日作食堂

營業中

休息中

Lunch時間大約12點半左右黎到，都好多人，好彩入去仲有兩個位叫左野菜咖哩豆腐漢堡扒定食(素)$128，有麵鼓湯及兩款前菜，加$15日本直送罐裝橙汁漢堡扒係用豆腐整既，入面有枝豆西蘭花同其他蔬菜都煮得幾淋好食，但咖啡汁完全唔辣而且比較稀。麵鼓湯入面有蜆，食素既朋友要留意。朋友叫左個自家製麵味噌慢煮和牛面頰定食$168 + $15日本直送罐裝蘋果汁上菜時完全熱辣辣影相都見到Lunch時間坐滿哂人，所以都比較嘈難同朋友傾計，不過店舖裝飾幾特別，完全係用左日本校園既枱凳同櫃，仲有裝飾品好值得黎打卡坐下。

．°ﾟ･ 🍱 ʜɪʙɪ ᴄᴀꜰᴇ 日作食堂 . ･ᴋᴡᴜɴ ᴛᴏɴG//很久沒出現在觀塘難得有一間空間大食物也不錯的餐廳而且非工廈樓上 不錯不錯！ ₍₍ ᕕ(´ ω` )ᕗ⁾⁾近窗口🪟位採光非常好！ 想說食物味道份量等等都不錯而且價錢算實惠 小菜比的份量也好慷慨而且店員有禮 好重要 感覺良好！ 慢煮和牛面頰入味 都好稔 好好餸飯！ 比目魚也好吃 不會有雪味 //🥩 自家製味噌慢煮和牛面頰定食 $168🐟 日式西京燒比目魚定食 $168//📍Shop A, G/F, Lucky Factory Building, 63-65 Hung To Road, Kwun Tongﾟ･*:.｡. .｡.:*･ﾟ･:,｡ﾟ･:,｡･:,｡ﾟ･:,｡･*:.｡. .｡.:*➪#kafehoppinginhk2023 ➪#kafehopping_kwuntong

觀塘喱家日式咖啡店新開一個幾月，今日星期日黎試試！我同太后叫左兩份午餐定食，一份是鹽燒安格斯牛小排食，另一份是極尚海鮮丼，再加上一杯熱咖啡和一瓶特別的富士川町產柚子汽水。鹽燒安格斯牛小排食，搭配白飯、味噌湯和小菜，整體黎講好豐盛。安格斯牛小排經過鹽燒，表面呈現出金黃色的外皮，肉質鮮嫩多汁，口感極佳。味噌湯都不錯，湯底清香，味道濃郁，有好多料。小菜的部分，有牛蒡絲，青瓜等，好清爽可口。第2份係極尚海鮮丼。喱份定食同樣有味噌湯和小菜，但主角當然是海鮮丼，新鮮的海鮮包括了三文魚籽、帶子、甜蝦，吞拿魚蓉和油甘魚等，色澤鮮豔，口感鮮美。魚肉入口即化，清爽不膩，令人食指大動。值得一提的是，這裡的咖啡也非常好喝。太后點了一杯熱咖啡，濃郁的咖啡香氣和微苦的口感非常適合搭配午餐。而我就叫左富士川町產柚子汽水，喱個好有驚喜，汽水帶有淡淡的柚子香氣，口感清新不甜膩！簡單黎講，喱間日式咖啡店的午餐定食非常值得一試。食物新鮮美味，分量十足，價格也非常合理。店內環境舒適，服務態度也很好。如果想係觀塘找一家安靜舒適的地方享受美食，可考慮喱間。

. [🇭🇰香港- 觀塘].初訪 - 日式木系Cafe 坐得都算舒服 主打日式定食圖中係”和風厚切吉列北海道豚肉眼扒定食” 真係幾厚切, 肉質雖然偏瘦但唔算好乾 👍🏻跟餐仲有兩款漬物同麵豉湯.🔻🍽 日作食堂 📌 地址: 觀塘鴻圖道63-65號鴻運工業大廈地下A號舖.#tummysreadyatkwuntong #tummysreadyforjapanese #tummysreadyforcafe

