影片
更多
2019-09-16
471 瀏覽
係紫醉金迷既香港，想搵間靚靚仔仔既酒樓真係唔難。尤其是係銅鑼灣，愈黎愈多婚宴埸地都行緊luxury路線，淨係環境都夠哂吸引呀。今次同朋友晏就黎飲返個茶，試左呢間係銅鑼灣利舞臺新開既「星海薈」，以精緻水晶燈配合玫瑰金色做搭配，型格得黎又唔會好oldfashioned。整個埸地都相當寬敞，原來最勁既係宴會廳果個大樓梯係可以自動旋轉，聽落都覺得犀利！另外仲設有Clubhouse比你Kill time，唔錯！👇📌羊肚菌竹笙燉螺頭湯 - $138/位👉朋友話一定要試羊肚菌，佢話好有益，我咁大個仔都係第一次試。食落口感嫩滑腍身，成個燉湯飲得出好夠火喉，清甜又潤喉。裡面既食材落足料，螺頭夠新鮮。連湯渣都吸收哂湯既精華，全部食哂！📌蘿蔔絲網脆腸 - $28👉飲茶當然要有返點心先夠貼地咖麻！幼滑腸粉包住炸到相當酥脆既蘿蔔絲。蘿蔔餡夠香甜，整個層次非常豐富，食得過！📌香滑紫薯冬菇包 - $29👉淨係睇個賣相真係幾可亂真，唔講以為佢係冬菇呀！其實佢係個紫薯包，雖然裡面唔係流心，但我反而鍾意實心多ｄ，成個包都好軟熟，塞滿哂紫薯蓉，聞落都好夠香。女仕們一定好鍾意。📌翡翠明蝦餃 - $40👉潮流不斷係到變緊，目的
尤其是係銅鑼灣，愈黎愈多婚宴埸地都行緊luxury路線，
淨係環境都夠哂吸引呀。今次同朋友晏就黎飲返個茶，
試左呢間係銅鑼灣利舞臺新開既「星海薈」，
以精緻水晶燈配合玫瑰金色做搭配，型格得黎又
唔會好oldfashioned。整個埸地都相當寬敞，
原來最勁既係宴會廳果個大樓梯係可以自動旋轉，
聽落都覺得犀利！另外仲設有Clubhouse
比你Kill time，唔錯！👇
📌羊肚菌竹笙燉螺頭湯 - $138/位
👉朋友話一定要試羊肚菌，佢話好有益，
我咁大個仔都係第一次試。食落口感
嫩滑腍身，成個燉湯飲得出好夠火喉，
清甜又潤喉。裡面既食材落足料，螺頭夠新鮮。
連湯渣都吸收哂湯既精華，全部食哂！
📌蘿蔔絲網脆腸 - $28
👉飲茶當然要有返點心先夠貼地咖麻！
幼滑腸粉包住炸到相當酥脆既
蘿蔔絲。蘿蔔餡夠香甜，
整個層次非常豐富，食得過！
📌香滑紫薯冬菇包 - $29
👉淨係睇個賣相真係幾可亂真，
唔講以為佢係冬菇呀！其實佢係個紫薯包，
雖然裡面唔係流心，但我反而鍾意實心多ｄ，
成個包都好軟熟，塞滿哂紫薯蓉，
聞落都好夠香。女仕們一定好鍾意。
📌翡翠明蝦餃 - $40
👉潮流不斷係到變緊，目的就係想吸引或者
保留食客既新鮮感，所以連普通既蝦餃都都要
做得特別精緻，而呢間酒樓將傳統蝦餃改頭換面，
用既鮮蝦比較濃香同大隻，確保蝦肉夠新鮮，
爽滑彈牙。而餃皮非常翠級而且透薄。
晶瑩剔透就已經係基本要求了。
📌沙薑豬手粒 - $45
👉估唔到呢個冷盤相當有驚喜。賣相平平無奇，
睇落好普通既豬手，但味道非常到位，
完全食到沙薑既濃郁感，豬手質感爽脆，
絕對係必食推介！
張貼
