日作食堂

營業中

休息中

今晚我去了一間很有特色嘅餐廳，真係好舒服，位於繁忙嘅觀塘，去到呢間叫日作食堂，聽下音樂，食下美食，可以好好休息一下。地方裝修木系為主，地方大，又乾淨，店員又有禮，menu都好多選擇，我同朋友揀左2個餐， 自家製味噌慢煮和牛頰定食同鹽燒安格斯牛小排定食！先講慢煮牛頰，超淋啊，好食，醬汁又好味很送飯，又不會蓋過和牛嘅味道，有少少紅蘿蔔等配料，都係好入味，個餐個包左沙律， 麵豉湯， 同一碟帶子裙邊，很豐富。另外鹽燒牛安格斯牛小排都好好食，佢切好一塊塊，煎很好香仲保留肉汁，加上芽菜同秋葵，感覺更加健康，好好食。整體感覺好舒服，很想再留下來休息嘅感覺，下次嗌埋朋友一齊來，傾下計食下野應該很不錯。

觀塘新開張既日系餐廳，木式裝修，佈置有校園風，黑板、跳馬箱、桌椅，仿如置身中學年代既Canteen。我哋叫左兩份定食，每款都跟配日本珍珠米、麵豉湯、漬物兩款、日式玉露茶。薯仔蛋沙律：切粒薯仔伴隨著碎蛋及沙律醬，簡單得來又好吃既前菜。帶子裙邊：味道鮮甜，口感爽滑。麵豉湯：配料有大蔥、海帶、蜆肉、蘿蔔、豆腐，味道濃郁，風味十足。日式西京燒比目魚：魚肉嫩滑，魚皮邊位煎到金黃色，火喉控制得很好。鹽燒安格斯牛小排：牛小排特別鮮嫩，油花分佈平均，伴碟有雲耳、大豆芽、秋葵、炸蒜和蔥花，不容錯過。我哋加錢要左2枝神戶直送100%果汁，超級濃郁，清新可口。總結，餐廳環境闊落，空間感十足，員工服務週到，觀塘食肆又多一個選擇。

觀塘周圍都有好多唔同嘢食 今次就嚟咗呢間新開嘅餐廳試下😋見到個門口已經覺得好有日本風 入到去真係比入面嘅裝修嚇親😳裝修以日本課室做主題😍😍有d位係用課室枱凳 好特別 亦有梳化位 鋪位好大 坐得好舒服 睇得出落咗好多心機係裝修度👍🏽我同朋友叫咗一個鹽燒安格斯牛小排定食同一個日作極上刺身丼😋　鹽燒安格斯牛小排一嚟到望到已經覺得唔會唔好食 肉燒得啱啱好 有油花 亦都非常有肉味👍🏽👍🏽日作極上刺身丼有中拖羅、油甘魚、赤蝦、帶子、香蔥吞拿魚蓉、三文魚籽，好豐富 所有刺身都好新鮮 特別一提中拖羅 好有油香 好食👍🏽另外呢個套餐包埋嘅薯仔沙律同麵豉湯都好好食😋😋薯仔沙律口感好豐富，作為前菜一流👍🏽麵豉湯有好多配料喺入邊，仲有大大隻蝦🍤

餐廳門口位於觀塘開源道，寬闊又純樸的裝修，感覺干淨舒服。入到餐廳，空間廣闊，裝修風雅純樸，柔和的色調和漂亮的日本盆栽🍃🪴🍂🍁將餐廳打扮得好有格調，置身其中有種心曠神怡的感覺。靠墻的裝飾更是頗有歷史感，有古老的電影海報，🎑 手風琴，🪗古舊打字機，照相機，📸還有很多不同年代的可樂樽，店主的收藏品不少。🪆欣賞完餐廳的擺設，就開始點餐，有很多套餐選擇，我們點了日式西京燒比目魚定食和鹽燒安格斯牛小排定食，這兩個定食是最多人選的，應該不錯。套餐還包了兩個前菜，麵豉湯，熱飲， 一大碗白飯，🍚份量非常充足。下雨天時我們都選了熱飲玉露茶，🍶原來就是日本綠茶，🍵清香醒胃，準備享受美味的套餐定食。兩個前菜有枝豆🫛🫛和帶子裙邊，簡單的食物卻是新鮮爽口，帶出食慾。我的主菜是西京燒比目魚，🐟兩塊大大的比目魚，燒得少少焦黃，魚油香四溢，伴以檸檬汁🍋和酸薑吃🫚，美味非凡，只是168元的套餐，性價比的確高。還有一碗熱氣騰騰的麵豉湯，🥣裡面有昆布羅白豆腐，一點也不欺場。 Honey的牛小排🐮定食也不錯，這一餐食得舒舒服服，健康又好味。

