星海薈 (利舞臺廣場)

營業中

休息中

DIM SUM are what you want everyDATE🥢Nothing to heal my chinese stomach in Vancouver like dimsum back in uni time - that’s all I want. 粵菜永遠穩佔我心中佳餚之冠🏆 對點心更是毫無抵抗力，誰不喜歡點心？（塞一顆小籠包到你嘴裏再説🥟）生活在香港真的很幸福啊，百家美食共冶一爐，各國美饡轉角街頭就能找到🥡Look at the Har Gow, the plump shrimp dumplings in crystal jade wrappers! Special price for lunch period at weekdays, just $1 for 4 pieces.Juicy XiaoLongBao filled with crab roe and crab meat is life! It has a rich seafood flavor without being overpowering, complete with the natural

同朋友慶祝生日，佢指明要食中菜，而且佢嘅心水係呢間喺銅鑼灣利舞臺嘅「譽宴.星海薈」，既然係佢生日，當然會順佢意思。第一次去，原來呢間中菜多數做婚宴，所以裝修得幾華麗，有好多花花圍住嘅旋轉長樓梯，有好多玻璃魚組成嘅天花裝置............就好似有一大群魚在你頭頂游過 講返食物先，我哋點咗菠蘿咕嚕肉，蝦仁煎蛋，蒜蓉炒菜心。菠蘿咕嚕肉：咕嚕肉炸得剛好，夠脆身，醬汁濃稠，配埋青椒、菠蘿，酸酸甜甜，非常啱送飯吃，只係食到最後，見到啲醬汁太稠，應該落多了生粉水，減少點生粉水會更好。蝦仁煎蛋：朋友係食蛋狂迷，佢指定要食煎蛋。味道都幾好，有點似芺蓉蛋。蒜蓉炒菜心：正常水準，份量多點會更好。

之前都略有所聞呢一間連鎖酒樓係非常地與別不同，一入到去就覺得環境好似星海般嘅婚宴場地咁，非常華麗同埋有氣派，從來未試過喺咁有氣派嘅酒樓食晚飯！除咗店舖嘅裝修之外，食物質素同款式都係同一般嘅茶樓高出幾班 ，由於我只係同一位朋友兩位嚟食，所以就只係嗌咗三道菜。✨熱情果龍仔大蝦球($128)呢一道菜係呢間酒樓嘅signature菜式有六個龍仔堆砌而成嘅大蝦球拼盤 外貌得意趣致 賣相簡直一百分鹽味道亦都非常特別唔係一般能夠食到嘅蝦球大蝦球用咗熱情果獻汁味道酸酸甜甜10分醒胃，加上蝦肉粒粒彈牙，有精挑細選過，我覺得可以一試！✨脆皮醬燒雞($80)簡單啲來講就係炸子雞，炸子雞係好考功夫嘅一道菜式，要炸到皮脆，但係肉依然要保持住水嫩嘅口感同埋肉汁係非常困難嘅一件事。坊間有唔少嘅炸子雞都揸到好老，呢度嘅炸子雞火候拿捏得好好，雞又奄得好入味，係出色之作✨蒜蓉炒西蘭花($78)晚餐當然要食返啲菜啦，我哋就嗌左一份蒜蓉炒西蘭花，西蘭花大大碟同埋好有蒜蓉嘅香味，不錯不錯！

和媽去飲茶就是好孩子～所以怎麼可能會沒我的份呢！這次帶媽媽到利舞臺廣場樓上的譽宴星海薈，它可是年中才開幕的新酒樓呢～從門口就能看到特色旋轉雲石大樓梯，整個裝潢跟傳統的就是不一樣，多了一份貴氣和氣派～我更有幸暏到一位新娘擺婚宴，整個氛圍頓時變得份外幸福～雖然是高尚的裝潢，但食物的價格出奇地親民，都讓我們喜出望外～媽媽對紅棗糕超級有感，因為她說婆婆很喜歡吃，但每次都覺得很難吃，然後今天我想說點試試看，結果她吃了大驚一會，才發現原來紅棗糕可以這麼好吃哈哈～而最得我歡心的就是最簡單的上湯娃娃菜，愈簡單就難好吃，它就是很鮮甜很好吃～～偶爾去嚐不一樣的酒樓真的會有意外收穫喔～

