新麻蒲 BBQ (波斯富街) (已結業)

幾個朋友共聚，女朋友提議到新麻蒲食韓國烤肉。她說套餐選擇多，而且甜品有雪花冰！除了常見的韓式前菜小食，還有雜菜沙律。爐邊蛋的泡菜頗多，吃起來很滋味，吃完也可以 refill。套餐有什錦拼盤和豬牛拼盤，而豬牛拼盤有特級霜降牛肉、護心肉和秘製牛排骨，相當豐富！三種不同的肉類都不錯，我特別喜歡入味的牛排骨。什錦拼盤則有大蝦、豬肉香腸和數款菇菌。部隊鍋都是套餐的，算是很足料。其中一個朋友很愛吃午餐肉和香腸的，大部分都是他在吃，哈哈！套餐還有四件火炙霜降牛肉壽司，可以選半熟或者全熟侍應會即席表演火炙壽司的。我們選了半熟，侍應燒一燒就可以食，霜降牛肉壽司簡直是嫩滑！另外想有飯落肚，就點了一個韓式醬油醃生蟹伴飯。醬油醃生蟹頗大隻，有蟹膏。韓式醬油醃生蟹本來已經醃得味道鹹鮮，而拌飯中有多款材料，兩者合起來更加好食！女朋友最期待的畫面就是這個紅豆豆粉雪花冰，韓式雪花冰綿密好吃，難怪她念念不忘。套餐包兩杯非酒精飲品，也很有特色。

韓式lunch set/ dinner set 偶然會食， 但韓式燒肉真係好少， 今日終於同屋企人嚟食下韓燒牛肉， 新麻浦地點方便，一出地鐵站上樓上已經到啦， 可以開開心心坐低食好嘢了。雖然話呢個係二人套餐，但份量一啲都唔少， 足足放滿三層， 最下嗰兩層係一大大舊嘅牛件， 最上就有啲蔬菜同海鮮， 啱曬唔同人口味。好肚餓，急不及待開爐燒肉啦~~ 幾喜歡餐廳提供燒烤網， 等燒出嚟嘅又可以流走， 使牛肉燒得更香脆，唔會太油淋淋。咁多款牛之中，最愛霜降牛肉即係上圖第二層距離鏡頭較遠嗰款， 脂肪分佈均勻， 50 50簡直係黃金比例， 少出嚟邊位香脆，內裏肉質嫩滑，滲出陣陣牛香， 牛脂入口即溶， 冬天暖笠笠入口一定更有滋味！食完咁多肉，當然要食番啲菜補充下膳食纖維啦， 呢個套餐好在有沙律同韓式配菜附送👍👍呢個沙津雖然外表平凡， 但配上柚子蜜醬，味道清新怡人， 令人胃口大開。呢個部隊鍋都幾豐富㗎， 有齊部隊鍋必要食材。地點方便，食物又高質，得閒同屋企人或者朋友行過不妨試下！

放工突然想食韓國燒烤但我朋友又話想食部隊鍋，諗返起之前同事講過新麻蒲有燒烤＋部隊鍋，所以決定去銅鑼灣呢間，食飽仲可以行下街。我同朋友兩個人七點多去到，好在間餐廳都幾大，仲有位唔駛點等就可以坐。我哋好餓所以馬上點餐。我哋兩個人叫咗個牛＋豬肉套餐，因為呢個套餐咩都有D，大家都開心D。個套餐其實都幾多嘢食，先黎咗D前菜、配菜、沙律、牛肉壽司同個部隊鍋。個沙律幾開胃同牛肉壽司我要咗半熟都幾好味！個部隊鍋係平時嘅細牌，但係都足料，有午餐肉、肥牛、腸仔、年糕、金菇、即食麵等等。個套餐嘅主菜真係幾正！有佢哋嘅招牌䕶心肉同牛排骨仲有好靚仔嘅霜降牛肉！😋上面仲有豬肉腸仔、好大隻嘅大蝦、年糕同磨菇！D牛排骨好有牛肉鮮味、霜降牛肉D油花好靚，燒起黎好香！我最鍾意個䕶心肉，食落好軟好滑又有鮮味，好正！隻大蝦 🦐都幾大隻又好鮮甜！我哋兩個都叫咗杯藍天檸檬汽水，個樣又靚又好飲！最後雖然好飽但係個餐有甜品，咁當然要食下啦！我哋叫咗佢哋個招牌紅豆豆粉雪花冰，個冰好綿，好多豆粉又唔會太甜，幾好味！😋

