日和号壽司料理 (已結業)

百物騰貴！觀塘區近年轉型，由工業區，變為商廈林立的商業區，不少大公司office由港島區搬至觀塘區商廈，連帶工廠區內不少食肆也多以中高價錢為主，當午市套餐也迫近一百元時，一百元晚餐的選擇就更少。這晚跟幾位新認識的朋友吃飯，得知這間位於Megabox的壽司店9:30後有半價！就一行七人去大快朵頤！原本看見負評不少，卻因為已經飢腸轆轆，打算填飽肚子，沒特別期望。點菜後覺得也不錯呀！選擇多，質素不差，而且沒欺場。飯量適中，衛生情況良好，魚生也新鮮。赤蝦大大隻，鮮甜！炙燒三文魚和灸燒左口魚柚子鹽炙燒帶子另有長長的鰻魚壽司明太子燒玉子份量較小，不算特別，但性價比甚高！軍艦、刺身、壽司、熱食無一缺，絕無欺場，唯獨當晚點的海膽軍艦沒貨。放題的份量和不錯的質素，不用等位，卻只要$100，胃口大點也不怕吃窮！只要你願意晚點吃飯就可以省回不少了後記： 這裡定期更換新主題，像是今期就有「煙花應該和誰看」動畫迷不要錯過！

服務態度奇差，是否老細得罪了員工，他們想集體倒米？坐底舉了幾次手都無人serve，員工你眼望我眼。落單時命令式叫人講號碼。食物質素差，壽司不新鮮，Wasabi是粉狀的，感覺非常奇怪。因為趕睇戲入咗黎，點知星期日晚6點半個場都無人，已深感中伏，點知真係咁差。

今日去九龍灣MegaBox，順路經過上咗10樓一間餐廳🍴好特別呢間餐廳係有主題嘅叫咗個劍魚腩刺身幾新鮮，刺身飯唔差，但係鰻魚飯就差左少少呢個價錢鰻魚應該可以厚身啲總括來講可以一試

每逢經開megax box都會過去日和號食飯，貪佢勝在價格夠抵同用料新鮮 。晚市食一個北海道豐盛丼先至＄128，大大碗又多刺身，啲刺身多到直頭鋪滿晒成個飯面，。包括有三文魚、大赤蝦、三文魚子、玉子、帶子、左口魚裙邊及差唔多有半板嘅海膽，真係覺得呢個價錢好超值。有時消夜去食仲平,有半價壽司同埋會有做推廣嘅壽司,好似之前嘅一蚊鵝肝壽司同海膽壽司咁。五六個人去食先至四百幾蚊，真係平過出面食多多聲，而且佢哋冇因為半價而所以比啲品質差啲嘅消費者，同晚市品質冇分別。

未見過服務咁差侍應，下午去明明大把位，坐低左仲要叫我起身去搭台，需且是命令式，唔該都無聲之後叫野食，等左廿分鐘都未黎叫佢仲唔黎就取消，佢真係去左取消，問都無問點解，取消完過左一陣等個朋友食埋走，野食先終於黎，個侍應見到閘刻衝上黎叫人拎走了，無諗過叫我落番單，完全幫公司趕客，咁唔志在客人，以後都唔去

