星海．譽宴 (鱷魚恤中心)

營業中

休息中

有時食點心揀唔落拌，總係會想叫啲套餐嚟試吓，今日撞正見到二人套餐，菜式都幾豐富！👍🏻點心拼盤有蝦餃、燒賣、粉果、蒸糕。蝦餃皮唔會太厚，蝦肉餡料爆滿。👍🏻脆皮燒腩仔肉質唔算太肥，皮脆肉juicy，不過略嫌唔夠熱唔，另外切得相對地細，一口size就岩岩好！記住點埋芥末醬啊～👍🏻杭州香醋一口骨有驚喜嘅菜式，色澤都幾深，醋味香濃味醇。每一啖都酸甜鬆軟，肉質嫩滑，真係做到濃而不膩，幾開胃！👍🏻老火湯今日湯品係：雪耳木瓜豬骨湯，裡面仲有杏仁，配料充足，所以湯品嚟得非常清甜又潤喉，而且一啲都唔油膩！成大盎每人仲飲到兩碗添！👍🏻福建炒飯冇諗過咁大碟上枱，米飯好乾身，醬汁唔會太鹹，特別喜歡翠玉瓜粒嘅咬口。💡 $208一位已經包左茶戒，不過需要另外收加一！當日甜品係紅豆沙。午市真係要早少少嚟，當日12剛去到都已經要排隊，不過食完又難怪咁多人，因為質素真係幾高！

平時嚟鱷魚恤都係飲茶多，呢幢大廈都有唔少酒樓，知道屋企人鍾意食中菜就同佢地過嚟食晚市，餐廳上菜快，店員服務周到😀 🔸️胡椒蟹，見到隔離枱嗌我地又嗌，隻蟹好大隻，胡椒香氣撲鼻，熱辣辣上枱，蟹又夠新鮮，啖啖肉，正呀 🔸️燒味拼盤有海蜇、叉燒、豉油雞同燒肉，燒肉外皮好脆口，叉燒肥瘦適中，海蜇又好爽脆 🔸️黑蒜螺頭燉雞湯湯水十分足料，黑蒜味香濃，黑蒜亦都係營養價值高既食材，口感軟腍，感覺好養身 🔸️玉環鮑魚盅鮑魚size 有隻匙羹咁大，夠入味又彈牙 🔸️西施蛋白蝦球正中間有好大粒既蝦球，蛋白蒸既時間啱啱好，調味亦恰當，相當滑溜 🔸️福建炒飯飯上面既配料非常之多，蝦、雞肉粒、菇、瑤柱等，炒飯粒粒分明，將芡汁撈勻，濕濕地易入口 🔸️精選甜品 紅豆沙甜度恰當，仲有好多紅豆係入面，仲煲到起沙

*譽宴*紫色裝潢好吸引。中午飲茶🫖超級多人牙。等咗半個鐘先有位😅。點心拼盤～兩個人飲茶為食妺👧🏻必點😬。一人一件share岩岩好。呢個拼盤大件夾抵食👍🏻。脆皮燒乳鴿～唔算大隻。熱辣辣炸起。肉嫩多汁😋。沙拉蝦球～見隔離枱食得好滋味。心郁郁我又點咗碟😍。酸酸甜甜好開胃。蝦球爽口彈牙。好味道😛。黃金海皇炒飯～飯炒得好乾身。材料豐富啖啖滿足❤️。有蝦。帶子。脆肉瓜。每人有三碗🥣幾🤩。

同個客食中式午餐，當然要豐富啲，點心小菜炒飯就唔失禮。燒味拼盤有脆皮燒腩仔，海蜇，叉燒，燒肉，燒肉個皮認真卜卜脆，海蜇又爽又香有麻油味。脆皮咕嚕肉配菜用上鮮甜菠蘿，焦糖脆皮咕嚕肉加上啖啖肉，咬落有豬油香同焦糖香但唔會有肥膩感。呢個餐仲包有埋點心拼盤，蝦餃、燒賣、菜苗餃、白糖糕，蝦餃同燒賣呢啲貴價點心做得幾好，蝦鮮而且大隻，每樣點心有2粒，夠哂過點心癮。咬落無渣夠嫩口嘅欖菜肉鬆四季豆，咸香好味，唔油有少少鍋氣，唔錯。乾隆石鍋炒飯可以自己炒到鍾意嘅乾濕度，有帶子、瑤柱、蝦粒、脆肉瓜粒，有海鮮味有石鍋焦香味，好得體。

