新麻蒲 BBQ (波斯富街) (已結業)

早前朋友傳麻蒲最新優惠我看，只要身分證有smp這三個英文字母，就可以獲得「牛肉套餐1」一份。這年頭很多餐廳都推出類似的優惠，不過有多少人享用過這些優惠呢，就很難統計了。今天，我有幸蹭飯。7點到達，餐廳不多人。剛坐下，還沒點餐，侍應已經遞上幾碟前菜，速度十分快，小菜的份量十足最好吃是海帶、白蘿蔔和泡菜，海帶酸酸的，十分開胃泡菜一點也不辣，帶點甜味，很好吃呢豆芽和沙律很大，洋蔥不太適合香港人的口味，我沒多吃套餐包括一個部隊鍋和燒烤蝦、牛肉和菇類。部隊鍋有午餐肉、腸、年糕等，份量不算多，但很足料，湯底酸酸辣辣的，有點像辛拉拉麵，很好喝爐邊的雞蛋也很好吃，不過放太久就不好吃，要趁熱吃，雞蛋味不夠，但蛋肉很鮮嫩不得不讚是牛肉，一放入爐就發出「滋滋滋」的聲音，立刻喚醒我沈睡已久的味覺，頓時食指大動。之後開始聞到牛肉的香薰味，沒多久牛肉熟了，蘸了辣椒醬，用生菜包住，一放入口，哇，肉質鮮嫩，比起坊間的韓燒放題，無得輸！立刻有回到韓國的感覺，不過香港應該蒜頭，因為韓國的烤肉有很多蒜頭最後買單以為要付服務費，原來連服務費都不收，好有吃霸王餐的感覺呢只好下次乖乖再來光顧

呢幾年韓風吹得好勁，韓式店舖一間接一間，炸雞店啦，韓式甜品店啦，韓式燒烤店隨處可見，要係呢個城市特圍而出，真係吾容易。      今日開心星期一， 大家都話要接住果份放假嘅心情，吾好比佢停，就係因為咁所以放工約左幾個同事食個飯，之前响網上做左資料搜集，發現左呢間新麻蒲BBQ， 一大賣點係佢係一間過江龍，係韓國已經有超過400間分店，最重要係香港分店亦有正宗韓國廚師駐場，確保食物質素，做到貼近韓國嘅原汁原味。而我最喜愛嘅醬油蟹呢度亦有供應，所以實在有賣點。店舖地方都算大，大部份係卡卡位，坐得舒服又好有私人空間，吾錯。未開始點菜，前菜已經於滿係枱上，韓國泡菜，海帶，蘿蔔，芽菜，仲有沙律。全部都好新鮮，好開胃。今次我地叫左個ss5牛／豬套餐，套餐已經包括左霜降牛肉，護心肉，秘製牛排骨，海鮮，菇菇，香腸⋯  咁咪可以一次過試下吾同部位嘅肉。無幾耐，嘢食就逐一來啦，首先有火氣十足嘅霜降牛肉壽司，肉嘅表面因為比火燒過一燒， 形成有半生熟嘅較果，肉嘅份量比飯多，所以肉嘅味道好突出，完全有溶化嘅感覺。不得不提係枱面上有兩個爐，一個係用來BBQ， 咁仲有一個究竟用來做咩嘅呢？原來係用來放我地個新麻蒲部隊

每次來到韓式餐廳看到一個個爐，都會習慣點些燒肉"開爐"。今天來一個反傳統。晚上來到銅鑼分店，打開餐牌看到"韓式醬油系列海鮮系列"，已選定今晚"不燒肉，不開爐"。入座後，店員隨即放下前菜。餐廳前菜有泡菜，沙律，蘿蔔和海帶。其中海帶最驚喜，海帶加上青瓜絲，洋蔥等材料醃製，咸咸地加上爽口海帶非常開胃。韓式醬油醃生蟹伴飯 $178原隻醬油醃生蟹，還有伴飯。伴飯並非白飯咁單調，有大量配料，而且熱辣辣。將飯放入蟹蓋中撈勻再食，當飯吸收了蟹的鮮味和醬汁的惹味變得非常吸引。而醬油醃蟹本身亦醃得出色，生蟹有如啫喱般的口感。韓式醬油鮑魚 $118醬油鮑魚不似醬油醃生蟹般味濃，淡淡的醬油香不會蓋過鮑魚的鮮味，而且鮑魚爽口彈牙，口感不錯。燉牛排骨 $148燉牛排骨份量比預期中多，牛排骨好大件，而且散發著香濃的牛味。入口有驚喜，全因口腔除了嚐到濃郁牛味還帶有幾分辣，牛排骨香腍入味，燉牛排骨的湯底又香又濃。Shark Attack $88鯊魚特飲，鯊魚口內有紅色糖水，可按個人喜好增加甜度，特飲玩味性高。想不到這裡除了燒肉以外的其他食物都十分出色，以後唔需要次次淨係食燒肉咁寡。

