星海薈﹒譽宴

營業中

休息中

平時西餐食得多，今日阿姨帶我去酒店食中菜😍🤍澳洲龍蝦伊麵底（$688）佢啲龍蝦肉好實淨彈牙，而且廚房已經幫你剝晒大部分既殼，真係啖啖肉！而且個伊麵好爽快，同龍蝦一齊食好夾評分：4.323/5🤍招牌菠蘿咕嚕肉（$148）佢個咕嚕肉甜酸汁調得好好，好開胃但唔會太酸，同埋佢個咕嚕肉外皮真係好脆，入變啲肉幾淋，幾滿意！評分：4.124/5🤍三鮮海皇雜菜煲（$148）佢個煲嘅料真係好多，完全唔孤寒，有帶子、蝦、粉絲、西蘭花等等！特別想提吓啲帶子同蝦真係幾大隻，而且鮮味十足！評分：4.181/5

好耐冇去酒樓食飯啦 又來到我覺得質素唔錯嘅譽宴 一坐低會比盆熱水你洗野 我覺得都幾貼心而家做緊買一送多一個餸嘅優惠 好抵食wo 望下menu有咩食先 我地叫左3個餸蜜汁黑豚肉 完全係厚切叉燒 肥瘦適中 好Juicy 我好鍾意啲蜜糖好甜呀 家常海參豆腐煲 上枱仲係渣渣聲 食返啲蔬菜類嘅中和下 豆腐炸得唔錯 海參切咗一粒粒好爽口 澳洲龍蝦伊麵 嘩好大隻龍蝦啊 新鮮龍蝦好彈牙 啖啖肉超滿足 龍蝦多過伊麵 食龍蝦都飽咗啊好豐富嘅一餐呀 環境舒適又唔會好嘈 所以屋企人都好鍾意嚟呢度食

中午很想吃點心，又要同同事傾野，唔想搵太噪吵嘅酒樓，呢間啱啱好，係酒店旁邊，環境衛生各樣都很好。起初以為好遠，原來由石門站行去也不用5分鐘，其實好方便！我們點了5個點心加一個菜，蝦餃和灌湯餃都一流，很足料，隻🦐好大隻，是必點項目！另外，咸水角真的很好味，平時很少吃，今次感覺有驚喜，上菜時還熱辣辣，餡料剛剛好，不會太膩！ 😋😋😋叉燒腸也很有水準，如果皮再薄啲就perfect , 整體非常之好, 尤其適合商務午餐。

飲茶文化是香港的特色，平日香港的茶樓總是有邊看報紙，邊品嚐點心及茗茶的伯伯。星期天就是和家人一起到酒樓飲茶聊天的地方。今天湊巧地到沙田分公司開會，同事已在萬怡酒店星海薈訂枱吃午飯。大門入口旁邊擺設了幾個不同動作的黃色公仔很可愛。酒樓是一間婚宴場地，餐桌及椅子都蓋上艷麗的紫紅色及銀色椅套。份外注目。我地點選了傳統的點心：黑松露蝦餃，新鮮彈牙蝦肉配上淡淡黑松露香氣，也是首次品嘗，已取滿分。山竹牛肉球肉質Q彈，沒有點兒腥味，點些喼汁更帶出牛肉的鮮味。南翔小籠包，食之前務必要小心，熱辣辣皮薄肉嫩注滿湯汁。蠔皇叉燒包微微裂開露出蜜汁叉燒，餡多料靚，已很吸睛。潮式粉果，餡料皮薄及煙韌，花生及沙葛都很爽脆。芝士蝦春卷都很特色，蝦肉彈牙，十分脆口。熱騰騰的點心加上禮貌的員工，不是每間港式酒樓都做得到的，值得推薦！👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