假日黎到九龍灣megabox 人山人海，但好彩上到餐廳又唔駛等喎！為左就小朋友喜歡食烏冬，日本野梗係最佳選擇。 日和號裝潢都幾得意，好似架火車咁， 一卡卡，又貼滿日本動漫poster 同人物佈景板，小朋友或喜歡動漫嘅朋友都應該鍾意。 眼見餐廳有充足highchair 仲有粉紅色同粉藍色供選擇食品方面，假日仍然有午巿套餐，價錢都ok喎，有主食，有個中華沙拉，跟杯餐飲再加送客加州反卷，餐牌由幾十至百幾不等，可額外追加小吃。今日叫左三個餐，一人一個。有什錦刺身定食，赤蝦海鮮丼同個溫泉蛋牛肉烏冬。 前菜中華沙律一般，太乾身顯得少少硬，好在主菜不俗。海鮮丼隻蝦好大隻！味道鮮甜，讚！刺身都好新鮮，份量十足，食完好夠飽。烏冬面比較軟稔，唔係有咬勁個隻，但比小朋友的話個人認為好合適，相對消化得好啲，小朋友亦易咀嚼。 食物水準唔錯，但上菜速度同服務態度就真係有待改善啦。 最先落嘅烏冬，諗住快啲到比阿女食，點知叫左起碼20分鐘都未到，成為最遲黎嘅一樣....刺身定食就黎左客刺身，隔好耐先黎碗飯....但好彩唔多人等位，無趕住食嘅壓力餐飲都幾多選擇，揀左菊花薑蜜同柚子玫瑰花，兩款都滲出淡淡嘅花香味 下次仍會

今日放假, 一家四口去megabox行宜家. Megabox lunch selection都算多, 小朋友話想食烏冬所以試左日和號.日和號係嗚門既低價餐廳, 所以價錢完全貼地, 一個極尚刺身飯90蚊, 刺身定食只係78, 所以兩個都叫左來試.刺身飯好快就到, 睇落好精神, 赤蝦都好大隻好紅. 跟住就等自己個刺身定食, 等呀等, 等呀等, 等左4個字都未來, 真係等到有少少火, 追完又追, 千呼萬喚似出來, 終於等到, 一見到個賣相即刻開心返哂, 佢用左個迷你船來上, 有三文, 八爪魚, 吞拿魚,赤蝦同我最中意既劍魚. 全部好新鮮, 三文魚好香, 赤蝦好甜, 劍魚味濃, 係吞拿魚爭啲, 不過呢個價都好滿意.埋單200唔使, 一個字, 抵!! 一定會再來👍🏻

同屋企人同另一半係星影匯睇完電影，之後行左去megabox搵午餐食，本身諗住食food court，但之後見到呢間餐廳門面，係仿效日本個d火車入面個內龍。下午茶餐牌都算幾多野選擇咼。餐廳內部設計到好似係日本搭緊火車呀。叫叉燒拉麵送嘅加州卷，味道普通。叫大漁船碟包埋嘅牛肉烏冬，d烏冬太腍唔好食。魚生丼賣相幾好，但d魚生有d係腥傢，仲有根添，完全唔掂。叉燒拉麵嘅拉麵一樣唔好食，個口感好奇怪好難形容。呢碟$88嘅大漁船碟d壽司都普通，不過好彩無腥。

是日用餐主題係“煙花應該和誰看”……呢間餐廳喺megabox 10/F, 今日閒日所以唔多人，座位好闊。整體黎講食物味道幾好，上菜好快，不過服務就一般，例如明明隻碟上面仲有食物但侍應問都未問就會收左佢……今次只係叫左3樣食物火炙明太子沙律親子卷：味道幾好，用料都算係咁啦，$98有8件火炙松葉蟹三文魚丼：其實三文魚同蟹肉都係刺身，即係生嘅，只有蟹肉上面果”pat"醬係火炙的……味道ok玉子燒：入面係蟹肉，蛋本身甜甜地，咬落去入面會有少少流心嘅效果。味道ok

放假出街食飯！特登黎行mags box 買bb野同去宜家家俬購買餐盤！第一餐當然附近食野啦！因為假日！10月1日！2點幾！周圍都好多人排隊食野！所以我地去左6樓搵野食！ 以往都係去開10樓！6樓food court真係好多選擇！我地是但揀左一間無人排隊！可能店鋪比較大吧！所以好快有位入左去！自己選野食！食物選擇唔係話好多！但都算吸引！點左野食！會送兩件壽司！我唔食得！老公食哂1.燒鯖魚定食！熱柚子蜜！燒鯖魚真係等左勁耐先到！而且鯖魚又比較上多油！但熱柚子蜜都好飲同比較大杯！所以都讚2.炸吉列豬扒拉麵！老公話豬扒好油！拉麵都一般般！