經過銅鑼灣忽然諗起韓國既醬油蟹但係銅鑼灣好似唔多覺有咁岩見到新麻蒲新出左韓式醬油海鮮menu價錢又唔算貴就去食下經過銅鑼灣忽然諗起韓國既醬油蟹但係銅鑼灣好似唔多覺有咁岩見到新麻蒲新出左韓式醬油海鮮menu價錢又唔算貴就去食下•韓式醬油醃生蟹配拌飯 $178•所有海鮮都由韓國直接入口醬蟹味道同韓國差不多蟹肉夠甜同新鮮係唯獨蟹膏比較少 無得盡情咁拌飯食😂不過拌飯有泡菜,青瓜,金菇等配菜食落啖啖豐富口感•韓式醬油鮮蝦 $128•蝦頭超多橙色既蝦羔😮蝦身夠大隻而且肉厚不出10分鐘已經成碟清晒•燉牛排骨 $148•湯底非常清甜而且配上紅棗等等嘅藥材加上肉質非常之鬆軟腍身輕輕一咬已經把肉同骨離身而且燉得好入味十分推介！估唔到韓式bbq都有咁好食嘅韓式小菜有機會試下佢既烤肉先👍🏻

新麻蒲部隊鍋 $85不論系賣相定系分量都令人大失望，麵同年糕少到好難夾到，湯味道亦偏淡，令腸仔同午餐肉都吾入味。整體而言完全吾值$85。芝士年糕拉麵甜甜辣辣，辣度系可以接受嘅程度，令人想不斷繼續食。芝士分量亦毫不吝嗇，解辣又豐富口感但個人認為麵太少，年糕又太淋，咬口欠奉，冇雞蛋又令到佢有d吾完整嘅感覺。炒粉絲真系好好好大碟，自己一個未必食得完，好少餐廳會有咁大碟。鹹度剛好，吾會太淡，可惜牛肉就少左d。

食左咁多炸雞和燒肉之後，正宗韓國美食點會少得醬油蟹，見到新麻蒲新推出韓式醬油海鮮，仲要係韓國直送，我緊係要第一時間去食。前菜都有六碟，有醃洋蔥、泡菜、海帶、沙律、醃白蘿蔔和芽菜。海苔帶點酸味，很開胃。泡菜唔太辣，容易入口。沙律的醬係粟米汁，非常有特色。韓式醬油海鮮一定要點醃生蟹伴飯$178。醬油蟹十分軟嫰，入口即化，醬油味鮮甜，醃得好入味，連蟹殼都充滿醬汁的味道，而且殼唔會硬，一咬就吮到，只要用力就可以將蟹肉吸出，肥美的蟹肉質感一流。醬汁帶甜味，很好下飯，拌飯材料豐富有金菇、青瓜、黄椒、泡菜、蟹籽，再用蟹羔和醬汁撈飯食，口感好rich。韓式醬油鮮蝦$128蝦頭滿滿的橙色蝦羔，生蝦肉配醬油不會覺得膩，還是很鮮甜，連普通的蛋都變得十分美味。主食鮑魚蔘雞湯$138，鮑魚都幾大隻，厚身又有嚼勁，附上鹽巴，可自行調味。雞湯的雞自然分解，有栗子、紅棗、糯米、大葱，非常正宗，雞湯還滲透着淡淡的蔘味，很滋補。Makgeoli with strawberries & bananas $68，蕉味豐郁的smoothies。青提子韓式熱茶$20，帶提子酸味，味道清新。

