影片
港鐵觀塘站 B2 出口, 步行約6分鐘
繼續閱讀
電話號碼
28653233
開飯介紹
日本校園主題打卡餐廳，選用學生書枱做餐桌，更擺放跳馬箱作裝飾；菜餚賣相精緻，主打日式定食及海鮮丼，是聚餐的好地方。
繼續閱讀
附加資料
歡迎外賣自取
營業時間
今日營業
07:30 - 21:30
星期一至五
07:30 - 21:30
星期六至日
11:00 - 21:30
以上資料只供參考, 請與餐廳確認詳情
有關獎賞計劃
今日同朋友黎到觀塘一間小店食😋餐廳裝修都好特別，有啲似課室，又有日本風格🥢刺身定食呢份刺身定食真係高質得嚟又夠誠意，每一片都好厚好厚！有三文魚、油甘魚、帶子、拖羅、牡丹蝦、醬油漬鮑魚比較帶記憶點嘅係油金魚同拖羅! 都係肥美爆汁，食落去有種滿足感帶子新鮮爽口，冇半點腥味醬油漬鮑魚更加係全場MVP，彈牙又帶天然甜味🥢厚切吉列北海道豚肉眼扒定食呢份吉列豚肉真係厚得嚟唔鞋口，炸得外脆內嫩，咬落去仲有肉汁滲出嚟，完全冇乾柴感豬肉味濃郁，吉列皮炸得好香脆，但又唔會太油膩，夾埋日式醬汁一齊食，鹹香味道令人好快就食晒成塊扒。🥢南蠻唐揚炸雞同樣炸得外脆內嫩，一咬落去就feel到啲肉汁係入面爆出嚟南蠻汁酸酸甜甜，啱啱好中和咗炸物嘅油膩感，食落去超開胃，仲配埋啲青瓜粒添😋😋😋🥢汁燒雞軟骨免治雞肉丸 成粒雞肉丸外面燒到微焦，有啲焦香味內裏就係混合咗雞軟骨嘅免治雞肉，食落去又嫩又有啲脆口感，好特別。醬汁鹹甜適中，掛晒喺每粒肉丸上面配埋日本蛋黃食真係無敵😌🍹凍焙茶牛奶焙茶味濃郁得嚟唔苦澀，飲落去有層次，唔係得個甜字咁簡單。奶味同茶味比例啱啱好，唔會搶走焙茶嘅焦香，反而有種好溫和嘅融合感。
繼續閱讀
走進觀塘日作食堂，彷彿踏入了一個懷舊的日本中學校園，木系桌椅、黑板菜單，加上體育堂用的小鞍馬，讓人瞬間沉浸在濃厚的學園氛圍之中。晚市定食延續這種細膩的日式美學，從麵豉湯、精緻的前菜到溫潤的日式玉露茶，每一口都彷彿帶著故事與情懷。深海火炙丼：選用鮮嫩的深海魚生，包括鮟鱇魚肝、左口魚裙邊、三文魚、玉子、帶子，火炙後帶出甘甜油脂，搭配恰到好處的珍珠米飯，入口滑嫩而富有層次。鐵板和牛漢堡定食：鐵板煎烤的和牛漢堡，肉香四溢，柔嫩多汁，配上濃郁芝士汁，令人食指大動。冰火燒菠蘿：將菠蘿表面輕微炙燒至焦糖化，冰涼多汁的果肉與外層微微焦脆的口感，形成絕妙對比。黑蜜黃豆蕨餅：彈牙的蕨餅淋上濃厚的黑蜜，再撒上黃豆粉，甜而不膩，每一口都是日式經典風味。日本北海道干層蛋糕：層層疊疊的蛋糕，口感細緻，完美交織著奶香與蛋香。總結，餐廳不僅提供高水準的日式料理，更透過空間設計與細節營造出懷舊校園感，讓人在品味美食的同時，也能感受一絲溫暖的回憶。
繼續閱讀