今日老公話想食中菜~諗起譽宴又方便又近d野又好食~就決定晚餐黎呢度解決~~脆皮燒乳鴿乳鴿開半，比較細隻，但勝在味道熱辣辣脆卜卜~記得一定要點淮鹽同醋~咁就可以吊出乳鴿既鮮味~黑蒜螺頭燉雞湯呢個黑蒜螺頭燉雞湯真係超足料~入面既黑蒜螺頭同雞份量都好多，一路飲一路食湯渣，即刻覺得成個人暖哂而且好補身既感覺~黑蒜一d都唔搶味，食落林林地，湯底吸收哂湯料既鮮味，所有精華所在，每一啖都勁濃~飲到停唔到口!杭州香醋一口骨炸得香脆既香醋一口骨，就咁睇賣相已經好吸引~面頭有d炸薑絲，靚之餘又增加口感~一口骨大小剛好，面層酥脆，入面既一口骨軟林又帶點脂肪，邪惡感UP!但真係超級好味~甜甜地又炸得脆度十足~又係令人忍唔住一件接一件咁食!黑椒金薯牛仔粒黑椒金薯牛仔粒除左金薯仲會有D菇菇~所以成碟係有唔同既口感~牛仔粒俾醬汁包住，每一粒都食到好香既黑椒味同牛肉味~不過如果金薯既份量多D同大粒D，咁就食得再滿足D喇!黃金海皇炒飯最後黎既係黃金海皇炒飯，一大碟兩個人食真係飽哂~黃金海皇炒飯用左咸蛋黃去炒，所以做到粒粒分明又有咸香既味道~而且海鮮份量都唔少，目測已經有好多蝦同魚~每筆一口都食到海鮮~而且用左咸蛋黃黎炒

［譽宴］放假嘅日子終於唔洗衝衝忙忙咁食午餐，最適合就係飲吓茶慢慢嘆啦！觀塘嘅譽宴係其中一間自己好鍾意嘅酒樓，點心好食地點又正，食完可以行吓商場，perfect池😆#點心拼盤點心拼盤可以一次食到幾款點心🥟蝦餃皮夠煙韌蝦肉大大粒無令人失望🦐燒賣亦都爽口彈牙，水準中上😋🥟潮州粉果餡料夠晒多，入面嘅花生同粉葛好有口感好好味呀！🥧雜糧糕有驚喜喎，口感煙韌，可以形容佢係中式嘅bagel👍🏼#脆皮燒腩仔脆卜卜嘅外皮底下，係肥瘦分明嘅腩肉，仲有佢嘅perfect match嘅黃芥末醬，正呀！#豐料老火湯好足料嘅燉湯，裡面有雪耳、木瓜花生同瘦肉，店員仲好細心會撈起湯渣，咁又可以當一個餸👍🏼#香醋一口骨對呢個一口骨都幾impressive😍黑醋味香濃，排骨又炸得酥脆，肉質食落有彈牙有嚼勁，個人最鍾意呢個餸😋#福建炒飯經典酒樓必備菜式之一，材料豐富，有蝦、雞粒、瑤柱絲，食落有鮮味，撈埋個汁食炒飯都唔會過咸，水準唔錯啊