預早物色定父親節晚飯地點！決定試下呢間，因為話曬都坐落喺酒店入面，格局同食物質素應該有番咁上下！石門站行過嚟都幾方便，大約七分鐘～餐前小食 (間間酒樓都會有㗎啦)😏 呢間都算特別，當日係潮式鹹酸菜，都幾開胃😋 茶葉方面就係比較大眾化嗰啲，我哋揀咗鐵觀音☕一行兩人👫🏻叫咗兩個小炒🥣一個炒菜🥗同埋主角沙煲翅🤩真係食到捧住個肚走🤭🌟士多啤梨醬炒蝦球有驚喜💢我平時唔太喜好咕嚕醬嘅，但係呢隻草莓醬我又ok喎🍓裏面仲加入新鮮草莓粒🍓蝦球份量都算多🍤又好大隻，炸得好脆之後上汁～🌟芥末牛柳粒🐂配上窩筍粒～味道唔錯👍🏼唔會話好搶喉嘅辣！萵筍粒爽脆～🌟重頭戲：一人一煲沙煲翅💢店員話呢個佢哋週末大賣！佢哋會喺附近即席煲熱煲仔翅🤤然後熱辣辣上枱！魚翅都幾厚，有口感，另外加上大量幼身芽菜，食落多重口感‼️估唔到仲幾飽肚添‼️🌟椒絲腐乳通菜，份量足，四個人食都夠呀🤪調味唔錯！

位於酒店內的酒樓，成日以為結婚飲宴先有得食，點知原來都做埋正常餐飲生意，非常值得一試。位置坐落於石門，交通方便。外窗都是落地玻璃，可以睇到美景，眼睛同嘴巴都可以飽足。依家做緊好多優惠，同埋報章推介我哋試吓胡椒蟹，所以我哋就試一試啦！胡椒蟹煲係用一隻超大嘅肉蟹整成嘅，同埋會切件，令到我哋可以一舊舊咁樣拎住食。味道超鮮甜喎，同埋啲胡椒味唔會太辣，肉質似係用新鮮蟹整成，啖啖肉之餘仲有海鮮鮮味，食到唔夠喉呀！員工服務態度非常好，每次吃蟹碟放滿的時候，員工都會換新嘅碟，亦會為我們添置茶水，實在服務貼心。另外我哋多點左兩個小菜，分別係咕嚕肉同埋通菜煲，咕嚕肉啱啱上枱嘅時候係即炸嘅，食落去脆卜卜配埋啲酸酸甜甜醬汁真係超正！啫啫蝦通菜煲非常好食，並且好大份，蝦味非常濃郁，食完齒頰留香，但係真係有啲大個，差啲食唔晒，但係實在好味道，我哋最後都清晒個煲必定回頭，走之前仲特別送咗份甜品俾我哋，桂花糕好清甜好清新，中和返今餐嘅味道！

星海薈飲過好多茶同晚飯，今日終於寫個食評。疫情下個人做嘢好累，懶左。黑松露蝦餃之王四隻飽滿嘅蝦餃，中間係一的小蕃茄花。加咗黑松露嘅蝦餃比起一般嘅蝦餃吸引，帶一點西式風。蝦肉飽飽滿滿，蝦餃皮都唔油膩，不錯既！北菇蟹柳棉花雞魚肚份量多，軟棉棉入味雞汁，唔算多油。雞肉幾件都嫩。蟹柳有少少甜既？著中食魚肚，小養顏。蠔皇叉燒包叉燒包入邊有原粒大大粒叉燒，重料！包身都算軟，放耐左少少食都唔會乾身硬硬咁。木魚花燒汁茄子依個一定要食！木魚飛舞多多日式咁！佢既蝦膠做到晚宴食嘅蟹鉗咁樣，9成9相似！唔係煎or蒸個隻蝦膠，係炸既蝦膠，好好味！係燒汁多少少所以咸少少，但本身蝦膠茄子唔咸既，好ok！鮮蝦腐皮卷薄脆可口，依度做蝦膠不錯不錯！又係份量夠彈，記得一定要點喼汁！桂花蜜脆麻花傳統茶樓小食。首先佢炸得健康，睇得出唔係千年老油！第二，桂花蜜加小椰絲賣相唔錯。第三，小酥脆大甜度，可能男士會冇咁鍾意食因為好甜，不過女士就好鍾意啦，哈哈！佢多蜜得嚟唔痴牙，桂花嘅味道可以重啲！

飲啖茶食個包🥰鍾意黎石門「譽宴」！坐🉐️舒服！嘻嘻😆最鍾意其實係一坐低，店員捧一大鍋滾水俾我洗🥣🥢！食得好安心❤️！黑松露蝦餃之王淡淡黑松露味道！蝦肉新鮮彈牙！絕對稱得上蝦餃之王🤩！香茜叉燒腸粉腸粉皮薄喊靚！叉燒半肥瘦！做得不錯👍🏻！芝士蝦春卷輕輕一夾就有長長拉絲！滿滿🧀湧出來🤪！🧀控必點！春卷熱辣辣剛炸起！加分👏！鮮茄濃湯浸菜苗菜苗鮮嫩配埋菇菌同蕃茄仔！非常健康美味🥰！