今日同男朋友兩個人喺銅鑼灣行完街，突然之間好想食中式酒樓嗰種蒸魚，見到有呢一間譽宴就衝上黎睇下有無小菜食。上到嚟發現呢度原來主要係做婚宴㗎，個場好大好靚，有棧好大嘅水晶燈。其實我哋上到去嘅時候已經9點，只係剩返一台客。但係啲職員都仍然好好服務態度，招呼我哋坐低，完全無話我哋阻住佢收工。之後放低咗個餐牌，其實我哋本來都已經係諗好要食魚，所以主要都係想蒸條魚叫兩個白飯。不過見到原來佢都有唔少其他小菜食，下次都可以黎試吓。我哋叫咗一份細嘅乳豬，因為侍應話呢度嘅乳豬係非常出名，可能係因為做開婚宴嘅關係。的確乳豬皮非常之趣，每一件都唔會剩係得皮或者肥肉，亦都有適量嘅瘦肉，食落口口感係好分明，真係好有平時去飲嘅時候原隻乳豬嘅感覺。之後我哋求其加咗碟菜，係香港人最鍾意食嘅菜心，揀咗蒜蓉炒。菜心炒得唔錯呀，而且佢啲菜係洗嘅時候又去左層菜衣，食落口嘅時候唔會有渣。加咗好多蒜蓉炒好有鑊氣，調味亦做得不錯，係一碟質素中上嘅炒菜心。然後就係今晚嘅重點啦，呢條清蒸海上鮮。去酒樓食蒸魚反而我唔鍾意食太大條嘅班，因為覺得整出嚟啲肉太實。反而我鍾意食呢種細細條嘅班仔，甚至係河魚。條魚蒸嘅時間真係掌握得啱啱好，出到嚟啲

之前聽同事介紹呢間中菜幾唔錯於是就突登黎食啦 一入到門口睇落相當有氣派 而且門口前有個花花樓梯 好有夢幻氣氛 好適合擺酒～我同朋友都比較細食 正係叫左兩碟餸～分別係熱情果龍仔大蝦球同個招牌小炒王 最令我印象深刻就係呢個大蝦球 味道酸酸甜甜 似芒果味多過似熱情果 但都相當入味 而且蝦球都幾大 一共有六隻 份量唔會話太少而個招牌小炒王就係平時d炒芹菜 雖然菜色無話好特別 但味道岩岩好 唔會過淡 攞黎送飯就一流最後仲叫左兩碗紅豆沙 有d lone味 味道麻麻地

每星期我都會同屋企人飲茶，大家見下面傾下計，互相交流一下⋯老爸朝朝都去街坊酒樓，見今日天氣咁好，就約佢出黎銅鑼灣飲茶，順便買埋冬天衫。利舞台有好多唔同既食店，誤打誤撞去左5樓既譽宴，主打係婚宴場地，一入門口有長長樓梯，方便婚禮新人拍照留念，都幾靚～飲茶一定會點蝦餃燒賣，呢度既蝦餃用上綠色皮旁邊沾有金箔，未食都已經覺得矜貴；加上皮薄，蒸既時間岩岩好，咬落唔會靱皮！暖烘烘既叉燒餐包好Juicy, 內裡叉燒餡料份量剛剛好，比起蒸叉燒包更好味！呢度既棉花雞除左有一般既魚肚之外，仲添加左山藥(椎山)同少少杞子；同平時食開既棉花雞味道有少少不一樣，呢度係好味d，同埋感覺健康養生d!老爸話呢度點心唔錯，尤其是個黑糖薑汁糕；唔會太甜且帶有薑汁味道，香軟滑又暖胃！平日來飲茶仲可享半價優惠哩！

朋友之前喺度搞婚宴，我覺得個場好靚樓底好高，同埋食物質素都唔錯，問吓原來佢哋平日有做晚市，價錢亦都非常合理，喺銅鑼灣區來講其實叫做抵食添，上星期諗唔到食乜就去試吓佢嘅晚飯兩個人叫咗一條老鼠班，條魚份量剛好，兩個人食啱啱好，魚肉好滑，我最鍾意用啲魚汁用嚟撈飯，鮮甜又好味。另點左一碟蝦仁炒西芹，份量亦都好多，鮮蝦大大粒，彈牙又好味。上次去飲宴嘅時候食過呢度嘅炸子雞，覺得做得好出色，今次我哋兩個人叫咗半隻，味道同樣咁好， keep到水準，外皮香脆，肉質鮮嫩，2個人食左3個家常菜，有魚有肉有菜埋單$500有找，屋企唔煮飯，呢度又可以成為我地另一個飯堂。