今日同個同事慶祝一下人生，所以食個一個好d既 lunch，就揀左黎呢度食下點心或中菜，最主要係覺得可以慢慢坐，坐得舒服最重要黎到門口，原來都真係好鬼多人！好彩我地之前 hold 左枱，如果唔係，應該都要等一陣先有位了。門面望入去，環境既寬敞樓底高，有裝修，加埋宜家咁既天氣，最緊要係！冷氣夠！唔講咁多，因為我地見到有個 $238 一位既二人商務套餐，套餐內容夠豐富又吸引，唔洗左諗右諗，咁就叫左呢個餐了先黎有一隻開邊上既 脆皮燒乳鴿，大家一眼都可以睇到隻乳鴿大大隻，兩個人食完全夠曬，用黎做餐前小食，相當開胃，因為佢燒得非常香口，外脆內軟，好香乳鴿既味道，咬到入面果陣，大量肉汁流出，唔錯架！黎呢度都好想食點心，呢個套餐就有包一個 點心拼盤係入面，講緊都有4款點心在內，蝦餃燒賣唔少得，重有粉果同燕麥糕似的蒸糕我覺得一定要特別講既係呢個蝦餃，因為完全呈現到皮薄涵靚！外層甜心皮做得好薄，個夾起粒蝦餃果陣，又唔會搞到粒蝦餃穿底，蝦肉又香又大粒，真係好鬼出色！家常燒豆腐，哈哈，估唔到中午套餐都有呢一道好似晚市飲宴既菜式！味道都唔錯，正正常常，比較清淡一d，每件豆腐都大大件，d汁都入曬件豆腐，幾Juic

觀塘鱷魚恤中心譽宴・星海氣派十足，飲茶坐得舒適，侍應姐姐又有禮貌，平時食點心多，今日同朋友食下小菜先😄脆皮燒乳鴿乳鴿開邊，先滷後燒，乳鴿大小適中，唔算細隻，皮脆肉嫩有肉汁😋沙拉蝦球雖然炸漿偏厚少少，蝦仁大大粒，爽脆彈牙，配上酸甜沙拉醬，都一樣咁好食😋家常燒豆腐豆腐嫩滑，唔油膩，配肉絲、什菇同雲耳，索咗蠔油汁，幾入味😋黃金海皇炒飯炒飯炒得乾身，飯粒分明，翠玉瓜粒，蝦仁同鹹蛋黃嘅配搭，食落層次更加豐富😋點心拼盤點心都要食下嘅😅,要咗個點心拼盤，蝦餃，燒賣保持水準，潮州粉果沙葛粒爽甜，粗糧糕食落少少煙韌，少甜健康😋陳皮紅豆沙紅豆沙唔太甜，食得到粒粒紅豆同陳皮香味，食埋碗陳皮紅豆沙，可以劃個完美句號🥰

今日同媽咪去食中菜，老人家鍾意食點心中菜。叫咗個2人餐，$318/位，咩都有！▶️點心拼盤有燒賣、蝦餃、粉果、燕麥糕燒賣豬肉夠林，無咩肥肉，有蝦幾好食！蝦餃大大粒，蝦爽口！粉果足料！燕麥糕好健康！▶️燒味拼盤叉燒、燒腩仔、海蜇叉燒夠蜜汁，夠林又香口。燒腩仔肥瘦適中，個皮卜卜脆！海蜇爽口微辣！▶️脆皮咕嚕肉新鮮整超新鮮，卜卜脆！咕嚕肉啖啖肉。▶️欖菜肉鬆四季豆少少微辣，爽口，肉鬆夠味！▶️乾隆石鍋炒飯熱辣辣，超多份量，有大約5小碗。▶️甜品係紅豆沙夠沙，多豆幾甜！

唔係誇張，真係覺得呢間酒樓嘅裝修係我見過其中一間最靚嘅， 紫紫銀銀嘅天花燈， 還有一個超長嘅魚缸， 入邊唔係蝦蟹龍蝦， 而係好多 觀賞魚， 好似個水族館咁， 見到真係好興奮呢度提供少有嘅龍井茶， 第一浸入口甘味很重， 係龍井茶嘅特點，第二浸變得好甘香， 很喜歡黑蒜螺頭燉雞湯出色， 黑蒜特有的味道能夠完全帶出來， 內裏的湯料也有不少的黑蒜、螺頭和雞肉，材料靚，唔錯玉環鮑魚盅，鮑魚配節瓜，簡單的菜式，到不過不失，鮑魚都爽口西施蛋白蝦球是比較清雅的一道菜，蒸蛋白唔算特別滑溜， 但與爽口的蝦球很配搭燒味拼盤有雞、鴨、叉燒和海蜇， 味道可以，不過海蜇有點沙福建炒飯煮得好，炒飯粒粒分明， 配料很多，有蝦、雞肉、帶子等等，口感豐富紅豆沙是是日甜品，起沙，帶陳皮味