秋風起🍂我就特別想食韓燒同打邊爐，之前試過不同的韓燒店，有過江龍，有特色的，有任食，唯獨未試過新麻蒲，新麻蒲BBQ是韓國首屈一指的烤肉店，坐擁接近500間分店遍佈全世界，來頭確是不能少看😏銅鑼灣店位置很方便，C出口步行約5分鍾就看到其招牌新麻蒲有牛，豬，仲有牛加豬搭配的燒烤套餐，迎合不同口味的客人一出大大個IU人形紙牌歡迎你🙆枱上早已準備了一壺水供客人飲用，很貼心新麻蒲的泡菜酸辣度剛好，沒有韓式泡菜的嗆辣，岩哂怕辛辣的我我最喜歡韓式醃蘿蔔，薄切的醃蘿蔔帶酸不但可以打開食欲仲有助中和韓燒的膩感😌食韓燒必有的生菜~~~我選SS5 牛+豬韓燒二人套餐，有三層烤肉碟，4件火灸特級牛肉壽司，迷你部隊鍋，雪花冰沫及2杯非酒精飲品，相當豐富😋先講解下三層烤肉的最上層是特選什錦拼盤(大蝦，年糕，磨菇，香腸)，中間的就是特級霜降牛肉100g及新麻蒲招牌護心肉120g，最下層是秘製牛排骨120g🍖坐下不久，店員就會幫忙在烤肉鐵板倒上蛋漿，這裏的爐邊蛋傳熱較其他的韓烤店慢，槽身較淺，蛋面微脆，入口是綿綿的蛋香，裏面放了爽辣的泡菜頭，把爐邊蛋提升到另一層次😈 新麻蒲的肉質真的不錯，牛排骨醃的得入味，肉邊帶脂

放工後約咗朋友係銅鑼灣食晚飯。聽朋友講話新麻浦既護心肉好好食所以就去咗試一試。我地8點上到去唔洗等位就有得食yeh👍🏻 我地兩個人就坐四人檯，好舒服。我地點咗個二人牛+豬肉套餐。套餐包咗一份特級牛肉，護心肉，牛排肉，蝦。另外仲有牛肉壽司同埋部隊窩。依個套餐好低食，只係$548就有咁多野食。如果細食啲既話，都夠3個人食。套餐包埋兩杯不含酒精飲品同埋甜品一個。我地就叫咗兩杯藍天檸檬汽水。食韓燒又點少得汽水呢？首先上咗個牛肉壽司先。有得揀全熟或者半熟。我地揀咗半熟。侍應幫我地加咗啲醬汁燒咗一面。好好味啊！入口即融！有好多前菜-有海帶，泡菜，芽菜，洋蔥。我最愛既泡菜蛋！！ 燒肉拼盤有護心肉，特級牛肉，牛排骨。仲有大蝦，腸仔。我最鐘意個護心肉，完全唔似平時啲豬肉咁乾。牛排骨係厚切的，很滿足。最後就係個部隊窩啦！有公仔麵，香腸，年糕，香菇，同埋芝士。

新麻蒲 BBQ 在韓國有很多間分店，在當地也曾試過。反而在餐廳過江落戶香港後，一直未有機會尋找昔日味道。最近與友飯局，好友提議到新麻蒲 BBQ，小編當然贊成。 與其他「年輕」的韓燒店相像，新麻蒲 BBQ 的店內掛滿一支支的抽氣煙囪，部份座位是常見的鐵筒，既可坐，又可密封放置個人物品。款式豐富的泡菜小碟是韓食店的特色，除了經典辣泡菜外，亦有口味清新的田園沙律及漬海帶，與濃味的烤肉相伴食感更為平衡。 二人同行簡單點了一份牛肉套餐，既有燒肉美餚，又有部隊火鍋，十分豐富。 套餐的燒肉生料以一個迷你層架盛載，最上層是一個特選什錦拼盤，內含年糕、蘑菇、豬肉香腸及大蝦。大蝦肉質結實；蘑菇菌香美味。年糕應經冷藏，質感硬實，不太適合燒烤處理。 第二層是牛肉雙拼，分別有霜降牛肉及秘製牛肋排。追求鬆嫩的口感，可吃霜降牛肉；想吃濃郁的牛味，則可試秘製牛肋排。最底層的食材是新麻蒲秘製牛肉五花肉，與其餘兩款牛肉生料作比較，腩肉明顯更油潤甘香。如不考慮健康因素，把腩肉微微燒焦，風味更佳。 新麻蒲部隊鍋一如預期放入了腸仔、午餐肉、腩肉片、金菇、公仔麵等等，配合富韓式風味的泡菜辣湯，是簡單得來又可口的麵食。