今晚約左舊同事響銅鑼灣食韓國野, 呢個地點大家都比較就腳。呢間麻蒲韓國料理，每次響灣仔放工行過去銅鑼灣都會見到佢個招牌, 因為佢就響銅鑼灣廣場二期執邊, 都好易揾。響樓下搭車電梯上去，一入到去見到好typical香港會見到既韓燒佈局, 而啲位都幾闊落, 唔會太迫。 一黎就有職員招呼我地坐低, 見我地多人, 比左幾份menu我地, 態度都okay。好快佢地就比左啲泡菜我地食, 有海帶、白蘿蔔、紹菜、芽菜，有埋個清清地既沙律菜，估唔到會配個沙律菜比我地，食韓國野…. 啲泡菜中規中矩，唔算特別好好味。 可能我地早去到掛, 6點半, 都係唔係好多人, 有幾位店員行行企企, 但係佢地店餐既時候有啲亂…. 見到附近有枱係2個韓國人，估唔到啲韓國人黎香港仲會食返韓國野喎… 除左沙律, 仲有個火焰燒牛肉壽司！估唔到韓國餐廳咁多fusion野食… 個靚女職員響我地面前燒生牛肉, 之後淋啲汁上去, 見到都想食呀, 不過第一個食既當然唔係我地, 而係我地眾人手上既手機啦! 相機食先! 不過食落….個飯硬硬地, 有啲怪怪地… 叫左個部隊鍋… 好少野… 唔辣的, 有公仔面, 幾塊肥牛, 少少香腸…少少菜…. 一

一個平日的晚上企係銅鑼灣街頭search openrice都唔知食乜好，揾左成15分鐘終於決定食烤肉🍗🍗已經8點幾，上到去仲有成3張枱等緊，睇黎呢間野都睇得下（好膚淺既judgement）等緊既同時睇下menu... 本來有少少想縮沙既感覺，因為見到啲2人餐都要成500幾蚊，心諗都真係唔平，點知... 已經突然叫到我地入座，冇得走坐低後再睇發現有多啲套餐，第一個牛肉套餐似乎唔錯，有牛之餘仲有部隊鍋有另外一個2人套餐要500幾，多2杯特飲，雪花冰，同多少少野食，比較過之後我地都係揀左S1 $398 牛肉套餐叫完其實擔心2個人食會唔飽，因為每樣都得百幾gram，不過呢個餐係經濟啲(呢個menu上網揾的，唔sure 100%match cwb店) 1. 前菜食韓國野有度好佢會提供好多前菜，好多都會refill基本kimchi果啲，但我都有試過唔refill的新麻蒲呢度一黎就先上6碟，我諗要based on你order左咩卦，如果我冇叫烤肉應該冇生菜（？）左下角的沙律（原本份量多啲，食左一半） 多口問staff一句，竟然可以無限refill，正呀喂！！！另外右上角既海帶（當係啦）都好好

數數手指 食韓菜既次數真係好少 最多都係韓式燒肉朋仔忍吾住拉我黎試新menu新出海鮮類有4款 全部以韓式醬油製作有醃生蟹伴飯, 鮑魚, 鮮蝦同八爪魚我未食過醬油蟹 二不說就揀左佢 朋友仔就對鮑魚有興趣 但2款海鮮又點夠黑洞食 主食揀左個飯先夠飽胃上菜速度好快 無耐2款海鮮都黎齊醬油鮑魚咬落口感十足醬油濃度亦算適中 能夠帶出鮑魚鮮味但又吾會過咸至於第一次食生蟹既我的確有又驚又喜估吾到放d飯落蟹蓋到食又幾滋味喎而蟹肉份量比我想像中多 每件都有小小蟹膏連住 岩晒我口味不過個飯對我黎講略為辣左小小比較之下 芝士泡菜飯既辣度更岩我拌云後既飯入口既有芝士香 但又吾會太膩 吾覺吾覺好易清晒食碟食韓菜又點可以吾飲番杯凍飲Drink menu選擇好多 而且有得揀有/無酒精岩晒我呢類吾太飲酒既客人我一見到士多啤梨4個字 就俾呢杯野吸引住上枱個時先知一杯係咁有份量如果2個人share都可能夠飲由於我揀左無酒精 所以就加左蘋果汽水係面望住佢一路飲一路流出蘋果汽水落黎 成件事好療癒食完呢餐我對韓菜又認識多左吾再係得燒肉喇人均200幾就食到飽晒 cp值都幾高