好耐無同同事飲茶🫖近近地就去左公司附近觀塘鱷魚恤中心2樓嘅譽宴飲茶🤗呢度環境坐得幾舒服😉侍應服務都唔錯😌我地兩個未食早餐都有點餓.所以直接叫左個商務二人套餐😉包左點心🥧拼盤、脆皮燒腩仔、例牌老火湯🍲香醋一口骨🐷福建炒飯及甜品🤩點心拼盤大大粒🍤 蝦餃😊點辣椒油食正🤗燒賣好彈牙😌裡面豬肉又唔會好肥🐷潮州粉果皮薄餡靚, 皮糯不黏牙,軟硬適中👍白糖糕夠鬆唔會太甜☺️老火湯猴頭菇紅蘿蔔煲豬骨飲落好清甜😋瘦肉豬骨煲到出哂味仲好林😌對於平時冇咩湯水飲既我地一人飲左3碗🤩冇味精飲完都唔會口渴👍脆皮燒腩仔上枱時又脆又好食😋唔油膩、我鍾意點黃芥辣一齊食🤤重點是上層的脆皮剛剛好，不會烤到太硬😉香醋一口骨🐷香醋一口骨外表啡啡黑黑、甜甜地香醋味濃🥰一口骨外面炸到香脆😋真正外脆肉嫩好Juice😊唔錯！福建炒飯喜歡💕呢個福建炒飯中間炒飯夠乾身😋然後淋上勾芡醬汁，配料有香菇、干貝、雞肉、紅蘿蔔🥕等，味道鹹得黎帶小小甜🤤甜品係我最愛既陳皮紅豆沙紅豆沙煲到起哂沙😍入面既陳皮味好香😉飽到一個點都要食埋佢🤣

之前黎呢度都係食點心，原來午市套餐都唔錯，呢個2位用嘅套餐，3個人食都得😆夠晒份量👍🏻侍應服務周到，會主動𢳂湯同埋收碟點心拼盤有4️⃣款點心，蝦餃個皮唔算厚，蝦肉爽口彈牙，燒賣都有啖啖蝦肉，粉果裡面嘅粉葛好爽口，白糖糕咬落鬆軟脆皮燒腩仔襯熱食係最好味，不過就算凍左，個皮都仲係脆豐料老火湯個湯好足料，係青紅蘿蔔豬骨湯，𢳂起咗湯渣，都仲有5碗湯左右杭州香醋一口骨呢個炸得好香脆，而且份量十足，食落有我鍾意嘅黑醋香福建炒飯材料有雞粒，瑤柱，火腿粒，翠玉瓜粒同紅蘿蔔片，個芡汁唔會好鹹，食埋個飯好full😌精選甜品飯後甜品係陳皮紅豆沙，紅豆煲到起晒沙，加上陳皮香，又唔會太甜，幾好味

觀塘午市飲茶，呢間譽宴都好出名，中午11點左右，門口就排咗好多人，不過唔使等好耐就有位。酒樓嘅裝修令人眼前一亮，環境坐得好舒服，枱之間嘅距離都夠大，感覺安全又衛生。每位價錢318 ，已包茶界及假日，所以都抵食。點心拼盤潮州粉果、蝦餃、燒賣、雜糧糕點心新鮮加熱辣辣好味，蝦餃同燒賣包得都唔錯，蝦餃皮薄蝦肉爽口彈牙，每款味道都令人滿意。燒味拼盤有叉燒、豬腩仔、海蜇酒樓相信係自家製嘅燒味，味道做得唔錯，豬腩仔嘅皮脆卜卜，非常好味。。脆皮咕嚕肉分量夠大，咕嚕肉酸酸甜甜，夏天好啱食。欖菜肉鬆四季豆呢個季節食，又係唔錯嘅選擇，欖菜炒夠晒未，開胃。乾隆石鍋炒飯呢一鍋飯令人驚喜，因為上菜嘅時候真係好似鐵板咁樣咋渣聲，炒飯入邊材料好多，食落好有口感，炒得夠乾身，好食。