🥢日式西京燒比目魚定食-甜醬汁燒比目魚 魚皮有少少脆邊 肉質都好滑無雪味 唔錯👍🏻🥢鹽燒安格斯牛小排定食-好大份的牛肉 好重牛肉味 鹽燒得幾好食哂成份牛有d膩😂整體唔錯很喜歡每份定食都有薯仔蛋沙律 麵豉湯裡面有兩隻蜆 成個麵豉湯即刻鮮甜左👍🏻👍🏻除左主菜唔錯 其他配菜都相當有誠意 可以再食👍🏻👍🏻成間餐廳都係日式校園風 地方仲好大添 很喜歡餐廳特大木檯 好似以前去學校圖書館咁😂牆身的磨砂玻璃窗很治癒 很有回憶感的餐廳❤️

食物分量偏少偏少偏少完全對唔住佢$198嘅價錢 (未計加一)牛小排嘅分量係半隻手掌大小 同其他套餐分量比較係細份好多以質素黎講牛小排煎得明顯係差 完全well done “鞋口”同其他食評嘅相比較 明顯細份同少左可能響lunch time 就差啲啦服務態度都幾差下侍應好趕好趕 連聽點餐嘅時間都冇以侍應自己為中心 完全唔理人講乜唔係話客就一定大曬 但至少要聽人反映意見 做錯好態度都冇咁嬲 又係啦 可能lunch time 就差啲啦冇第二次 俾得$198 響同區已經可以食到更高水準

我今日去咗觀塘嘅日作食堂食午餐，自己一個人享受和風餐點。❤️我揀咗佢地嘅和風厚切吉列北海道豚肉眼扒定食。定食裡面有白飯，而且仲有加埋飯素喎！嗯，飯素好好味，令到飯更加香口。仲有麵豉湯，湯底鮮味濃郁，好開胃。漬物方面，今日係茄子，好清爽。😋❤️日作食堂嘅餐廳風格係日式cafe，環境舒適，氛圍輕鬆。如果你鍾意日式文青風格，想有美食享用又想打下卡，日作食堂係一個好選擇！‼️

完全被哩度嘅環境驚豔到😍無諗過係觀塘地舖會出現日本校園電影場景嘅餐廳🤩 淨係佈置同氛圍都已經係夠晒特別，作為日本迷小編去到都忍唔住喪打卡😆📸 加上每個角落都好闊落，係咁舒適嘅環境下食物都有質素，整體體驗相當滿意👍🏻大部份餐枱以課室書枱做設計，仲真係有櫃桶，令小編諗返以前喺櫃桶撳電話嘅年代😂 另一邊有陳列架擺放日本雜誌，仿似嚟到日本校園小賣部，又有另一番味道😎《 自家製味噌慢煮和牛面煩定食 》 $168《 鰻魚大阪燒配醬油溏心蛋叉燒湯鳥冬 》 $148 4 / 5𝘓𝘶𝘯𝘤𝘩 𝘴𝘦𝘵 以同區黎講價錢略為進取，不過睇得出全部都心機菜式😌 例如前菜兩款，有帶子裙邊、醃菜等，好有住家感覺，調味溫和👍🏻主角大阪燒亦好足料，厚身之餘蛋香突出，加上鰻魚汁同鰻魚汁更加和風😋 不過叉燒湯烏冬就相對顯得單調，而且麵質欠彈性，如果轉過個麵底應該會好啲🤔另外加錢要左兩罐日本直送果汁，更加有置身日本校園感覺～ 總括而言環境一流有風味，食物中上，都有心思👍🏻———————————————🏠環境舒適度：💛💛💛💛💛👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛——————————————