身邊有好多朋友成日都話想食醬油蟹，但又驚唔乾淨（M佬都係咁諗），今日就帶仲未食過醬油蟹嘅M佬去到位於銅鑼灣嘅新麻蒲。餐廳最近就推出全新醬油海鮮系列，我哋食過，好味之餘又新鮮，連玻璃肚嘅M佬都好十分欣賞！最重要係價錢都十分相宜呀！一坐低就送上幾款泡菜，味道都唔錯！M佬一見到隻蟹嘅肉質仲係透明個時，佢諗咗好耐，望完又望，最後終於鼓起好大勇氣先敢放入口，但試咗一啖之後，佢好快就食第二啖喇！佢話蟹膏好鮮甜，蟹肉好入味，最重要係夠新鮮又唔腥呀！至於伴飯料有青瓜、金菇、蘿蔔、洋蔥、泡菜等。記住將拌飯加入蟹蓋一齊吃，真係好好味㗎。挑戰完蟹就輪到蝦喇！平時食蝦都係M佬幫我剝殼，但當佢見到一隻仲係透明嘅蝦，佢就停咗喺度，左諗右諗，唔識落手。好啦，今日就等我幫你剝一次殼啦！蝦身夠晒大隻，肉質彈牙，好鮮甜㗎，蝦頭仲有好多橙色蝦膏，一啲都唔腥。食完兩樣生嘢，M佬好感動話終於有個熱湯，湯入面有紅棗、人參等配料，湯底濃郁，雞肉唔韌。驚喜係有成隻鮑魚，鮑魚有咬口（M佬話嘅，因為得一隻，我無份食）！！

1. 週末晚餐時段免排隊，可即刻入場用餐。2. 空調不太夠以致空氣悶熱，廁所地板極濕沒紙巾(好像是鼓勵大家用擦手紙)垃圾爆滿至地上繼續吸水，吃過的杯盤堆疊於推車就在廁所入口。3. 上餐速度好快，肉的品質就是肉了，吃完都沒知道肉的部位和吃了什麼，肉都有調味過，不太會使用到沾醬，生菜根略發褐色。4. 可能上班好累，店員(幾乎)沒有介紹菜單和烤法，辛苦你哋了!

響銅鑼灣做嘢就係有樣好， 想食咩菜都應有盡有，突然想起原來好耐冇食醬油蟹，十分之懷念那種鮮味，個唔係好多餐廳有醬油蟹供應，好彩發現原來新麻蒲嘅新餐牌推出醬油蟹！又可以大擦一餐！其實新麻蒲以韓燒為主，所以呢度大部份都係卡位。地方幾闊落舒適！職員送上多款前菜，完全免費又 無限添加！泡菜，芽菜，海帶，蘿蔔及沙律，好豐富好開胃！話明主力食醬油蟹，一來到我就心心眼，蟹頗大隻，不過中間有一個生蛋黃係第一次見。蟹肉十分之鮮甜，好幼嫩！醬油亦都充滿蟹嘅鮮味， 用來撈飯十分不錯！平時食將由蟹會送紫菜拌飯，但呢度就送石頭飯，混入醃蘿蔔，洋蔥，蔥，金菇，泡菜同蒜，好香口！ 熱辣辣嘅飯撈一啲蟹醬油落去，原來又另一番美味。蘿蔔牛肋肉十分之入味！五香味好濃！入邊仲有年糕同埋金菇冬菇， 牛肋肉好淋，半肥胖瘦入口好滑好香。泡菜豆腐海鮮湯係我最鍾意嘅韓國菜之一，呢度唔太辣，豆腐好香豆味又滑，材料好豐富。飲完亦都唔頸渴。呢度價錢唔貴， 選擇亦都多！而家仲新加醬油蟹！味道鮮味十足！開飯唔錯！可惜太飽肚， 下次一定要試吓呢度嘅甜品冰！