前幾日約左朋友去嘆茶，佢就建議去呢間銅鑼灣既譽宴·星海食下午茶，話又抵又好食！雖然茶樓位於旺區核心地帶，但平日午市同下午茶價錢以地點、裝潢、服務同埋最重要既食物質素黎講，絕對係非常出色，絕無誇張之言！呢到午茶仲可以用$1享用蟹籽燒賣皇，真係好抵！黎到呢個當然要試佢既招牌翡翠明蝦餃，賣相好別緻，蒸得晶瑩剔透，裡面包住2-3隻蝦，肉質新鮮彈牙，必點！蟹迷點可以錯過蟹粉小籠包！？呢到蟹粉小籠包好大隻，一咬d蟹黃油爆哂出黎，超超超好食！！酸薑糖心皮蛋都係同樣出色，加埋糖一齊食，味道酸酸甜甜，同皮蛋本身獨特既味道竟然十分夾，中間仲要流心，真係不得了～鵝肝煎鍋貼份量足料，每隻都係大大隻，好飽滿～而且煎得好香口，食落埋陣鵝肝味即湧哂出黎！！棉花雞加左好多杞子，味道清清甜甜，中和左雞既油膩～而魚肚好厚身，亦浸滿湯汁，非常好食！最後點少得我最喜愛既馬拉糕！？熱辣辣蒸出黎十分鬆軟～雖然我已經食得好飽，但都忍唔住食左大半個

第一次去到這間酒樓食飯，媽咪想食中餐，見到晚市優惠之選，所以就上左來，比一般的酒樓坐得闊落，都好開揚。我地見左2個餸，一個係醬燒雞，一個係時菜，另外有送堂剪BB豬。佢係根據幾多位黎送，2至5位一小碟。BB豬好脆，而且暖暖的，送飯很不錯。配搭乳豬醬，很脆好好食，可以睇到上面的皮是很鬆化的。而且又唔會好肥，送都有咁既水準。 另外燒雞，外脆內滑。與炸子雞不一樣，炸子雞多油，但今次沒有太多油，而且燒得好脆。本身已經有味，沾不沾醬一樣好。再叫了一碟菜心，晚飯小菜必備。 最後有糖水送，是紅豆沙，是很綿滑的紅豆沙。

恭喜發財，早點到場飲多兩支 ﹗十年都無一次出城過海，人生路不熟，兜兜轉轉 30 分鐘安全到逹，不過已經身水身汗濕膠晒，行到著晒火呢﹗橫街窄巷用 Google Map 都係玩死。在門外於下買路錢，尋找自己所屬檯號，竟然我最早到？坐坐下漸漸成檯阿叔阿伯師拉阿嬸幾乎無個識。幸好上菜前有位師拉帶晒含家問可否安排坐同一張檯呢？機會黎喇﹗我梗係熱心地舉手，轉到朋友們張檯齊齊醉啦﹗銅鑼灣譽宴星海薈？侍應姐姐嬸嬸最初比較冷淡，不過一輪熱身後已進入狀態，談笑甚歡，招乎有禮周到 ﹗其實敬業樂業，工作時開開心心，時間更易過啦。座位檯椅放得密麻麻，如果疏落寛敞就開揚坐得舒服有私人空間，坐得緊扣一點就更熱鬧更有氣氛，各有各好處。婚宴小禮物 Tea bag ？我都忘記帶走，多謝多謝。紅酒，大會供應兩款都飲得過，夠厚夠醇夠濃我喜歡。白酒，對我遘甜度太高，不是我杯酒，不喜歡。紅運金豬全體，各位來賓都應該好肚餓喇 ﹗繼一對新人連擊咀咀後，第一道菜在打鑼打鼓襯托下出場 ﹗豬皮奇脆不硬，肥膏多而嫩肉少，咸度適中，油膩感強。如意百合花姿玉帶，色彩繽紛食慾大增，現在的我整碟都非常喜愛，以前的我討厭彩椒的。碟中物全部合格 ﹗蜜糖