我最近去了位於觀塘的日作食堂，這是一家以提供日本料理為主的餐廳。店內的裝潢裝修非常有校園風，氛圍輕鬆愉快。我試了他們的招牌菜，日作極上井。這道菜是一碗丼飯，上面滿滿地鋪滿了新鮮的油甘魚、赤蝦和北海道帶子，還有香蔥吞拿魚蓉，最後再點綴上三文魚籽。這道菜既美味又精緻，每一口都能品嚐到海鮮的鮮甜，令人回味無窮。套餐包麵豉湯而他們所供應的熱/冷日式玉露茶，也非常清爽，平衡了整個餐點的口感。另外一道推薦菜是鹽燒安格斯牛小排定食，這道菜以安格斯牛小排為主角，搭配上日本珍珠米，味道十分美味。安格斯牛小排烤得剛剛好，肉質嫩滑多汁，搭配上特製的鹽燒醬汁更是增添了風味。而配菜的日式小菜也非常可口，整個定食套餐非常豐盛。總的來說，觀塘日作食堂提供的日本料理非常地道且美味。他們的菜色精心製作，口味細膩，讓人吃得非常滿足。餐廳的氛圍也非常輕鬆愉快，讓人感到舒適。推薦喜愛日本料理的朋友來這裡品嚐一番。

餐廳裝修簡潔，以木色為主色調，環境非常寬敞，座位與空間感都好充足，令人感覺放鬆。餐牌除左有和式定食，仲有刺身、魚生丼、小食、蛋糕，仲有唔同口味既咖啡，選擇頗多。定食套餐包括兩款前菜、麵豉湯、熱飲、 日本珍珠米飯。麵豉湯配料豐富，有蜆肉、海帶、紅白蘿蔔、豆腐卜，味道鮮甜。日式涼拌菠菜：涼拌菠菜鮮美爽脆，開胃之選。帶子裙邊：爽滑味美，口感彈牙。鹽燒安格斯牛小排：安格斯牛特別鮮嫩多汁，有豐富大理石花紋，搭配炸蒜片和蔥花，味蕾大滿足。和風厚切吉列北海道豚肉眼扒：新鮮即炸熱辣辣，份外酥脆，肉質柔軟嫩滑，金黃色既外表，睇見都流口水。神戶直送100%果汁，超級濃郁，味道一流。總結，餐廳位置便利，店員服務親切，食物美味，CP值高。

放工又約左朋友食晚飯🍽️今次揀左一間食日式定食的cafe環境係日式木系，d凳仲係讀書果時課室d凳😆好有feel1️⃣日式西京燒比目魚定食有兩大塊魚肉，再唧檸檬汁，帶出魚的鮮味，加上有甜甜的醬再配上紫薑、蘿蔔泥可以解油膩2️⃣鹽燒安格斯牛小排定食職員會問你想5成熟/7成熟。我就揀左5成熟所以肉質粉嫩，恰到好處，加上有油脂再夾埋蒜片食就一流😋配菜即有芽菜、秋葵同木耳，係一個好健康嘅組合😆3️⃣定食會配日本珍珠米、麵鼓湯、兩款漬物及日式玉露茶

今日經過開源道發現有一間好古色古香、好有日本風既餐廳。喺門口見到果餐牌都好吸引，推門入去睇下先🤪裝修好特別呀，地方仲好大😚😚 喺門外真係估唔到。有好多好似喺小學先見到嘅擺設，真係好特別，好有風味。午市餐牌選擇好多，除咗刺身丼之外，仲有譬如牛小排定食比目魚定食，我就叫咗天婦羅定食😍日式吉列海鮮定食 配熱玉露茶😍😍日式吉列海鮮定食 配熱玉露茶- 有野生大海老、北海道帶子和廣島蠔，海鮮三款都好大隻，仲有肉汁，唔係平價急凍貨色- 仲有兩個前菜漬物，我鍾意帶子裙邊好好味，平時喺出邊餐廳好少食到- 麵豉湯都好出色，入面有兩隻花甲、仲有唔少豆腐同豆卜食物真係正！ 店員又有禮貌！ 黎緊公司team lunch 黎呢度好適合😆😆😆日作食堂 (觀塘)觀塘鴻圖道63-65號鴻運工業大廈地下A號舖

