星海薈 (利舞臺廣場)

營業中

休息中

今日午餐相約友人到位於利舞臺五樓的譽宴・星海薈飲茶。走出電梯就見到酒樓的華麗裝飾，環境舒適，想必是婚宴的熱門之選。黑杞子山竹牛肉球牛肉嫩滑，調味適中，加入黑杞子，很特別。乾鍋醬金錢肚金錢肚入味，醬汁調味恰到好處，芋頭很粉，很適合蘸醬汁一起吃。濃湯鮮菌浸翡翠苗翡翠苗爽口無渣，加入鮮菌，蝦乾，甘筍，唐芹等，口感豐富，令湯底更鮮味。桂花蜜脆麻花脆麻花炸得酥脆不油膩，表面灑上椰絲，蘸上桂花蜜，不減麻花的香脆。新會陳皮紅豆沙紅豆已煮爛，真的如流沙般細滑，亦吃到一粒粒的蓮子和百合，並滲透出二十年陳皮的香味。

🔎 銅鑼灣波斯富街99號利舞臺廣場5樓*📍 譽宴‧星海薈.翡翠明蝦餃($40)爽口鮮蝦肉仲要每粒大大粒都咪話唔吸引.皮身係綠色,因為選用咗菠菜汁製做,而外皮亦唔會好厚,食得好滋味.金菇安格斯牛肉腸($40)初頭以為同普通牛肉腸差不多,但原來分別都幾大.配咗安格斯牛肉係即刻好食好多.而腸粉亦好滑身,呢個價錢可以食到安格斯牛肉其實好不錯呢!青芥安格斯牛粒($78)呢到嘅安格斯牛的確好唔錯,配埋一D好似四季豆嘅豆類,但又幾好味.當係一種蔬菜食都幾唔錯啊!原欖仁馬拉糕($30)除咗形狀同出面嘅馬拉糕有D唔同外,佢仲加入欖仁.變得更有咬口.而且一件好大份,如果多人飲茶,不妨考慮點呢個.

去親銅鑼灣都會去呢度飲茶因為可以順便泊車唔洗買野呢度裝修完成之後個場好靚好Grand不過冷氣有啲大今次叫咗好多野食脆皮燒腩仔燒腩仔個皮好香脆食唔停口一定要落埋芥末一齊食蝦春卷好香口，脆卜卜XO醬蘿蔔糕XO醬如果落多少少就仲好略微唔夠味豉汁蒸鳳爪鳳爪好入味蒸糯米雞糯米雞就不過不失啦無咩特別但飯太多入面無咩餡上湯牛肉球呢度嘅牛肉球有啲唔同唔係蒸係上湯咁上不過我都係鍾意傳統果啲因為有腐皮墊底陳村粉蒸排骨有陳村粉墊底吸哂啲排骨香味

星期五晚去咗時代廣場買東西晚飯就去咗利舞台一間餐廳 之前喺度飲過早茶 質素不錯那就試試吃晚飯吧！這間酒樓的擺設很漂亮 還有一個位置放滿糖果 等待食物的途中可以去吃一吃吃之前送上小吃花生一盤 香口好吃！我們兩個人叫了以下食物咕嚕肉 $90酸酸甜甜 送飯一流 咕嚕肉分量足夠 爽口彈牙碧綠花枝炒蝦仁 $108西芹配上蝦仁同墨魚片 非常好嘅配搭 西芹爽脆 墨魚鮮嫩近來吃得比較多肉 最後來一點蔬菜 上湯莧菜 $88莧菜新鮮無渣 幫腸胃清一清 ~最後埋單大概300多元 價錢合理質素不錯 環境亦都漂亮 見到餐牌有一啲推廣 有特價燒雞和清蒸海星班 下次嚟嗰時可以叫！

