驚喜 皮薄 餡亦好足料 大大粒蝦2. 脆皮燒乳鴿本身小編都驚好大碟會食唔晒 點知分量岩岩好 而乳鴿嘅皮幾脆 肉質有咬口 不過再熱少少就好啦3. 沙拉蝦球外皮炸得好香口 炸粉好薄身 完全食唔出有放炸粉 醬汁方面用左千島醬 酸酸甜甜 甜而不膩 非常開胃4. 家常燒豆腐前兩道菜都好heavy 呢個清淡嘅家常菜岩岩好可以平衡下 用料亦好健康 有齊冬菇豆腐肉絲木耳蕃茄同五色椒5. 黃金海皇炒飯炒飯粒粒分明 食落好有口感 仲加咗鹹蛋黃調味 令鹹香嘅味道更加突出 就連食得好飽嘅友人都忍唔住食多兩碗😂6. 紅豆沙加咗陳皮 令紅豆沙甜得黎有回甘 而紅豆煮得好綿密 仲起曬沙添😍Overall 推介指數：4-4.5/5Apm鱷魚恤咁多間酒樓 如果唔知點揀嘅 好推薦你哋試吓呢間 雖然價錢唔係行平民路線 但勝在食物質素有保證同高質 不過餐廳分量都偏多 建議多啲人嚟食 咁就可以叫多啲菜式share下～