老公今日話想吃韓國野。我帶咗佢去公司附近食。等食前先上前菜。沙律、酸蘿白、海帶，邊食邊等。先吃個醬油蟹，聞到好香，味道似足係韓國食到一攔下樣。超多膏ga!!!個飯有洋蔥、酸菜、蟹子 和蔥花，溝埋啲蟹糕落啲飯度一齊食。口感脆卜卜，幾得意。醬油蝦的質地比較硬同爽口，同樣有膏，有驚喜。之前係韓國食過，好回味呢個敦牛排骨。可以㨂辣同吾辣，吾辣係甜味比較濃。牛仔骨肉好軟但有得咀嚼，配飯一流。老公叫咗呢個夏日飲品， 十分消暑，少量酒精加生果，配搭特別。

好懷念韓國的醬油蟹味道，和朋友上網找找香港有醬油蟹食的韓國餐廳，原來位於銅鑼灣波斯富街的”新麻蒲”最近新推出了醬油蟹系列，便馬上相約朋友去試試。餐廳一慣韓燒的格局，坐得也舒服，我們沒有點韓燒，都是直奔醬油解來的。6款韓式前菜豆腐、泡菜、海帶、西蘭花、翠玉瓜、沙律泡菜夠味少辣，海帶微酸爽口開胃，西蘭花配韓醬清新，翠玉瓜冰凉鮮甜。沙律菜新鮮爽脆帶微甜，十分醒胃。韓式醬油醃生蟹拌飯 $178醬油蟹很新鮮入口香甜，醬油蟹還配有的熱石拌飯，拌飯入面有青瓜、金菇、蘿蔔、洋蔥、泡菜等很足料。將拌飯撈加入蟹蓋連醬油生蛋一起吃，很有風味幾特別。韓式醬油蝦 $128每隻蝦外型晶瑩飽滿，蝦夠大隻，蝦頭還帶有橙色蝦膏，一點不腥，而且肉很厚實加上彈牙，鮮味十足。燉牛排骨(原味) $148湯底清甜，牛排份量足，牛排肉質鬆軟，輕輕一咬已完整離骨，而且好入味，最喜歡的一道菜。藍天檸檬汽水 $28吃小辣的韓國菜配上一杯冰凉檸檬汽水，真爽。梅子汽水 $28小小酸，冰凉清爽，十分解渴。想起食韓國菜的話，下次都會再來。

今日陽光普照走到銅鑼灣逛街，不消一小時已經汗流浹背，立即想到清涼的韓式前菜及醬油蝦蟹！於是走到熟識又最近的新麻蒲，食客不少呢。-沙律-有沙律菜和車厘茄，加上帶酸的柚子汁很清新開胃。-5款韓式前菜-豆腐 - 夠豆味。泡菜 - 辣味開胃，拌飯都不錯。海帶 - 夠酸開胃。西蘭花 - 加上韓式辣醬提味。翠玉瓜 - 不辣有蒜香。-韓式醬油醃生蟹拌飯 $178-這個跟了一鍋飯，飯有青瓜、金菇、蘿蔔、洋蔥、泡菜等材料，我將材料與飯拌勻然後加入醬油蟹的醬油，味道帶點甜，十分惹味！再加醬油蟹的蟹蓋肉及蛋於飯中拌勻，然後跟韓國人的食法-取蟹肉並放入拌飯，倍感惹味！蟹肉新鮮入味，不會偏甜，完全無腥味，很香口。-韓式醬油蝦 $128-這個配有開邊熟雞蛋同沙律菜，蝦就有7隻，比預期多。蝦殼很軟容易剝殼，蝦肉很入味爽彈，因為有蛋所不用配飯已有飽肚感。-鮑魚蔘雞湯 $138-有鮑魚、半隻雞、泡飯(糯米）、紅棗和人蔘，湯底濃郁軟綿，而且熱烘烘很有火喉的感覺！雞肉不太鞋，入口仍然不錯，無咪精所以若嫌雞肉淡口可以蘸上淮鹽提味。-酸梅汽水 $28-覆盆子紅醋汽水 $28-兩款汽水配上這些帶微的味道，很清涼清膩！