利舞臺對於我嚟講係有一個難忘的經歷， 我嘅人生大事都係向呢度舉行， 所以我對呢個地方情有獨鍾。 放工行下銅鑼灣， 經過利舞臺心血來潮到譽宴 · 星海薈吃晚餐。 有獨立電梯直上譽宴，高貴華麗時尚的裝修， 情有獨鍾這裏的長樓梯，佈置浪漫幸福的氣氛。 當晚我們叫咗幾個菜，鮮茄海皇浸菜苗$108， 脆皮醬燒雞$80， 魚香茄子煲$80， 脆皮咕嚕大蝦球$188， 白飯$13。脆皮咕嚕大蝦球～ 甜甜酸酸的味道非常開胃， 蝦球大大隻，肉質爽口，配菜有菠蘿， 紅椒和青椒， 色彩繽紛的賣相，特別開心。脆皮醬燒雞～ 半隻醬燒雞只需$80，皮薄又脆， 雞肉嫩口新鮮，推介這個是必點的。魚香茄子煲～ 魚香茄子煲是很多人喜歡的， 惹味又可以送飯，味道香濃100分。鮮茄海皇浸菜苗$108～ 清清哋叫個菜苗， 鮮茄加海鮮煮出嚟嘅味道特別鮮甜， 配上菜苗一起吃，讚不絕口。白飯～ 雖然我平時好少食飯， 但點咗幾個好餸， 一於破例食返半碗。重遊舊地感覺依然一樣，無論食物質素，服務態度，裝修環境，我都覺得係好好的。

之前去過譽宴。星海薈既飲宴，有條好長嘅樓梯覺得好靚，已經一排冇嚟過，而家又裝修過，仲好新淨，今次就唔係去飲，反而係食晚飯，環境好，價錢相宜。叫左個海星斑同燒雞，都係做緊晚市優惠，仲可同時享用優惠。清蒸生猛海星斑約一斤 $168，星斑魚超級新鮮，即叫即蒸，而且蒸得啱啱好，唔會過熟，啲魚肉好滑，加埋豉油好食，好快就清晒。皇牌脆皮醬燒雞 $80 半隻，半隻其實都份量好多，雞啖啖肉嫰滑。時令蔬菜多款菜可選，除咗最common嘅生菜、白菜之外仲有四季豆、苦瓜等等，煮法都有好多款，清炒、白灼、蒜蓉、腐乳、金銀蛋同濃湯。我地就揀左濃湯娃娃菜，浸住湯既菜都不會過淋，不錯。

星期六嘅銅鑼灣，飲茶一般都要等位。但喺利舞臺廣場就發現咗一間，裝修幾靚，又唔洗等位的星海薈。點心種類都唔少，而且中午12點前落單，價錢十分便宜。例如一小煲排骨飯，只收 $16，真係平到一個點，而且味道也不錯，一般點心都不難食，反而點了個鮑汁鳳爪 $68 一d鮑汁味都無，一睇落去就知原全冇用時間去炆煮。

閒日放假冇野做經過去左利舞臺果間星海薈飲茶。上到去見到裝修好開揚，食客唔會好嘈，氣氛都幾舒服，所以就入坐飲咗個下午茶喇～ 佢地將d茶葉獨立包好再放入茶壺，飲嘅時 候唔會飲到成口茶葉好貼心！醬油蘿蔔係一道涼菜，清甜爽口，一d根都冇，食完仲覺得好開胃！翡翠蝦餃既外觀係好吸引既翡翠綠色，上面仲有金粉既襯托！重點係佢夾落去一啲都唔痴筷子，外皮好薄，個餡仲係原隻鮮蝦，啖啖蝦肉！紫薯冬菇包外型都好特別，真係整到好似隻冬菇咁，包入面係好香滑嘅紫薯，唔會太甜，紫薯本身嘅香味，令成個包既味道好清新！金菇安格斯牛肉腸超級足料！腸粉皮好薄，食落唔會成口粉，安格斯牛肉再配合埋啲黑椒味，成個味道配搭得十分和諧，安格斯肉碎都有好香牛味！鵝肝鍋貼外皮好脆，入面菜同肉仲有鵝肝嘅配搭比例好夾，咬落去好Juicy！肉鬆蘿蔔絲大餅，入面餡料層次豐富，外皮又夠脆內層鬆軟！