疫情好轉但同事要移民，今晚就同佢去呢間 譽宴中菜館到餞行，因為驚佢係外國冇乜好嘢食， 咁揀到呢間酒樓，其實內裏都好寬敞，而且空間感亦都夠大， 咁大家可以坐得舒舒服服去吹下水，咁我哋就叫咗以下食品。脆皮燒乳鴿： 咁呢個燒乳鴿， 我覺得都幾好食嘅因為佢個皮都燒得幾脆，而最重要就係佢肉質都幾嫩， 因為有好多酒樓燒親嘅乳鴿佢個肉都係燒到好鞋，但呢間酒樓啲肉都保持幼嫩我覺得都ok的。白胡椒炒辣蟹： 呢隻白胡椒辣蟹係我同事點名要，因為佢好想試，咁我覺得呢隻蟹係值得叫嘅，因為佢呢隻辣蟹個汁勁惹味，而且佢個蟹肉都好鮮甜味，因為呢一隻蟹係肉蟹所以都叫做啖啖肉，而且用鐵板上就特別惹味，所以呢個辣蟹我覺得係必點之一，因為見其他抬嘢都有嗌呢個蟹。 大家可以睇下我啲相作為參考。 可以見到啲煙都標曬出嚟，熱辣辣!黑蒜螺頭燉雞湯： 呢個燉湯有勁香嘅黑蒜味 ，而且個湯底液都偏向濃味，係我鍾意嘅老火龍湯，趁住疫情都仲未消退，飲下呢個湯加強免疫系統。杭州香醋一口骨: 呢個香醋一口骨， 佢個香醋有濃烈嘅醋味，但係佢唔係話太酸，酸得嚟就有啲甜味同香味， 佢個一口骨個外層都幾脆，啲肉亦都幾易入口，不過個肉就有啲肥豬肉，咁如果鍾

譽宴 • 星海 (觀塘)招牌白胡椒蟹 係用鐵板嘅方式上，成隻蟹上到嚟仲熱辣辣。個蟹大之餘仲要有膏，新鮮鮮甜，肉質唔會梅，食蟹鉗嗰陣可以食到啖啖肉。而家做緊優惠，都算幾抵食。。晚市套餐 每位$288燒味拼盤有三款燒味，燒腩仔、叉燒、同豉油雞。三款入面燒腩仔最好食，皮燒得香脆，肉肥瘦適合。。豐料老火湯原本以為只係每人一碗，點知原來係一煲。員山會幫你夾起曬啲湯料。落咗唔少既雪耳、豬肉、猴頭菇同紅蘿蔔等。個湯好清甜，兩個人都飲咗三碗先飲曬。。脆皮咕嚕肉今日最驚喜既菜式之一。撈左醬汁之後，咬落去外皮竟然仲係脆嘅。而入面唔係排骨，而係用咗半肥瘦嘅豬肉，肉質爽口唔柴，啖啖肉食得好滿足。。涼瓜肉鬆煎蛋角涼瓜仲有啲爽口，又唔會好苦，平時唔鍾意食苦瓜嘅我都覺得唔錯。而蛋唔會煎得太熟，仲幾滑。。黃金海皇炒飯火候夠，炒飯炒得香口，粒粒分明。炒飯既配料都幾多，有翠玉瓜、蝦仁仲有鹹蛋黃，每啖都食到唔同嘅配料同味道，鹹蛋黃炒飯都幾特別，味道都幾好。。精選甜品今日嘅糖水係紅豆沙，平時比較食得比較淡，所以覺得有啲甜。紅豆煲得好淋，所以紅豆味好濃，又有微微嘅陳皮味，都幾好食。。整體嚟講職員服務態度好好，餐廳和環境都好靚，