沙田酒店中菜廳 譽宴星海薈一年一度母親節一定要帶媽媽食好嘢，報答一下佢一直對家庭嘅付出👨‍👩‍👧第一次帶屋企人嚟食酒店級中菜，真係幾有驚喜！澳洲龍蝦🦞上湯伊麵底龍蝦應該有斤幾重，啖啖肉，超級新鮮先會咁爽口彈牙，上湯汁唔會太鹹味道剛剛好，龍蝦味好出🙂招牌菠蘿咕嚕肉酒店即係酒店級，一定係我食過最好食嘅咕嚕肉，絕對冇誇張，咬落去非常脆！啖啖肉，完全冇肥膏！菠蘿🍍少有地係用新鮮菠蘿！醬汁調味都好好！酸甜剛剛好！啫啫蝦干通菜煲媽媽指定一定要食菜🥬！呢個啫啫通菜煲夠晒鑊氣！加埋蝦干味好香！店員細心叫我哋煲邊小心熱🥰真係一分錢一分貨，酒店級大廚真心整得好食！😋媽媽大滿足！#一年一度#母親節快樂#沙田萬怡酒店#菠蘿咕嚕肉#中菜#物有所值#上湯龍蝦伊麵#酒店級美食#相機食先#食咗先講

哩個時勢, 個FD都仲有得升職加人工, 梗係要請我食餐好架啦😏佢平時都中意去石門譽宴LUNCH, 話中意佢環境之餘又好食, 而我好耐之前都係度食過一次晚飯, 環境係真係幾靚, 而且靜靜地又坐得舒服。餐廳有提供100度熱水for洗餐具, 疫情下真係會加分。再上埋前菜小食同埋茶。餐廳有唔同既套餐, 龍蝦,蟹等等既PROMOTION, 仲有個晚飯菜式3選1優惠CP值好高, 叫一個正價菜式就送條魚, 大蝦球或者燒雞, 如果兩個人黎食叫一個小菜再送條魚, 叫多個飯都已經好夠啦喎! 不過佢升職加人工咁開心, 梗係有大食大啦😏叫左隻龍蝦賀一賀佢😏上湯焗澳洲龍蝦配伊麵 $688大大隻已拆肉龍蝦, 食起上黎好方便, 龍蝦肉唔痴殼, 厚身好肉地, 口感爽彈又鮮味, , 一食就知新鮮, 對得起個價錢上湯汁味道亦調得岩岩好, 有其香味同時唔會蓋過龍蝦鮮味, 伊麵底掛滿上湯汁同埋帶淡淡龍蝦滲出既鮮味, 好味!蜜燒黑豚肉 $168目測一邊係半肥瘦, 一邊係瘦, 原本以為瘦個邊口感一定差D, 但係入口係好軟腍, 真係我食過口感最香軟既瘦CHA燒! 而且好入味, 蜜汁味香濃, 而半肥瘦個邊相比之下更甘香, 仲有就係燶

4-5-2021 (Tue)老闆突然吹雞話飲茶,多謝老闆,我哋一行10人嚟食啦,例牌叫咗個8人套餐加啲嘢,有:1. 炸雞軟骨唔大碟,外面有脆漿,成個味道同口感都唔錯.味道: 5分2. 套餐中嘅叉燒腸正常冇問題.味道: 3分3. 套餐中嘅XO醬蘿蔔糕同上次一樣唔太辣,口感鬆軟.味道: 4分4. 套餐中嘅鮮蝦腐皮卷薄薄一層好脆嘅外層,鮮蝦亦有好多.味道: 5分5. 套餐中嘅招牌蜜汁黑豚肉今次唔係好得,唔鬆軟,不過蜜味仍唔太甜.味道: 2.5分6. 套餐中嘅手拍蒜香青瓜青瓜爽口,少少酸味開胃.味道: 3.5分7. 套餐中嘅蟹籽燒賣皇都係大大粒,正常冇問題.味道: 3分8. 套餐中嘅鮑汁燜鳳爪今次唔夠味.味道: 3分9. 套餐中嘅北菇棉花雞魚肚都幾多,不過今次唔多入味.味道:3分10. 套餐中嘅瑤柱蛋白炒飯同樣鹹淡適中,飯粒分明但又唔太乾,好味.味道: 5分11. 套餐中嘅紅燒豆腐海皇羹豆腐好滑味道亦濃,鹹淡適中,好味.味道: 5分12. 金沙苦瓜?好甘,但外面嘅鹹蛋黃脆漿好甜好味.味道: 5分13. 套餐中嘅南乳脆香雞中翼味道啱啱好,外脆內嫩,好味.味道: 5分14. 套餐中嘅星州炒米食咗一