• 前菜: 泡菜• 前菜: 大豆芽• 前菜: 海帶• 前菜: 洋蔥• 前菜: 沙律• 前菜可以免費無限潻加的,當中沙律,泡菜,大豆芽,海帶真的很好吃,還有生菜都是無限潻加,將生菜包著燒肉和前菜食,一個字"正!• 店員熟練地在客人面前用火槍燒這道牛壽司!只是看都感過癮!• 這個伴飯口感獨特,咀嚼時有些脆卜卜的脆粒,口感更加豐富!• 超讚的醬油蟹,蟹清潔新鮮不腥,將飯加入蟹蓋滋味沒法擋!• 豬牛套餐,有蝦有蔬菜有肉,蠻豐富的!• 牛與豬的比例,牛沾多些!當中豬肩肉肉質特別細嫩,這裏的燒肉質素真的比較高質!

 朋友帶我食韓燒, 食過話味道似韓國食, 甘咪柴娃娃一齊叫左呢個SET其實夠2個人食, 反正我地仲有下場, 2條佬食都OK, 因為都有好多前菜, 例如泡菜、沙律、辣醬芽菜、海帶等等, 非常韓式的前菜個泡菜吾算非常之辣, 好易入口, 但每舊都好入味開爐首先係爐邊蛋, 等待蛋熟既時候我地就食住其他野先啦火炙霜降牛肉壽司, 店員係我地面前用火槍燒過D牛肉, 加上獨特既醬汁, 牛肉味好香, 細細舊好好食韓式部隊鍋, 煮到甘上下滾滾地就食得, 少少辣, 有韓式公仔麵、豬肉午餐肉同腸仔, 好入味, 連埋湯一齊食好正公仔麵夠彈牙, 豬肉片都唔韌, 雜煮一鍋都幾好食。仲有呢三層主角, 就係特級霜降牛肉、護心肉、牛排骨, 仲有年糕菇同蝦呀腸呀, 有肉又有蔬菜護心肉非常之好食, 不過連霜降牛都好正, 蝦肉都好大隻, 瓜瓜菜菜都好新新鮮, 菇燒到乾乾地仲有少少濕先夠好食飲品係藍天檸檬, 酸酸地甜甜地, 好好飲, 都幾解渴與此同時蛋都都食得啦, 蛋裡面加左泡菜, 吾會單調, 不過要掌握好時間, 蛋先吾會煮得老, 最後我地2個人都食得哂, 不過如果係女仔應該就食唔哂, 因為份量真係好多

• 韓國菜經常出現的特色鐵餐具。• 有麻油和辣醬沾於燒物上。 • 蛋漿裏有些洋蔥絲,食起來更有咬口,蛋漿可免費再添加,而每次添加時都會換一次烤爐。• 醬油蟹• 這張咭寫了醬油蟹最佳的食法,真貼心! • 蟹肉軟綿綿入口即溶,十分滋味真的停不了口!• 燒物拼盤• 有時候蝦身熟了頭未熟這樣燒就全熟得透了!• 這裏的燒烤網很好用,不易起燶焦,燒出來的燒物政完美!• 超好味的冷面• 味道濃淡適中,麵質超煙韌,有蛋.青瓜.雪梨片,口感更清新!• 用火槍燒到半生熟的牛壽司還有溶化了的芝士,十分過癮!• 這裏的部隊鍋有個專屬的爐,上菜時才放湯加入配料慢慢加熱,一邊燒烤這個鍋都不會放涼,不錯不錯!韓國部隊鍋轉用的泡麵麵質特別爽彈!

