星海薈 (利舞臺廣場)

營業中

休息中

朋友想食中菜，所以就一齊黎左呢間新裝修既高級食府，一上到來感覺好grand，主打婚宴場地，有條報滿花圈既彎樓梯！拍照📷一流！清蒸生猛海星斑（約一斤）$168: 清蒸是最能保持鮮魚的原汁原味，舖滿蔥絲，魚肉味道鮮甜，肉質嫩滑及實肉，魚腩特別嫩滑，魚腩更是整條魚中最好吃的部分！皇牌脆皮照燒雞（半隻）$80: 外脆內嫩，個皮一咬脆卜卜，將肉汁鎖住，而且雞肉都好嫩滑，如覺得味道不夠濃，可點一下醬汁調一下味道！鮮茄海皇浸茶苗 $108: 當然唔少得叫碟菜食，清清地味道唔太濃岩晒我地食，有鮮茄、鮮魷、帶子、珊瑚蚌及菜苗，水浸菜苗唔會太油膩，而且菜苗十分鮮嫩，食得健康！+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

特色粵菜點心😋今日去咗銅鑼灣食咗間特色粵菜🍽，佢最大特點係裝潢同一般酒樓吾同，比較新式一啲，適合搞婚禮👰，但係講到佢嘅賣點一定係佢嘅特色點心。我哋三個人叫咗四碟點心同一個蒸飯，保證夠哂。各款點心賣相都好吸引，睇得出酒樓花咗吾少心機設計，點心黎到，我都不忘打卡📸。佢嘅香芒鹹水角造型真係好似一舊舊芒果，黃色嘅皮認真夠特別。另外，我哋叫嘅翡翠蝦餃都好特別，佢綠色的外型真係好似翡翠咁樣，啲蝦亦都夠哂鮮甜彈牙，好爽口，真係食完再想叫多碟。總括黎講，今餐三百蚊左右三個人真係夠哂抵食，無論環境、食物都係高層次，下次一定會再黎食埋其他特色點心！！

是晚約了舊同學一起晚飯，沒有預約的情況下去了利舞台譽宴.星海薈。Lift門一口，哇！長長的樓梯及天花吊燈，還有以花作拱門裝潢，相信新娘子在這裡進行婚宴一定會十分滿意。大家對食沒有意見，所以點了晚市三大優惠：清蒸生猛海星斑；皇牌脆皮醬燒雞及砂窩雞煲翅，非常超值！先來砂窩雞煲翅，翅的份量相當多！侍應先將湯煮沸後再放入魚翅，不消一會就可以吃了。我很喜歡這個雞煲翅，濃濃的味道加上啖啖翅群，價錢絕對超值！皇牌醬皮脆燒雞，不要沾點任何醬汁味道亦相當足夠。這個份量是半份。清蒸海斑怎可少得白飯配送哩！雖然蒸的時間久了一點，魚肉略熟，但仍屬好吃。我們還點了米湯浸翡翠苗。大家經常使用電腦，多吃杞子有明目之效哩！

話説當日去銅鑼灣陪媽媽去shopping ，母親大人話肚餓，做女嘅當然9秒9諗去邊到好食。 都係果句，老人家都係飲茶食點心最穩陣。 我媽係利舞台望住個水牌話有間茶樓新開喎， 去試下啦！ 我一睇見到是‼️譽宴‼️，就立即同我媽講：「依間專門做婚宴咖！ 無茶飲咖！ 」 我媽話：「點會呀！成間餐廳只做婚宴點賺錢呀？ 邊有咁多人日日結婚咩！ 」 兩母女鬥氣嘅情況下，結果上去睇過！😎嘩，好高樓底，仲要有長樓梯，花花佈置。 仲唔係做婚宴咩😑再望望左手邊，我輸了。 大把人同我媽一樣要飲茶🤣而且點心紙的點心款超多選擇。 我媽應該太肚餓了吧！ 一叫就叫到十款😅我媽話依到點心好似好創新，係九龍區未見過。 算啦！ 我唔阻她叫幾多了。 我平時最愛食 🎈鮑汁雞腳🎈所以我對依款菜式要求好嚴謹， 雞腳新唔新鮮?煮得淋唔淋?會唔會有化骨棉掌feel ?醬汁有無濃而不鹹 ?今次依間野同我講，合格。 $48大大碟， 好抵食。 煮到可以骨肉分離🥰好正。 食任何菜式都需要叫一碟 🎈白灼青菜🎈菜心他們選用菜心苗，所以食落一點都不會老。 這個是我媽媽媽好想試的菜式： 🎈像型香芒鹹水角🎈上菜時我心諗你係未送錯菜式上嚟咖！ 點知無錯！

