雖然茶樓位於旺區核心地帶，但平日午市同下午茶價錢以地點、裝潢、服務同埋最重要既食物質素黎講，絕對係非常出色，絕無誇張之言！呢到午茶仲可以用$1享用蟹籽燒賣皇，真係好抵！
黎到呢個當然要試佢既招牌翡翠明蝦餃，賣相好別緻，蒸得晶瑩剔透，裡面包住2-3隻蝦，肉質新鮮彈牙，必點！
1
蟹迷點可以錯過蟹粉小籠包！？呢到蟹粉小籠包好大隻，一咬d蟹黃油爆哂出黎，超超超好食！！
酸薑糖心皮蛋都係同樣出色，加埋糖一齊食，味道酸酸甜甜，同皮蛋本身獨特既味道竟然十分夾，中間仲要流心，真係不得了～
鵝肝煎鍋貼份量足料，每隻都係大大隻，好飽滿～而且煎得好香口，食落埋陣鵝肝味即湧哂出黎！！
棉花雞加左好多杞子，味道清清甜甜，中和左雞既油膩～而魚肚好厚身，亦浸滿湯汁，非常好食！
最後點少得我最喜愛既馬拉糕！？熱辣辣蒸出黎十分鬆軟～雖然我已經食得好飽，但都忍唔住食左大半個