澳洲龍蝦🦞真係一分錢一分貨😋一食就愛上左🥰彈牙多肉~自從屯馬線開通後🚇去石門食飯都唔係問題😛仲快過出mk/tst🚀~石門都有間譽宴。星海薈😎放工過來半小時都唔駛點左上湯澳洲龍蝦🦞$688(伊麵底)~龍蝦肉質彈牙😝而且斤兩十足(約一斤3~4) 啫啫蝦乾通菜煲🥬熱lala石鍋上台😚香噴噴又惹味好味😋咕嚕肉🍍肉即炸完再淋上醬汁~仍然脆口的✌🏻食物水準真的唔錯~下次可再來幫襯^^

#哈比四圍食平時返工出去食晏成日都係食茶記，有陣時真係食到悶，就約埋幾個同事仔去嘆番一盅兩件，嘆完之後再返去做嘢心情都靚啲😁脆網帶子腸粉薄薄嘅腸粉皮，入口好滑，入面包住一層脆卜卜嘅嘢再包住啲鮮甜嘅帶子，口感好豐富冬荀鮮蝦餃晶瑩剔透嘅蝦餃皮，唔太薄唔太厚，入面包住滿滿嘅蝦肉，十分爽口白胡椒濃雞湯灌湯餃平時食開嘅灌湯餃嘅湯底都係好平平無奇加啲醋落去食咁樣，但係呢一度嘅灌湯餃好真材實料連湯底都好香濃，絕對唔建議加醋，咁樣會破壞咗湯底嘅鮮甜味叉燒包即叫即正大大個嘅叉燒包，趁熱食一流炸春卷熱辣辣脆卜卜，入面全部都係蝦肉，超正.➡️ 譽宴．星海薈 (沙田)沙田安平街1號香港沙田萬怡酒店1樓

呢個星期放假所以特登約左個fd食晏去左佢返工附近飲茶佢就好啦我返工附近無野食㗎🥲叫定啲點心等佢而家飲茶咁好俾晒成盤熱水我洗碗筷乾淨衞生好多！揀左佢最鐘意嘅蝦餃同我鐘意嘅春卷！同其他幾樣野～開心❤️碧玉鮮蝦腸粉皮薄餡靚蝦肉彈牙芝士蝦春卷芝士拉絲㗎！蝦肉一樣鮮味XO醬炒蘿蔔糕蘿蔔糕超厚切XO醬微辣如果想再辣少少加啲辣油食仲惹味！金錢肚非常濃味牛肚爽口有咬勁蝦餃都唔錯配上黑松露更添香氣再加多個菜苗仔上湯幾香濃菜苗嫩口清爽食飽飽又佢繼續下午嘅工作我又去扮靚靚～

今日同朋友到石門譽宴慶祝，招牌白胡椒蟹依家有優惠覺得唔可以錯過，大肉蟹一上檯就覺得值了，好大應該有斤半重，鐵板上啲蟹玆玆响，胡椒味撲鼻而來，香中帶辛，忍唔住剝殼，粉中带白仲有啖啖啲胡椒香，味辛唔辣，非常惹味，蟹肉好飽滿結實且鮮甜細嫩，食得好滿足！薑蔥龍蝦雞煲：呢道體現「鮮」味，龍蝦肉厚肉質彈牙爽嫩，雞肉嫩滑，在薑蔥爆炒下味道更突出。金銀蛋浸時蔬：新鮮啲白菜仔配上鹹香啲鹹蛋同口感Q軟啲皮蛋，係一道美味又清爽啲佳餚。湯汁都好好味，唔會好鹹。甜品係杞子桂花糕，有啖啖桂花香味，彈牙軟滑，清甜美味。唸住再來幫襯，因為酒樓在做優惠「免費晚飯菜式三選一」真啲好抵！餐廳啲服務好好👍