日和号壽司料理 (已結業)

今日出左九龍灣行街，食飯時間過左megabox，因為諗住少人過德福。上左十樓是旦入左間餐廳食...最後入左呢間。三個人一人點左一個午餐...我就點左個人日式咖哩豬扒飯...由先啲米係大陸米...啲薯條好淋...啲薯仔又有怪味...啲豬扒仲要散修修！同行兩人分別都點左蕃茄烏冬...牛柳得四小粒，啲湯又勁咸...不過無影相。食完都係覺得唔掂！最差係餐廳冷氣唔夠，愈坐愈熱。樓面好多waiters...但好似zombies咁行來行去...好似無左靈魂咁...坐底又唔比茶唔比紙...想點野問佢...就叫我地自己搵紙寫黎點...睇紙上面有教...完全唔想至我地。最後三個人埋單仲要二百幾數完全唔抵，性價比太低！所以無可能會再encore👎🏻