對於食物，只想講壽司的質素真的還不如爭鮮，第一口已經想對於服務，真的沒有見過比這個更差的，街邊大排檔都好過你！食完d服務員來收嘢，唔該你睇睇啊！全部收走，連我擺係檯面小朋友濕紙巾，裝載透明袋裡面的碗筷都全部收走扔到垃圾桶！！！！！真係離曬譜！！！！！！痴線！！！

八號風球待在家一整天悶得很，待差不多落波前來到九龍灣megabox買飛睇戲。入場前先去吃晚飯、由於八號風球剛下、很多餐廳都沒開、我們隨意找到這間以鐵路為主題的日和號壽司。座位佈置得好像一卡列車。芝士海鰻牛油果卷 $58 味道普通、中規中舉。火炙左口魚邊 $28 表面燒得唔夠、魚油味道沒法出來、魚肉肉質亦偏稔。三文魚腩、北寄貝、玉子、帆立貝、油甘魚都欠點鮮味。雜錦牛肉鍋$70 湯底較淡、牛肉肥膏較多、豆腐蔬菜還可以。整體而言、地方敞大座位闊落、價錢唔算貴、然而食物質素認真麻麻、很難吸引食客再次光顧。

兩件蟹籽軍艦賣$20，咁嘅價錢換左碟連爭鮮都不如嘅垃圾番嚟。。。俾少少誠意抹乾淨個碟都好吖大佬，塊紫菜仲要飛埋出黎，見到都唔開胃😓跟住仲嗌左腐皮，三文魚，玉子壽司，全部壽司飯都係軟爛，個size仲要勁迷你，食完好似食風咁，未食過咁難食嘅壽司，爭鮮三蚊舊仲好食過佢多多聲😪跟住嗌左個咖喱芝士炸豬扒飯同叉燒沾麵，啲飯同壽司飯一樣都係軟爛到好似食mum mum咁，啲咖喱近乎無味，啲薯角好似炸完幾粒鐘跟住serve俾啲客咁，淋到一個點，真係搞到我一路食一路講粗口。但呢個都唔係最難食，最難食就係嗰個爛鬼沾麵，又係奇怪又淡嘅味，仲要個湯係暖架咋。我真係唔明點解呢間野仲未執笠，我第一次打食評竟然係因為太嬲，話呢間野好食嘅人唔知係咪無左味蕾，兩個人食左三百蚊，食左三百蚊嘅垃圾落肚，連我男朋友都忍唔住話呢間野真係好難食，頂多只係用嚟填飽個肚，碟蟹籽軍艦嚟到嗰陣我真係_出聲，咁樣衰都可以拎出黎俾個客，班人係咪無腦。啲wasabi都係無味架，落左一大舊wasabi落啲豉油到，係一啲味都無架！呢間野係咪真係當啲客無左味蕾，真係早知落去ikea食算，ikea好食過佢多多聲。The whole meal was a

今次去呢個餐廳係因為朋友見到有介紹話好好味再加上有位朋友會帶兩個小朋友所以先擇呢度本身覺得睇餐廳個樣覺得味道應該一般般我自己就叫左刺身飯吃吃落先至發覺原來刺身都幾新鮮D刺身仲要有鮮味份量又多連我朋友咁嘴刁都覺得佢啲刺身真係好好味小朋友本身鍾意食面好味到自己一個食晒咁大份量嘅面因為個朋友有一個小朋友需要坐BB車雖然係個地方比較大但係都調左幾次位如果冇小朋友嘅話大人自己去食個飯都唔差架啦有小朋友嘅話可能真係要預早少少同埋一定要同侍應強調要擺得落BB車如果唔係真係會不停調位

一入去話：三個人唔可以坐四個人D位，（無咩人食飯，轉個服務員又話可以坐）牡丹蝦無咩鮮甜，海膽有D怪。仲係推介之選炒飯好大份倆個人食都夠。唔會再幫襯，又貴又唔好食