日作食堂位處開源道, 距離地鐵站只約5分鐘腳程,跟住同朋友去觀塘行完街，專登去呢間懷舊日式新開嘅餐廳食晚飯！自家制味噌慢煮和牛面頰定食 $168和牛面頰肉質非常淋滑牛味香濃, 配合紅蘿蔔,蘑菇, 日式味噌慢煮, 炆得夠淋夠入味, 醬汁味道帶甜香的牛肉味, 用黎撈飯食一流, 而套餐仲包2款伴菜, 麵豉湯及餐飲, 非常豐富松葉貝丼 $178齋睇賣相都贏哂, 魚生鋪滿整個碗面, 食材帶光澤非常新鮮, 內有海螺, 蟹爪, 墨魚片, 帶子片, 蟹籽蟹糕等, 尤其帶子及墨魚夠晒鮮甜彈牙, 食材質素非常高呢度嘅麵豉湯亦值得一讚, 材料豐富有紅蘿蔔, 白蘿蔔, 洋蔥, 海帶同埋蜆肉同煮, 令這碗平實的麵豉湯味道昇華更有口感🫶🏻🫶🏻日作的套餐超抵食, 包括了伴菜, 麵豉湯及飲品, 只需佰幾蚊就食到一份有質素嘅晚餐絕對超值餐廳地方寬敞, 裝修簡約雅致, 食品質素水準之上, 兼且價錢親民絕對值得一試

公司附近又開咗間日系嘅餐廳，今日跟同事一起去食lunch 🤭 「日作食堂」環境寬敞，木系再加上舊式校園風，感覺很舒適🥰觀塘又多一間聚腳點了🫢🫢盬燒安格斯牛小排定食，跟麵豉湯，漬物（兩款），冷/熱日式玉露茶 主角牛小排肉質滑嫩，牛味濃.. 配菜是雲耳，秋葵粒，銀芽等跟洋蔥等一齊炒，巧惹味！日作極上丼（中拖攞，油甘魚，赤蝦，北海道帶子，香蔥吞拿魚，三文魚籽）刺身全部都好新鮮，份量足！不錯！麵豉湯好足料又夠濃！

日作食堂📍觀塘鴻圖道63-65號鴻運工業大廈地下A號舖餐廳好有日式和風Style🎎，有部分位置設計到學校咁，有木枱木凳黑板，重有一座跳馬箱添，即刻覺得自己返返去學生時代👩‍🎓👨‍🎓好懷念呀～夜晚6點開始就有晚市套餐，menu都有幾多選擇，有定食、刺身、魚生丼，重有小食同蛋糕可以order👍G 日式西京燒比目魚定食🐟🍚 $168比目魚有兩件，燒得好香😍魚皮脆脆的，食落相當有魚味又 嫩滑🐟配埋檸檬汁再凸出比目魚嘅鮮味，旁邊嘅酸薑又唔會好辣，酸酸地好開胃，好好食😋I 鹽燒安格斯牛小排定食🐮🍚 $ 198可以選擇七成熟或者十成熟，牛肉大約有10片，燒得好靚，中間重係粉紅色架🐮，而且食落重充滿油脂，配埋飯簡直係正呀😋😋隔離重有d芽菜、木耳同秋葵作配菜，都幾好食，仲可以中和返牛小排嘅油膩感👍跟餐重會有麵豉湯、兩款漬物同埋一杯飲品，麵豉湯好足料，入面有兩隻硯、豆腐、洋蔥等等……味道亦相當濃郁👍今日嘅漬物就係帶子裙邊同鹽漬菜，送飯一流😍，飲品方面，我同朋友就簡左左飲凍玉露茶🍵以濃郁的茶作為今晚嘅結尾👍