久違嘅週末拍拖日，返完半日工同先生去銅鑼灣行街，本來打算食日本菜，喺利舞臺等𨋢嘅時候見呢到有茶樓，不如兩公婆休閑啲飲返個茶😉一坐低就見到午市茶位費做緊優惠半價，好抵👍🏻由於會用嚟做婚宴場地，裝修非常精美，除咗有大大個stage之外，天花設計都非常精緻，驟眼睇以為係普通嘅水晶吊燈，細心一望原來係由無數條魚仔組合而成嘅河流，非常有動感❤️香片茶味芬芳，味道清香，係我哋每次飲茶嘅不二之選😊首先上枱嘅係翡翠名蝦餃，翠綠色嘅表皮望眼欲穿，係睇得見嘅薄皮，加上金色顏料點綴，倍覺矜貴👍🏻一咬落去果然同眼見一樣咁薄皮，蝦肉鮮甜彈牙，難怪眼見每枱都叫😋蘿蔔絲脆網腸粉看似簡單，其實極考功架，外面嘅腸粉細嫩軟滑，配上入面清甜多汁嘅白蘿蔔絲同鬆化嘅脆網，沾上甜豉油，帶嚟味覺同口感嘅衝擊😉平日喺茶樓食鮮竹卷同雞扎，最怕蒸到乾爭爭，底部一啲汁都冇，呢味龍蝦湯鮮竹卷就符合晒我要求，鮮竹卷用鮮濃微稠嘅龍蝦湯浸住，保持濕潤嘅口感，為本來已經鮮甜嘅鮮竹卷再添鮮味😋法國鵝肝煎鍋貼底部煎得香口，配上脆網增加口感，皮薄餡料多，沾上餃子醋同食更加解膩開胃👍🏻美中不足嘅係鵝肝嘅味道唔太突出。最後係壓軸出場嘅香滑紫薯冬菇包，之前見過朋

銅鑼灣的廣場一向多各式各樣的食肆，今趟見到利舞臺廣場地下有宣傳是食點心，便去試試。扶手電梯上再搭𨋢就直達酒家。非常華麗！情不自禁的要拍個照打打卡！😂茶具感覺衛生乾淨！午市時段點心價錢分別為：小點—$24中點—$30大點—$35特點—$40手切豚肉叉燒腸腸粉晶瑩通透，滑溜中帶點彈牙。豚肉新鮮肉香，點甜豉油食一流！👍🏻法國鵝肝煎鍋貼噢！第一次食鵝肝鍋貼，以鵝肝取替傳統的豬肉作為饀料，無論創意及味道都非常欣賞！💓翡翠明蝦餃綠色的外皮加金薄綑邊，視覺效果已得分不少！養生山藥杞子棉花雞棉花雞食得多，來來去去都是配棉花雞火腿芋頭之類，呢道棉花雞特別之處是，包含了益氣養陰的淮山！乾鍋醬金錢肚醬汁味美，帶點野味，金錢肚彈牙！香滑紫薯冬菇包哈！賣相與真冬菇一樣，紋理及冬菇定都跟足，又一件食物藝術品！😍內裡的紫薯量多夠香濃，應該都會成為必食之選！這間酒家裝璜瑰麗堂煌，每一道點心都看得見食得出是花過不少心思，做到與別的酒家更勝一籌，而價錢亦不會特別高，可以說是性比價高，值得一吃再吃！🏆

兩個人嚟飲茶，有直接lift撘上嚟，呢日係閑日所以唔需要等位!! 叫咗三個點心同埋兩個小菜，呢度嘅點心做得幾精緻，賣相靚之餘食落都好味，尤其是翡翠蝦餃同冬菇包，翡翠蝦餃皮薄有大大隻蝦之餘仲有金泊喺面，冬菇包好可愛裏面係紫薯蓉!! 小菜係蜜汁烤豬仔骨同埋秘製五香牛雜，冇記錯好似每碟$40-$50到左右，絕對抵食!! 侍應話五香牛雜係新菜式，呢個牛雜真係做得幾好，個汁出色而牛雜亦都處理得唔錯，我自己最愛牛肚同牛腸!!呢度嘅裝修都幾華麗，以為價錢會再貴啲，但最後兩個人加埋食左$200頭，價錢好親民，真係食得過!!

今晚同男朋友去左銅鑼灣食中菜。譽宴·星海薈，新裝修完充滿婚宴味道，環境好靚好大，有大大盞水晶燈，長長樓梯，新娘子當晚應該非常迷人。主打婚宴既酒樓，環境好華麗。男朋友同我黎食晚餐，我地兩個唔肚餓，叫左兩個小菜。熱情果籠仔大蝦。大蝦好爽甜非常驚喜。新鮮大蝦充滿鮮味，籠仔賣相好吸引好有趣。大蝦加左熱情果汁，好酸甜好開胃，酸酸地醬汁仲好岩送飯啊！我地叫左蒜蓉炒菜芯。菜芯驚奇地非常爽甜無渣，每口新鮮蔬菜香。