微微的雨下著， 我帶著有點疲累的身軀， 匆匆從地鐵走上來， 到達 這家不起眼的二樓 餐廳。到達的時候， 才是 十二點十五分 。這裡沒什麼人， 很輕鬆地就可以找到了一對卡位。 看看餐牌， 選擇也挺多的 ，價錢也不貴。 我選了 我最喜歡的橙黃色 。。。火山芝士泡菜炒飯 。。。音樂繼續在我的 耳筒上 徐徐不疾 的播出。。。 怪那一位安徒生 ，故事編寫得太動人。。。 若決心堅守純真， 繼續去忠貞做人。。。都是怪自己天真， 我對橙 橙黃 黃的食物 ，是沒有抗拒力的 。這個炒飯來的時候 ，我忽然之間覺得， 在辦公室工作的壓力 ，也突然被拋諸腦後 ，亦令我相信， 還有很多未吃的美食。我要把它一一發掘 ，去好好享受。朋友到達了！ 點了 豆腐海鮮鍋 。紅紅的泡菜鍋，裏面 裝滿了 白白的豆腐 ，幾隻 蝦 和 彈開 了殼的小蜆。。。 隨著滾滾的湯 在裏面 聞歌起舞。很多人說 。。。辦公室裏面 充斥著不同的 政治鬥爭， 爾虞我詐。 但我覺得 ，只要你用心待人， 本著純真的心 做好你的工作， 還是可以找到同路人的 。正如 要找午餐的好地方， 只要你用心細選 ，還是可以找到 性價比高的 ，讓你享用一個 能負擔的愜

韓燒黎講，新麻蒲都算出名，之前一路都想試，但又覺得好似好貴（其實出面食高質少少既韓燒都幾貴T_T）。最近發現佢推出了幾抵食既牛/豬套餐（＄548），當然二話不說來試下啦！坐低點完餐後，不用多久就上各式各樣既前菜/醬料，鋪得滿滿一檯，感覺好似食九大簋。前菜－豆芽酸酸辣辣，幾開胃。（另外還有泡菜、泡蘿蔔之類，太多冇影曬）生菜與沙律菜都幾新鮮，可以中和一下肉既油膩感，不過我還是比較喜歡食肉。醬料、爐邊蛋不同醬料搭配令同一塊肉可以食出不同既感覺。爐邊蛋裡面有泡菜，一邊燒肉一邊食蛋，都幾飽。蛋真係好好食，蛋邊燒到脆脆地，蛋味香濃。迷你部隊鍋份量少少地，岩曬我呢d乜都想食但有眼闊肚窄既死港女。一次過滿足韓燒加部隊鍋兩個願望。霜降牛肉壽司本來係韓燒店食壽司係覺得有點奇怪，但當壽司一上場，我就即刻流曬口水！原來d牛肉係即場幫我地燒到半生熟，睇住員工燒既過程賞心悅目，而且仲好香。牛肉係靚牛，油脂分佈均勻，火燒完d油香散發出來，超！級！好！食！霜降牛肉、護心肉、大蝦、秘製牛排骨、翠玉瓜、香菇等主角終於出現了！！！有成三層既食材，由豬牛海鮮到瓜蔬，乜都有d，唔會單調。當中最推介既當然係護心肉，護心肉係豬身上

好久沒吃韓燒了，看見''新麻蒲BBQ''的套餐不錯，什麼都有一點可以吃，所以就選這了。例牌替爐邊倒上蛋漿，加上一點泡菜提味套餐飲品點了BR21 的覆盆子紅醋汽水，很好渴，酸酸甜甜的很適合配烤肉前菜送上了數款，我最喜歡這個醋汁青瓜海帶店員先送上火炙霜降牛肉壽司。會細心的查問客人要全熟還是半熟。朋友不吃生，所以請店員幫我們燒熟套餐的食物陸續送上，放滿桌面，這個拼盤三層架有蝦有肉有菇有豬肉腸～非常豐富燒牛燒得充滿肉香，急不及待要嚐可點醬汁也可以包生菜加辣醬吃，清爽度up烤牛排骨很軟嫩好豐富的一餐，滿足了想烤肉的慾望