係紫醉金迷既香港，想搵間靚靚仔仔既酒樓真係唔難。尤其是係銅鑼灣，愈黎愈多婚宴埸地都行緊luxury路線，淨係環境都夠哂吸引呀。今次同朋友晏就黎飲返個茶，試左呢間係銅鑼灣利舞臺新開既「星海薈」，以精緻水晶燈配合玫瑰金色做搭配，型格得黎又唔會好oldfashioned。整個埸地都相當寬敞，原來最勁既係宴會廳果個大樓梯係可以自動旋轉，聽落都覺得犀利！另外仲設有Clubhouse比你Kill time，唔錯！👇📌羊肚菌竹笙燉螺頭湯 - $138/位👉朋友話一定要試羊肚菌，佢話好有益，我咁大個仔都係第一次試。食落口感嫩滑腍身，成個燉湯飲得出好夠火喉，清甜又潤喉。裡面既食材落足料，螺頭夠新鮮。連湯渣都吸收哂湯既精華，全部食哂！📌蘿蔔絲網脆腸 - $28👉飲茶當然要有返點心先夠貼地咖麻！幼滑腸粉包住炸到相當酥脆既蘿蔔絲。蘿蔔餡夠香甜，整個層次非常豐富，食得過！📌香滑紫薯冬菇包 - $29👉淨係睇個賣相真係幾可亂真，唔講以為佢係冬菇呀！其實佢係個紫薯包，雖然裡面唔係流心，但我反而鍾意實心多ｄ，成個包都好軟熟，塞滿哂紫薯蓉，聞落都好夠香。女仕們一定好鍾意。📌翡翠明蝦餃 - $40👉潮流不斷係到變緊，目的

喜歡吃中菜的我閒時會到利舞台的酒家喝茶或吃晚飯，貪它夠雜中、大多都環境好、地段又方便。今晚再到利舞台發現5樓開了一間「譽宴 星海薈」。門面環境都很grand，樓底高又有旋形樓梯，淨論表面應該是不錯的婚宴場地。「茶位 $15餐前小食 $20」《脆皮醬燒炸子雞》的確不錯，肉嫩又入味。雞皮又炸的薄而脆，值得一試的菜色。《咕嚕蝦球》蝦球多又大隻，可惜我倆都不吃蝦。另外還有菠蘿和三色椒，酸甜開胃。《鮮茄海皇浸菜苗》有蝦、珊瑚蚌、鮮魷、菜苗鮮嫩和蕃茄。菜苗夠鮮嫩沒渣，湯底都香濃，珊瑚蚌爽身不韌。

今日約左uncle有事商討，所以找間好一點的酒樓，飲住茶傾，我選了在利舞臺的這間上到一樓見到很多人在排隊等lift，而我哋竟然有獨立進出門口同lift，感覺好Grand酒店級婚宴場地飲茶，環境一流，很有氣派布拉白腸粉（中）- 很滑，滑得嚟有點煙韌，腸粉面加入大量芝麻，令整條腸粉充滿芝麻香配合豉油、麻醬、甜醬一齊食更好味酥皮焗叉燒餐包（$42）- 包面酥皮非常酥脆，叉燒餐包鬆軟，包皮軟滑、纖薄，餡料超多汁，口感豐富，吃落好有層次灌湯小籠包（大）- 有三隻，每隻也用獨特的器皿載着，方便拿取，皮薄又多汁，高水準翡翠明蝦餃（特）- 上菜後先知原來翡翠是指指蝦餃是翠綠色的，賣相吸引，外皮煙韌，蝦量超多，咬落有汁福建炒飯 （$101）- 炒飯粒粒分明，而且每粒飯也沾滿蛋漿，另外用料豐富，有鴨胸，雞柳，蝦，冬菇，菜心，材料同醬汁佈滿飯面，能沾到每一粒飯，濕潤又好吃，高水準之作

中秋中午高質做節☕️環境乾淨舒服，坐得好舒服，唔會逼到窒息咁👍🏻因為有朋友係全素，揀餐廳同菜式方面我哋都要留神。平時好多時只可以食淨麵/羅漢齋，今次朋友可以食多啲嘢😍👍🏻呢個紫薯香菇包外型真係好cute，好似冬菇😂Highlight係銷魂叉燒😋真係好回味，半肥瘦好甘香！瑤柱蛋白炒飯粒粒分明飽滿🍚調味啱啱好菜苗夠清淡，食到菜嘅鮮味💯蘿蔔糕夠綿👍🏻 好香蘿蔔味本身唔鐘意食炸嘢，所以呢個我麻麻哋