這間新開的咖啡店位於觀塘，店內環境寬敞舒適，以簡約的木系為主，擺放不少日式及校園風的懷舊擺設，充滿打卡感，適合多人聚會或約會。日式西京燒比目魚定食 - $168兩塊肥美肉厚的比目魚，細緻的魚肉嫩滑多汁富魚脂香，甜甜鹹鹹的西京燒醬汁解膩，更有辣椒絲、蘿蔔蓉、紫薑和檸檬等。鹽燒安格斯牛小排定食 - $198一片片粉嫩的牛小排油花均勻，入口結實富牛味，邊位焦脆特別香口，旁邊更有爽脆的芽菜、秋葵、木耳等。日本珍珠米圓潤分明的珍珠米撒上惹味飯素。麵豉湯香甜的味噌湯富豆香，有蝦肉、豆卜、昆布等配料。漬物(兩款)清嫩的日式菠菜及綿密的雞蛋薯仔沙律。日式玉露茶(熱)甘甜芬香，更有得添飲。長野縣蜜桃汽水 +$28日本出品，用上日本桃子製成特別濃郁有香氣。

要搵間坐得舒服而食物又有質素嘅餐廳都唔容易，而最近新開嘅日作食堂係一個唔錯嘅選擇。佢嘅裝修相當日系，而且地方闊落，可以同朋友留一個晏晝都幾好，食物方面主要係以日式定食為主鰻魚大阪燒配醬油糖心蛋叉燒湯烏冬大阪燒燒得很香，上面嘅鰻魚好肥美，配埋鰻魚汁食幾特別，而醬油糖心蛋叉燒湯烏冬湯底唔會太鹹，食完都幾飽肚鹽燒安格斯牛小排定食牛肉燒得很嫩，口感很好而且有牛脂味，而佢嘅配菜都好清新好啱送飯。醬燒牛肋肉串牛肉燒得很香，配埋醬汁好惹味 明太子蔥花玉子燒玉子燒蛋香濃郁，加埋明太子食有驚喜玉露茶 玉露茶嘅味道很清新解膩咖啡係滴漏咖啡，味道好濃郁

位於觀塘鴻圖道的日作食堂，鄰近觀塘地鐵站，行五至八分鐘就到達。門口係純白窗簾加餐牌，十分簡約。入門口有個玄關位，餐廳內有木櫃展示日本擺設，連黑板同佈置十分像日本當地食堂🤩餐牌係全日供應，午餐時間同晚餐時間用餐，價錢都係同樣的。以定食，刺身，甜品，小食等分類今日我食I鹽燒牛小排定食$198🦣牛小排部位在牛胸前肋脊部的第6節至第8節，肉質較結實一般會食七成或全熟我食七成熟定食有珍珠飯，味噌湯，漬物珍珠飯 十分有咬口，仲有少少飯素🍚味噌湯 有蜆，海帶，十分鮮甜漬物 有兩款 是日醃青瓜，蛋沙律定食選熱或凍玉露茶 係免費的🍵而且職員會為你加茶甜品抹茶卷蛋 $35🧁有一粒士多啤梨拌碟厚切三件好香抹茶味

觀塘出名人多野食多今日放lunch 成班同事見到間唔太起眼嘅餐廳，好似新新地，就入去試下。入面靚裝修，幾舒服可能新開嘅關係，所以人唔算太多可以直入，唔洗排隊似係行高檔日式風，價錢都貴過平時觀塘打工仔嘅lunch 價錢我叫左個I) 鹽燒安格斯牛小排定食 $198律跟配日本珍珠米套餐包含麵豉湯•潰物(兩款)•仲送熱/冷日式玉露茶，想飲其他野就加錢黎到十分靚仔牛小排煎得啱啱好有日式鐵板燒嘅風味紅紅地，入口夠淋簡單嘅調味，仲有d 菜仲有飯，同d 配菜，再有個湯唔嘅$200, 間唔中食貴小小都值得地址: 觀塘鴻圖道63-65號鴻運工業大廈地下A號舖

餐廳位置係觀塘鴻圖道63-65號鴻運工業大廈地下A號舖，係地鐵站行過去好近，餐廳係以日本風格為主，主要係木系為主，好有style! 我同朋友都係幾鍾意呢一個日式嘅風格，坐落去亦都非常舒服，唔會有好迫嘅感覺，餐廳嘅空間感十足，唔似其他啲小型嘅cafe！午飯時間都幾多人，不過好彩都唔使等位！！首先推介嘅鹽燒安格斯牛扒定食，一嚟到份量都幾多，而且牛肉燒得非常靚，中間仲係鮮嫩嘅粉紅色，安格斯牛扒亦都油花平均，咬囉唔會有好肥嘅感覺，而且識落非常有肉味，配埋飯，再加佢嘅飯素食，簡直係一流 跟餐仲有一份薯仔沙律，同埋帶子裙邊，我就比較鍾意食佢嘅薯仔沙律，佢嘅調味做得非常唔錯，酸酸地非常好食，作為前菜非常開胃！帶子裙邊亦都煙煙韌韌咁，我都覺得唔錯！朋友就食咗另一個套餐，佢就比較鍾意食魚，所以叫咗一個比目魚定食，比目魚燒得好香，識落魚香味亦都十足！食得出餐廳淨係用嘅食材原料都唔錯，作為一間小店嚟講非常高質！最後我就飲咗柚子汽水，夏天熱辣辣飲，正！餐廳好新，店員都好friendly，有機會一定會再返嚟幫襯！