好彩香港乜都有，日式、韓式燒烤，隨便都搵到間有得烤肉既餐廳，韓式烤肉可以試多啲唔同既肉類，今次食嘅係銅鑼灣間新麻蒲韓式烤肉。C出口行幾分鐘就到，地方夠大好舒服。我地食咗個$548嘅餐，有勁多野食，真係食到你飽！除咗一般有嘅泡菜、蘿蔔仲有沙律，有特級霜降牛肉100g、護心肉120g、秘製牛排骨120g、特選什錦拼盤(年糕、雞脾菇、金菇、冬菇、豬肉香腸、大蝦)、四件火炙霜降牛肉壽司、兩杯無酒精飲品、一個豆粉/紅豆豆粉雪花冰、一個韓式部隊鍋，講真個份真係十分足夠！！！食食下前菜既時候，店員會係你面前用火槍即場炙燒霜降牛肉壽司俾你睇，你可以揀全熟或者半熟，又可以拍下片咁都幾有趣，壽司既味道都幾好，因為牛肉肉質都不錯。肉類嘅質素唔錯，牛肉好正啊肥瘦適中，最特別係我第一次試護心肉，護心肉其實一直都唔知係咩黎，直到睇到檯面既介紹先知係「豬橫膈膜與肝之間的肌肉肉筋，不含脂肪和飽和脂肪酸，能夠預防動脈硬化，同埋都幾好味啊～～野飲方面呢就揀左藍天檸檬汽水，我覺得汽水黎講呢個個味道令到我覺得好吸引，因為我未係香港飲過呢個味道，有清新檸檬味之餘又唔會有陣好刺激性既酸味，同埋充滿海洋感覺既藍色，係食完啲肥膩既烤

踏入秋天好似就有個想烤肉既衝動，但係香港既10月仲係熱到夏日熱辣辣咁，實在好難係室外食燒烤，又好耐無食過泡菜，最後決定左約朋友食韓式烤肉。餐廳係銅鑼灣站C出口對面大廈既2樓，真係幾方便既。上到去店員安排左4人卡位俾我地，坐得幾舒服，起碼檯底個爐唔會頂腳。打開個menu梗係揀有咩好食，睇左陣就有配菜送上，包括白蘿蔔、洋蔥、海帶、生菜沙律、泡菜。仲有泡菜爐邊蛋。白蘿蔔、海帶同泡菜都好推薦，但生菜沙律啲菜就有少少已經變黃，唔係幾新鮮咁。爐邊蛋呢就可以隨你鐘意揀生熟程度，係幾好玩既。我地叫咗個牛+豬肉套餐，有牛肉、豬肉、牛排骨、什錦拼盤(年糕、菇類、腸仔、蝦)、部隊鍋、兩杯野飲、一個雪花冰，仲有專人燒牛肉壽司比你食，好多野食好正呀！肉類方面，我覺得特級霜降牛肉比較好味同深刻，自己烤肉有個好處就係除左可以玩，仲可以自己揀生熟程度，燒到5成既牛肉就岩岩好，外面熟入面仲紅卜卜，放上免費提供既生菜同烤肉麵豉醬包埋一齊食，其實都幾有韓國風味。什錦拼盤入面既冬菇同大蝦都值得一試，燒過之後，無論氣味同味道都新鮮無雪味、霉味～最後美中不足就係餐廳同我地講部製冰機壞左，無得試下一直都聽講好好食又食唔到既雪花冰。

去銅鑼灣shopping 友人話好內冇食過韓燒 咪openrice一下有咩好食～ 依家比較鐘意散叫 因為唔食得多 而且覺得食物質素通常比較高。新麻蒲剛好在附近 地鐵站一出就到 方便。上去望下環境 空間大 而且有卡位 毫不猶豫入去 哈哈～ 卡位對女生好重要！牛+豬套餐$548 我覺得2個人食幾好 每樣可以試一點～ 前菜～ 無限refill! 最鐘意泡菜 香辣 爽脆 唔會太咸。芽菜 洋蔥 海帶等等 都好開胃 配燒肉 一流！迷你部隊鍋～ 當然唔少得 午餐肉 腸仔呢d主角。金菇 年糕 公仔麵一概都有。湯底夠辣 yummy!火炙霜降牛壽司～ 壽司飯非常軟熟 一口size. 但牛肉卻好大片 半生熟 好味道。主角～ 護心肉。每一隻豬只有200g 好珍貴。據聞脂肪比例好少 低熱量 正！口感很軟滑 燒熟後肉質唔會老 很香。牛肉有特級霜降牛和秘製牛排骨～ 口感不同 但同樣美味。霜降牛雪花分佈好靚 入口油香比較重。牛排骨入味得來唔咸 醃味幾好 肉質又軟熟。除了肉類，仲有海蝦2隻 幾大隻架！亦好彈牙。菇類瓜類 我落埋去部隊鍋到煮 哈哈～ 因為燒蔬菜類要好高技巧 成日失敗。原來套餐附送雪花冰 可惜冰機壞掉了。餐