譽宴以華麗時尚婚宴場地作主打，利舞台廣場的店有獨立電梯直上，方便新人有私穩。環境寬敞，用餐大廳燈火暗淡，有點西餐廳的情調，不過若然有人擺酒宴會，遠遠會傳來熱鬧的聲音，感覺如在遠方望閙市。吃了些平凡中的特別菜式，組合創意新派。例如避風塘普洱蝦球及熱情果籠仔大蝦球，賣相增分，前者鹹香惹味，後者酸甜醒胃。避風塘普洱蝦球 $188 新派創意且特色，炸蒜香惹霸氣，配上乾炒普洱茶葉，為炸蝦球添上鹹，再加上辣椒的制刺激，作為佐酒小吃或前菜亦可。熱情果籠仔大蝦球 $188賣相精緻，絕對搶鏡，蝦球大粒爽口，喜歡包著蝦球的熱情果醬汁，酸甜醒胃，自然的味道。紅柿鮮菌煮霜降牛肉 $168家常菜的變奏，鬆軟的霜降牛肉，即是肥牛，當然比媽媽在街市買的新鮮牛肉片靚得多，鮮菌亦有助提升身價，蕃茄汁濃郁香酸，非常開胃，白飯可多吃兩碗。黑松露生煎霸王蟹鉗 $118@加入黑松露的中菜越來越多，確實有點另類的芬芳，蟹鉗肉口味美，一人一只自然開心。

其實去飲個早茶姐，搞到好似去飲甘場地好華麗，岩哂愛打卡既女孩子！見到有張枱上面放滿糖同棉花糖，職員話可以隨意拎黎食，小朋友就最開心拉！鮑汁炆鳳爪，份量驚人，有好多隻鳳爪，而鳳爪非常炆得軟冧！金菇安格斯牛肉腸，牛內非常嫩滑，腸粉皮薄。像形香芒咸水果十分有創意，平時我不太愛吃咸水角，總覺得炸的外皮很油膩，但這個剛剛相反，外皮由一層很薄的糯米粉做成，口感好qq！清湯蘿蔔牛肉球。翡翠明蝦餃，一樣是十分足料。法式焦糖燉蛋，很滑，推介！

今天約家姐一齊吃晚飯，補足她的生日。 家姐對食十分有要求，一定食得好又要坐得舒適餐廳。 同事介紹銅鑼灣譽宴，她們上星期吃過對它讚口不絕。一於訂張靚枱，吃餐又靚又高級中餐。一入大門口就見到好高貴優雅裝修及擺設行入內更看見好高貴大型吊燈及帶香檳色牆身。除了regular menu之外，也有很多新張優惠特色套餐更有晚市三大優惠，清蒸生猛海星班丶皇牌脆皮醬燒雞丶砂窩雞煲翅，這三款價錢咁抵超吸引，一於三款也要。先給我們看看一大碟魚翅，跟著就即場把它放回砂窩雞濃湯內煮。先把雞件湯料取出，看著也覺有一定份量。真的一大碗魚翅，魚翅份量超多，伴著濃濃湯底，令人齒頰留香。皇牌脆皮醬燒雞柯打半隻，份量十足，皮十分薄又脆，油脂少肉嫩滑。清蒸海星班好大條，魚身又超厚，蒸至剛熟，味鮮肉厚又嫩。

首先一入到去，裝修係grand左好多，可能之前個間太舊啦！個頂嘅魚好靚。見到個menu以為選擇不多，不過望真，都唔算少嘅。呢個像形香芒鹹水角，真係有芒果味，應該係芒果汁做皮，但個味好出。齋睇個外形都覺得吸引。櫻花蝦炸兩腸，堅好味，因為個蝦膠好好爽口，最basic嘅叉燒包，最食得出酒樓嘅水準，佢話自己係手切豚肉叉燒包 佢係咪手切我唔知，亦食唔出，但佢嘅豚肉係幾“林”嘅，夠味，個汁唔太甜亦唔會太多色素嘅。最得我心，莫過於門口放左糖果比我夾黎食，滿足我嘅童心。