✨ 除咗西式、日式、韓式嘅美食，小妹都好中意去酒樓食下飯，飲下茶。今日小妹我就同老母去咗銅鑼灣譽宴食個飯。✨今次嗌咗佢地嘅晚餐之選，包括蒸海星斑、炸子雞同菜苗。✨ 蒸海星斑👧🏻 小妹最中意就係用蒸魚鼓油去撈飯食㗎啦🤤🤤 今次呢條蒸魚蒸得啱啱好，返開魚肉都無血紅色。而且肉質鮮嫩彈牙，魚骨比較少，好啱小妹我呢啲唔中意有骨嘅人🤣🤣。✨ 脆皮醬燒炸子雞 - 半隻👧🏻 佢地挑選嘅雞，脂肪唔會好多，肉嘅比例會較為多，好易飽肚。加上雞子雞嘅雞皮炸得好脆口，令到小妹我食極唔停。✨ 鮮茄海星浸菜苗👧🏻 佢地嘅菜苗小妹我特別喜歡，菜苗無咗嗰陣草青味，食落好爽口。加上除咗菜苖以外，仲加咗蕃茄、草菇等去調味，令到菜苗唔會更單調。

媽咪整完甲話想搵個坐得舒服又有湯飲下既地方食晚飯~上Openrice search下見利舞臺有譽宴於是就帶佢過黎試下~未黎過呢間分店，裝修真係好靚!條大旋轉樓梯影相一流~坐低睇下menu，經理好殷勤介紹菜式所以好快我地就決定好~奄仔蟹呢個係經理推薦既~最初覺得價錢唔算平~但見隔離檯食得咁滋味，於是就叫黎試下~奄仔蟹連埋較剪同一D食蟹既工具一齊上檯~方便客人拆肉食~就算媽咪整左甲都輕易搞得掂~不過呢隻奄仔蟹既重點係好!多!膏!!!!!!真係爆哂出黎~~仲係我最鍾意食既軟膏!每一啖食落去都漿住個口~~香味留係口腔勁耐~超正!必點!!明火煲靚湯-南瓜蓮子瘦肉湯媽咪一心想飲靚湯，所以就叫左-南瓜蓮子瘦肉湯，湯以原煲上檯，侍應仲幫我地筆起湯渣同俾埋豉油我地點黎食~南瓜湯味道好鮮甜又滾熱辣，湯渣既豬肉點豉油好好味，而且湯既份量好多，我地總共筆到成6,7碗!拔絲咕嚕肉拔絲咕嚕肉係我去酒樓必叫既小菜!呢度既咕嚕肉炸得香脆，肥瘦適中，完全唔覺得油膩，酸酸甜甜送飯一流!脆皮吊燒雞燒雞堅脆皮，雞皮燒得卜卜脆，但雞肉一D都唔鞋口~冇咩多餘脂肪，真正做到皮脆肉嫩~叫左半隻雞~份量岩岩好!最後我地飲下茶hea下坐

放工帶媽媽同埋侄仔，去sogo買文具用品準備開學， 買完文具又去咗利舞臺uniqlo， 因為侄仔間學校係唔使著校服嘅 ， 趁住uniqlo有減價 ，又去買衫畀侄仔返學😁😁， 今日佢真係大豐收😆😆😆唔經唔覺又到咗晚飯時間，索性喺銅鑼灣食埋飯先返屋企。 記得上次喺譽宴飲茶都唔錯， 所以決定喺呢度食晚飯。我哋嗌咗呢三樣嘢：脆皮醬燒炸子雞 半隻 $80 晚飯特價項目， 80蚊半隻炸子雞真係好抵食， 外皮脆卜卜， 雞肉入味肉質嫩滑， 就算唔使點醬油亦都好夠味。😋😋避風塘普洱蝦球 $128呢個要趁熱食，如果凍咗外皮就會有啲油膩。 蝦球大大隻🍤🍤 ，肉質爽脆， 避風塘炸蒜蓉好香口。翡翠海皇炆豆腐 $108另外嗌多咗個炆豆腐畀侄仔， 呢個都唔錯， 豆腐都幾滑🍲。最後食淨咗嘢食， 想要個外賣盒要加兩蚊先有😅😅