🧭日作食堂•觀塘🍴觀塘鴻圖道63-65號鴻運工業大廈地下A號舖呢排日日都落到狗屎🐶咁，都唔想去得遠覓食。係公司附近 近近地就試下呢間日本野。外面睇一啲都唔起眼，點知入去裝修好靚 好有懷舊學校風咁四色魚生丼呢個望落啲刺身好新鮮 配左沙律🥗 一啲都唔膩佢係一個定食 包埋前菜同麵豉湯，個湯都唔錯😌日作厚切吉列北海道豚肉眼扒定食一上黎 好熱辣辣，個🐷係岩岩好炸起 皮夠薄 肉都好淋😛而且份量夠多。個飯就有小小飯素 無咁齋 口感豐富啲😆清酒煮蜆口痕想試埋個小食，就揀左呢個蜆。一開始聞到好香酒味，但食落又唔覺😂所以好快咁一啖一啖咁食🤭佢啲蜆都好乾淨 無食到有沙既情況飲品🥤熱棉花糖特濃可可☕️有大大粒棉花係面，超濃郁😍岩哂鐘意甜野既朋友😍日式玉露茶🍵呢個茶好清新 而且無澀味/麥香味。食到飽飽地飲一飲就舒服晒😌#hongkong #hongkongfood #foodstagram #foodie #kwuntong #香港#覓食 #香港美食 #九龍 #觀塘 #日本野 #日式 #懷舊 #魚生丼 #豬扒丼飯#熱朱古力#日式懷舊
繼續閱讀
呢個慢煮牛舌真係喺觀塘日作嘅一絕！牛舌經過細心慢煮，肉質軟腍入味，表面帶有一啲焦香，咬落去滿口鮮味，配上鮮綠嘅西蘭花同香口嘅薯塊，口感層次分明，令人食得滿足。旁邊嘅湯底清甜淡雅，啖啖都感受到食材嘅天然鮮味，配菜有醃製嘅蘿蔔同拌過嘅青菜，酸香開胃，平衡咗整體嘅油膩感。桌面上嘅擺設簡單大方，木質環境營造咗溫馨嘅用餐氣氛。Openrice book枱有88折優惠，價格同質素比較起來真係超值，特別適合想試高質日式料理嘅朋友。服務員態度友善，落單同上菜效率高，體驗整體不錯。唯一小小建議係下次可以加啲醬汁選擇，讓客人有更多配搭嘅空間。總括嚟講，呢餐慢煮牛舌係一次難忘嘅味蕾之旅，性價比高，絕對值得一試，推介大家同朋友一齊去享用，保證唔會失望！
繼續閱讀
最近，我舊同學帶咗我去位於觀塘嘅日作食堂食飯。呢間餐廳位於鴻運工業大廈地下，環境舒適，裝修風格簡約，行校園風，那些年的感覺返哂來啊 ❤️❤️餐廳係電子下單，但黑板menu 靚到咁樣，好有heart 啊 ❤️❤️ 我試咗佢哋嘅兩個招牌菜——日式西京燒比目魚定食同波士頓龍蝦溏心蛋野菜稻庭烏冬定食。兩款定食都令我地印象深刻 👍首先，日式西京燒比目魚定食嘅比目魚烤得恰到好處，外皮金黃酥脆，內裡鮮嫩多汁。搭配嘅白飯香軟可口，味噌湯亦都好鮮美。整體來講，呢個定食嘅味道平衡得好好，每一口都充滿咗驚喜🥳其次，波士頓龍蝦溏心蛋野菜稻庭烏冬定食（特濃芝士龍蝦湯）更係令人難忘。龍蝦肉質鮮甜，溏心蛋煮得剛剛好，烏冬麵彈牙有嚼勁，再加上特濃芝士龍蝦湯嘅濃鬱口感，簡直係完美嘅組合。呢個定食唔單止滿足咗我對海鮮嘅熱愛，仲帶嚟咗豐富嘅口感體驗🥰除咗主菜之外，我仲試咗佢哋嘅推廣優惠——黑蜜黃豆蕨餅同凍抹茶牛奶。黑蜜黃豆蕨餅甜度適中，口感軟糯；凍抹茶牛奶則清新解膩，係夏日嘅絕佳選擇🌟最後，我仲品嘗咗佢哋嘅北海道帶子同沖繩海鹽雪糕。北海道帶子新鮮美味，沖繩海鹽雪糕則鹹甜適中，為呢頓美食之旅畫上咗圓滿嘅句號🥰如果你鍾意日本料理，又想揾間坐得耐啲，chill d 既餐廳，依間校園風滿滿嘅餐廳，絕對係一個唔錯嘅選擇。我地2 個人食到捧住個肚走，都係$500 幾埋單❤️
繼續閱讀