在(觀塘)日作食堂🌸開餐，裝潢好有日本style, 有部分學生時代枱櫈好懷念呀!還有懷舊一座鞍馬🥰食堂座位也很寬敞好relex♦️鹽燒安格斯小排定食 鹽燒過後，上方配上滿鹽 葱，肉質含細緻油花，柔嫩腴 香，醮上醬汁更添美味♦️日本🍚黏稠適中，較清爽，吃起來有嚼勁，不會太軟。♦️薯仔碎蛋沙律軟綿綿的薯仔蓉帶微粒，混上濃郁蛋香味，再加入酸酸甜甜沙律醬，開胃醒神♦️日式帶子裙邊鮮甜美味，爽口彈牙口感煙韌♦️麵豉湯材料好豐富，鮮甜花甲，滑溜溜豆腐……等，口感順滑喝汁濃郁♦️日作極上(刺生)丼❣️中拖羅神級美食，鮮味又帶油香❣️油甘魚腩肉厚滑，油花散佈均衡，入口即融❣️赤蝦甘甜粘糯，鮮味十足❣️北海道帶子厚身又細密，味道鮮甜濃郁❣️香葱吞拿魚蓉勁有魚油香味，伴飯一流👍👍❣️三文魚籽帶濃郁的醬油味帶有甜香，絕無腥味♦️蒲燒白鱔串無腥味，肥美豐富油脂，清香鮮甜，軟嫩滑順♦️酥炸吉列廣島蠔鬆化，蠔味頗鮮，口感嫩滑飽滿

新開的日本料理，性價比高的定食！環境是以日本課室做主題，有一時間去了旅行的感覺！前菜及麵豉湯好味，沒有味精，有誠意！主菜都好味，原隻魷魚是最吸晴，其他水準也很高，仲有茶是免費添飲

今日去咗觀塘攞貨，見到條街非常之養眼地開咗一間日式和風的餐廳，舖位都幾大，同觀塘的茶餐廳相映成趣，所以我們決定入去試吓。見到佢個Menu，都有好多款定食，又有飯又有麵豉湯又有漬物入面的裝修非常之特別，用上了以前舊式課堂的木凳，仲有梳化位，非常之舒適，下次我嚟觀塘攞貨等人的時候都可以入呢度坐下觀塘人多車多，最啱就係飲番支水果汽水解一解渴。蘋果味特別推介，因為10分清新，又不會太甜，而且非常有氣喺等緊定食上菜的時候，小食很快就到，這個脆炸廣島蠔不錯，是外面脆卜卜，入面的廣島蠔仍然非常多汁和鮮甜玉子燒的份量10分大，下次我來的時候可能就會叫這個，咁樣兩個人share一個定食都夠了，玉子燒口感豐富，因為又有濃郁的蟹子醬，又有章魚燒上面的木魚定食方面，我叫了西京燒比目魚，魚油非常高， 10分嫩滑伴碟的子薑也10分解油膩另一個定食是牛小排，燒得非常之香，口感非常之淋還有很足料的麵豉湯，每碗湯有兩隻蜆，又有紅蘿蔔又有白蘿蔔，仲有洋蔥和大蔥。

上個月開幕食過一次覺得普通, 今日再比多次機會佢啦裝修日式feel, 如果tea-time去都應該幾chill既。不過!!!!!!!!!!!!!叫左個厚切炸北海道吉列豬排肉眼排飯 (未加一價值HKD158)。上餐見到豬排唔厚切之外, 成塊吸油紙都油淋淋。試一啖感覺豬排無醃過, 淡而無味。隨餐附送既玉露煎茶都好淡!!同檯另外2位朋友都食剩一半。以呢個價真心失望之餘, 覺得好唔值。要食既朋友真係三思啊!

竟然係觀塘搵到間咁清新既餐廳🤩裝修好靚之餘啲野都好好食！餐廳還在試業期間～～🍴厚切吉列豬扒定食 $148同樣都係配上日本米，一大碗白飯既米香真係抗拒唔到🥹🥹 豬扒大塊同厚得誇張lols 外皮唔會好厚，但咬落去依然有滿滿的肉汁💦 呢間價錢都幾抵食！🍴汁煮豬軟骨定食 $138豬軟骨好軟身好入味，好出色～ 豬軟骨仲加左白蘿蔔、甘荀、靈芝菇，全部配菜加埋個汁都好夾好好食！米係用上北海道產日本米，軟硬剛好呢，令人忍唔住成碗食曬lols

𝘕𝘦𝘸 𝘊𝘢𝘧𝘦 𝘪𝘯 𝘒𝘸𝘶𝘯𝘛𝘰𝘯𝘨觀塘最新日式和風食堂用巨大來形容這裡就最好不過好多座位適合不同人數組合木系設計與古道具暫時飲品不多選擇定價有點進取遲些會有更多款式食物、甜品與飲品